| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៥១២. កុម្ភជាតកំ (២)
512. Kumbhajātakaṃ (2)
៣៣.
33.
កោ បាតុរាសី តិទិវា នភម្ហិ, ឱភាសយំ សំវរិំ ចន្ទិមាវ;
Ko pāturāsī tidivā nabhamhi, obhāsayaṃ saṃvariṃ candimāva;
គត្តេហិ តេ រស្មិយោ និច្ឆរន្តិ, សតេរតា 1 វិជ្ជុរិវន្តលិក្ខេ។
Gattehi te rasmiyo niccharanti, sateratā 2 vijjurivantalikkhe.
៣៤.
34.
សោ ឆិន្នវាតំ កមសី អឃម្ហិ, វេហាយសំ គច្ឆសិ តិដ្ឋសី ច;
So chinnavātaṃ kamasī aghamhi, vehāyasaṃ gacchasi tiṭṭhasī ca;
ឥទ្ធី នុ តេ វត្ថុកតា សុភាវិតា, អនទ្ធគូនំ អបិ ទេវតានំ។
Iddhī nu te vatthukatā subhāvitā, anaddhagūnaṃ api devatānaṃ.
៣៥.
35.
វេហាយសំ គម្មមាគម្ម 3 តិដ្ឋសិ, កុម្ភំ កិណាថាតិ យមេតមត្ថំ;
Vehāyasaṃ gammamāgamma 4 tiṭṭhasi, kumbhaṃ kiṇāthāti yametamatthaṃ;
កោ វា តុវំ កិស្ស វា តាយ កុម្ភោ, អក្ខាហិ មេ ព្រាហ្មណ ឯតមត្ថំ។
Ko vā tuvaṃ kissa vā tāya kumbho, akkhāhi me brāhmaṇa etamatthaṃ.
៣៦.
36.
ន សប្បិកុម្ភោ នបិ តេលកុម្ភោ, ន ផាណិតស្ស ន មធុស្ស កុម្ភោ;
Na sappikumbho napi telakumbho, na phāṇitassa na madhussa kumbho;
កុម្ភស្ស វជ្ជានិ អនប្បកានិ, ទោសេ ពហូ កុម្ភគតេ សុណាថ។
Kumbhassa vajjāni anappakāni, dose bahū kumbhagate suṇātha.
៣៧.
37.
គឡេយ្យ យំ បិត្វា 5 បតេ បបាតំ, សោព្ភំ គុហំ ចន្ទនិយោឡិគល្លំ;
Gaḷeyya yaṃ pitvā 6 pate papātaṃ, sobbhaṃ guhaṃ candaniyoḷigallaṃ;
ពហុម្បិ ភុញ្ជេយ្យ អភោជនេយ្យំ, តស្សា បុណ្ណំ កុម្ភមិមំ កិណាថ។
Bahumpi bhuñjeyya abhojaneyyaṃ, tassā puṇṇaṃ kumbhamimaṃ kiṇātha.
៣៨.
38.
អនាថមានោ ឧបគាយតិ នច្ចតិ ច, តស្សា បុណ្ណំ កុម្ភមិមំ កិណាថ។
Anāthamāno upagāyati naccati ca, tassā puṇṇaṃ kumbhamimaṃ kiṇātha.
៣៩.
39.
យំ វេ បិវិត្វា អចេលោវ នគ្គោ, ចរេយ្យ គាមេ វិសិខន្តរានិ;
Yaṃ ve pivitvā acelova naggo, careyya gāme visikhantarāni;
សម្មូឡ្ហចិត្តោ អតិវេលសាយី, តស្សា បុណ្ណំ កុម្ភមិមំ កិណាថ។
Sammūḷhacitto ativelasāyī, tassā puṇṇaṃ kumbhamimaṃ kiṇātha.
៤០.
40.
យំ បិត្វា ឧដ្ឋាយ បវេធមានោ, សីសញ្ច ពាហុញ្ច 11 បចាលយន្តោ;
Yaṃ pitvā uṭṭhāya pavedhamāno, sīsañca bāhuñca 12 pacālayanto;
សោ នច្ចតី ទារុកដល្លកោវ, តស្សា បុណ្ណំ កុម្ភមិមំ កិណាថ។
So naccatī dārukaṭallakova, tassā puṇṇaṃ kumbhamimaṃ kiṇātha.
