| Library / Tipiṭaka / ཏིཔིཊཀ • Tipiṭaka / པརིཝཱརཔཱལི༹ • Parivārapāḷi |
༨. ཀུམཱརཱིབྷཱུཏཝགྒོ
8. Kumārībhūtavaggo
༢༢༥. ཨཱུནཝཱིསཏིཝསྶཾ ཀུམཱརིབྷཱུཏཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ ། ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཱུནཝཱིསཏིཝསྶཾ ཀུམཱརིབྷཱུཏཾ ཝུཊྛཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ॰…།
225. Ūnavīsativassaṃ kumāribhūtaṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha . Kismiṃ vatthusminti? Sambahulā bhikkhuniyo ūnavīsativassaṃ kumāribhūtaṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
པརིཔུཎྞཝཱིསཏིཝསྶཾ ཀུམཱརིབྷཱུཏཾ དྭེ ཝསྶཱནི ཚསུ དྷམྨེསུ ཨསིཀྑིཏསིཀྑཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ། ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ པརིཔུཎྞཝཱིསཏིཝསྶཾ ཀུམཱརིབྷཱུཏཾ དྭེ ཝསྶཱནི ཚསུ དྷམྨེསུ ཨསིཀྑིཏསིཀྑཾ ཝུཊྛཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ॰…།
Paripuṇṇavīsativassaṃ kumāribhūtaṃ dve vassāni chasu dhammesu asikkhitasikkhaṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo paripuṇṇavīsativassaṃ kumāribhūtaṃ dve vassāni chasu dhammesu asikkhitasikkhaṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
པརིཔུཎྞཝཱིསཏིཝསྶཾ ཀུམཱརིབྷཱུཏཾ དྭེ ཝསྶཱནི ཚསུ དྷམྨེསུ སིཀྑིཏསིཀྑཾ སངྒྷེན ཨསམྨཏཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ། ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ པརིཔུཎྞཝཱིསཏིཝསྶཾ ཀུམཱརིབྷཱུཏཾ དྭེ ཝསྶཱནི ཚསུ དྷམྨེསུ སིཀྑིཏསིཀྑཾ སངྒྷེན ཨསམྨཏཾ ཝུཊྛཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ॰…།
Paripuṇṇavīsativassaṃ kumāribhūtaṃ dve vassāni chasu dhammesu sikkhitasikkhaṃ saṅghena asammataṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo paripuṇṇavīsativassaṃ kumāribhūtaṃ dve vassāni chasu dhammesu sikkhitasikkhaṃ saṅghena asammataṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
ཨཱུནདྭཱདསཝསྶཱཡ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ། ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨཱུནདྭཱདསཝསྶཱ ཝུཊྛཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ॰…།
Ūnadvādasavassāya vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo ūnadvādasavassā vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
པརིཔུཎྞདྭཱདསཝསྶཱཡ སངྒྷེན ཨསམྨཏཱཡ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ། ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ པརིཔུཎྞདྭཱདསཝསྶཱ སངྒྷེན ཨསམྨཏཱ ཝུཊྛཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི – དུཏིཡཔཱརཱཛིཀེ…པེ॰…།
Paripuṇṇadvādasavassāya saṅghena asammatāya vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo paripuṇṇadvādasavassā saṅghena asammatā vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti – dutiyapārājike…pe….
