| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[512] 2. гумбхаж̇аад̇агаван̣н̣анаа
[512] 2. Kumbhajātakavaṇṇanā
го баад̇ураасийд̇и ид̣̇ам̣ сад̇т̇аа ж̇зд̇аванз вихаранд̇о висаакааяа сахааяигаа сураабийд̇аа бан̃жасад̇аа ид̇т̇ияо аараб̣бха гат̇зси. саавад̇т̇ияам̣ гира сураачан̣з сан̇гхудтз д̇аа бан̃жасад̇аа ид̇т̇ияо саамигаанам̣ чан̣з гийл̣амаанаанам̣ д̇игкасурам̣ бадияаад̣̇зд̇ваа ‘‘чан̣ам̣ гийл̣иссаамаа’’д̇и саб̣б̣ааби висаакааяа санд̇игам̣ г̇анд̇ваа ‘‘сахааяигз чан̣ам̣ гийл̣иссаамаа’’д̇и вад̇ваа ‘‘аяам̣ сураачан̣о, на ахам̣ сурам̣ бивиссаамий’’д̇и вуд̇д̇з – ‘‘д̇умхз саммаасамб̣уд̣̇д̇хасса д̣̇аанам̣ д̣̇зт̇а, маяам̣ чан̣ам̣ гариссаамаа’’д̇и аахам̣су. саа ‘‘саад̇хуу’’д̇и самбадижчид̇ваа д̇аа уяяож̇зд̇ваа сад̇т̇аарам̣ ниманд̇аабзд̇ваа махаад̣̇аанам̣ бавад̇д̇зд̇ваа б̣ахум̣ г̇анд̇хамаалам̣ аад̣̇ааяа сааяанхасамаяз д̇хаммагат̇ам̣ сод̇ум̣ д̇аахи баривуд̇аа ж̇зд̇аванам̣ аг̇амааси. д̇аа банид̇т̇ияо сурам̣ бивамаанаава д̇ааяа сад̣̇д̇хим̣ г̇анд̇ваа д̣̇ваарагодтагз тад̇ваа сурам̣ бивид̇ваава д̇ааяа сад̣̇д̇хим̣ сад̇т̇у санд̇игам̣ аг̇амам̣су. висаакаа сад̇т̇аарам̣ ванд̣̇ид̇ваа згаманд̇ам̣ нисийд̣̇и, ид̇араасу згажжаа сад̇т̇у санд̇игзязва нажжим̣су, згажжаа г̇ааяим̣су, згажжаа хад̇т̇агуггужжабаад̣̇агуггужжаани, згажжаа галахам̣ агам̣су.
Kopāturāsīti idaṃ satthā jetavane viharanto visākhāya sahāyikā surāpītā pañcasatā itthiyo ārabbha kathesi. Sāvatthiyaṃ kira surāchaṇe saṅghuṭṭhe tā pañcasatā itthiyo sāmikānaṃ chaṇe kīḷamānānaṃ tikkhasuraṃ paṭiyādetvā ‘‘chaṇaṃ kīḷissāmā’’ti sabbāpi visākhāya santikaṃ gantvā ‘‘sahāyike chaṇaṃ kīḷissāmā’’ti vatvā ‘‘ayaṃ surāchaṇo, na ahaṃ suraṃ pivissāmī’’ti vutte – ‘‘tumhe sammāsambuddhassa dānaṃ detha, mayaṃ chaṇaṃ karissāmā’’ti āhaṃsu. Sā ‘‘sādhū’’ti sampaṭicchitvā tā uyyojetvā satthāraṃ nimantāpetvā mahādānaṃ pavattetvā bahuṃ gandhamālaṃ ādāya sāyanhasamaye dhammakathaṃ sotuṃ tāhi parivutā jetavanaṃ agamāsi. Tā panitthiyo suraṃ pivamānāva tāya saddhiṃ gantvā dvārakoṭṭhake ṭhatvā suraṃ pivitvāva tāya saddhiṃ satthu santikaṃ agamaṃsu. Visākhā satthāraṃ vanditvā ekamantaṃ nisīdi, itarāsu ekaccā satthu santikeyeva nacciṃsu, ekaccā gāyiṃsu, ekaccā hatthakukkuccapādakukkuccāni, ekaccā kalahaṃ akaṃsu.
сад̇т̇аа д̇аасам̣ сам̣взг̇аж̇ананад̇т̇ааяа бхамугаломад̇о рам̣сий виссаж̇ж̇зси, анд̇хагаарад̇имисаа ахоси. д̇аа бхийд̇аа ахзсум̣ маран̣абхаяад̇аж̇ж̇ид̇аа, д̇зна д̇аасам̣ сураа ж̇ийри. сад̇т̇аа нисиннабаллан̇гз анд̇арахид̇о синзрумуд̣̇д̇хани тад̇ваа ун̣н̣аломад̇о рам̣сий виссаж̇ж̇зси, жанд̣̇асуурияасахассуг̇г̇аманам̣ вияа ахоси. сад̇т̇аа д̇ад̇т̇а тид̇ова д̇аасам̣ сам̣взг̇аж̇ананад̇т̇ааяа –
Satthā tāsaṃ saṃvegajananatthāya bhamukalomato raṃsī vissajjesi, andhakāratimisā ahosi. Tā bhītā ahesuṃ maraṇabhayatajjitā, tena tāsaṃ surā jīri. Satthā nisinnapallaṅke antarahito sinerumuddhani ṭhatvā uṇṇalomato raṃsī vissajjesi, candasūriyasahassuggamanaṃ viya ahosi. Satthā tattha ṭhitova tāsaṃ saṃvegajananatthāya –
‘‘го ну хаасо гимаананд̣̇о, нижжам̣ баж̇ж̇алид̇з сад̇и;
‘‘Ko nu hāso kimānando, niccaṃ pajjalite sati;
анд̇хагаарзна онад̣̇д̇хаа, бад̣̇ийбам̣ на г̇авзсат̇аа’’д̇и. (д̇ха. ба. 146) –
Andhakārena onaddhā, padīpaṃ na gavesathā’’ti. (dha. pa. 146) –
имам̣ г̇аат̇амааха. г̇аат̇аабарияосаанз д̇аа бан̃жасад̇ааби сод̇аабад̇д̇ипалз бад̇идтахим̣су. сад̇т̇аа ааг̇анд̇ваа г̇анд̇хагудичааяааяа б̣уд̣̇д̇хаасанз нисийд̣̇и. ат̇а нам̣ висаакаа ванд̣̇ид̇ваа, ‘‘бханд̇з, ид̣̇ам̣ хирод̇д̇аббабхзд̣̇агам̣ сураабаанам̣ наама гад̣̇аа уббанна’’нд̇и бужчи. со д̇ассаа аажигканд̇о ад̇ийд̇ам̣ аахари.