៤១.
41.
យំ វេ បិវិត្វា អគ្គិទឌ្ឍា សយន្តិ, អថោ សិគាលេហិបិ ខាទិតាសេ;
Yaṃ ve pivitvā aggidaḍḍhā sayanti, atho sigālehipi khāditāse;
ពន្ធំ វធំ ភោគជានិញ្ចុបេន្តិ, តស្សា បុណ្ណំ កុម្ភមិមំ កិណាថ។
Bandhaṃ vadhaṃ bhogajāniñcupenti, tassā puṇṇaṃ kumbhamimaṃ kiṇātha.
៤២.
42.
យំ បិត្វា ភាសេយ្យ អាភាសនេយ្យំ, សភាយមាសីនោ អបេតវត្ថោ;
Yaṃ pitvā bhāseyya ābhāsaneyyaṃ, sabhāyamāsīno apetavattho;
សម្មក្ខិតោ 13 វន្តគតោ ព្យសន្នោ, តស្សា បុណ្ណំ កុម្ភមិមំ កិណាថ។
Sammakkhito 14 vantagato byasanno, tassā puṇṇaṃ kumbhamimaṃ kiṇātha.
៤៣.
43.
យំ វេ បិវិត្វា ឧក្កដ្ឋោ អាវិលក្ខោ, មមេវ សព្ពា បថវីតិ មញ្ញេ 15;
Yaṃ ve pivitvā ukkaṭṭho āvilakkho, mameva sabbā pathavīti maññe 16;
ន មេ សមោ ចាតុរន្តោបិ រាជា, តស្សា បុណ្ណំ កុម្ភមិមំ កិណាថ។
Na me samo cāturantopi rājā, tassā puṇṇaṃ kumbhamimaṃ kiṇātha.
៤៤.
44.
មានាតិមានា កលហានិ បេសុណី, ទុព្ពណ្ណិនី នគ្គយិនី បលាយិនី;
Mānātimānā kalahāni pesuṇī, dubbaṇṇinī naggayinī palāyinī;
ចោរាន ធុត្តាន គតី និកេតោ, តស្សា បុណ្ណំ កុម្ភមិមំ កិណាថ។
Corāna dhuttāna gatī niketo, tassā puṇṇaṃ kumbhamimaṃ kiṇātha.
៤៥.
45.
ឥទ្ធានិ ផីតានិ កុលានិ អស្សុ, អនេកសាហស្សធនានិ លោកេ;
Iddhāni phītāni kulāni assu, anekasāhassadhanāni loke;
ឧច្ឆិន្នទាយជ្ជកតានិមាយ, តស្សា បុណ្ណំ កុម្ភមិមំ កិណាថ។
Ucchinnadāyajjakatānimāya, tassā puṇṇaṃ kumbhamimaṃ kiṇātha.
៤៦.
46.
ធញ្ញំ ធនំ រជតំ ជាតរូបំ, ខេត្តំ គវំ យត្ថ វិនាសយន្តិ;
Dhaññaṃ dhanaṃ rajataṃ jātarūpaṃ, khettaṃ gavaṃ yattha vināsayanti;
ឧច្ឆេទនី វិត្តវតំ 17 កុលានំ, តស្សា បុណ្ណំ កុម្ភមិមំ កិណាថ។
Ucchedanī vittavataṃ 18 kulānaṃ, tassā puṇṇaṃ kumbhamimaṃ kiṇātha.
៤៧.
47.
យំ វេ បិត្វា ទិត្តរូបោវ 19 បោសោ, អក្កោសតិ មាតរំ បិតរញ្ច;
Yaṃ ve pitvā dittarūpova 20 poso, akkosati mātaraṃ pitarañca;
សស្សុម្បិ គណ្ហេយ្យ អថោបិ សុណ្ហំ, តស្សា បុណ្ណំ កុម្ភមិមំ កិណាថ។
Sassumpi gaṇheyya athopi suṇhaṃ, tassā puṇṇaṃ kumbhamimaṃ kiṇātha.
៤៨.
48.
