| Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi |
512. гумбхаж̇аад̇агам̣ (2)
512. Kumbhajātakaṃ (2)
33.
33.
го баад̇ураасий д̇ид̣̇иваа набхамхи, обхаасаяам̣ сам̣варим̣ жанд̣̇имаава;
Ko pāturāsī tidivā nabhamhi, obhāsayaṃ saṃvariṃ candimāva;
г̇ад̇д̇зхи д̇з расмияо нижчаранд̇и, сад̇зрад̇аа 1 виж̇ж̇уриванд̇алигкз.
Gattehi te rasmiyo niccharanti, sateratā 2 vijjurivantalikkhe.
34.
34.
со чиннаваад̇ам̣ гамасий агхамхи, взхааяасам̣ г̇ажчаси д̇идтасий жа;
So chinnavātaṃ kamasī aghamhi, vehāyasaṃ gacchasi tiṭṭhasī ca;
ид̣̇д̇хий ну д̇з вад̇т̇угад̇аа субхаавид̇аа, анад̣̇д̇хаг̇уунам̣ аби д̣̇звад̇аанам̣.
Iddhī nu te vatthukatā subhāvitā, anaddhagūnaṃ api devatānaṃ.
35.
35.
взхааяасам̣ г̇аммамааг̇амма 3 д̇идтаси, гумбхам̣ гин̣аат̇аад̇и яамзд̇амад̇т̇ам̣;
Vehāyasaṃ gammamāgamma 4 tiṭṭhasi, kumbhaṃ kiṇāthāti yametamatthaṃ;
го ваа д̇увам̣ гисса ваа д̇ааяа гумбхо, агкаахи мз б̣раахман̣а зд̇амад̇т̇ам̣.
Ko vā tuvaṃ kissa vā tāya kumbho, akkhāhi me brāhmaṇa etamatthaṃ.
36.
36.
на саббигумбхо наби д̇злагумбхо, на паан̣ид̇асса на мад̇хусса гумбхо;
Na sappikumbho napi telakumbho, na phāṇitassa na madhussa kumbho;
гумбхасса важ̇ж̇аани анаббагаани, д̣̇осз б̣ахуу гумбхаг̇ад̇з сун̣аат̇а.
Kumbhassa vajjāni anappakāni, dose bahū kumbhagate suṇātha.
37.
37.
г̇ал̣зяяа яам̣ бид̇ваа 5 бад̇з бабаад̇ам̣, соб̣бхам̣ г̇ухам̣ жанд̣̇анияол̣иг̇аллам̣;
Gaḷeyya yaṃ pitvā 6 pate papātaṃ, sobbhaṃ guhaṃ candaniyoḷigallaṃ;
б̣ахумби бхун̃ж̇зяяа абхож̇анзяяам̣, д̇ассаа бун̣н̣ам̣ гумбхамимам̣ гин̣аат̇а.
Bahumpi bhuñjeyya abhojaneyyaṃ, tassā puṇṇaṃ kumbhamimaṃ kiṇātha.
38.
38.
анаат̇амаано убаг̇ааяад̇и нажжад̇и жа, д̇ассаа бун̣н̣ам̣ гумбхамимам̣ гин̣аат̇а.
Anāthamāno upagāyati naccati ca, tassā puṇṇaṃ kumbhamimaṃ kiṇātha.
39.
39.
яам̣ вз бивид̇ваа ажзлова наг̇г̇о, жарзяяа г̇аамз висиканд̇араани;
Yaṃ ve pivitvā acelova naggo, careyya gāme visikhantarāni;
саммуул̣хажид̇д̇о ад̇ивзласааяий, д̇ассаа бун̣н̣ам̣ гумбхамимам̣ гин̣аат̇а.
Sammūḷhacitto ativelasāyī, tassā puṇṇaṃ kumbhamimaṃ kiṇātha.
40.
40.
яам̣ бид̇ваа удтааяа бавзд̇хамаано, сийсан̃жа б̣аахун̃жа 11 бажаалаяанд̇о;
Yaṃ pitvā uṭṭhāya pavedhamāno, sīsañca bāhuñca 12 pacālayanto;
со нажжад̇ий д̣̇ааругадаллагова, д̇ассаа бун̣н̣ам̣ гумбхамимам̣ гин̣аат̇а.
So naccatī dārukaṭallakova, tassā puṇṇaṃ kumbhamimaṃ kiṇātha.
41.
41.