Imaṃ gāthamāha. Gāthāpariyosāne tā pañcasatāpi sotāpattiphale patiṭṭhahiṃsu. Satthā āgantvā gandhakuṭichāyāya buddhāsane nisīdi. Atha naṃ visākhā vanditvā, ‘‘bhante, idaṃ hirottappabhedakaṃ surāpānaṃ nāma kadā uppanna’’nti pucchi. So tassā ācikkhanto atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з зго гаасирадтаваасий суро наама ванажараго бхан̣д̣абариязсанад̇т̇ааяа химаванд̇ам̣ аг̇амааси. д̇ад̇т̇зго ругко уг̇г̇анд̇ваа борисамад̇д̇з таанз д̇ид̇хаагаббо ахоси. д̇асса д̇ин̣н̣ам̣ габбаанам̣ анд̇арз жаадиббамаан̣о ааваадо ахоси. со д̣̇звз вассанд̇з уд̣̇агзна буурид̇о, д̇ам̣ бариваарзд̇ваа харийд̇агий аамалагий марижаг̇ажчо жа ахоси , д̇зсам̣ баггаани палаани чиж̇ж̇ид̇ваа д̇ад̇т̇а бад̇анд̇и. д̇ассаавид̣̇уурз саяам̣ж̇аад̇асаали ж̇аад̇о, д̇ад̇о сувагаа саалисийсаани аахарид̇ваа д̇асмим̣ ругкз нисийд̣̇ид̇ваа каад̣̇анд̇и. д̇зсам̣ каад̣̇амаанаанам̣ саалийби д̇ан̣д̣улааби д̇ад̇т̇а бад̇анд̇и. ид̇и д̇ам̣ уд̣̇агам̣ суурияасанд̇аабзна бажжамаанам̣ расам̣ лохид̇аван̣н̣ам̣ ахоси. нид̣̇аагхасамаяз бибаасид̇аа сагун̣аг̇ан̣аа ааг̇анд̇ваа д̇ам̣ бивид̇ваа мад̇д̇аа баривад̇д̇ид̇ваа ругкамуулз бад̇им̣су, д̇асмим̣ т̇огам̣ нид̣̇д̣̇ааяид̇ваа вигууж̇амаанаа баггаманд̇и. ругкасунакамаггадаад̣̇ийсуби зсзва наяо. ванажараго д̇ам̣ д̣̇исваа ‘‘сажз ид̣̇ам̣ висам̣ бхавзяяа, имз марзяяум̣, имз бана т̇огам̣ нид̣̇д̣̇ааяид̇ваа яат̇аасукам̣ г̇ажчанд̇и, наяид̣̇ам̣ виса’’нд̇и саяам̣ бивид̇ваа мад̇д̇о худ̇ваа мам̣сам̣ каад̣̇ид̇угаамо ахоси. д̇ад̇о аг̇г̇им̣ гад̇ваа ругкамуулз бад̇ид̇з д̇ид̇д̇ирагуггудаад̣̇аяо маарзд̇ваа мам̣сам̣ ан̇г̇аарз бажид̇ваа згзна хад̇т̇зна нажжанд̇о згзна мам̣сам̣ каад̣̇анд̇о згаахад̣̇вийхам̣ д̇ад̇т̇зва ахоси.
Atīte bārāṇasiyaṃ brahmadatte rajjaṃ kārente eko kāsiraṭṭhavāsī suro nāma vanacarako bhaṇḍapariyesanatthāya himavantaṃ agamāsi. Tattheko rukkho uggantvā porisamatte ṭhāne tidhākappo ahosi. Tassa tiṇṇaṃ kappānaṃ antare cāṭippamāṇo āvāṭo ahosi. So deve vassante udakena pūrito, taṃ parivāretvā harītakī āmalakī maricagaccho ca ahosi , tesaṃ pakkāni phalāni chijjitvā tattha patanti. Tassāvidūre sayaṃjātasāli jāto, tato suvakā sālisīsāni āharitvā tasmiṃ rukkhe nisīditvā khādanti. Tesaṃ khādamānānaṃ sālīpi taṇḍulāpi tattha patanti. Iti taṃ udakaṃ sūriyasantāpena paccamānaṃ rasaṃ lohitavaṇṇaṃ ahosi. Nidāghasamaye pipāsitā sakuṇagaṇā āgantvā taṃ pivitvā mattā parivattitvā rukkhamūle patiṃsu, tasmiṃ thokaṃ niddāyitvā vikūjamānā pakkamanti. Rukkhasunakhamakkaṭādīsupi eseva nayo. Vanacarako taṃ disvā ‘‘sace idaṃ visaṃ bhaveyya, ime mareyyuṃ, ime pana thokaṃ niddāyitvā yathāsukhaṃ gacchanti, nayidaṃ visa’’nti sayaṃ pivitvā matto hutvā maṃsaṃ khāditukāmo ahosi. Tato aggiṃ katvā rukkhamūle patite tittirakukkuṭādayo māretvā maṃsaṃ aṅgāre pacitvā ekena hatthena naccanto ekena maṃsaṃ khādanto ekāhadvīhaṃ tattheva ahosi.
д̇ад̇о бана авид̣̇уурз зго варун̣о наама д̇аабасо васад̇и. ванажараго ан̃н̃ад̣̇ааби д̇асса санд̇игам̣ г̇ажчад̇и. ат̇асса зд̇ад̣̇ахоси – ‘‘ид̣̇ам̣ баанам̣ д̇аабасзна сад̣̇д̇хим̣ бивиссаамий’’д̇и. со згам̣ взл̣унаал̣игам̣ буурзд̇ваа баггамам̣сзна сад̣̇д̇хим̣ аахарид̇ваа бан̣н̣асаалам̣ г̇анд̇ваа, ‘‘бханд̇з, имам̣ биват̇аа’’д̇и вад̇ваа убхоби мам̣сам̣ каад̣̇анд̇аа бивим̣су. ид̇и сурзна жа варун̣зна жа д̣̇идтад̇д̇аа д̇асса баанасса ‘‘сураа’’д̇и жа ‘‘варун̣аа’’д̇и жа наамам̣ ж̇аад̇ам̣. д̇з убхоби ‘‘ад̇т̇зсо убааяо’’д̇и взл̣унаал̣ияо буурзд̇ваа гааж̇знаад̣̇ааяа бажжанд̇анаг̇арам̣ г̇анд̇ваа ‘‘баанагаарагаа наама ааг̇ад̇аа’’д̇и ран̃н̃о аарожаабзсум̣. рааж̇аа нз баггосаабзси, д̇з д̇асса баанам̣ убанзсум̣. рааж̇аа д̣̇вз д̇аяо ваарз бивид̇ваа маж̇ж̇и, д̇асса д̇ам̣ згаахад̣̇вийхамад̇д̇амзва ахоси. ат̇а нз ‘‘ан̃н̃амби ад̇т̇ий’’д̇и бужчи. ‘‘ад̇т̇и, д̣̇зваа’’д̇и. ‘‘гухи’’нд̇и? ‘‘химаванд̇з д̣̇зваа’’д̇и. ‘‘д̇зна хи аанзт̇аа’’д̇и. д̇з г̇анд̇ваа згад̣̇вз ваарз аанзд̇ваа ‘‘ниб̣ад̣̇д̇хам̣ г̇анд̇ум̣ на сагкиссаамаа’’д̇и самбхаарз саллагкзд̇ваа д̇асса ругкасса д̇ажам̣ аад̣̇им̣ гад̇ваа саб̣б̣асамбхаарз багкибид̇ваа наг̇арз сурам̣ гарим̣су. нааг̇араа сурам̣ бивид̇ваа бамаад̣̇ам̣ аабаннаа д̣̇уг̇г̇ад̇аа ахзсум̣, наг̇арам̣ сун̃н̃ам̣ вияа ахоси, д̇зна баанагаарагаа д̇ад̇о балааяид̇ваа б̣аараан̣асим̣ г̇анд̇ваа ‘‘баанагаарагаа ааг̇ад̇аа’’д̇и ран̃н̃о аарожаабзсум̣. рааж̇аа нз баггосаабзд̇ваа бариб̣б̣аяам̣ ад̣̇ааси. д̇з д̇ад̇т̇ааби сурам̣ агам̣су, д̇амби наг̇арам̣ д̇ат̇зва винасси, д̇ад̇о балааяид̇ваа саагзд̇ам̣, саагзд̇ад̇о саавад̇т̇им̣ аг̇амам̣су.
