| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[408] 3. гумбхагаараж̇аад̇агаван̣н̣анаа
[408] 3. Kumbhakārajātakavaṇṇanā
амб̣аахамад̣̇д̣̇ам̣ ванаманд̇арасминд̇и ид̣̇ам̣ сад̇т̇аа ж̇зд̇аванз вихаранд̇о гилзсаниг̇г̇ахам̣ аараб̣бха гат̇зси. вад̇т̇у баанийяаж̇аад̇агз (ж̇аа. 1.11.59 аад̣̇аяо) аави бхависсад̇и. д̇ад̣̇аа бана саавад̇т̇ияам̣ бан̃жасад̇аа сахааяагаа баб̣б̣аж̇ид̇ваа анд̇огодисант̇аарз васамаанаа ад̣дхарад̇д̇асамаяз гаамавид̇аггам̣ вид̇аггаяим̣су. сад̇т̇аа ад̇д̇ано саавагз рад̇д̇ияаа д̇аяо ваарз, д̣̇ивасасса д̇аяо ваарзд̇и рад̇д̇инд̣̇ивам̣ ча ваарз ологзнд̇о гигий ан̣д̣ам̣ вияа, жамарий ваалад̇хим̣ вияа, маад̇аа бияабуд̇д̇ам̣ вияа, згажагкуго бурисо жагкум̣ вияа рагкад̇и, д̇асмим̣ д̇асмим̣язва кан̣з уббаннагилзсам̣ ниг̇г̇ан̣хаад̇и. со д̇ам̣ д̣̇ивасам̣ ад̣дхарад̇д̇асамаяз ж̇зд̇аванам̣ бариг̇г̇ан̣ханд̇о д̇зсам̣ бхигкуунам̣ вид̇аггасамуд̣̇аажаарам̣ н̃ад̇ваа ‘‘имзсам̣ бхигкуунам̣ аб̣бханд̇арз аяам̣ гилзсо вад̣дханд̇о арахад̇д̇асса хзд̇ум̣ бхинд̣̇иссад̇и, ид̣̇аанзва нзсам̣ гилзсам̣ ниг̇г̇ан̣хид̇ваа арахад̇д̇ам̣ д̣̇ассаамий’’д̇и г̇анд̇хагудид̇о нигкамид̇ваа аананд̣̇ад̇т̇зрам̣ баггосаабзд̇ваа ‘‘аананд̣̇а, анд̇огодисант̇аарз васанагабхигкуу саб̣б̣з саннибаад̇зхий’’д̇и саннибаад̇аабзд̇ваа бан̃н̃ад̇д̇авараб̣уд̣̇д̇хаасанз нисийд̣̇ид̇ваа ‘‘на, бхигкавз, анд̇обавад̇д̇агилзсаанам̣ васз вад̇д̇ид̇ум̣ ваддад̇и, гилзсо хи вад̣дхамаано бажжаамид̇д̇о вияа махаавинаасам̣ баабзд̇и, бхигкунаа наама аббамад̇д̇агамби гилзсам̣ ниг̇г̇ан̣хид̇ум̣ ваддад̇и, бораан̣агабан̣д̣ид̇аа аббамад̇д̇агам̣ аарамман̣ам̣ д̣̇исваа аб̣бханд̇арз бавад̇д̇агилзсам̣ ниг̇г̇ан̣хид̇ваа бажжзгаб̣од̇хин̃аан̣ам̣ ниб̣б̣ад̇д̇зсу’’нд̇и вад̇ваа ад̇ийд̇ам̣ аахари.
Ambāhamaddaṃ vanamantarasminti idaṃ satthā jetavane viharanto kilesaniggahaṃ ārabbha kathesi. Vatthu pānīyajātake (jā. 1.11.59 ādayo) āvi bhavissati. Tadā pana sāvatthiyaṃ pañcasatā sahāyakā pabbajitvā antokoṭisanthāre vasamānā aḍḍharattasamaye kāmavitakkaṃ vitakkayiṃsu. Satthā attano sāvake rattiyā tayo vāre, divasassa tayo vāreti rattindivaṃ cha vāre olokento kikī aṇḍaṃ viya, camarī vāladhiṃ viya, mātā piyaputtaṃ viya, ekacakkhuko puriso cakkhuṃ viya rakkhati, tasmiṃ tasmiṃyeva khaṇe uppannakilesaṃ niggaṇhāti. So taṃ divasaṃ aḍḍharattasamaye jetavanaṃ pariggaṇhanto tesaṃ bhikkhūnaṃ vitakkasamudācāraṃ ñatvā ‘‘imesaṃ bhikkhūnaṃ abbhantare ayaṃ kileso vaḍḍhanto arahattassa hetuṃ bhindissati, idāneva nesaṃ kilesaṃ niggaṇhitvā arahattaṃ dassāmī’’ti gandhakuṭito nikkhamitvā ānandattheraṃ pakkosāpetvā ‘‘ānanda, antokoṭisanthāre vasanakabhikkhū sabbe sannipātehī’’ti sannipātāpetvā paññattavarabuddhāsane nisīditvā ‘‘na, bhikkhave, antopavattakilesānaṃ vase vattituṃ vaṭṭati, kileso hi vaḍḍhamāno paccāmitto viya mahāvināsaṃ pāpeti, bhikkhunā nāma appamattakampi kilesaṃ niggaṇhituṃ vaṭṭati, porāṇakapaṇḍitā appamattakaṃ ārammaṇaṃ disvā abbhantare pavattakilesaṃ niggaṇhitvā paccekabodhiñāṇaṃ nibbattesu’’nti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣аараан̣асинаг̇арасса д̣̇ваараг̇аамз гумбхагаарагулз ниб̣б̣ад̇д̇ид̇ваа ваяаббад̇д̇о гудумб̣ам̣ сан̣табзд̇ваа згам̣ буд̇д̇ан̃жа д̇хийд̇аран̃жа лабхид̇ваа гумбхагаарагаммам̣ ниссааяа буд̇д̇ад̣̇аарам̣ босзси. д̇ад̣̇аа галин̇г̇арадтз д̣̇анд̇абуранаг̇арз гаран̣д̣аго наама рааж̇аа маханд̇зна бариваарзна уяяаанам̣ г̇ажчанд̇о уяяаанад̣̇ваарз палабхаарабхарид̇ам̣ мад̇хурапалам̣ амб̣аругкам̣ д̣̇исваа хад̇т̇игканд̇хавараг̇ад̇оязва хад̇т̇ам̣ басаарзд̇ваа згам̣ амб̣абин̣д̣ам̣ г̇ахзд̇ваа уяяаанам̣ бависид̇ваа ман̇г̇аласилааяа нисинно д̣̇аад̇аб̣б̣аяуд̇д̇агаанам̣ д̣̇ад̇ваа амб̣ам̣ барибхун̃ж̇и. ‘‘ран̃н̃аа г̇ахид̇агаалад̇о бадтааяа сзсзхи наама г̇ахзд̇аб̣б̣амзваа’’д̇и амажжааби б̣раахман̣аг̇ахабад̇игаад̣̇аяоби амб̣аани баад̇зд̇ваа каад̣̇им̣су. бажчаа ааг̇ад̇аа ругкам̣ ааруяха муг̇г̇арзхи бот̇зд̇ваа обхаг̇г̇авибхаг̇г̇асаакам̣ гад̇ваа аамагапаламби асзсзд̇ваа каад̣̇им̣су.
