| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
6. гумаарабзд̇авад̇т̇уван̣н̣анаа
6. Kumārapetavatthuvaṇṇanā
саавад̇т̇и наама наг̇аранд̇и ид̣̇ам̣ сад̇т̇аа ж̇зд̇аванз вихаранд̇о д̣̇вз бзд̇з аараб̣бха гат̇зси. саавад̇т̇ияам̣ гира госаларан̃н̃о д̣̇вз буд̇д̇аа баасаад̣̇игаа батамаваяз тид̇аа яоб̣б̣анамад̣̇амад̇д̇аа барад̣̇аарагаммам̣ гад̇ваа гаалам̣ гад̇ваа барикаабидтз бзд̇аа худ̇ваа ниб̣б̣ад̇д̇им̣су. д̇з рад̇д̇ияам̣ бхзравзна сад̣̇д̣̇зна барид̣̇звим̣су. мануссаа д̇ам̣ суд̇ваа бхийд̇ад̇асид̇аа ‘‘звам̣ гад̇з ид̣̇ам̣ аваман̇г̇алам̣ вуубасаммад̇ий’’д̇и б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа д̇ам̣ бавад̇д̇им̣ бхаг̇авад̇о аарожзсум̣. бхаг̇аваа ‘‘убаасагаа д̇асса сад̣̇д̣̇асса саванзна д̇умхаагам̣ на гожи анд̇арааяо’’д̇и вад̇ваа д̇асса гааран̣ам̣ аажигкид̇ваа д̇зсам̣ д̇хаммам̣ д̣̇зсзд̇ум̣ –
Sāvatthināma nagaranti idaṃ satthā jetavane viharanto dve pete ārabbha kathesi. Sāvatthiyaṃ kira kosalarañño dve puttā pāsādikā paṭhamavaye ṭhitā yobbanamadamattā paradārakammaṃ katvā kālaṃ katvā parikhāpiṭṭhe petā hutvā nibbattiṃsu. Te rattiyaṃ bheravena saddena parideviṃsu. Manussā taṃ sutvā bhītatasitā ‘‘evaṃ kate idaṃ avamaṅgalaṃ vūpasammatī’’ti buddhappamukhassa bhikkhusaṅghassa mahādānaṃ datvā taṃ pavattiṃ bhagavato ārocesuṃ. Bhagavā ‘‘upāsakā tassa saddassa savanena tumhākaṃ na koci antarāyo’’ti vatvā tassa kāraṇaṃ ācikkhitvā tesaṃ dhammaṃ desetuṃ –
746.
746.
‘‘саавад̇т̇и наама наг̇арам̣, химаванд̇асса бассад̇о;
‘‘Sāvatthi nāma nagaraṃ, himavantassa passato;
д̇ад̇т̇а аасум̣ д̣̇вз гумаараа, рааж̇абуд̇д̇аад̇и мз суд̇ам̣.
Tattha āsuṃ dve kumārā, rājaputtāti me sutaṃ.
747.
747.
‘‘саммад̇д̇аа раж̇анийязсу, гаамассаад̣̇аабхинанд̣̇ино;
‘‘Sammattā rajanīyesu, kāmassādābhinandino;
бажжуббаннасукз г̇ид̣̇д̇хаа, на д̇з бассим̣сунааг̇ад̇ам̣.
Paccuppannasukhe giddhā, na te passiṃsunāgataṃ.
748.
748.
‘‘д̇з жуд̇аа жа мануссад̇д̇аа, баралогам̣ ид̇о г̇ад̇аа;
‘‘Te cutā ca manussattā, paralokaṃ ito gatā;
д̇зд̇ха гхосзнд̇яад̣̇иссанд̇аа, буб̣б̣з д̣̇уггадамад̇д̇ано.
Tedha ghosentyadissantā, pubbe dukkaṭamattano.
749.
749.
‘‘б̣ахуусу вад̇а санд̇зсу, д̣̇зяяад̇хаммз убадтид̇з;
‘‘Bahūsu vata santesu, deyyadhamme upaṭṭhite;
наасагкимхаа жа ад̇д̇аанам̣, барид̇д̇ам̣ гаад̇ум̣ сукаавахам̣.
Nāsakkhimhā ca attānaṃ, parittaṃ kātuṃ sukhāvahaṃ.
750.
750.
‘‘гим̣ д̇ад̇о баабагам̣ асса, яам̣ но рааж̇агулаа жуд̇аа;
‘‘Kiṃ tato pāpakaṃ assa, yaṃ no rājakulā cutā;
убабаннаа бзд̇д̇ивисаяам̣, куббибаасасамаббид̇аа.