យំ វេ បិត្វា ទិត្តរូបាវ នារី, អក្កោសតិ សសុរំ សាមិកញ្ច;
Yaṃ ve pitvā dittarūpāva nārī, akkosati sasuraṃ sāmikañca;
ទាសម្បិ គណ្ហេ បរិចារកម្បិ, តស្សា បុណ្ណំ កុម្ភមិមំ កិណាថ។
Dāsampi gaṇhe paricārakampi, tassā puṇṇaṃ kumbhamimaṃ kiṇātha.
៤៩.
49.
យំ វេ បិវិត្វាន 21 ហនេយ្យ បោសោ, ធម្មេ ឋិតំ សមណំ ព្រាហ្មណំ វា;
Yaṃ ve pivitvāna 22 haneyya poso, dhamme ṭhitaṃ samaṇaṃ brāhmaṇaṃ vā;
គច្ឆេ អបាយម្បិ តតោនិទានំ, តស្សា បុណ្ណំ កុម្ភមិមំ កិណាថ។
Gacche apāyampi tatonidānaṃ, tassā puṇṇaṃ kumbhamimaṃ kiṇātha.
៥០.
50.
យំ វេ បិវិត្វា ទុច្ចរិតំ ចរន្តិ, កាយេន វាចាយ ច ចេតសា ច;
Yaṃ ve pivitvā duccaritaṃ caranti, kāyena vācāya ca cetasā ca;
និរយំ វជន្តិ ទុច្ចរិតំ ចរិត្វា, តស្សា បុណ្ណំ កុម្ភមិមំ កិណាថ។
Nirayaṃ vajanti duccaritaṃ caritvā, tassā puṇṇaṃ kumbhamimaṃ kiṇātha.
៥១.
51.
យំ យាចមានា ន លភន្តិ បុព្ពេ, ពហុំ ហិរញ្ញម្បិ បរិច្ចជន្តា;
Yaṃ yācamānā na labhanti pubbe, bahuṃ hiraññampi pariccajantā;
សោ តំ បិវិត្វា អលិកំ ភណាតិ, តស្សា បុណ្ណំ កុម្ភមិមំ កិណាថ។
So taṃ pivitvā alikaṃ bhaṇāti, tassā puṇṇaṃ kumbhamimaṃ kiṇātha.
៥២.
52.
យំ វេ បិត្វា បេសនេ បេសិយន្តោ, អច្ចាយិកេ ករណីយម្ហិ ជាតេ;
Yaṃ ve pitvā pesane pesiyanto, accāyike karaṇīyamhi jāte;
អត្ថម្បិ សោ នប្បជានាតិ វុត្តោ, តស្សា បុណ្ណំ កុម្ភមិមំ កិណាថ។
Atthampi so nappajānāti vutto, tassā puṇṇaṃ kumbhamimaṃ kiṇātha.
៥៣.
53.
ហិរីមនាបិ អហិរីកភាវំ, បាតុំ ករោន្តិ មទនាយ 23 មត្តា;
Hirīmanāpi ahirīkabhāvaṃ, pātuṃ karonti madanāya 24 mattā;
ធីរាបិ សន្តា ពហុកំ ភណន្តិ, តស្សា បុណ្ណំ កុម្ភមិមំ កិណាថ។
Dhīrāpi santā bahukaṃ bhaṇanti, tassā puṇṇaṃ kumbhamimaṃ kiṇātha.
៥៤.
54.
យំ វេ បិត្វា ឯកថូបា សយន្តិ, អនាសកា ថណ្ឌិលទុក្ខសេយ្យំ;
Yaṃ ve pitvā ekathūpā sayanti, anāsakā thaṇḍiladukkhaseyyaṃ;
ទុព្ពណ្ណិយំ អាយសក្យញ្ចុបេន្តិ, តស្សា បុណ្ណំ កុម្ភមិមំ កិណាថ។
Dubbaṇṇiyaṃ āyasakyañcupenti, tassā puṇṇaṃ kumbhamimaṃ kiṇātha.
៥៥.
55.
យំ វេ បិត្វា បត្តខន្ធា សយន្តិ, គាវោ កុដហតាវ ន ហិ វារុណិយា;
Yaṃ ve pitvā pattakhandhā sayanti, gāvo kuṭahatāva na hi vāruṇiyā;
៥៦.