‘‘ཨལཾ ཏཱཝ ཏེ, ཨཡྻེ, ཝུཊྛཱཔིཏེནཱ’’ཏི ཝུཙྩམཱནཱཡ ‘‘སཱདྷཱུ’’ཏི པཊིསྶུཎིཏྭཱ པཙྪཱ ཁཱིཡནདྷམྨཾ ཨཱཔཛྫནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཙཎྜཀཱལི༹ཾ བྷིཀྑུནིཾ ཨཱརབྦྷ། ཀིསྨིཾ ཝཏྠུསྨིནྟི? ཙཎྜཀཱལཱི༹ བྷིཀྑུནཱི ‘‘ཨལཾ ཏཱཝ ཏེ, ཨཡྻེ, ཝུཊྛཱཔིཏེནཱ’’ཏི ཝུཙྩམཱནཱ ‘‘སཱདྷཱུ’’ཏི པཊིསྶུཎིཏྭཱ པཙྪཱ ཁཱིཡནདྷམྨཾ ཨཱཔཛྫི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ॰…།
‘‘Alaṃ tāva te, ayye, vuṭṭhāpitenā’’ti vuccamānāya ‘‘sādhū’’ti paṭissuṇitvā pacchā khīyanadhammaṃ āpajjantiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Caṇḍakāḷiṃ bhikkhuniṃ ārabbha. Kismiṃ vatthusminti? Caṇḍakāḷī bhikkhunī ‘‘alaṃ tāva te, ayye, vuṭṭhāpitenā’’ti vuccamānā ‘‘sādhū’’ti paṭissuṇitvā pacchā khīyanadhammaṃ āpajji, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
སིཀྑམཱནཾ – ‘‘སཙེ མེ ཏྭཾ, ཨཡྻེ, ཙཱིཝརཾ དསྶསི, ཨེཝཱཧཾ ཏཾ ཝུཊྛཱཔེསྶཱམཱི’’ཏི ཝཏྭཱ ནེཝ ཝུཊྛཱཔེནྟིཡཱ ན ཝུཊྛཱཔནཱཡ ཨུསྶུཀྐཾ ཀརོནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ། ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི སིཀྑམཱནཾ – ‘‘སཙེ མེ ཏྭཾ, ཨཡྻེ, ཙཱིཝརཾ དསྶསི, ཨེཝཱཧཾ ཏཾ ཝུཊྛཱཔེསྶཱམཱི’’ཏི ཝཏྭཱ ནེཝ ཝུཊྛཱཔེསི ན ཝུཊྛཱཔནཱཡ ཨུསྶུཀྐཾ ཨཀཱསི , ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ॰…།
Sikkhamānaṃ – ‘‘sace me tvaṃ, ayye, cīvaraṃ dassasi, evāhaṃ taṃ vuṭṭhāpessāmī’’ti vatvā neva vuṭṭhāpentiyā na vuṭṭhāpanāya ussukkaṃ karontiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī sikkhamānaṃ – ‘‘sace me tvaṃ, ayye, cīvaraṃ dassasi, evāhaṃ taṃ vuṭṭhāpessāmī’’ti vatvā neva vuṭṭhāpesi na vuṭṭhāpanāya ussukkaṃ akāsi , tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
སིཀྑམཱནཾ – ‘‘སཙེ མཾ ཏྭཾ, ཨཡྻེ, དྭེ ཝསྶཱནི ཨནུབནྡྷིསྶསི, ཨེཝཱཧཾ ཏཾ ཝུཊྛཱཔེསྶཱམཱི’’ཏི ཝཏྭཱ ནེཝ ཝུཊྛཱཔེནྟིཡཱ ན ཝུཊྛཱཔནཱཡ ཨུསྶུཀྐཾ ཀརོནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ། ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི སིཀྑམཱནཾ – ‘‘སཙེ མཾ ཏྭཾ, ཨཡྻེ, དྭེ ཝསྶཱནི ཨནུབནྡྷིསྶསི, ཨེཝཱཧཾ ཏཾ ཝུཊྛཱཔེསྶཱམཱི’’ཏི ཝཏྭཱ ནེཝ ཝུཊྛཱཔེསི ན ཝུཊྛཱཔནཱཡ ཨུསྶུཀྐཾ ཨཀཱསི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཨེཀེན སམུཊྛཱནེན སམུཊྛཱཏི – དྷུརནིཀྑེཔེ…པེ॰…།
Sikkhamānaṃ – ‘‘sace maṃ tvaṃ, ayye, dve vassāni anubandhissasi, evāhaṃ taṃ vuṭṭhāpessāmī’’ti vatvā neva vuṭṭhāpentiyā na vuṭṭhāpanāya ussukkaṃ karontiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī sikkhamānaṃ – ‘‘sace maṃ tvaṃ, ayye, dve vassāni anubandhissasi, evāhaṃ taṃ vuṭṭhāpessāmī’’ti vatvā neva vuṭṭhāpesi na vuṭṭhāpanāya ussukkaṃ akāsi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
པུརིསསཾསཊྛཾ ཀུམཱརཀསཾསཊྛཾ ཙཎྜིཾ སོཀཱཝཱསཾ སིཀྑམཱནཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ། ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི པུརིསསཾསཊྛཾ ཀུམཱརཀསཾསཊྛཾ ཙཎྜིཾ སོཀཱཝཱསཾ སིཀྑམཱནཾ ཝུཊྛཱཔེསི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ॰…།