Upapannā pettivisayaṃ, khuppipāsasamappitā.
751.
751.
‘‘саамино ид̇ха худ̇ваана, хонд̇и асаамино д̇ахим̣;
‘‘Sāmino idha hutvāna, honti asāmino tahiṃ;
бхаманд̇и куббибаасааяа, мануссаа уннад̇онад̇аа.
Bhamanti khuppipāsāya, manussā unnatonatā.
752.
752.
‘‘зд̇амаад̣̇ийнавам̣ н̃ад̇ваа, иссарамад̣̇асамбхавам̣;
‘‘Etamādīnavaṃ ñatvā, issaramadasambhavaṃ;
бахааяа иссарамад̣̇ам̣, бхавз саг̇г̇аг̇ад̇о наро;
Pahāya issaramadaṃ, bhave saggagato naro;
гааяасса бхзд̣̇аа саббан̃н̃о, саг̇г̇ам̣ со убабаж̇ж̇ад̇ий’’д̇и – г̇аат̇аа абхааси;
Kāyassa bhedā sappañño, saggaṃ so upapajjatī’’ti – gāthā abhāsi;
746. д̇ад̇т̇а ид̇и мз суд̇анд̇и на гзвалам̣ ад̇д̇ано н̃аан̣зна д̣̇идтамзва, ат̇а ко логз баагадабхаавзна звам̣ маяаа суд̇анд̇и ад̇т̇о.
746. Tattha iti me sutanti na kevalaṃ attano ñāṇena diṭṭhameva, atha kho loke pākaṭabhāvena evaṃ mayā sutanti attho.
747. гаамассаад̣̇аабхинанд̣̇инод̇и гаамаг̇ун̣зсу ассаад̣̇авасзна абхинанд̣̇анасийлаа. бажжуббаннасукз г̇ид̣̇д̇хаад̇и вад̇д̇амаанасукамад̇д̇з г̇ид̣̇д̇хаа г̇ат̇ид̇аа худ̇ваа. на д̇з бассим̣сунааг̇ад̇анд̇и д̣̇ужжарид̇ам̣ бахааяа сужарид̇ам̣ жарид̇ваа анааг̇ад̇ам̣ ааяад̇им̣ д̣̇звамануссзсу лад̣̇д̇хаб̣б̣ам̣ сукам̣ д̇з на жинд̇зсум̣.
747.Kāmassādābhinandinoti kāmaguṇesu assādavasena abhinandanasīlā. Paccuppannasukhe giddhāti vattamānasukhamatte giddhā gathitā hutvā. Na te passiṃsunāgatanti duccaritaṃ pahāya sucaritaṃ caritvā anāgataṃ āyatiṃ devamanussesu laddhabbaṃ sukhaṃ te na cintesuṃ.
748. д̇зд̇ха гхосзнд̇яад̣̇иссанд̇аад̇и д̇з буб̣б̣з рааж̇абуд̇д̇абхууд̇аа бзд̇аа ид̇ха саавад̇т̇ияаа самийбз ад̣̇иссамаанаруубаа гхосзнд̇и ганд̣̇анд̇и. гим̣ ганд̣̇анд̇ийд̇и ааха ‘‘буб̣б̣з д̣̇уггадамад̇д̇ано’’д̇и.
748.Tedha ghosentyadissantāti te pubbe rājaputtabhūtā petā idha sāvatthiyā samīpe adissamānarūpā ghosenti kandanti. Kiṃ kandantīti āha ‘‘pubbe dukkaṭamattano’’ti.
749. ид̣̇аани д̇зсам̣ ганд̣̇анасса гааран̣ам̣ хзд̇уд̇о жа палад̇о жа вибхаж̇ид̇ваа д̣̇ассзд̇ум̣ ‘‘б̣ахуусу вад̇а санд̇зсуу’’д̇иаад̣̇и вуд̇д̇ам̣.
749. Idāni tesaṃ kandanassa kāraṇaṃ hetuto ca phalato ca vibhajitvā dassetuṃ ‘‘bahūsu vata santesū’’tiādi vuttaṃ.
д̇ад̇т̇а б̣ахуусу вад̇а санд̇зсууд̇и анзгзсу д̣̇агкин̣зяязсу виж̇ж̇амаанзсу. д̣̇зяяад̇хаммз убадтид̇зд̇и ад̇д̇ано санд̇агз д̣̇аад̇аб̣б̣ад̣̇зяяад̇хаммзби самийбз тид̇з, лаб̣бхамаанзд̇и ад̇т̇о. барид̇д̇ам̣ сукааваханд̇и аббамад̇д̇агамби ааяад̇им̣ сукаавахам̣ бун̃н̃ам̣ гад̇ваа ад̇д̇аанам̣ сод̇т̇им̣ нирубад̣̇д̣̇авам̣ гаад̇ум̣ наасагкимхаа вад̇аад̇и яож̇анаа.