Atīte bārāṇasiyaṃ brahmadatte rajjaṃ kārente bodhisatto bārāṇasinagarassa dvāragāme kumbhakārakule nibbattitvā vayappatto kuṭumbaṃ saṇṭhapetvā ekaṃ puttañca dhītarañca labhitvā kumbhakārakammaṃ nissāya puttadāraṃ posesi. Tadā kaliṅgaraṭṭhe dantapuranagare karaṇḍako nāma rājā mahantena parivārena uyyānaṃ gacchanto uyyānadvāre phalabhārabharitaṃ madhuraphalaṃ ambarukkhaṃ disvā hatthikkhandhavaragatoyeva hatthaṃ pasāretvā ekaṃ ambapiṇḍaṃ gahetvā uyyānaṃ pavisitvā maṅgalasilāya nisinno dātabbayuttakānaṃ datvā ambaṃ paribhuñji. ‘‘Raññā gahitakālato paṭṭhāya sesehi nāma gahetabbamevā’’ti amaccāpi brāhmaṇagahapatikādayopi ambāni pātetvā khādiṃsu. Pacchā āgatā rukkhaṃ āruyha muggarehi pothetvā obhaggavibhaggasākhaṃ katvā āmakaphalampi asesetvā khādiṃsu.
рааж̇аа д̣̇ивасам̣ уяяаанз гийл̣ид̇ваа сааяанхасамаяз алан̇гад̇ахад̇т̇игканд̇хаварз нисийд̣̇ид̇ваа г̇ажчанд̇о д̇ам̣ ругкам̣ д̣̇исваа хад̇т̇ид̇о од̇арид̇ваа ругкамуулам̣ г̇анд̇ваа ругкам̣ ологзд̇ваа ‘‘аяам̣ баад̇ова бассанд̇аанам̣ ад̇ид̇д̇игаро палабхаарабхарид̇о собхамаано адтааси, ид̣̇аани г̇ахид̇апало обхаг̇г̇авибхаг̇г̇о асобхамаано тид̇о’’д̇и жинд̇зд̇ваа буна ан̃н̃ад̇о ологзнд̇о абарам̣ нибпалам̣ амб̣аругкам̣ д̣̇исваа ‘‘зса ругко ад̇д̇ано нибпалабхаавзна мун̣д̣аман̣ибаб̣б̣ад̇о вияа собхамаано тид̇о, аяам̣ бана сапалабхаавзна имам̣ б̣яасанам̣ бад̇д̇о, ид̣̇ам̣ аг̇аарамаж̇жхамби палид̇аругкасад̣̇исам̣, баб̣б̣аж̇ж̇аа нибпаларугкасад̣̇исаа, сад̇ханассзва бхаяам̣ ад̇т̇и, нид̣̇д̇ханасса бхаяам̣ над̇т̇и, маяааби нибпаларугкзна вияа бхавид̇аб̣б̣а’’нд̇и паларугкам̣ аарамман̣ам̣ гад̇ваа ругкамуулз тид̇агова д̇ийн̣и лагкан̣аани саллагкзд̇ваа вибассанам̣ вад̣дхзд̇ваа бажжзгаб̣од̇хин̃аан̣ам̣ ниб̣б̣ад̇д̇зд̇ваа ‘‘вид̣̇д̇хам̣сид̇аа д̣̇аани мз маад̇угужчигудигаа, чиннаа д̇ийсу бхавзсу бадисанд̇хи, сод̇хид̇аа сам̣саарауггаарабхууми, сосид̇о маяаа ассусамуд̣̇д̣̇о, бхинно адтибаагааро, над̇т̇и мз буна бадисанд̇хий’’д̇и ааваж̇ж̇знд̇о саб̣б̣аалан̇гаарабадиман̣д̣ид̇ова адтааси.
Rājā divasaṃ uyyāne kīḷitvā sāyanhasamaye alaṅkatahatthikkhandhavare nisīditvā gacchanto taṃ rukkhaṃ disvā hatthito otaritvā rukkhamūlaṃ gantvā rukkhaṃ oloketvā ‘‘ayaṃ pātova passantānaṃ atittikaro phalabhārabharito sobhamāno aṭṭhāsi, idāni gahitaphalo obhaggavibhaggo asobhamāno ṭhito’’ti cintetvā puna aññato olokento aparaṃ nipphalaṃ ambarukkhaṃ disvā ‘‘esa rukkho attano nipphalabhāvena muṇḍamaṇipabbato viya sobhamāno ṭhito, ayaṃ pana saphalabhāvena imaṃ byasanaṃ patto, idaṃ agāramajjhampi phalitarukkhasadisaṃ, pabbajjā nipphalarukkhasadisā, sadhanasseva bhayaṃ atthi, niddhanassa bhayaṃ natthi, mayāpi nipphalarukkhena viya bhavitabba’’nti phalarukkhaṃ ārammaṇaṃ katvā rukkhamūle ṭhitakova tīṇi lakkhaṇāni sallakkhetvā vipassanaṃ vaḍḍhetvā paccekabodhiñāṇaṃ nibbattetvā ‘‘viddhaṃsitā dāni me mātukucchikuṭikā, chinnā tīsu bhavesu paṭisandhi, sodhitā saṃsāraukkārabhūmi, sosito mayā assusamuddo, bhinno aṭṭhipākāro, natthi me puna paṭisandhī’’ti āvajjento sabbālaṅkārapaṭimaṇḍitova aṭṭhāsi.
ат̇а нам̣ амажжаа аахам̣су ‘‘ад̇иб̣ахум̣ тид̇ад̇т̇а, махаарааж̇аа’’д̇и. ‘‘на маяам̣ махаарааж̇аано, бажжзгаб̣уд̣̇д̇хаа наама маяа’’нд̇и. ‘‘бажжзгаб̣уд̣̇д̇хаа наама д̇умхаад̣̇исаа на хонд̇и, д̣̇зваа’’д̇и. ‘‘ат̇а гийд̣̇исаа хонд̇ий’’д̇и? ‘‘оробид̇агзсамассугаасаававад̇т̇абадижчаннаа гулз ваа г̇ан̣з ваа алаг̇г̇аа ваад̇ажчиннавалаахагараахумуд̇д̇ажанд̣̇аман̣д̣алабадибхааг̇аа химаванд̇з нанд̣̇амуулагабаб̣бхаарз васанд̇и, зваруубаа д̣̇зва, бажжзгаб̣уд̣̇д̇хаа’’д̇и. д̇асмим̣ кан̣з рааж̇аа хад̇т̇ам̣ угкибид̇ваа сийсам̣ бараамаси, д̇аавад̣̇звасса г̇ихилин̇г̇ам̣ анд̇арад̇хааяи, саман̣алин̇г̇ам̣ баад̇урахоси.
