| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
408. කුම්‌භකාරජාතකං (7-2-3)
408. Kumbhakārajātakaṃ (7-2-3)
90.
90.
අම්‌බාහමද්‌දං වනමන්‌තරස්‌මිං, නීලොභාසං ඵලිතං 1 සංවිරූළ්‌හං;
Ambāhamaddaṃ vanamantarasmiṃ, nīlobhāsaṃ phalitaṃ 2 saṃvirūḷhaṃ;
තමද්‌දසං ඵලහෙතු විභග්‌ගං, තං දිස්‌වා භික්‌ඛාචරියං චරාමි.
Tamaddasaṃ phalahetu vibhaggaṃ, taṃ disvā bhikkhācariyaṃ carāmi.
91.
91.
සෙලං සුමට්‌ඨං නරවීරනිට්‌ඨිතං 3, නාරී යුගං ධාරයි අප්‌පසද්‌දං;
Selaṃ sumaṭṭhaṃ naravīraniṭṭhitaṃ 4, nārī yugaṃ dhārayi appasaddaṃ;
දුතියඤ්‌ච ආගම්‌ම අහොසි සද්‌දො, තං දිස්‌වා භික්‌ඛාචරියං චරාමි.
Dutiyañca āgamma ahosi saddo, taṃ disvā bhikkhācariyaṃ carāmi.
92.
92.
දිජා දිජං කුණපමාහරන්‌තං, එකං සමානං බහුකා සමෙච්‌ච;
Dijā dijaṃ kuṇapamāharantaṃ, ekaṃ samānaṃ bahukā samecca;
ආහාරහෙතූ පරිපාතයිංසු, තං දිස්‌වා භික්‌ඛාචරියං චරාමි.
Āhārahetū paripātayiṃsu, taṃ disvā bhikkhācariyaṃ carāmi.
93.
93.
උසභාහමද්‌දං යූථස්‌ස මජ්‌ඣෙ, චලක්‌කකුං වණ්‌ණබලූපපන්‌නං;
Usabhāhamaddaṃ yūthassa majjhe, calakkakuṃ vaṇṇabalūpapannaṃ;
තමද්‌දසං කාමහෙතු විතුන්‌නං, තං දිස්‌වා භික්‌ඛාචරියං චරාමි.
Tamaddasaṃ kāmahetu vitunnaṃ, taṃ disvā bhikkhācariyaṃ carāmi.
94.
94.
නිමිරාජා විදෙහානං, පඤ්‌චාලානඤ්‌ච දුම්‌මුඛො;
Nimirājā videhānaṃ, pañcālānañca dummukho;
එතෙ රට්‌ඨානි හිත්‌වාන, පබ්‌බජිංසු අකිඤ්‌චනා.
Ete raṭṭhāni hitvāna, pabbajiṃsu akiñcanā.
95.
95.
සබ්‌බෙපිමෙ දෙවසමා සමාගතා, අග්‌ගී යථා පජ්‌ජලිතො තථෙවිමෙ;
Sabbepime devasamā samāgatā, aggī yathā pajjalito tathevime;
අහම්‌පි එකො චරිස්‌සාමි භග්‌ගවි, හිත්‌වාන කාමානි යථොධිකානි.
Ahampi eko carissāmi bhaggavi, hitvāna kāmāni yathodhikāni.
96.
96.
අයමෙව කාලො න හි අඤ්‌ඤො අත්‌ථි, අනුසාසිතා මෙ න භවෙය්‍ය පච්‌ඡා;
Ayameva kālo na hi añño atthi, anusāsitā me na bhaveyya pacchā;
අහම්‌පි එකා චරිස්‌සාමි භග්‌ගව, සකුණීව මුත්‌තා පුරිසස්‌ස හත්‌ථා.
Ahampi ekā carissāmi bhaggava, sakuṇīva muttā purisassa hatthā.
97.
97.
ආමං පක්‌කඤ්‌ච ජානන්‌ති, අථො ලොණං අලොණකං;
Āmaṃ pakkañca jānanti, atho loṇaṃ aloṇakaṃ;
තමහං දිස්‌වාන පබ්‌බජිං, චරෙව ත්‌වං චරාමහන්‌ති.
Tamahaṃ disvāna pabbajiṃ, careva tvaṃ carāmahanti.
කුම්‌භකාරජාතකං තතියං.
Kumbhakārajātakaṃ tatiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ජාතක-අට්‌ඨකථා • Jātaka-aṭṭhakathā / [408] 3. කුම්‌භකාරජාතකවණ්‌ණනා • [408] 3. Kumbhakārajātakavaṇṇanā