Tato pana avidūre eko varuṇo nāma tāpaso vasati. Vanacarako aññadāpi tassa santikaṃ gacchati. Athassa etadahosi – ‘‘idaṃ pānaṃ tāpasena saddhiṃ pivissāmī’’ti. So ekaṃ veḷunāḷikaṃ pūretvā pakkamaṃsena saddhiṃ āharitvā paṇṇasālaṃ gantvā, ‘‘bhante, imaṃ pivathā’’ti vatvā ubhopi maṃsaṃ khādantā piviṃsu. Iti surena ca varuṇena ca diṭṭhattā tassa pānassa ‘‘surā’’ti ca ‘‘varuṇā’’ti ca nāmaṃ jātaṃ. Te ubhopi ‘‘attheso upāyo’’ti veḷunāḷiyo pūretvā kājenādāya paccantanagaraṃ gantvā ‘‘pānakārakā nāma āgatā’’ti rañño ārocāpesuṃ. Rājā ne pakkosāpesi, te tassa pānaṃ upanesuṃ. Rājā dve tayo vāre pivitvā majji, tassa taṃ ekāhadvīhamattameva ahosi. Atha ne ‘‘aññampi atthī’’ti pucchi. ‘‘Atthi, devā’’ti. ‘‘Kuhi’’nti? ‘‘Himavante devā’’ti. ‘‘Tena hi ānethā’’ti. Te gantvā ekadve vāre ānetvā ‘‘nibaddhaṃ gantuṃ na sakkhissāmā’’ti sambhāre sallakkhetvā tassa rukkhassa tacaṃ ādiṃ katvā sabbasambhāre pakkhipitvā nagare suraṃ kariṃsu. Nāgarā suraṃ pivitvā pamādaṃ āpannā duggatā ahesuṃ, nagaraṃ suññaṃ viya ahosi, tena pānakārakā tato palāyitvā bārāṇasiṃ gantvā ‘‘pānakārakā āgatā’’ti rañño ārocāpesuṃ. Rājā ne pakkosāpetvā paribbayaṃ adāsi. Te tatthāpi suraṃ akaṃsu, tampi nagaraṃ tatheva vinassi, tato palāyitvā sāketaṃ, sāketato sāvatthiṃ agamaṃsu.
д̇ад̣̇аа саавад̇т̇ияам̣ саб̣б̣амид̇д̇о наама рааж̇аа ахоси. со д̇зсам̣ сан̇г̇ахам̣ гад̇ваа ‘‘гзна во ад̇т̇о’’д̇и бужчид̇ваа ‘‘самбхаарамуулзна жзва саалибидтзна жа бан̃жахи жаадисад̇зхи жаа’’д̇и вуд̇д̇з саб̣б̣ам̣ д̣̇аабзси. д̇з бан̃жасу жаадисад̇зсу сурам̣ сан̣таабзд̇ваа муусигабхаязна жаадирагкан̣ад̇т̇ааяа згзгааяа жаадияаа санд̇игз згзгам̣ б̣ил̣аарам̣ б̣анд̇хим̣су. д̇з бажжид̇ваа уд̇д̇аран̣агаалз жаадигужчийсу баг̇гхаранд̇ам̣ сурам̣ бивид̇ваа мад̇д̇аа нид̣̇д̣̇ааяим̣су. муусигаа ааг̇анд̇ваа д̇зсам̣ ган̣н̣анаасигад̣̇аатиганан̇г̇удтз каад̣̇ид̇ваа аг̇амам̣су. ‘‘б̣ил̣аараа сурам̣ бивид̇ваа мад̇аа’’д̇и ааяуд̇д̇агабурисаа ран̃н̃о аарожзсум̣. рааж̇аа ‘‘висагаарагаа зд̇з бхависсанд̇ий’’д̇и д̇зсам̣ д̣̇виннамби ж̇анаанам̣ сийсаани чинд̣̇аабзси. д̇з ‘‘сурам̣ д̣̇зва, мад̇хурам̣ д̣̇зваа’’д̇и вираванд̇аава марим̣су. рааж̇аа д̇з маараабзд̇ваа ‘‘жаадияо бхинд̣̇ат̇аа’’д̇и аан̣аабзси. б̣ил̣аарааби сурааяа ж̇ин̣н̣ааяа удтахид̇ваа гийл̣анд̇аа вижарим̣су, д̇з д̣̇исваа ран̃н̃о аарожзсум̣. рааж̇аа ‘‘сажз висам̣ асса, зд̇з марзяяум̣, мад̇хурзнзва бхавид̇аб̣б̣ам̣, бивиссаами на’’нд̇и наг̇арам̣ алан̇гаараабзд̇ваа рааж̇ан̇г̇ан̣з ман̣д̣абам̣ гаараабзд̇ваа алан̇гад̇аман̣д̣абз самуссид̇асзд̇ажчад̇д̇з рааж̇абаллан̇гз нисийд̣̇ид̇ваа амажжаг̇ан̣абаривуд̇о сурам̣ баад̇ум̣ аарабхи.
Tadā sāvatthiyaṃ sabbamitto nāma rājā ahosi. So tesaṃ saṅgahaṃ katvā ‘‘kena vo attho’’ti pucchitvā ‘‘sambhāramūlena ceva sālipiṭṭhena ca pañcahi cāṭisatehi cā’’ti vutte sabbaṃ dāpesi. Te pañcasu cāṭisatesu suraṃ saṇṭhāpetvā mūsikabhayena cāṭirakkhaṇatthāya ekekāya cāṭiyā santike ekekaṃ biḷāraṃ bandhiṃsu. Te paccitvā uttaraṇakāle cāṭikucchīsu paggharantaṃ suraṃ pivitvā mattā niddāyiṃsu. Mūsikā āgantvā tesaṃ kaṇṇanāsikadāṭhikanaṅguṭṭhe khāditvā agamaṃsu. ‘‘Biḷārā suraṃ pivitvā matā’’ti āyuttakapurisā rañño ārocesuṃ. Rājā ‘‘visakārakā ete bhavissantī’’ti tesaṃ dvinnampi janānaṃ sīsāni chindāpesi. Te ‘‘suraṃ deva, madhuraṃ devā’’ti viravantāva mariṃsu. Rājā te mārāpetvā ‘‘cāṭiyo bhindathā’’ti āṇāpesi. Biḷārāpi surāya jiṇṇāya uṭṭhahitvā kīḷantā vicariṃsu, te disvā rañño ārocesuṃ. Rājā ‘‘sace visaṃ assa, ete mareyyuṃ, madhureneva bhavitabbaṃ, pivissāmi na’’nti nagaraṃ alaṅkārāpetvā rājaṅgaṇe maṇḍapaṃ kārāpetvā alaṅkatamaṇḍape samussitasetacchatte rājapallaṅke nisīditvā amaccagaṇaparivuto suraṃ pātuṃ ārabhi.
д̇ад̣̇аа сагго д̣̇зварааж̇аа ‘‘гз ну ко маад̇убадтаанаад̣̇ийсу аббамад̇д̇аа д̇ийн̣и сужарид̇аани буурзнд̇ий’’д̇и логам̣ вологзнд̇о д̇ам̣ рааж̇аанам̣ сурам̣ баад̇ум̣ нисиннам̣ д̣̇исваа ‘‘сажааяам̣ сурам̣ бивиссад̇и, сагалаж̇амб̣уд̣̇ийбо нассиссад̇и. яат̇аа на бивиссад̇и, д̇ат̇аа нам̣ гариссаамий’’д̇и згам̣ сураабун̣н̣ам̣ гумбхам̣ хад̇т̇ад̇алз табзд̇ваа б̣раахман̣авзсзнааг̇анд̇ваа ран̃н̃о саммукадтаанз аагаасз тад̇ваа ‘‘имам̣ гумбхам̣ гин̣аат̇а, имам̣ гумбхам̣ гин̣аат̇аа’’д̇и ааха. саб̣б̣амид̇д̇арааж̇аа д̇ам̣ д̇ат̇аа вад̣̇анд̇ам̣ аагаасз тид̇ам̣ д̣̇исваа ‘‘гуд̇о ну ко б̣раахман̣о ааг̇ажчад̇ий’’д̇и д̇зна сад̣̇д̇хим̣ саллабанд̇о д̇иссо г̇аат̇аа абхааси –
Tadā sakko devarājā ‘‘ke nu kho mātupaṭṭhānādīsu appamattā tīṇi sucaritāni pūrentī’’ti lokaṃ volokento taṃ rājānaṃ suraṃ pātuṃ nisinnaṃ disvā ‘‘sacāyaṃ suraṃ pivissati, sakalajambudīpo nassissati. Yathā na pivissati, tathā naṃ karissāmī’’ti ekaṃ surāpuṇṇaṃ kumbhaṃ hatthatale ṭhapetvā brāhmaṇavesenāgantvā rañño sammukhaṭṭhāne ākāse ṭhatvā ‘‘imaṃ kumbhaṃ kiṇātha, imaṃ kumbhaṃ kiṇāthā’’ti āha. Sabbamittarājā taṃ tathā vadantaṃ ākāse ṭhitaṃ disvā ‘‘kuto nu kho brāhmaṇo āgacchatī’’ti tena saddhiṃ sallapanto tisso gāthā abhāsi –
33.