Atha naṃ amaccā āhaṃsu ‘‘atibahuṃ ṭhitattha, mahārājā’’ti. ‘‘Na mayaṃ mahārājāno, paccekabuddhā nāma maya’’nti. ‘‘Paccekabuddhā nāma tumhādisā na honti, devā’’ti. ‘‘Atha kīdisā hontī’’ti? ‘‘Oropitakesamassukāsāvavatthapaṭicchannā kule vā gaṇe vā alaggā vātacchinnavalāhakarāhumuttacandamaṇḍalapaṭibhāgā himavante nandamūlakapabbhāre vasanti, evarūpā deva, paccekabuddhā’’ti. Tasmiṃ khaṇe rājā hatthaṃ ukkhipitvā sīsaṃ parāmasi, tāvadevassa gihiliṅgaṃ antaradhāyi, samaṇaliṅgaṃ pāturahosi.
‘‘д̇ижийваран̃жа бад̇д̇о жа, вааси суужи жа б̣анд̇ханам̣;
‘‘Ticīvarañca patto ca, vāsi sūci ca bandhanaṃ;
бариссааванзна адтзд̇з, яуд̇д̇аяог̇асса бхигкуно’’д̇и. –
Parissāvanena aṭṭhete, yuttayogassa bhikkhuno’’ti. –
звам̣ вуд̇д̇аа саман̣абаригкаараа гааяабадиб̣ад̣̇д̇хаава ахзсум̣. со аагаасз тад̇ваа махааж̇анасса оваад̣̇ам̣ д̣̇ад̇ваа анилабат̇зна уд̇д̇арахимаванд̇з нанд̣̇амуулагабаб̣бхаарамзва аг̇амааси.
Evaṃ vuttā samaṇaparikkhārā kāyapaṭibaddhāva ahesuṃ. So ākāse ṭhatvā mahājanassa ovādaṃ datvā anilapathena uttarahimavante nandamūlakapabbhārameva agamāsi.
г̇анд̇хаарарадтзби д̇аггасиланаг̇арз наг̇г̇аж̇и наама рааж̇аа убарибаасаад̣̇з баллан̇гамаж̇жхаг̇ад̇о згам̣ ид̇т̇им̣ згзгахад̇т̇з згзгам̣ ман̣ивалаяам̣ бил̣анд̇хид̇ваа авид̣̇уурз нисийд̣̇ид̇ваа г̇анд̇хам̣ бисамаанам̣ д̣̇исваа ‘‘зд̇аани валаяаани згзгабхаавзна на гхаддзнд̇и на вираванд̇ий’’д̇и ологзнд̇о нисийд̣̇и. ат̇а саа д̣̇агкин̣ахад̇т̇ад̇о валаяам̣ ваамахад̇т̇зязва бил̣анд̇хид̇ваа д̣̇агкин̣ахад̇т̇зна г̇анд̇хам̣ сан̇гад̣дхид̇ваа бисид̇ум̣ аарабхи, ваамахад̇т̇з валаяам̣ д̣̇уд̇ияам̣ ааг̇амма гхаддияамаанам̣ сад̣̇д̣̇амагааси. рааж̇аа д̇аани д̣̇вз валаяаани ан̃н̃аман̃н̃ам̣ гхаддзнд̇аани вираванд̇аани д̣̇исваа жинд̇зси ‘‘ид̣̇ам̣ валаяам̣ згзгагаалз на гхаддзси, д̣̇уд̇ияам̣ ааг̇амма гхаддзд̇и, сад̣̇д̣̇ам̣ гарод̇и, звамзва имз сад̇д̇ааби згзгаа на гхаддзнд̇и на вивад̣̇анд̇и, д̣̇вз д̇аяо худ̇ваа ан̃н̃аман̃н̃ам̣ гхаддзнд̇и, галахам̣ гаронд̇и. ахам̣ бана гасмийраг̇анд̇хаарзсу д̣̇вийсу раж̇ж̇зсу радтаваасино вижаарзми, маяааби згавалаяасад̣̇исзна худ̇ваа барам̣ авижаарзд̇ваа ад̇д̇аанамзва вижаарзнд̇зна васид̇ум̣ ваддад̇ий’’д̇и сан̇гхадданавалаяам̣ аарамман̣ам̣ гад̇ваа яат̇аанисиннова д̇ийн̣и лагкан̣аани саллагкзд̇ваа вибассанам̣ вад̣дхзд̇ваа бажжзгаб̣од̇хин̃аан̣ам̣ ниб̣б̣ад̇д̇зси. сзсам̣ буримасад̣̇исамзва.
Gandhāraraṭṭhepi takkasilanagare naggaji nāma rājā uparipāsāde pallaṅkamajjhagato ekaṃ itthiṃ ekekahatthe ekekaṃ maṇivalayaṃ piḷandhitvā avidūre nisīditvā gandhaṃ pisamānaṃ disvā ‘‘etāni valayāni ekekabhāvena na ghaṭṭenti na viravantī’’ti olokento nisīdi. Atha sā dakkhiṇahatthato valayaṃ vāmahattheyeva piḷandhitvā dakkhiṇahatthena gandhaṃ saṅkaḍḍhitvā pisituṃ ārabhi, vāmahatthe valayaṃ dutiyaṃ āgamma ghaṭṭiyamānaṃ saddamakāsi. Rājā tāni dve valayāni aññamaññaṃ ghaṭṭentāni viravantāni disvā cintesi ‘‘idaṃ valayaṃ ekekakāle na ghaṭṭesi, dutiyaṃ āgamma ghaṭṭeti, saddaṃ karoti, evameva ime sattāpi ekekā na ghaṭṭenti na vivadanti, dve tayo hutvā aññamaññaṃ ghaṭṭenti, kalahaṃ karonti. Ahaṃ pana kasmīragandhāresu dvīsu rajjesu raṭṭhavāsino vicāremi, mayāpi ekavalayasadisena hutvā paraṃ avicāretvā attānameva vicārentena vasituṃ vaṭṭatī’’ti saṅghaṭṭanavalayaṃ ārammaṇaṃ katvā yathānisinnova tīṇi lakkhaṇāni sallakkhetvā vipassanaṃ vaḍḍhetvā paccekabodhiñāṇaṃ nibbattesi. Sesaṃ purimasadisameva.
вид̣̇зхарадтз мит̇иланаг̇арз ними наама рааж̇аа бхуд̇д̇абаад̇араасо амажжаг̇ан̣абаривуд̇о вивадасийхабан̃ж̇арзна анд̇аравийт̇им̣ бзгкамаано адтааси. ат̇зго сзно суунаабан̣ад̇о мам̣сабзсим̣ г̇ахзд̇ваа аагаасам̣ багканд̣̇и. д̇амзнам̣ ид̇о жид̇о жа г̇иж̇жхаад̣̇аяо сагун̣аа самбариваарзд̇ваа аахаарахзд̇у д̇ун̣д̣зна виж̇жханд̇аа багкзхи бахаранд̇аа баад̣̇зхи мад̣̇д̣̇анд̇аа аг̇амам̣су. со ад̇д̇ано вад̇хам̣ асахамаано д̇ам̣ мам̣сам̣ чад̣д̣зси. ан̃н̃о г̇ан̣хи, сагун̣аа имам̣ мун̃жид̇ваа д̇ам̣ ануб̣анд̇хим̣су. д̇знаби виссадтам̣ ан̃н̃о аг̇г̇ахзси, д̇амби д̇ат̇зва вихзтзсум̣. рааж̇аа д̇з сагун̣з д̣̇исваа жинд̇зси ‘‘яо яо мам̣сабзсим̣ г̇ан̣хи, д̇асса д̇ассзва д̣̇угкам̣, яо яо д̇ам̣ виссаж̇ж̇зси, д̇асса д̇ассзва сукам̣, имзби бан̃жа гаамаг̇ун̣з яо яо г̇ан̣хаад̇и, д̇асса д̇ассзва д̣̇угкам̣, ид̇арасса сукам̣, имз хи б̣ахуунам̣ саад̇хааран̣аа, маяхам̣ ко бана сол̣аса ид̇т̇исахассаани, маяаа виссадтамам̣сабин̣д̣зна вияа сзнзна бан̃жа гаамаг̇ун̣з бахааяа сукид̇зна бхавид̇ум̣ ваддад̇ий’’д̇и. со яонисо манаси гаронд̇о яат̇аатид̇ова д̇ийн̣и лагкан̣аани саллагкзд̇ваа вибассанам̣ вад̣дхзд̇ваа бажжзгаб̣од̇хин̃аан̣ам̣ ниб̣б̣ад̇д̇зси. сзсам̣ буримасад̣̇исамзва.