яам̣ вз бивид̇ваа аг̇г̇ид̣̇ад̣дхаа саяанд̇и, ат̇о сиг̇аалзхиби каад̣̇ид̇аасз;
Yaṃ ve pivitvā aggidaḍḍhā sayanti, atho sigālehipi khāditāse;
б̣анд̇хам̣ вад̇хам̣ бхог̇аж̇аанин̃жубзнд̇и, д̇ассаа бун̣н̣ам̣ гумбхамимам̣ гин̣аат̇а.
Bandhaṃ vadhaṃ bhogajāniñcupenti, tassā puṇṇaṃ kumbhamimaṃ kiṇātha.
42.
42.
яам̣ бид̇ваа бхаасзяяа аабхаасанзяяам̣, сабхааяамаасийно абзд̇авад̇т̇о;
Yaṃ pitvā bhāseyya ābhāsaneyyaṃ, sabhāyamāsīno apetavattho;
саммагкид̇о 13 ванд̇аг̇ад̇о б̣яасанно, д̇ассаа бун̣н̣ам̣ гумбхамимам̣ гин̣аат̇а.
Sammakkhito 14 vantagato byasanno, tassā puṇṇaṃ kumbhamimaṃ kiṇātha.
43.
43.
яам̣ вз бивид̇ваа уггадто аавилагко, мамзва саб̣б̣аа бат̇авийд̇и ман̃н̃з 15;
Yaṃ ve pivitvā ukkaṭṭho āvilakkho, mameva sabbā pathavīti maññe 16;
на мз само жаад̇уранд̇оби рааж̇аа, д̇ассаа бун̣н̣ам̣ гумбхамимам̣ гин̣аат̇а.
Na me samo cāturantopi rājā, tassā puṇṇaṃ kumbhamimaṃ kiṇātha.
44.
44.
маанаад̇имаанаа галахаани бзсун̣ий, д̣̇уб̣б̣ан̣н̣иний наг̇г̇аяиний балааяиний;
Mānātimānā kalahāni pesuṇī, dubbaṇṇinī naggayinī palāyinī;
жораана д̇худ̇д̇аана г̇ад̇ий нигзд̇о, д̇ассаа бун̣н̣ам̣ гумбхамимам̣ гин̣аат̇а.
Corāna dhuttāna gatī niketo, tassā puṇṇaṃ kumbhamimaṃ kiṇātha.
45.
45.
ид̣̇д̇хаани пийд̇аани гулаани ассу, анзгасаахассад̇ханаани логз;
Iddhāni phītāni kulāni assu, anekasāhassadhanāni loke;
ужчиннад̣̇ааяаж̇ж̇агад̇аанимааяа, д̇ассаа бун̣н̣ам̣ гумбхамимам̣ гин̣аат̇а.
Ucchinnadāyajjakatānimāya, tassā puṇṇaṃ kumbhamimaṃ kiṇātha.
46.
46.
д̇хан̃н̃ам̣ д̇ханам̣ раж̇ад̇ам̣ ж̇аад̇аруубам̣, кзд̇д̇ам̣ г̇авам̣ яад̇т̇а винаасаяанд̇и;
Dhaññaṃ dhanaṃ rajataṃ jātarūpaṃ, khettaṃ gavaṃ yattha vināsayanti;
ужчзд̣̇аний вид̇д̇авад̇ам̣ 17 гулаанам̣, д̇ассаа бун̣н̣ам̣ гумбхамимам̣ гин̣аат̇а.
Ucchedanī vittavataṃ 18 kulānaṃ, tassā puṇṇaṃ kumbhamimaṃ kiṇātha.
47.
47.
яам̣ вз бид̇ваа д̣̇ид̇д̇аруубова 19 босо, аггосад̇и маад̇арам̣ бид̇аран̃жа;
Yaṃ ve pitvā dittarūpova 20 poso, akkosati mātaraṃ pitarañca;
сассумби г̇ан̣хзяяа ат̇оби сун̣хам̣, д̇ассаа бун̣н̣ам̣ гумбхамимам̣ гин̣аат̇а.
Sassumpi gaṇheyya athopi suṇhaṃ, tassā puṇṇaṃ kumbhamimaṃ kiṇātha.
48.
48.
яам̣ вз бид̇ваа д̣̇ид̇д̇аруубаава наарий, аггосад̇и сасурам̣ саамиган̃жа;
Yaṃ ve pitvā dittarūpāva nārī, akkosati sasuraṃ sāmikañca;
д̣̇аасамби г̇ан̣хз барижаарагамби, д̇ассаа бун̣н̣ам̣ гумбхамимам̣ гин̣аат̇а.