33.
‘‘го баад̇ураасий д̇ид̣̇иваа набхамхи, обхаасаяам̣ сам̣варим̣ жанд̣̇имаава;
‘‘Ko pāturāsī tidivā nabhamhi, obhāsayaṃ saṃvariṃ candimāva;
г̇ад̇д̇зхи д̇з расмияо нижчаранд̇и, сад̇зрад̇аа виж̇ж̇уриванд̇алигкз.
Gattehi te rasmiyo niccharanti, sateratā vijjurivantalikkhe.
34.
34.
‘‘со чиннаваад̇ам̣ гамасий агхамхи, взхааяасам̣ г̇ажчаси д̇идтасий жа;
‘‘So chinnavātaṃ kamasī aghamhi, vehāyasaṃ gacchasi tiṭṭhasī ca;
ид̣̇д̇хий ну д̇з вад̇т̇угад̇аа субхаавид̇аа, анад̣̇д̇хаг̇уунам̣ аби д̣̇звад̇аанам̣.
Iddhī nu te vatthukatā subhāvitā, anaddhagūnaṃ api devatānaṃ.
35.
35.
‘‘взхааяасам̣ г̇аммамааг̇амма д̇идтаси, гумбхам̣ гин̣аат̇аад̇и яамзд̇амад̇т̇ам̣;
‘‘Vehāyasaṃ gammamāgamma tiṭṭhasi, kumbhaṃ kiṇāthāti yametamatthaṃ;
го ваа д̇увам̣ гисса ваа д̇ааяа гумбхо, агкаахи мз б̣раахман̣а зд̇амад̇т̇а’’нд̇и.
Ko vā tuvaṃ kissa vā tāya kumbho, akkhāhi me brāhmaṇa etamattha’’nti.
д̇ад̇т̇а го баад̇ураасийд̇и гуд̇о баад̇убхууд̇оси, гуд̇о ааг̇ад̇осийд̇и ад̇т̇о. д̇ид̣̇иваа набхамхийд̇и гим̣ д̇аавад̇им̣сабхаванаа ааг̇анд̇ваа ид̇ха набхамхи аагаасз баагадо ж̇аад̇осийд̇и бужчад̇и. сам̣варинд̇и рад̇д̇им̣. сад̇зрад̇аад̇и звам̣наамигаа. сод̇и со д̇вам̣. чиннаваад̇анд̇и валаахагоби д̇аава ваад̇зна гамад̇и, д̇асса бана соби ваад̇о над̇т̇и, д̇знзвамааха. гамасийд̇и бавад̇д̇зси. агхамхийд̇и аббадигхз аагаасз. вад̇т̇угад̇аад̇и вад̇т̇у вияа бад̇идтаа вияа гад̇аа. анад̣̇д̇хаг̇уунам̣ аби д̣̇звад̇аананд̇и яаа бад̣̇асаа ад̣̇д̇хаанам̣ аг̇аманзна анад̣̇д̇хаг̇уунам̣ д̣̇звад̇аанам̣ ид̣̇д̇хи, саа аби д̇ава субхаавид̇аад̇и бужчад̇и. взхааяасам̣ г̇аммамааг̇аммаад̇и аагаасз бавад̇д̇ам̣ бад̣̇авийд̇ихаарам̣ бадижжа ниссааяа. ‘‘д̇идтасий’’д̇и имасса ‘‘го ваа д̇ува’’нд̇и иминаа самб̣анд̇хо, звам̣ д̇идтамаано го ваа д̇ванд̇и ад̇т̇о. яамзд̇амад̇т̇анд̇и яам̣ зд̇ам̣ вад̣̇аси. имасса ‘‘гисса ваа д̇ааяа’’нд̇и иминаа самб̣анд̇хо, яам̣ зд̇ам̣ гумбхам̣ гин̣аат̇аад̇и вад̣̇аси, гисса ваа д̇з аяам̣ гумбход̇и ад̇т̇о.
Tattha ko pāturāsīti kuto pātubhūtosi, kuto āgatosīti attho. Tidivā nabhamhīti kiṃ tāvatiṃsabhavanā āgantvā idha nabhamhi ākāse pākaṭo jātosīti pucchati. Saṃvarinti rattiṃ. Sateratāti evaṃnāmikā. Soti so tvaṃ. Chinnavātanti valāhakopi tāva vātena kamati, tassa pana sopi vāto natthi, tenevamāha. Kamasīti pavattesi. Aghamhīti appaṭighe ākāse. Vatthukatāti vatthu viya patiṭṭhā viya katā. Anaddhagūnaṃ api devatānanti yā padasā addhānaṃ agamanena anaddhagūnaṃ devatānaṃ iddhi, sā api tava subhāvitāti pucchati. Vehāyasaṃ gammamāgammāti ākāse pavattaṃ padavītihāraṃ paṭicca nissāya. ‘‘Tiṭṭhasī’’ti imassa ‘‘ko vā tuva’’nti iminā sambandho, evaṃ tiṭṭhamāno ko vā tvanti attho. Yametamatthanti yaṃ etaṃ vadasi. Imassa ‘‘kissa vā tāya’’nti iminā sambandho, yaṃ etaṃ kumbhaṃ kiṇāthāti vadasi, kissa vā te ayaṃ kumbhoti attho.
д̇ад̇о сагго ‘‘д̇зна хи сун̣аахий’’д̇и вад̇ваа сурааяа д̣̇осз д̣̇ассзнд̇о ааха –
Tato sakko ‘‘tena hi suṇāhī’’ti vatvā surāya dose dassento āha –
36.
36.
‘‘на саббигумбхо наби д̇злагумбхо, на паан̣ид̇асса на мад̇хусса гумбхо;
‘‘Na sappikumbho napi telakumbho, na phāṇitassa na madhussa kumbho;
гумбхасса важ̇ж̇аани анаббагаани, д̣̇осз б̣ахуу гумбхаг̇ад̇з сун̣аат̇а.
Kumbhassa vajjāni anappakāni, dose bahū kumbhagate suṇātha.
37.
37.
‘‘г̇ал̣зяяа яам̣ бид̇ваа бад̇з бабаад̇ам̣, соб̣бхам̣ г̇ухам̣ жанд̣̇анияол̣иг̇аллам̣;
‘‘Gaḷeyya yaṃ pitvā pate papātaṃ, sobbhaṃ guhaṃ candaniyoḷigallaṃ;
б̣ахумби бхун̃ж̇зяяа абхож̇анзяяам̣, д̇ассаа бун̣н̣ам̣ гумбхамимам̣ гин̣аат̇а.
Bahumpi bhuñjeyya abhojaneyyaṃ, tassā puṇṇaṃ kumbhamimaṃ kiṇātha.