Videharaṭṭhe mithilanagare nimi nāma rājā bhuttapātarāso amaccagaṇaparivuto vivaṭasīhapañjarena antaravīthiṃ pekkhamāno aṭṭhāsi. Atheko seno sūnāpaṇato maṃsapesiṃ gahetvā ākāsaṃ pakkhandi. Tamenaṃ ito cito ca gijjhādayo sakuṇā samparivāretvā āhārahetu tuṇḍena vijjhantā pakkhehi paharantā pādehi maddantā agamaṃsu. So attano vadhaṃ asahamāno taṃ maṃsaṃ chaḍḍesi. Añño gaṇhi, sakuṇā imaṃ muñcitvā taṃ anubandhiṃsu. Tenapi vissaṭṭhaṃ añño aggahesi, tampi tatheva viheṭhesuṃ. Rājā te sakuṇe disvā cintesi ‘‘yo yo maṃsapesiṃ gaṇhi, tassa tasseva dukkhaṃ, yo yo taṃ vissajjesi, tassa tasseva sukhaṃ, imepi pañca kāmaguṇe yo yo gaṇhāti, tassa tasseva dukkhaṃ, itarassa sukhaṃ, ime hi bahūnaṃ sādhāraṇā, mayhaṃ kho pana soḷasa itthisahassāni, mayā vissaṭṭhamaṃsapiṇḍena viya senena pañca kāmaguṇe pahāya sukhitena bhavituṃ vaṭṭatī’’ti. So yoniso manasi karonto yathāṭhitova tīṇi lakkhaṇāni sallakkhetvā vipassanaṃ vaḍḍhetvā paccekabodhiñāṇaṃ nibbattesi. Sesaṃ purimasadisameva.
уд̇д̇арабан̃жааларадтз габиланаг̇арз д̣̇уммуко наама рааж̇аа бхуд̇д̇абаад̇араасо саб̣б̣аалан̇гаарабадиман̣д̣ид̇о амажжаг̇ан̣абаривуд̇о вивадасийхабан̃ж̇арз рааж̇ан̇г̇ан̣ам̣ ологзнд̇о адтааси. д̇асмим̣ кан̣з г̇обаалагаа важ̇ад̣̇ваарам̣ виварим̣су, усабхаа важ̇ад̇о нигкамид̇ваа гилзсавасзна згам̣ г̇аавим̣ ануб̣анд̇хим̣су. д̇ад̇т̇зго д̇икин̣асин̇г̇о махааусабхо ан̃н̃ам̣ усабхам̣ ааг̇ажчанд̇ам̣ д̣̇исваа гилзсамажчзраабхибхууд̇о д̇икин̣зна син̇г̇зна анд̇арасад̇т̇имхи бахари. д̇асса бахаарамукзна анд̇аани нигкамим̣су, со д̇ад̇т̇зва ж̇ийвид̇агкаяам̣ баабун̣и. рааж̇аа д̇ам̣ д̣̇исваа жинд̇зси ‘‘имз сад̇д̇аа д̇иражчаанаг̇ад̇з аад̣̇им̣ гад̇ваа гилзсавасзна д̣̇угкам̣ баабун̣анд̇и, аяам̣ усабхо гилзсам̣ ниссааяа ж̇ийвид̇агкаяам̣ бад̇д̇о, ан̃н̃зби сад̇д̇аа гилзсзхзва гамбанд̇и, маяаа имзсам̣ сад̇д̇аанам̣ гамбанагилзсз бахаад̇ум̣ ваддад̇ий’’д̇и. со тид̇агова д̇ийн̣и лагкан̣аани саллагкзд̇ваа вибассанам̣ вад̣дхзд̇ваа бажжзгаб̣од̇хин̃аан̣ам̣ ниб̣б̣ад̇д̇зси. сзсам̣ буримасад̣̇исамзва.
Uttarapañcālaraṭṭhe kapilanagare dummukho nāma rājā bhuttapātarāso sabbālaṅkārapaṭimaṇḍito amaccagaṇaparivuto vivaṭasīhapañjare rājaṅgaṇaṃ olokento aṭṭhāsi. Tasmiṃ khaṇe gopālakā vajadvāraṃ vivariṃsu, usabhā vajato nikkhamitvā kilesavasena ekaṃ gāviṃ anubandhiṃsu. Tattheko tikhiṇasiṅgo mahāusabho aññaṃ usabhaṃ āgacchantaṃ disvā kilesamaccherābhibhūto tikhiṇena siṅgena antarasatthimhi pahari. Tassa pahāramukhena antāni nikkhamiṃsu, so tattheva jīvitakkhayaṃ pāpuṇi. Rājā taṃ disvā cintesi ‘‘ime sattā tiracchānagate ādiṃ katvā kilesavasena dukkhaṃ pāpuṇanti, ayaṃ usabho kilesaṃ nissāya jīvitakkhayaṃ patto, aññepi sattā kileseheva kampanti, mayā imesaṃ sattānaṃ kampanakilese pahātuṃ vaṭṭatī’’ti. So ṭhitakova tīṇi lakkhaṇāni sallakkhetvā vipassanaṃ vaḍḍhetvā paccekabodhiñāṇaṃ nibbattesi. Sesaṃ purimasadisameva.