56.
តំ លោកេ វិសសមានំ, កោ នរោ បាតុមរហតិ។
Taṃ loke visasamānaṃ, ko naro pātumarahati.
៥៧.
57.
យំ វេ បិត្វា អន្ធកវេណ្ឌបុត្តា, សមុទ្ទតីរេ បរិចារយន្តា 31;
Yaṃ ve pitvā andhakaveṇḍaputtā, samuddatīre paricārayantā 32;
ឧបក្កមុំ មុសលេហញ្ញមញ្ញំ, តស្សា បុណ្ណំ កុម្ភមិមំ កិណាថ។
Upakkamuṃ musalehaññamaññaṃ, tassā puṇṇaṃ kumbhamimaṃ kiṇātha.
៥៨.
58.
យំ វេ បិត្វា បុព្ពទេវា បមត្តា, តិទិវា ចុតា សស្សតិយា សមាយ;
Yaṃ ve pitvā pubbadevā pamattā, tidivā cutā sassatiyā samāya;
តំ តាទិសំ មជ្ជមិមំ និរត្ថកំ, ជានំ មហារាជ កថំ បិវេយ្យ។
Taṃ tādisaṃ majjamimaṃ niratthakaṃ, jānaṃ mahārāja kathaṃ piveyya.
៥៩.
59.
នយិមស្មិំ កុម្ភស្មិំ ទធិ វា មធុ វា, ឯវំ អភិញ្ញាយ កិណាហិ រាជ;
Nayimasmiṃ kumbhasmiṃ dadhi vā madhu vā, evaṃ abhiññāya kiṇāhi rāja;
ឯវញ្ហិមំ កុម្ភគតា មយា តេ, អក្ខាតរូបំ តវ សព្ពមិត្ត។
Evañhimaṃ kumbhagatā mayā te, akkhātarūpaṃ tava sabbamitta.
៦០.
60.
ន មេ បិតា វា អថវាបិ មាតា, ឯតាទិសា យាទិសកោ តុវំសិ;
Na me pitā vā athavāpi mātā, etādisā yādisako tuvaṃsi;
ហិតានុកម្បី បរមត្ថកាមោ, សោហំ ករិស្សំ វចនំ តវជ្ជ។
Hitānukampī paramatthakāmo, sohaṃ karissaṃ vacanaṃ tavajja.
៦១.
61.
ទទាមិ តេ គាមវរានិ បញ្ច, ទាសីសតំ សត្ត គវំ សតានិ;
Dadāmi te gāmavarāni pañca, dāsīsataṃ satta gavaṃ satāni;
អាជញ្ញយុត្តេ ច រថេ ទស ឥមេ, អាចរិយោ ហោសិ មមត្ថកាមោ។
Ājaññayutte ca rathe dasa ime, ācariyo hosi mamatthakāmo.
៦២.
62.
តវេវ ទាសីសតមត្ថុ រាជ, គាមា ច គាវោ ច តវេវ ហោន្តុ;
Taveva dāsīsatamatthu rāja, gāmā ca gāvo ca taveva hontu;
អាជញ្ញយុត្តា ច រថា តវេវ, សក្កោហមស្មី តិទសានមិន្ទោ។
Ājaññayuttā ca rathā taveva, sakkohamasmī tidasānamindo.
៦៣.
63.
មំសោទនំ សប្បិបាយាសំ 33 ភុញ្ជ, ខាទស្សុ ច ត្វំ មធុមាសបូវេ;
Maṃsodanaṃ sappipāyāsaṃ 34 bhuñja, khādassu ca tvaṃ madhumāsapūve;
ឯវំ តុវំ ធម្មរតោ ជនិន្ទ, អនិន្ទិតោ សគ្គមុបេហិ ឋានន្តិ។
Evaṃ tuvaṃ dhammarato janinda, anindito saggamupehi ṭhānanti.
កុម្ភជាតកំ ទុតិយំ។
Kumbhajātakaṃ dutiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៥១២] ២. កុម្ភជាតកវណ្ណនា • [512] 2. Kumbhajātakavaṇṇanā