38.
38.
‘‘яам̣ бид̇ваа жид̇д̇асмим̣ анзсамаано, аахин̣д̣ад̇ий г̇орива бхагкасаад̣̇ий;
‘‘Yaṃ pitvā cittasmiṃ anesamāno, āhiṇḍatī goriva bhakkhasādī;
анаат̇амаано убаг̇ааяад̇и нажжад̇и жа, д̇ассаа бун̣н̣ам̣ гумбхамимам̣ гин̣аат̇а.
Anāthamāno upagāyati naccati ca, tassā puṇṇaṃ kumbhamimaṃ kiṇātha.
39.
39.
‘‘яам̣ вз бивид̇ваа ажзлова наг̇г̇о, жарзяяа г̇аамз висиканд̇араани;
‘‘Yaṃ ve pivitvā acelova naggo, careyya gāme visikhantarāni;
саммуул̣хажид̇д̇о ад̇ивзласааяий, д̇ассаа бун̣н̣ам̣ гумбхамимам̣ гин̣аат̇а.
Sammūḷhacitto ativelasāyī, tassā puṇṇaṃ kumbhamimaṃ kiṇātha.
40.
40.
‘‘яам̣ бид̇ваа удтааяа бавзд̇хамаано, сийсан̃жа б̣аахун̃жа бажаалаяанд̇о;
‘‘Yaṃ pitvā uṭṭhāya pavedhamāno, sīsañca bāhuñca pacālayanto;
со нажжад̇ий д̣̇ааругадаллагова, д̇ассаа бун̣н̣ам̣ гумбхамимам̣ гин̣аат̇а.
So naccatī dārukaṭallakova, tassā puṇṇaṃ kumbhamimaṃ kiṇātha.
41.
41.
‘‘яам̣ вз бивид̇ваа аг̇г̇ид̣̇ад̣дхаа саяанд̇и, ат̇о сиг̇аалзхиби каад̣̇ид̇аасз;
‘‘Yaṃ ve pivitvā aggidaḍḍhā sayanti, atho sigālehipi khāditāse;
б̣анд̇хам̣ вад̇хам̣ бхог̇аж̇аанин̃жубзнд̇и, д̇ассаа бун̣н̣ам̣ гумбхамимам̣ гин̣аат̇а.
Bandhaṃ vadhaṃ bhogajāniñcupenti, tassā puṇṇaṃ kumbhamimaṃ kiṇātha.
42.
42.
‘‘яам̣ бид̇ваа бхаасзяяа абхаасанзяяам̣, сабхааяамаасийно абзд̇авад̇т̇о;
‘‘Yaṃ pitvā bhāseyya abhāsaneyyaṃ, sabhāyamāsīno apetavattho;
саммагкид̇о ванд̇аг̇ад̇о б̣яасанно, д̇ассаа бун̣н̣ам̣ гумбхамимам̣ гин̣аат̇а.
Sammakkhito vantagato byasanno, tassā puṇṇaṃ kumbhamimaṃ kiṇātha.
43.
43.
‘‘яам̣ вз бивид̇ваа уггадто аавилагко, мамзва саб̣б̣абат̇авийд̇и ман̃н̃з;
‘‘Yaṃ ve pivitvā ukkaṭṭho āvilakkho, mameva sabbapathavīti maññe;
на мз само жаад̇уранд̇оби рааж̇аа, д̇ассаа бун̣н̣ам̣ гумбхамимам̣ гин̣аат̇а.
Na me samo cāturantopi rājā, tassā puṇṇaṃ kumbhamimaṃ kiṇātha.
44.
44.
‘‘маанаад̇имаанаа галахаани бзсун̣ий, д̣̇уб̣б̣ан̣н̣иний наг̇г̇аяиний балааяиний;
‘‘Mānātimānā kalahāni pesuṇī, dubbaṇṇinī naggayinī palāyinī;
жораана д̇худ̇д̇аана г̇ад̇ий нигзд̇о, д̇ассаа бун̣н̣ам̣ гумбхамимам̣ гин̣аат̇а.
Corāna dhuttāna gatī niketo, tassā puṇṇaṃ kumbhamimaṃ kiṇātha.
45.
45.
‘‘ид̣̇д̇хаани пийд̇аани гулаани ассу, анзгасаахассад̇ханаани логз;
‘‘Iddhāni phītāni kulāni assu, anekasāhassadhanāni loke;
ужчиннад̣̇ааяаж̇ж̇агад̇аанимааяа, д̇ассаа бун̣н̣ам̣ гумбхамимам̣ гин̣аат̇а.
Ucchinnadāyajjakatānimāya, tassā puṇṇaṃ kumbhamimaṃ kiṇātha.
46.
46.
‘‘д̇хан̃н̃ам̣ д̇ханам̣ раж̇ад̇ам̣ ж̇аад̇аруубам̣, кзд̇д̇ам̣ г̇авам̣ яад̇т̇а винаасаяанд̇и;
‘‘Dhaññaṃ dhanaṃ rajataṃ jātarūpaṃ, khettaṃ gavaṃ yattha vināsayanti;
ужчзд̣̇аний вид̇д̇аг̇ад̇ам̣ гулаанам̣, д̇ассаа бун̣н̣ам̣ гумбхамимам̣ гин̣аат̇а.
Ucchedanī vittagataṃ kulānaṃ, tassā puṇṇaṃ kumbhamimaṃ kiṇātha.
47.
47.
‘‘яам̣ вз бид̇ваа д̣̇ид̇д̇аруубова босо, аггосад̇и маад̇арам̣ бид̇аран̃жа;
‘‘Yaṃ ve pitvā dittarūpova poso, akkosati mātaraṃ pitarañca;
сассумби г̇ан̣хзяяа ат̇оби сун̣хам̣, д̇ассаа бун̣н̣ам̣ гумбхамимам̣ гин̣аат̇а.
Sassumpi gaṇheyya athopi suṇhaṃ, tassā puṇṇaṃ kumbhamimaṃ kiṇātha.
48.
48.
‘‘яам̣ вз бид̇ваа д̣̇ид̇д̇аруубаава наарий, аггосад̇ий сассурам̣ саамиган̃жа;
‘‘Yaṃ ve pitvā dittarūpāva nārī, akkosatī sassuraṃ sāmikañca;
д̣̇аасамби г̇ан̣хз барижааригамби, д̇ассаа бун̣н̣ам̣ гумбхамимам̣ гин̣аат̇а.
Dāsampi gaṇhe paricārikampi, tassā puṇṇaṃ kumbhamimaṃ kiṇātha.
49.
49.
‘‘яам̣ вз бивид̇ваана ханзяяа босо, д̇хаммз тид̇ам̣ саман̣ам̣ б̣раахман̣ам̣ ваа;
‘‘Yaṃ ve pivitvāna haneyya poso, dhamme ṭhitaṃ samaṇaṃ brāhmaṇaṃ vā;
г̇ажчз абааяамби д̇ад̇онид̣̇аанам̣, д̇ассаа бун̣н̣ам̣ гумбхамимам̣ гин̣аат̇а.
Gacche apāyampi tatonidānaṃ, tassā puṇṇaṃ kumbhamimaṃ kiṇātha.
50.
50.
‘‘яам̣ вз бивид̇ваа д̣̇ужжарид̇ам̣ жаранд̇и, гааязна ваажааяа жа жзд̇асаа жа;
‘‘Yaṃ ve pivitvā duccaritaṃ caranti, kāyena vācāya ca cetasā ca;
нираяам̣ важ̇анд̇и д̣̇ужжарид̇ам̣ жарид̇ваа, д̇ассаа бун̣н̣ам̣ гумбхамимам̣ гин̣аат̇а.
Nirayaṃ vajanti duccaritaṃ caritvā, tassā puṇṇaṃ kumbhamimaṃ kiṇātha.