ат̇згад̣̇ивасам̣ жад̇д̇ааро бажжзгаб̣уд̣̇д̇хаа бхигкаажааравзлам̣ саллагкзд̇ваа нанд̣̇амуулагабаб̣бхаараа нигкамма анод̇ад̇д̇ад̣̇ахз нааг̇алад̇аад̣̇анд̇агадтам̣ каад̣̇ид̇ваа гад̇асарийрабадиж̇аг̇г̇анаа маносилаад̇алз тад̇ваа ниваасзд̇ваа бад̇д̇ажийварамаад̣̇ааяа ид̣̇д̇хияаа аагаасз уббад̇ид̇ваа бан̃жаван̣н̣авалаахагз мад̣̇д̣̇амаанаа г̇анд̇ваа б̣аараан̣асинаг̇арад̣̇ваараг̇аамагасса авид̣̇уурз од̇арид̇ваа згасмим̣ паасугадтаанз жийварам̣ баарубид̇ваа бад̇д̇ам̣ г̇ахзд̇ваа д̣̇ваараг̇аамам̣ бависид̇ваа бин̣д̣ааяа жаранд̇аа б̣од̇хисад̇д̇асса г̇зхад̣̇ваарам̣ самбаабун̣им̣су. б̣од̇хисад̇д̇о д̇з д̣̇исваа д̇удтажид̇д̇о худ̇ваа г̇зхам̣ бавзсзд̇ваа бан̃н̃ад̇д̇аасанз нисийд̣̇аабзд̇ваа д̣̇агкин̣од̣̇агам̣ д̣̇ад̇ваа бан̣ийд̇зна каад̣̇анийязна бхож̇анийязна баривисид̇ваа згаманд̇ам̣ нисийд̣̇ид̇ваа сан̇гхад̇т̇зрам̣ ванд̣̇ид̇ваа ‘‘бханд̇з, д̇умхаагам̣ баб̣б̣аж̇ж̇аа ад̇ивияа собхад̇и, виббасаннаани во инд̣̇рияаани, барисуд̣̇д̇хо чавиван̣н̣о, гим̣ ну ко аарамман̣ам̣ д̣̇исваа д̇умхз имам̣ бхигкаажарияабаб̣б̣аж̇ж̇ам̣ убаг̇ад̇аа’’д̇и бужчи. яат̇аа жа сан̇гхад̇т̇зрам̣, звам̣ сзсзби убасан̇гамид̇ваа бужчи. ат̇асса д̇з жад̇д̇аароби ж̇анаа ‘‘ахам̣ асуганаг̇арз асугарадтз асугарааж̇аа наама худ̇ваа’’д̇иаад̣̇инаа наязна ад̇д̇ано ад̇д̇ано абхинигкаманавад̇т̇ууни гат̇зд̇ваа бадибаадияаа згзгам̣ г̇аат̇амаахам̣су –
Athekadivasaṃ cattāro paccekabuddhā bhikkhācāravelaṃ sallakkhetvā nandamūlakapabbhārā nikkhamma anotattadahe nāgalatādantakaṭṭhaṃ khāditvā katasarīrapaṭijagganā manosilātale ṭhatvā nivāsetvā pattacīvaramādāya iddhiyā ākāse uppatitvā pañcavaṇṇavalāhake maddamānā gantvā bārāṇasinagaradvāragāmakassa avidūre otaritvā ekasmiṃ phāsukaṭṭhāne cīvaraṃ pārupitvā pattaṃ gahetvā dvāragāmaṃ pavisitvā piṇḍāya carantā bodhisattassa gehadvāraṃ sampāpuṇiṃsu. Bodhisatto te disvā tuṭṭhacitto hutvā gehaṃ pavesetvā paññattāsane nisīdāpetvā dakkhiṇodakaṃ datvā paṇītena khādanīyena bhojanīyena parivisitvā ekamantaṃ nisīditvā saṅghattheraṃ vanditvā ‘‘bhante, tumhākaṃ pabbajjā ativiya sobhati, vippasannāni vo indriyāni, parisuddho chavivaṇṇo, kiṃ nu kho ārammaṇaṃ disvā tumhe imaṃ bhikkhācariyapabbajjaṃ upagatā’’ti pucchi. Yathā ca saṅghattheraṃ, evaṃ sesepi upasaṅkamitvā pucchi. Athassa te cattāropi janā ‘‘ahaṃ asukanagare asukaraṭṭhe asukarājā nāma hutvā’’tiādinā nayena attano attano abhinikkhamanavatthūni kathetvā paṭipāṭiyā ekekaṃ gāthamāhaṃsu –
90.
90.
‘‘амб̣аахамад̣̇д̣̇ам̣ ванаманд̇арасмим̣, нилобхаасам̣ палид̇ам̣ сам̣вируул̣хам̣;
‘‘Ambāhamaddaṃ vanamantarasmiṃ, nilobhāsaṃ phalitaṃ saṃvirūḷhaṃ;
д̇амад̣̇д̣̇асам̣ палахзд̇у вибхаг̇г̇ам̣, д̇ам̣ д̣̇исваа бхигкаажарияам̣ жараами.
Tamaddasaṃ phalahetu vibhaggaṃ, taṃ disvā bhikkhācariyaṃ carāmi.
91.
91.
‘‘сзлам̣ сумадтам̣ наравийранидтид̇ам̣, наарий яуг̇ам̣ д̇хаараяи аббасад̣̇д̣̇ам̣;
‘‘Selaṃ sumaṭṭhaṃ naravīraniṭṭhitaṃ, nārī yugaṃ dhārayi appasaddaṃ;
д̣̇уд̇ияан̃жа ааг̇амма ахоси сад̣̇д̣̇о, д̇ам̣ д̣̇исваа бхигкаажарияам̣ жараами.
Dutiyañca āgamma ahosi saddo, taṃ disvā bhikkhācariyaṃ carāmi.
92.
92.
‘‘д̣̇иж̇аа д̣̇иж̇ам̣ гун̣абамаахаранд̇ам̣, згам̣ самаанам̣ б̣ахугаа самзжжа;
‘‘Dijā dijaṃ kuṇapamāharantaṃ, ekaṃ samānaṃ bahukā samecca;
аахаарахзд̇уу барибаад̇аяим̣су, д̇ам̣ д̣̇исваа бхигкаажарияам̣ жараами.
Āhārahetū paripātayiṃsu, taṃ disvā bhikkhācariyaṃ carāmi.
93.
93.
‘‘усабхаахамад̣̇д̣̇ам̣ яуут̇асса маж̇жхз, жалаггагум̣ ван̣н̣аб̣алуубабаннам̣;
‘‘Usabhāhamaddaṃ yūthassa majjhe, calakkakuṃ vaṇṇabalūpapannaṃ;
д̇амад̣̇д̣̇асам̣ гаамахзд̇у вид̇уннам̣, д̇ам̣ д̣̇исваа бхигкаажарияам̣ жараамий’’д̇и.
Tamaddasaṃ kāmahetu vitunnaṃ, taṃ disvā bhikkhācariyaṃ carāmī’’ti.