Purisasaṃsaṭṭhaṃ kumārakasaṃsaṭṭhaṃ caṇḍiṃ sokāvāsaṃ sikkhamānaṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī purisasaṃsaṭṭhaṃ kumārakasaṃsaṭṭhaṃ caṇḍiṃ sokāvāsaṃ sikkhamānaṃ vuṭṭhāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
མཱཏཱཔིཏཱུཧི ཝཱ སཱམིཀེན ཝཱ ཨནནུཉྙཱཏཾ སིཀྑམཱནཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ། ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི མཱཏཱཔིཏཱུཧིཔི སཱམིཀེནཱཔི ཨནནུཉྙཱཏཾ སིཀྑམཱནཾ ཝུཊྛཱཔེསི , ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཙཏཱུཧི སམུཊྛཱནེཧི སམུཊྛཱཏི – སིཡཱ ཝཱཙཏོ སམུཊྛཱཏི, ན ཀཱཡཏོ ན ཙིཏྟཏོ; སིཡཱ ཀཱཡཏོ ཙ ཝཱཙཏོ ཙ སམུཊྛཱཏི, ན ཙིཏྟཏོ; སིཡཱ ཝཱཙཏོ ཙ ཙིཏྟཏོ ཙ སམུཊྛཱཏི, ན ཀཱཡཏོ; སིཡཱ ཀཱཡཏོ ཙ ཝཱཙཏོ ཙ ཙིཏྟཏོ ཙ སམུཊྛཱཏི…པེ॰…།
Mātāpitūhi vā sāmikena vā ananuññātaṃ sikkhamānaṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī mātāpitūhipi sāmikenāpi ananuññātaṃ sikkhamānaṃ vuṭṭhāpesi , tasmiṃ vatthusmiṃ. Ekā paññatti. Channaṃ āpattisamuṭṭhānānaṃ catūhi samuṭṭhānehi samuṭṭhāti – siyā vācato samuṭṭhāti, na kāyato na cittato; siyā kāyato ca vācato ca samuṭṭhāti, na cittato; siyā vācato ca cittato ca samuṭṭhāti, na kāyato; siyā kāyato ca vācato ca cittato ca samuṭṭhāti…pe….
པཱརིཝཱསིཀཚནྡདཱནེན སིཀྑམཱནཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? རཱཛགཧེ པཉྙཏྟཾ། ཀཾ ཨཱརབྦྷཱཏི? ཐུལླནནྡཾ བྷིཀྑུནིཾ ཨཱརབྦྷ། ཀིསྨིཾ ཝཏྠུསྨིནྟི? ཐུལླནནྡཱ བྷིཀྑུནཱི པཱརིཝཱསིཀཚནྡདཱནེན སིཀྑམཱནཾ ཝུཊྛཱཔེསི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ॰…།
Pārivāsikachandadānena sikkhamānaṃ vuṭṭhāpentiyā pācittiyaṃ kattha paññattanti? Rājagahe paññattaṃ. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī pārivāsikachandadānena sikkhamānaṃ vuṭṭhāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
ཨནུཝསྶཾ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ། ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨནུཝསྶཾ ཝུཊྛཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ॰…།
Anuvassaṃ vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo anuvassaṃ vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
ཨེཀཾ ཝསྶཾ དྭེ ཝུཊྛཱཔེནྟིཡཱ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? སམྦཧུལཱ བྷིཀྑུནིཡོ ཨཱརབྦྷ། ཀིསྨིཾ ཝཏྠུསྨིནྟི? སམྦཧུལཱ བྷིཀྑུནིཡོ ཨེཀཾ ཝསྶཾ དྭེ ཝུཊྛཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཏཱིཧི སམུཊྛཱནེཧི སམུཊྛཱཏི…པེ॰…།
Ekaṃ vassaṃ dve vuṭṭhāpentiyā pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo ekaṃ vassaṃ dve vuṭṭhāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
ཀུམཱརཱིབྷཱུཏཝགྒོ ཨཊྛམོ།
Kumārībhūtavaggo aṭṭhamo.