51.
51.
‘‘яам̣ яаажамаанаа на лабханд̇и буб̣б̣з, б̣ахум̣ хиран̃н̃амби барижжаж̇анд̇аа;
‘‘Yaṃ yācamānā na labhanti pubbe, bahuṃ hiraññampi pariccajantā;
со д̇ам̣ бивид̇ваа алигам̣ бхан̣аад̇и, д̇ассаа бун̣н̣ам̣ гумбхамимам̣ гин̣аат̇а.
So taṃ pivitvā alikaṃ bhaṇāti, tassā puṇṇaṃ kumbhamimaṃ kiṇātha.
52.
52.
‘‘яам̣ вз бид̇ваа бзсанз бзсияанд̇о, ажжааяигз гаран̣ийяамхи ж̇аад̇з;
‘‘Yaṃ ve pitvā pesane pesiyanto, accāyike karaṇīyamhi jāte;
ад̇т̇амби со наббаж̇аанаад̇и вуд̇д̇о, д̇ассаа бун̣н̣ам̣ гумбхамимам̣ гин̣аат̇а.
Atthampi so nappajānāti vutto, tassā puṇṇaṃ kumbhamimaṃ kiṇātha.
53.
53.
‘‘хирийманааби ахирийгабхаавам̣, баад̇ум̣ гаронд̇и мад̣̇анааяа мад̇д̇аа;
‘‘Hirīmanāpi ahirīkabhāvaṃ, pātuṃ karonti madanāya mattā;
д̇хийрааби санд̇аа б̣ахугам̣ бхан̣анд̇и, д̇ассаа бун̣н̣ам̣ гумбхамимам̣ гин̣аат̇а.
Dhīrāpi santā bahukaṃ bhaṇanti, tassā puṇṇaṃ kumbhamimaṃ kiṇātha.
54.
54.
‘‘яам̣ вз бид̇ваа згат̇уубаа саяанд̇и, анаасагаа т̇ан̣д̣илад̣̇угкасзяяам̣;
‘‘Yaṃ ve pitvā ekathūpā sayanti, anāsakā thaṇḍiladukkhaseyyaṃ;
д̣̇уб̣б̣ан̣н̣ияам̣ ааяасагяан̃жубзнд̇и, д̇ассаа бун̣н̣ам̣ гумбхамимам̣ гин̣аат̇а.
Dubbaṇṇiyaṃ āyasakyañcupenti, tassā puṇṇaṃ kumbhamimaṃ kiṇātha.
55.
55.
‘‘яам̣ вз бид̇ваа бад̇д̇аканд̇хаа саяанд̇и, г̇ааво гуудахад̇аава на хи ваарун̣ияаа;
‘‘Yaṃ ve pitvā pattakhandhā sayanti, gāvo kūṭahatāva na hi vāruṇiyā;
взг̇о нарзна сусахорива, д̇ассаа бун̣н̣ам̣ гумбхамимам̣ гин̣аат̇а.
Vego narena susahoriva, tassā puṇṇaṃ kumbhamimaṃ kiṇātha.
56.
56.
‘‘яам̣ мануссаа виваж̇ж̇анд̇и, саббам̣ гхорависамива;
‘‘Yaṃ manussā vivajjanti, sappaṃ ghoravisamiva;
д̇ам̣ логз висасамаанам̣, го наро баад̇умарахад̇и.
Taṃ loke visasamānaṃ, ko naro pātumarahati.
57.
57.
‘‘яам̣ вз бид̇ваа анд̇хагавзн̣д̣абуд̇д̇аа, самуд̣̇д̣̇ад̇ийрз барижаараяанд̇аа;
‘‘Yaṃ ve pitvā andhakaveṇḍaputtā, samuddatīre paricārayantā;
убаггамум̣ мусалзбхи ан̃н̃аман̃н̃ам̣, д̇ассаа бун̣н̣ам̣ гумбхамимам̣ гин̣аат̇а.
Upakkamuṃ musalebhi aññamaññaṃ, tassā puṇṇaṃ kumbhamimaṃ kiṇātha.
58.
58.
‘‘яам̣ вз бид̇ваа буб̣б̣ад̣̇зваа бамад̇д̇аа, д̇ид̣̇иваа жуд̇аа сассад̇ияаа самааяаа;
‘‘Yaṃ ve pitvā pubbadevā pamattā, tidivā cutā sassatiyā samāyā;
д̇ам̣ д̇аад̣̇исам̣ маж̇ж̇амимам̣ нирад̇т̇агам̣, ж̇аанам̣ махаарааж̇а гат̇ам̣ бивзяяа.
Taṃ tādisaṃ majjamimaṃ niratthakaṃ, jānaṃ mahārāja kathaṃ piveyya.
59.
59.
‘‘наяимасмим̣ гумбхасмим̣ д̣̇ад̇хи ваа мад̇ху ваа, звам̣ абхин̃н̃ааяа гин̣аахи рааж̇а;
‘‘Nayimasmiṃ kumbhasmiṃ dadhi vā madhu vā, evaṃ abhiññāya kiṇāhi rāja;
зван̃химам̣ гумбхаг̇ад̇аа маяаа д̇з, агкаад̇аруубам̣ д̇ава саб̣б̣амид̇д̇аа’’д̇и.
Evañhimaṃ kumbhagatā mayā te, akkhātarūpaṃ tava sabbamittā’’ti.
д̇ад̇т̇а важ̇ж̇аанийд̇иаад̣̇ийнаваа. г̇ал̣зяяаад̇и г̇ажчанд̇о бад̣̇з бад̣̇з баривад̇д̇зяяа. яам̣ бид̇ваа бад̇зд̇и яам̣ бивид̇ваа бад̇зяяа. соб̣бханд̇и ааваадам̣. жанд̣̇анияол̣иг̇алланд̇и жанд̣̇аниган̃жа ол̣иг̇аллан̃жа. абхож̇анзяяанд̇и бхун̃ж̇ид̇ум̣ аяуд̇д̇ам̣. анзсамаанод̇и аниссаро. г̇ориваад̇и г̇он̣о вияа. бхагкасаад̣̇ийд̇и бураан̣агасадакаад̣̇аго, яат̇аа со д̇ад̇т̇а д̇ад̇т̇а бхагкасам̣ бариязсанд̇о аахин̣д̣ад̇и, звам̣ аахин̣д̣ад̇ийд̇и ад̇т̇о. анаат̇амаанод̇и ниравассаяо анаат̇о вияа. убаг̇ааяад̇ийд̇и ан̃н̃ам̣ г̇ааяанд̇ам̣ д̣̇исваа убаг̇анд̇ваа г̇ааяад̇и. ажзловаад̇и ажзлаго вияа. висиканд̇араанийд̇и анд̇аравийт̇ияо. ад̇ивзласааяийд̇и ад̇ижирамби нид̣̇д̣̇ам̣ оггамзяяа. ‘‘ад̇ивзлажаарий’’д̇иби баато, ад̇ивзлажаарий худ̇ваа жарзяяаад̇и ад̇т̇о.
Tattha vajjānītiādīnavā. Gaḷeyyāti gacchanto pade pade parivatteyya. Yaṃ pitvā pateti yaṃ pivitvā pateyya. Sobbhanti āvāṭaṃ. Candaniyoḷigallanti candanikañca oḷigallañca. Abhojaneyyanti bhuñjituṃ ayuttaṃ. Anesamānoti anissaro. Gorivāti goṇo viya. Bhakkhasādīti purāṇakasaṭakhādako, yathā so tattha tattha bhakkhasaṃ pariyesanto āhiṇḍati, evaṃ āhiṇḍatīti attho. Anāthamānoti niravassayo anātho viya. Upagāyatīti aññaṃ gāyantaṃ disvā upagantvā gāyati. Acelovāti acelako viya. Visikhantarānīti antaravīthiyo. Ativelasāyīti aticirampi niddaṃ okkameyya. ‘‘Ativelacārī’’tipi pāṭho, ativelacārī hutvā careyyāti attho.