д̇ад̇т̇а амб̣аахамад̣̇д̣̇анд̇и амб̣аругкам̣ ахам̣ ад̣̇д̣̇асам̣. ванаманд̇арасминд̇и ванаанд̇арз, амб̣аванамаж̇жхзд̇и ад̇т̇о. сам̣вируул̣ханд̇и сувад̣дхид̇ам̣. д̇амад̣̇д̣̇асанд̇и д̇ам̣ уяяаанад̇о нигканд̇о палахзд̇у вибхаг̇г̇ам̣ буна ад̣̇д̣̇асам̣. д̇ам̣ д̣̇исваад̇и д̇ам̣ палахзд̇у вибхаг̇г̇ам̣ д̣̇исваа бадилад̣̇д̇хасам̣взг̇о бажжзгаб̣од̇хин̃аан̣ам̣ ниб̣б̣ад̇д̇зд̇ваа имам̣ бхигкаажарияабаб̣б̣аж̇ж̇ам̣ убаг̇ад̇осми, д̇асмаа бхигкаажарияам̣ жараамийд̇и. ид̣̇ам̣ со палахзд̇у вибхаг̇г̇ам̣ амб̣аругкам̣ д̣̇ассанад̇о бадтааяа саб̣б̣ам̣ жид̇д̇аажаарам̣ гат̇зси. сзсаанам̣ виссаж̇ж̇анзсуби зсзва наяо. аяам̣ банзд̇т̇а ануд̇д̇аанабад̣̇аван̣н̣анаа – сзланд̇и ман̣ивалаяам̣. наравийранидтид̇анд̇и вийранарзхи нидтид̇ам̣, бан̣д̣ид̇абурисзхи гад̇анд̇и ад̇т̇о. яуг̇анд̇и згзгасмим̣ згзгам̣ гад̇ваа згам̣ валаяаяуг̇ал̣ам̣. д̣̇иж̇аа д̣̇иж̇анд̇и г̇ахид̇амам̣сабин̣д̣ам̣ д̣̇иж̇ам̣ авасзсад̣̇иж̇аа. гун̣абамаахаранд̇анд̇и мам̣сабин̣д̣ам̣ аад̣̇ааяа аахаранд̇ам̣. самзжжаад̇и самааг̇анд̇ваа саннибад̇ид̇ваа. барибаад̇аяим̣сууд̇и годдзнд̇аа ануб̣анд̇хим̣су. усабхаахамад̣̇д̣̇анд̇и усабхам̣ ахам̣ ад̣̇д̣̇асам̣. жалаггагунд̇и жалаггагуд̇хам̣.
Tattha ambāhamaddanti ambarukkhaṃ ahaṃ addasaṃ. Vanamantarasminti vanaantare, ambavanamajjheti attho. Saṃvirūḷhanti suvaḍḍhitaṃ. Tamaddasanti taṃ uyyānato nikkhanto phalahetu vibhaggaṃ puna addasaṃ. Taṃ disvāti taṃ phalahetu vibhaggaṃ disvā paṭiladdhasaṃvego paccekabodhiñāṇaṃ nibbattetvā imaṃ bhikkhācariyapabbajjaṃ upagatosmi, tasmā bhikkhācariyaṃ carāmīti. Idaṃ so phalahetu vibhaggaṃ ambarukkhaṃ dassanato paṭṭhāya sabbaṃ cittācāraṃ kathesi. Sesānaṃ vissajjanesupi eseva nayo. Ayaṃ panettha anuttānapadavaṇṇanā – selanti maṇivalayaṃ. Naravīraniṭṭhitanti vīranarehi niṭṭhitaṃ, paṇḍitapurisehi katanti attho. Yuganti ekekasmiṃ ekekaṃ katvā ekaṃ valayayugaḷaṃ. Dijā dijanti gahitamaṃsapiṇḍaṃ dijaṃ avasesadijā. Kuṇapamāharantanti maṃsapiṇḍaṃ ādāya āharantaṃ. Sameccāti samāgantvā sannipatitvā. Paripātayiṃsūti koṭṭentā anubandhiṃsu. Usabhāhamaddanti usabhaṃ ahaṃ addasaṃ. Calakkakunti calakkakudhaṃ.
б̣од̇хисад̇д̇о згзгам̣ г̇аат̇ам̣ суд̇ваа ‘‘саад̇ху, бханд̇з, д̇умхаагамзва д̇ам̣ аарамман̣ам̣ анурууба’’нд̇и згзгасса бажжзгаб̣уд̣̇д̇хасса т̇уд̇им̣ агааси. д̇ан̃жа бана жад̇уухи ж̇анзхи д̣̇зсид̇ам̣ д̇хаммагат̇ам̣ суд̇ваа гхарааваасз анабзгко худ̇ваа багганд̇зсу бажжзгаб̣уд̣̇д̇хзсу бхуд̇д̇абаад̇араасо суканисинно бхарияам̣ ааманд̇зд̇ваа ‘‘бхад̣̇д̣̇з, зд̇з жад̇д̇ааро бажжзгаб̣уд̣̇д̇хаа раж̇ж̇ам̣ бахааяа баб̣б̣аж̇ид̇ваа агин̃жанаа абалиб̣од̇хаа баб̣б̣аж̇ж̇аасукзна вийд̇инаамзнд̇и, ахам̣ бана бхад̇ияаа ж̇ийвигам̣ габбзми, гим̣ мз гхарааваасзна, д̇вам̣ буд̇д̇агз сан̇г̇ан̣ханд̇ий г̇зхз васаа’’д̇и вад̇ваа д̣̇вз г̇аат̇аа абхааси –
Bodhisatto ekekaṃ gāthaṃ sutvā ‘‘sādhu, bhante, tumhākameva taṃ ārammaṇaṃ anurūpa’’nti ekekassa paccekabuddhassa thutiṃ akāsi. Tañca pana catūhi janehi desitaṃ dhammakathaṃ sutvā gharāvāse anapekkho hutvā pakkantesu paccekabuddhesu bhuttapātarāso sukhanisinno bhariyaṃ āmantetvā ‘‘bhadde, ete cattāro paccekabuddhā rajjaṃ pahāya pabbajitvā akiñcanā apalibodhā pabbajjāsukhena vītināmenti, ahaṃ pana bhatiyā jīvikaṃ kappemi, kiṃ me gharāvāsena, tvaṃ puttake saṅgaṇhantī gehe vasā’’ti vatvā dve gāthā abhāsi –
94.
94.
‘‘гаран̣д̣аго галин̇г̇аанам̣, г̇анд̇хаараанан̃жа наг̇г̇аж̇и;
‘‘Karaṇḍako kaliṅgānaṃ, gandhārānañca naggaji;
нимирааж̇аа вид̣̇зхаанам̣, бан̃жаалаанан̃жа д̣̇уммуко;
Nimirājā videhānaṃ, pañcālānañca dummukho;
зд̇з радтаани хид̇ваана, баб̣б̣аж̇им̣су агин̃жанаа.
Ete raṭṭhāni hitvāna, pabbajiṃsu akiñcanā.
95.
95.
‘‘саб̣б̣збимз д̣̇звасамаа самааг̇ад̇аа, аг̇г̇ий яат̇аа баж̇ж̇алид̇о д̇ат̇звимз;
‘‘Sabbepime devasamā samāgatā, aggī yathā pajjalito tathevime;
ахамби зго жариссаами бхаг̇г̇ави, хид̇ваана гаамаани яат̇од̇хигааний’’д̇и.
Ahampi eko carissāmi bhaggavi, hitvāna kāmāni yathodhikānī’’ti.