Dāsampi gaṇhe paricārakampi, tassā puṇṇaṃ kumbhamimaṃ kiṇātha.
49.
49.
яам̣ вз бивид̇ваана 21 ханзяяа босо, д̇хаммз тид̇ам̣ саман̣ам̣ б̣раахман̣ам̣ ваа;
Yaṃ ve pivitvāna 22 haneyya poso, dhamme ṭhitaṃ samaṇaṃ brāhmaṇaṃ vā;
г̇ажчз абааяамби д̇ад̇онид̣̇аанам̣, д̇ассаа бун̣н̣ам̣ гумбхамимам̣ гин̣аат̇а.
Gacche apāyampi tatonidānaṃ, tassā puṇṇaṃ kumbhamimaṃ kiṇātha.
50.
50.
яам̣ вз бивид̇ваа д̣̇ужжарид̇ам̣ жаранд̇и, гааязна ваажааяа жа жзд̇асаа жа;
Yaṃ ve pivitvā duccaritaṃ caranti, kāyena vācāya ca cetasā ca;
нираяам̣ важ̇анд̇и д̣̇ужжарид̇ам̣ жарид̇ваа, д̇ассаа бун̣н̣ам̣ гумбхамимам̣ гин̣аат̇а.
Nirayaṃ vajanti duccaritaṃ caritvā, tassā puṇṇaṃ kumbhamimaṃ kiṇātha.
51.
51.
яам̣ яаажамаанаа на лабханд̇и буб̣б̣з, б̣ахум̣ хиран̃н̃амби барижжаж̇анд̇аа;
Yaṃ yācamānā na labhanti pubbe, bahuṃ hiraññampi pariccajantā;
со д̇ам̣ бивид̇ваа алигам̣ бхан̣аад̇и, д̇ассаа бун̣н̣ам̣ гумбхамимам̣ гин̣аат̇а.
So taṃ pivitvā alikaṃ bhaṇāti, tassā puṇṇaṃ kumbhamimaṃ kiṇātha.
52.
52.
яам̣ вз бид̇ваа бзсанз бзсияанд̇о, ажжааяигз гаран̣ийяамхи ж̇аад̇з;
Yaṃ ve pitvā pesane pesiyanto, accāyike karaṇīyamhi jāte;
ад̇т̇амби со наббаж̇аанаад̇и вуд̇д̇о, д̇ассаа бун̣н̣ам̣ гумбхамимам̣ гин̣аат̇а.
Atthampi so nappajānāti vutto, tassā puṇṇaṃ kumbhamimaṃ kiṇātha.
53.
53.
хирийманааби ахирийгабхаавам̣, баад̇ум̣ гаронд̇и мад̣̇анааяа 23 мад̇д̇аа;
Hirīmanāpi ahirīkabhāvaṃ, pātuṃ karonti madanāya 24 mattā;
д̇хийрааби санд̇аа б̣ахугам̣ бхан̣анд̇и, д̇ассаа бун̣н̣ам̣ гумбхамимам̣ гин̣аат̇а.
Dhīrāpi santā bahukaṃ bhaṇanti, tassā puṇṇaṃ kumbhamimaṃ kiṇātha.
54.
54.
яам̣ вз бид̇ваа згат̇уубаа саяанд̇и, анаасагаа т̇ан̣д̣илад̣̇угкасзяяам̣;
Yaṃ ve pitvā ekathūpā sayanti, anāsakā thaṇḍiladukkhaseyyaṃ;
д̣̇уб̣б̣ан̣н̣ияам̣ ааяасагяан̃жубзнд̇и, д̇ассаа бун̣н̣ам̣ гумбхамимам̣ гин̣аат̇а.
Dubbaṇṇiyaṃ āyasakyañcupenti, tassā puṇṇaṃ kumbhamimaṃ kiṇātha.
55.
55.
яам̣ вз бид̇ваа бад̇д̇аканд̇хаа саяанд̇и, г̇ааво гудахад̇аава на хи ваарун̣ияаа;
Yaṃ ve pitvā pattakhandhā sayanti, gāvo kuṭahatāva na hi vāruṇiyā;
56.
56.
яам̣ мануссаа виваж̇ж̇знд̇и, саббам̣ гхорависам̣ мива 29;
Yaṃ manussā vivajjenti, sappaṃ ghoravisaṃ miva 30;
д̇ам̣ логз висасамаанам̣, го наро баад̇умарахад̇и.