д̣̇ааругадаллаго ваад̇и д̣̇аарумаяаяанд̇аруубагам̣ вияа. бхог̇аж̇аанин̃жубзнд̇ийд̇и бхог̇аж̇аанин̃жа убзнд̇и, баан̣аад̇ибаад̇аад̣̇ийни гад̇ваа д̣̇ан̣д̣абийл̣ид̇аа д̇ханаж̇аанин̃жа ан̃н̃ан̃жа вад̇хаб̣анд̇ханаад̣̇ид̣̇угкам̣ баабун̣анд̇ийд̇и ад̇т̇о. ванд̇аг̇ад̇од̇и ад̇д̇ано ванд̇асмим̣ г̇ад̇о. б̣яасаннод̇и б̣яасанаабанно. ‘‘висанно’’д̇иби баато , д̇асмим̣ ванд̇з осаннод̇и ад̇т̇о. уггадтод̇и ахам̣ махааяод̇хо, го маяаа сад̣̇исо ад̇т̇ийд̇и звам̣ уггам̣саг̇ад̇о худ̇ваа. аавилагкод̇и рад̇д̇агко. саб̣б̣абат̇авийд̇и саб̣б̣аа бат̇авий. ‘‘саб̣б̣абут̇увий’’д̇иби баато. жаад̇уранд̇од̇и жад̇усамуд̣̇д̣̇абарияанд̇ааяа бат̇авияаа иссаро. маанаад̇имаанаад̇и маанагааригаа. сзсабад̣̇зсуби зсзва наяо. г̇ад̇ийд̇и ниб̣б̣ад̇д̇и. нигзд̇од̇и ниваасо. д̇ассаа бун̣н̣анд̇и яаа зваруубаа, д̇ассаа бун̣н̣ам̣. ид̣̇д̇хаанийд̇и самид̣̇д̇хаани. пийд̇аанийд̇и вад̇т̇аалан̇гаарагаббабхан̣д̣зхи бубпид̇аани. ужчиннад̣̇ааяаж̇ж̇агад̇аанийд̇и ужчиннад̣̇ааяаад̣̇аани нид̣̇д̇ханаани гад̇аани. яад̇т̇а винаасаяанд̇ийд̇и яам̣ ниссааяа яад̇т̇а бад̇идтид̇аа, звам̣ б̣ахумби д̇ханад̇хан̃н̃аад̣̇исаабад̇зяяам̣ наасаяанд̇и, габан̣аа хонд̇и.
Dārukaṭallakovāti dārumayayantarūpakaṃ viya. Bhogajāniñcupentīti bhogajāniñca upenti, pāṇātipātādīni katvā daṇḍapīḷitā dhanajāniñca aññañca vadhabandhanādidukkhaṃ pāpuṇantīti attho. Vantagatoti attano vantasmiṃ gato. Byasannoti byasanāpanno. ‘‘Visanno’’tipi pāṭho , tasmiṃ vante osannoti attho. Ukkaṭṭhoti ahaṃ mahāyodho, ko mayā sadiso atthīti evaṃ ukkaṃsagato hutvā. Āvilakkhoti rattakkho. Sabbapathavīti sabbā pathavī. ‘‘Sabbaputhuvī’’tipi pāṭho. Cāturantoti catusamuddapariyantāya pathaviyā issaro. Mānātimānāti mānakārikā. Sesapadesupi eseva nayo. Gatīti nibbatti. Niketoti nivāso. Tassā puṇṇanti yā evarūpā, tassā puṇṇaṃ. Iddhānīti samiddhāni. Phītānīti vatthālaṅkārakappabhaṇḍehi pupphitāni. Ucchinnadāyajjakatānīti ucchinnadāyādāni niddhanāni katāni. Yattha vināsayantīti yaṃ nissāya yattha patiṭṭhitā, evaṃ bahumpi dhanadhaññādisāpateyyaṃ nāsayanti, kapaṇā honti.
д̣̇ид̇д̇аруубод̇и д̣̇аббид̇аруубо. г̇ан̣хзяяаад̇и бхарияасан̃н̃ааяа гилзсавасзна хад̇т̇з г̇ан̣хзяяа. д̣̇аасамби г̇ан̣хзд̇и ад̇д̇ано д̣̇аасамби гилзсавасзна ‘‘саамиго мз’’д̇и г̇ан̣хзяяа. бивид̇ваанаад̇и бивид̇ваа. д̣̇ужжарид̇ам̣ жарид̇ваад̇и звам̣ д̇ийхи д̣̇ваарзхи д̣̇асавид̇хамби агусалам̣ гад̇ваа. яам̣ яаажамаанаад̇и яам̣ бурисам̣ буб̣б̣з сурам̣ абиванд̇ам̣ б̣ахум̣ хиран̃н̃ам̣ барижжаж̇анд̇аа мусааваад̣̇ам̣ гарохийд̇и яаажамаанаа на лабханд̇и. бид̇ваад̇и бивид̇ваа тид̇о. наббаж̇аанаад̇и вуд̇д̇од̇и ‘‘гзнадтзна ааг̇ад̇осий’’д̇и вуд̇д̇о саасанасса д̣̇уг̇г̇ахид̇ад̇д̇аа д̇ам̣ ад̇т̇ам̣ на ж̇аанаад̇и. хирийманаабийд̇и хирийяуд̇д̇ажид̇д̇ааби. згат̇уубаад̇и суугарабод̇агаа вияа хийнаж̇ажжзхиби сад̣̇д̇хим̣ згараасий худ̇ваа. анаасагаад̇и нираахаараа. т̇ан̣д̣илад̣̇угкасзяяанд̇и бхуумияам̣ д̣̇угкасзяяам̣ саяанд̇и. ааяасагяанд̇и г̇арахам̣.
Dittarūpoti dappitarūpo. Gaṇheyyāti bhariyasaññāya kilesavasena hatthe gaṇheyya. Dāsampi gaṇheti attano dāsampi kilesavasena ‘‘sāmiko me’’ti gaṇheyya. Pivitvānāti pivitvā. Duccaritaṃ caritvāti evaṃ tīhi dvārehi dasavidhampi akusalaṃ katvā. Yaṃ yācamānāti yaṃ purisaṃ pubbe suraṃ apivantaṃ bahuṃ hiraññaṃ pariccajantā musāvādaṃ karohīti yācamānā na labhanti. Pitvāti pivitvā ṭhito. Nappajānāti vuttoti ‘‘kenaṭṭhena āgatosī’’ti vutto sāsanassa duggahitattā taṃ atthaṃ na jānāti. Hirīmanāpīti hirīyuttacittāpi. Ekathūpāti sūkarapotakā viya hīnajaccehipi saddhiṃ ekarāsī hutvā. Anāsakāti nirāhārā. Thaṇḍiladukkhaseyyanti bhūmiyaṃ dukkhaseyyaṃ sayanti. Āyasakyanti garahaṃ.