д̇аасам̣ ад̇т̇о – бхад̣̇д̣̇з, зса сан̇гхад̇т̇зро бажжзгаб̣уд̣̇д̇хо д̣̇анд̇абурз наама наг̇арз гаран̣д̣аго наама галин̇г̇аанам̣ ж̇анабад̣̇асса рааж̇аа, д̣̇уд̇ияо д̇аггасиланаг̇арз наг̇г̇аж̇и наама г̇анд̇хаараанам̣ ж̇анабад̣̇асса рааж̇аа, д̇ад̇ияо мит̇иланаг̇арз ними наама вид̣̇зхаанам̣ ж̇анабад̣̇асса рааж̇аа, жад̇уд̇т̇о габиланаг̇арз д̣̇уммуко наама уд̇д̇арабан̃жаалаанам̣ ж̇анабад̣̇асса рааж̇аа, зд̇з зваруубаани радтаани хид̇ваа агин̃жанаа худ̇ваа баб̣б̣аж̇им̣су. саб̣б̣збимзд̇и имз бана саб̣б̣зби висуд̣̇д̇хид̣̇звзхи буримабажжзгаб̣уд̣̇д̇хзхи самаанаа згад̇о самааг̇ад̇аа. аг̇г̇ий яат̇аад̇и яат̇аа хи аг̇г̇и баж̇ж̇алид̇о обхаасад̇и. д̇ат̇звимзд̇и имзби д̇ат̇зва сийлаад̣̇ийхи бан̃жахи г̇ун̣зхи обхаасанд̇и. яат̇аа зд̇з, д̇ат̇аа ахамби баб̣б̣аж̇ид̇ваа зго жариссаамийд̇и ад̇т̇о. бхаг̇г̇авийд̇и бхарияам̣ аалабад̇и. хид̇ваана гаамаанийд̇и руубаад̣̇аяо вад̇т̇угаамз хид̇ваа. яат̇од̇хигаанийд̇и ад̇д̇ано од̇хивасзна тид̇аани. ид̣̇ам̣ вуд̇д̇ам̣ ход̇и – руубаад̣̇иод̇хивасзна яат̇аатид̇з гаамз бахааяа ахамби баб̣б̣аж̇ид̇ваа зго жариссаамийд̇и. ‘‘яад̇од̇хигааний’’д̇иби баато, д̇ассад̇т̇о – яад̇о убарад̇о од̇хи зд̇зсанд̇и яад̇од̇хигаани, убарад̇агодтаасаани. баб̣б̣аж̇иссаамийд̇и жинд̇ид̇агаалад̇о бадтааяа хи гилзсагаамаанам̣ зго годтаасо убарад̇о наама ход̇и нируд̣̇д̇хо, д̇асса вад̇т̇убхууд̇о гаамагодтаасоби убарад̇ова ход̇ийд̇и.
Tāsaṃ attho – bhadde, esa saṅghatthero paccekabuddho dantapure nāma nagare karaṇḍako nāma kaliṅgānaṃ janapadassa rājā, dutiyo takkasilanagare naggaji nāma gandhārānaṃ janapadassa rājā, tatiyo mithilanagare nimi nāma videhānaṃ janapadassa rājā, catuttho kapilanagare dummukho nāma uttarapañcālānaṃ janapadassa rājā, ete evarūpāni raṭṭhāni hitvā akiñcanā hutvā pabbajiṃsu. Sabbepimeti ime pana sabbepi visuddhidevehi purimapaccekabuddhehi samānā ekato samāgatā. Aggī yathāti yathā hi aggi pajjalito obhāsati. Tathevimeti imepi tatheva sīlādīhi pañcahi guṇehi obhāsanti. Yathā ete, tathā ahampi pabbajitvā eko carissāmīti attho. Bhaggavīti bhariyaṃ ālapati. Hitvāna kāmānīti rūpādayo vatthukāme hitvā. Yathodhikānīti attano odhivasena ṭhitāni. Idaṃ vuttaṃ hoti – rūpādiodhivasena yathāṭhite kāme pahāya ahampi pabbajitvā eko carissāmīti. ‘‘Yatodhikānī’’tipi pāṭho, tassattho – yato uparato odhi etesanti yatodhikāni, uparatakoṭṭhāsāni. Pabbajissāmīti cintitakālato paṭṭhāya hi kilesakāmānaṃ eko koṭṭhāso uparato nāma hoti niruddho, tassa vatthubhūto kāmakoṭṭhāsopi uparatova hotīti.
саа д̇асса гат̇ам̣ суд̇ваа ‘‘маяхамби ко саами, бажжзгаб̣уд̣̇д̇хаанам̣ д̇хаммагат̇ам̣ суд̇агаалад̇о бадтааяа аг̇аарз жид̇д̇ам̣ на сан̣таад̇ий’’д̇и вад̇ваа имам̣ г̇аат̇амааха –
Sā tassa kathaṃ sutvā ‘‘mayhampi kho sāmi, paccekabuddhānaṃ dhammakathaṃ sutakālato paṭṭhāya agāre cittaṃ na saṇṭhātī’’ti vatvā imaṃ gāthamāha –
96.
96.
‘‘аяамзва гаало на хи ан̃н̃о ад̇т̇и, анусаасид̇аа мз на бхавзяяа бажчаа;
‘‘Ayameva kālo na hi añño atthi, anusāsitā me na bhaveyya pacchā;
ахамби згаа жариссаами бхаг̇г̇ава, сагун̣ийва муд̇д̇аа бурисасса хад̇т̇аа’’д̇и.
Ahampi ekā carissāmi bhaggava, sakuṇīva muttā purisassa hatthā’’ti.
д̇ад̇т̇а анусаасид̇аа мз на бхавзяяа бажчаад̇и анусаасаго оваад̣̇аго на бхавзяяа д̣̇уллабхад̇д̇аа оваад̣̇агаанам̣, д̇асмаа аяамзва баб̣б̣аж̇ид̇ум̣ гаало, на хи ан̃н̃о ад̇т̇ийд̇и д̣̇ассзд̇и. сагун̣ийва муд̇д̇аад̇и яат̇аа саагун̣игзна г̇ахзд̇ваа сагун̣абажчияам̣ кид̇д̇аасу сагун̣ийсу д̇асса хад̇т̇ад̇о муд̇д̇аа згаа сагун̣ий анилабат̇ам̣ лан̇гхаяид̇ваа яат̇ааружид̇адтаанам̣ г̇анд̇ваа згигаава жарзяяа, д̇ат̇аа ахамби д̇ава хад̇т̇ад̇о муд̇д̇аа згигаа жариссаамийд̇и саяамби баб̣б̣аж̇ид̇угаамаа худ̇ваа звамааха.
Tattha anusāsitā me na bhaveyya pacchāti anusāsako ovādako na bhaveyya dullabhattā ovādakānaṃ, tasmā ayameva pabbajituṃ kālo, na hi añño atthīti dasseti. Sakuṇīva muttāti yathā sākuṇikena gahetvā sakuṇapacchiyaṃ khittāsu sakuṇīsu tassa hatthato muttā ekā sakuṇī anilapathaṃ laṅghayitvā yathārucitaṭṭhānaṃ gantvā ekikāva careyya, tathā ahampi tava hatthato muttā ekikā carissāmīti sayampi pabbajitukāmā hutvā evamāha.