Tattha bahūsu vata santesūti anekesu dakkhiṇeyyesu vijjamānesu. Deyyadhamme upaṭṭhiteti attano santake dātabbadeyyadhammepi samīpe ṭhite, labbhamāneti attho. Parittaṃ sukhāvahanti appamattakampi āyatiṃ sukhāvahaṃ puññaṃ katvā attānaṃ sotthiṃ nirupaddavaṃ kātuṃ nāsakkhimhā vatāti yojanā.
750. гим̣ д̇ад̇о баабагам̣ ассаад̇и д̇ад̇о баабагам̣ лаамагам̣ наама гим̣ ан̃н̃ам̣ асса сияаа. яам̣ но рааж̇агулаа жуд̇аад̇и язна баабагаммзна маяам̣ рааж̇агулад̇о жуд̇аа ид̇ха бзд̇д̇ивисаяам̣ убабаннаа бзд̇зсу ниб̣б̣ад̇д̇аа куббибаасасамаббид̇аа вижараамаад̇и ад̇т̇о.
750.Kiṃ tato pāpakaṃ assāti tato pāpakaṃ lāmakaṃ nāma kiṃ aññaṃ assa siyā. Yaṃ no rājakulā cutāti yena pāpakammena mayaṃ rājakulato cutā idha pettivisayaṃ upapannā petesu nibbattā khuppipāsasamappitā vicarāmāti attho.
751. саамино ид̇ха худ̇ваанаад̇и ид̇ха имасмим̣ логз яасмим̣язва таанз буб̣б̣з саамино худ̇ваа вижаранд̇и, д̇ахим̣ д̇асмим̣язва таанз хонд̇и ассаамино. мануссаа уннад̇онад̇аад̇и мануссагаалз саамино худ̇ваа гаалагад̇аа гаммавасзна онад̇аа бхаманд̇и куббибаасааяа, басса сам̣саарабагад̇инд̇и д̣̇ассзд̇и.
751.Sāmino idha hutvānāti idha imasmiṃ loke yasmiṃyeva ṭhāne pubbe sāmino hutvā vicaranti, tahiṃ tasmiṃyeva ṭhāne honti assāmino. Manussā unnatonatāti manussakāle sāmino hutvā kālakatā kammavasena onatā bhamanti khuppipāsāya, passa saṃsārapakatinti dasseti.
752. зд̇амаад̣̇ийнавам̣ н̃ад̇ваа, иссарамад̣̇асамбхаванд̇и зд̇ам̣ иссарияамад̣̇авасзна самбхууд̇ам̣ абааяуубабад̇д̇исан̇каад̇ам̣ аад̣̇ийнавам̣ д̣̇осам̣ н̃ад̇ваа бахааяа иссарияамад̣̇ам̣ бун̃н̃аббасуд̇о худ̇ваа. бхавз саг̇г̇аг̇ад̇о народ̇и саг̇г̇ам̣ д̣̇звалогам̣ г̇ад̇оязва бхавзяяа.
752.Etamādīnavaṃ ñatvā, issaramadasambhavanti etaṃ issariyamadavasena sambhūtaṃ apāyūpapattisaṅkhātaṃ ādīnavaṃ dosaṃ ñatvā pahāya issariyamadaṃ puññappasuto hutvā. Bhave saggagato naroti saggaṃ devalokaṃ gatoyeva bhaveyya.
ид̇и сад̇т̇аа д̇зсам̣ бзд̇аанам̣ бавад̇д̇им̣ гат̇зд̇ваа д̇зхи мануссзхи гад̇ам̣ д̣̇аанам̣ д̇зсам̣ бзд̇аанам̣ уд̣̇д̣̇исаабзд̇ваа самбад̇д̇абарисааяа аж̇жхаасаяаануруубам̣ д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.
Iti satthā tesaṃ petānaṃ pavattiṃ kathetvā tehi manussehi kataṃ dānaṃ tesaṃ petānaṃ uddisāpetvā sampattaparisāya ajjhāsayānurūpaṃ dhammaṃ desesi. Sā desanā mahājanassa sātthikā ahosīti.
гумаарабзд̇авад̇т̇уван̣н̣анаа нидтид̇аа.
Kumārapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 6. гумаарабзд̇авад̇т̇у • 6. Kumārapetavatthu