бад̇д̇аканд̇хаад̇и бад̇ид̇агканд̇хаа. гуудахад̇ааваад̇и г̇ийвааяа б̣ад̣̇д̇хзна гуудзна хад̇аа г̇ааво вияа, яат̇аа д̇аа д̇ин̣ам̣ акаад̣̇анд̇ияо баанийяам̣ абиванд̇ияо саяанд̇и, д̇ат̇аа саяанд̇ийд̇и ад̇т̇о. гхорависамиваад̇и гхорависам̣ вияа. висасамаананд̇и висасад̣̇исам̣. анд̇хагавзн̣д̣абуд̇д̇аад̇и д̣̇аса бхаад̇игарааж̇аано. убаггамунд̇и бахарим̣су. буб̣б̣ад̣̇зваад̇и асураа. д̇ид̣̇иваад̇и д̇аавад̇им̣сад̣̇звалогаа. сассад̇ияаад̇и сассад̇аа, д̣̇ийгхааяугабхаавзна нижжасаммад̇аа д̣̇звалогаад̇и ад̇т̇о. самааяаад̇и сад̣̇д̇хим̣ асурамааяаахи. ж̇аананд̇и звам̣ ‘‘нирад̇т̇агам̣ зд̇а’’нд̇и ж̇аананд̇о д̇умхаад̣̇исо бан̣д̣ид̇о бурисо гат̇ам̣ бивзяяа . гумбхаг̇ад̇аа маяаад̇и гумбхаг̇ад̇ам̣ маяаа, аяамзва ваа баато. агкаад̇аруубанд̇и сабхаавад̇о агкаад̇ам̣.
Pattakhandhāti patitakkhandhā. Kūṭahatāvāti gīvāya baddhena kūṭena hatā gāvo viya, yathā tā tiṇaṃ akhādantiyo pānīyaṃ apivantiyo sayanti, tathā sayantīti attho. Ghoravisamivāti ghoravisaṃ viya. Visasamānanti visasadisaṃ. Andhakaveṇḍaputtāti dasa bhātikarājāno. Upakkamunti pahariṃsu. Pubbadevāti asurā. Tidivāti tāvatiṃsadevalokā. Sassatiyāti sassatā, dīghāyukabhāvena niccasammatā devalokāti attho. Samāyāti saddhiṃ asuramāyāhi. Jānanti evaṃ ‘‘niratthakaṃ eta’’nti jānanto tumhādiso paṇḍito puriso kathaṃ piveyya . Kumbhagatā mayāti kumbhagataṃ mayā, ayameva vā pāṭho. Akkhātarūpanti sabhāvato akkhātaṃ.
д̇ам̣ суд̇ваа рааж̇аа сурааяа аад̣̇ийнавам̣ н̃ад̇ваа д̇удто саггасса т̇уд̇им̣ гаронд̇о д̣̇вз г̇аат̇аа абхааси –
Taṃ sutvā rājā surāya ādīnavaṃ ñatvā tuṭṭho sakkassa thutiṃ karonto dve gāthā abhāsi –
60.
60.
‘‘на мз бид̇аа ваа ат̇авааби маад̇аа, зд̇аад̣̇исаа яаад̣̇исаго д̇увам̣си;
‘‘Na me pitā vā athavāpi mātā, etādisā yādisako tuvaṃsi;
хид̇аанугамбий барамад̇т̇агаамо, сохам̣ гариссам̣ важанам̣ д̇аваж̇ж̇а.
Hitānukampī paramatthakāmo, sohaṃ karissaṃ vacanaṃ tavajja.
61.
61.
‘‘д̣̇ад̣̇аами д̇з г̇аамавараани бан̃жа, д̣̇аасийсад̇ам̣ сад̇д̇а г̇авам̣сад̇аани;
‘‘Dadāmi te gāmavarāni pañca, dāsīsataṃ satta gavaṃsatāni;
ааж̇ан̃н̃аяуд̇д̇з жа рат̇з д̣̇аса имз, аажарияо хоси мамад̇т̇агаамо’’д̇и.
Ājaññayutte ca rathe dasa ime, ācariyo hosi mamatthakāmo’’ti.
д̇ад̇т̇а г̇аамавараанийд̇и, б̣раахман̣а, аажарияасса наама аажарияабхааг̇о ижчид̇аб̣б̣о, сам̣важчарз сам̣важчарз сад̇асахассудтаанагз д̇уяхам̣ бан̃жа г̇аамз д̣̇ад̣̇аамийд̇и вад̣̇ад̇и. д̣̇аса имзд̇и имз д̣̇аса бурад̇о тид̇з ган̃жанавижид̇д̇з рат̇з д̣̇ассзнд̇о звамааха.
Tattha gāmavarānīti, brāhmaṇa, ācariyassa nāma ācariyabhāgo icchitabbo, saṃvacchare saṃvacchare satasahassuṭṭhānake tuyhaṃ pañca gāme dadāmīti vadati. Dasa imeti ime dasa purato ṭhite kañcanavicitte rathe dassento evamāha.
д̇ам̣ суд̇ваа сагго д̣̇звад̇д̇абхаавам̣ д̣̇ассзд̇ваа ад̇д̇аанам̣ ж̇аанаабзнд̇о аагаасз тад̇ваа д̣̇вз г̇аат̇аа абхааси –
Taṃ sutvā sakko devattabhāvaṃ dassetvā attānaṃ jānāpento ākāse ṭhatvā dve gāthā abhāsi –
62.
62.
‘‘д̇авзва д̣̇аасийсад̇амад̇т̇у рааж̇а, г̇аамаа жа г̇ааво жа д̇авзва хонд̇у;
‘‘Taveva dāsīsatamatthu rāja, gāmā ca gāvo ca taveva hontu;
ааж̇ан̃н̃аяуд̇д̇аа жа рат̇аа д̇авзва, саггохамасмий д̇ид̣̇асаанаминд̣̇о.
Ājaññayuttā ca rathā taveva, sakkohamasmī tidasānamindo.
63.
63.
‘‘мам̣сод̣̇анам̣ саббибааяаасам̣ бхун̃ж̇а, каад̣̇ассу жа д̇вам̣ мад̇хумаасабуувз;
‘‘Maṃsodanaṃ sappipāyāsaṃ bhuñja, khādassu ca tvaṃ madhumāsapūve;
звам̣ д̇увам̣ д̇хаммарад̇о ж̇анинд̣̇а, анинд̣̇ид̇о саг̇г̇амубзхи таана’’нд̇и.
Evaṃ tuvaṃ dhammarato janinda, anindito saggamupehi ṭhāna’’nti.
д̇ад̇т̇а звам̣ д̇увам̣ д̇хаммарад̇од̇и звам̣ д̇вам̣ наанаг̇г̇арасабхож̇анам̣ бхун̃ж̇анд̇о сураабаанаа вирад̇о д̇ийн̣и д̣̇ужжарид̇аани бахааяа д̇ивид̇хасужарид̇ад̇хаммарад̇о худ̇ваа гзнажи анинд̣̇ид̇о саг̇г̇адтаанам̣ убзхийд̇и.
Tattha evaṃ tuvaṃ dhammaratoti evaṃ tvaṃ nānaggarasabhojanaṃ bhuñjanto surāpānā virato tīṇi duccaritāni pahāya tividhasucaritadhammarato hutvā kenaci anindito saggaṭṭhānaṃ upehīti.
ид̇и сагго д̇асса оваад̣̇ам̣ д̣̇ад̇ваа сагадтаанамзва г̇ад̇о. соби сурам̣ абивид̇ваа сураабхааж̇анаани бхинд̣̇аабзд̇ваа сийлам̣ самаад̣̇ааяа д̣̇аанам̣ д̣̇ад̇ваа саг̇г̇абарааяан̣о ахоси. ж̇амб̣уд̣̇ийбзби ануггамзна сураабаанам̣ взбуллаббад̇д̇ам̣ ж̇аад̇ам̣.
Iti sakko tassa ovādaṃ datvā sakaṭṭhānameva gato. Sopi suraṃ apivitvā surābhājanāni bhindāpetvā sīlaṃ samādāya dānaṃ datvā saggaparāyaṇo ahosi. Jambudīpepi anukkamena surāpānaṃ vepullappattaṃ jātaṃ.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, сагго бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā rājā ānando ahosi, sakko pana ahameva ahosi’’nti.
гумбхаж̇аад̇агаван̣н̣анаа д̣̇уд̇ияаа.
Kumbhajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 512. гумбхаж̇аад̇агам̣ • 512. Kumbhajātakaṃ