Taṃ loke visasamānaṃ, ko naro pātumarahati.
57.
57.
яам̣ вз бид̇ваа анд̇хагавзн̣д̣абуд̇д̇аа, самуд̣̇д̣̇ад̇ийрз барижаараяанд̇аа 31;
Yaṃ ve pitvā andhakaveṇḍaputtā, samuddatīre paricārayantā 32;
убаггамум̣ мусалзхан̃н̃аман̃н̃ам̣, д̇ассаа бун̣н̣ам̣ гумбхамимам̣ гин̣аат̇а.
Upakkamuṃ musalehaññamaññaṃ, tassā puṇṇaṃ kumbhamimaṃ kiṇātha.
58.
58.
яам̣ вз бид̇ваа буб̣б̣ад̣̇зваа бамад̇д̇аа, д̇ид̣̇иваа жуд̇аа сассад̇ияаа самааяа;
Yaṃ ve pitvā pubbadevā pamattā, tidivā cutā sassatiyā samāya;
д̇ам̣ д̇аад̣̇исам̣ маж̇ж̇амимам̣ нирад̇т̇агам̣, ж̇аанам̣ махаарааж̇а гат̇ам̣ бивзяяа.
Taṃ tādisaṃ majjamimaṃ niratthakaṃ, jānaṃ mahārāja kathaṃ piveyya.
59.
59.
наяимасмим̣ гумбхасмим̣ д̣̇ад̇хи ваа мад̇ху ваа, звам̣ абхин̃н̃ааяа гин̣аахи рааж̇а;
Nayimasmiṃ kumbhasmiṃ dadhi vā madhu vā, evaṃ abhiññāya kiṇāhi rāja;
зван̃химам̣ гумбхаг̇ад̇аа маяаа д̇з, агкаад̇аруубам̣ д̇ава саб̣б̣амид̇д̇а.
Evañhimaṃ kumbhagatā mayā te, akkhātarūpaṃ tava sabbamitta.
60.
60.
на мз бид̇аа ваа ат̇авааби маад̇аа, зд̇аад̣̇исаа яаад̣̇исаго д̇увам̣си;
Na me pitā vā athavāpi mātā, etādisā yādisako tuvaṃsi;
хид̇аанугамбий барамад̇т̇агаамо, сохам̣ гариссам̣ важанам̣ д̇аваж̇ж̇а.
Hitānukampī paramatthakāmo, sohaṃ karissaṃ vacanaṃ tavajja.
61.
61.
д̣̇ад̣̇аами д̇з г̇аамавараани бан̃жа, д̣̇аасийсад̇ам̣ сад̇д̇а г̇авам̣ сад̇аани;
Dadāmi te gāmavarāni pañca, dāsīsataṃ satta gavaṃ satāni;
ааж̇ан̃н̃аяуд̇д̇з жа рат̇з д̣̇аса имз, аажарияо хоси мамад̇т̇агаамо.
Ājaññayutte ca rathe dasa ime, ācariyo hosi mamatthakāmo.
62.
62.
д̇авзва д̣̇аасийсад̇амад̇т̇у рааж̇а, г̇аамаа жа г̇ааво жа д̇авзва хонд̇у;
Taveva dāsīsatamatthu rāja, gāmā ca gāvo ca taveva hontu;
ааж̇ан̃н̃аяуд̇д̇аа жа рат̇аа д̇авзва, саггохамасмий д̇ид̣̇асаанаминд̣̇о.
Ājaññayuttā ca rathā taveva, sakkohamasmī tidasānamindo.
63.
63.
мам̣сод̣̇анам̣ саббибааяаасам̣ 33 бхун̃ж̇а, каад̣̇ассу жа д̇вам̣ мад̇хумаасабуувз;
Maṃsodanaṃ sappipāyāsaṃ 34 bhuñja, khādassu ca tvaṃ madhumāsapūve;
звам̣ д̇увам̣ д̇хаммарад̇о ж̇анинд̣̇а, анинд̣̇ид̇о саг̇г̇амубзхи таананд̇и.
Evaṃ tuvaṃ dhammarato janinda, anindito saggamupehi ṭhānanti.
гумбхаж̇аад̇агам̣ д̣̇уд̇ияам̣.
Kumbhajātakaṃ dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ж̇аад̇ага-адтагат̇аа • Jātaka-aṭṭhakathā / [512] 2. гумбхаж̇аад̇агаван̣н̣анаа • [512] 2. Kumbhajātakavaṇṇanā