б̣од̇хисад̇д̇о д̇ассаа гат̇ам̣ суд̇ваа д̇ун̣хий ахоси. саа бана б̣од̇хисад̇д̇ам̣ ван̃жзд̇ваа бурзд̇арам̣ баб̣б̣аж̇ид̇угаамаа ‘‘саами, баанийяад̇ид̇т̇ам̣ г̇амиссаами, д̣̇аарагз ологзхий’’д̇и гхадам̣ аад̣̇ааяа г̇ажчанд̇ий вияа балааяид̇ваа наг̇арасааманд̇з д̇аабасаанам̣ санд̇игз г̇анд̇ваа баб̣б̣аж̇и. б̣од̇хисад̇д̇о д̇ассаа анааг̇аманам̣ н̃ад̇ваа саяам̣ д̣̇аарагз босзси. абарабхааг̇з д̇зсу т̇огам̣ вад̣дхид̇ваа ад̇д̇ано аяаанаяаж̇аананасамад̇т̇ад̇ам̣ самбад̇д̇зсу д̇зсам̣ виймам̣санад̇т̇ам̣ згад̣̇ивасам̣ бхад̇д̇ам̣ бажанд̇о т̇огам̣ уд̇д̇ан̣д̣улам̣ бажи, згад̣̇ивасам̣ т̇огам̣ гилиннам̣, згад̣̇ивасам̣ субаггам̣, згад̣̇ивасам̣ ад̇игилиннам̣, згад̣̇ивасам̣ алон̣агам̣, згад̣̇ивасам̣ ад̇илон̣агам̣. д̣̇аарагаа ‘‘д̇аад̇а, аж̇ж̇а бхад̇д̇ам̣ уд̇д̇ан̣д̣улам̣, аж̇ж̇а гилиннам̣, аж̇ж̇а субаггам̣, аж̇ж̇а ад̇игилиннам̣, аж̇ж̇а алон̣агам̣, аж̇ж̇а ад̇илон̣ага’’нд̇и аахам̣су. д̇ам̣ суд̇ваа б̣од̇хисад̇д̇о ‘‘аама, д̇аад̇аа’’д̇и вад̇ваа жинд̇зси ‘‘имз д̣̇аарагаа ид̣̇аани аамабаггалон̣игаад̇илон̣игаани ж̇аананд̇и, ад̇д̇ано д̇хаммад̇ааяа ж̇ийвид̇ум̣ сагкиссанд̇и, маяаа баб̣б̣аж̇ид̇ум̣ ваддад̇ий’’д̇и. ат̇а д̇з д̣̇аарагз н̃аад̇агаанам̣ д̣̇ад̇ваа бадижчаабзд̇ваа ‘‘аммад̇аад̇аа, имз д̣̇аарагз саад̇хугам̣ босзт̇аа’’д̇и вад̇ваа со н̃аад̇агаанам̣ барид̣̇званд̇аанан̃н̃зва наг̇араа нигкамид̇ваа исибаб̣б̣аж̇ж̇ам̣ баб̣б̣аж̇ид̇ваа наг̇арасса сааманд̇зязва васи.
Bodhisatto tassā kathaṃ sutvā tuṇhī ahosi. Sā pana bodhisattaṃ vañcetvā puretaraṃ pabbajitukāmā ‘‘sāmi, pānīyatitthaṃ gamissāmi, dārake olokehī’’ti ghaṭaṃ ādāya gacchantī viya palāyitvā nagarasāmante tāpasānaṃ santike gantvā pabbaji. Bodhisatto tassā anāgamanaṃ ñatvā sayaṃ dārake posesi. Aparabhāge tesu thokaṃ vaḍḍhitvā attano ayānayajānanasamatthataṃ sampattesu tesaṃ vīmaṃsanatthaṃ ekadivasaṃ bhattaṃ pacanto thokaṃ uttaṇḍulaṃ paci, ekadivasaṃ thokaṃ kilinnaṃ, ekadivasaṃ supakkaṃ, ekadivasaṃ atikilinnaṃ, ekadivasaṃ aloṇakaṃ, ekadivasaṃ atiloṇakaṃ. Dārakā ‘‘tāta, ajja bhattaṃ uttaṇḍulaṃ, ajja kilinnaṃ, ajja supakkaṃ, ajja atikilinnaṃ, ajja aloṇakaṃ, ajja atiloṇaka’’nti āhaṃsu. Taṃ sutvā bodhisatto ‘‘āma, tātā’’ti vatvā cintesi ‘‘ime dārakā idāni āmapakkaloṇikaatiloṇikāni jānanti, attano dhammatāya jīvituṃ sakkhissanti, mayā pabbajituṃ vaṭṭatī’’ti. Atha te dārake ñātakānaṃ datvā paṭicchāpetvā ‘‘ammatātā, ime dārake sādhukaṃ posethā’’ti vatvā so ñātakānaṃ paridevantānaññeva nagarā nikkhamitvā isipabbajjaṃ pabbajitvā nagarassa sāmanteyeva vasi.
ат̇а нам̣ згад̣̇ивасам̣ б̣аараан̣асияам̣ бхигкааяа жаранд̇ам̣ бариб̣б̣ааж̇игаа д̣̇исваа ванд̣̇ид̇ваа ‘‘аяяа, д̣̇аарагаа д̇з наасид̇аа ман̃н̃з’’д̇и ааха. махаасад̇д̇о ‘‘наахам̣ д̣̇аарагз наасзми, д̇зсам̣ ад̇д̇ано аяаанаяаж̇аананагаалз баб̣б̣аж̇ид̇омхи , д̇вам̣ д̇зсам̣ ажинд̇зд̇ваа баб̣б̣аж̇ж̇ааяа абхирамаа’’д̇и вад̇ваа осаанаг̇аат̇амааха –
Atha naṃ ekadivasaṃ bārāṇasiyaṃ bhikkhāya carantaṃ paribbājikā disvā vanditvā ‘‘ayya, dārakā te nāsitā maññe’’ti āha. Mahāsatto ‘‘nāhaṃ dārake nāsemi, tesaṃ attano ayānayajānanakāle pabbajitomhi , tvaṃ tesaṃ acintetvā pabbajjāya abhiramā’’ti vatvā osānagāthamāha –
97.
97.
‘‘аамам̣ багган̃жа ж̇аананд̇и, ат̇о лон̣ам̣ алон̣агам̣;
‘‘Āmaṃ pakkañca jānanti, atho loṇaṃ aloṇakaṃ;
д̇амахам̣ д̣̇исваана баб̣б̣аж̇им̣, жарзва д̇вам̣ жараамаха’’нд̇и.
Tamahaṃ disvāna pabbajiṃ, careva tvaṃ carāmaha’’nti.
д̇ад̇т̇а д̇амаханд̇и д̇ам̣ ахам̣ д̣̇аарагаанам̣ гирияам̣ д̣̇исваа баб̣б̣аж̇ид̇о. жарзва д̇вам̣ жараамаханд̇и д̇вамби бхигкаажарияамзва жара, ахамби бхигкаажарияамзва жариссаамийд̇и.
Tattha tamahanti taṃ ahaṃ dārakānaṃ kiriyaṃ disvā pabbajito. Careva tvaṃ carāmahanti tvampi bhikkhācariyameva cara, ahampi bhikkhācariyameva carissāmīti.
ид̇и со бариб̣б̣ааж̇игам̣ овад̣̇ид̇ваа уяяож̇зси. сааби оваад̣̇ам̣ г̇ахзд̇ваа махаасад̇д̇ам̣ ванд̣̇ид̇ваа яат̇ааружид̇ам̣ таанам̣ г̇ад̇аа. табзд̇ваа гира д̇ам̣ д̣̇ивасам̣ на д̇з буна ан̃н̃аман̃н̃ам̣ ад̣̇д̣̇асам̣су. б̣од̇хисад̇д̇о жа жхаанаабхин̃н̃ам̣ ниб̣б̣ад̇д̇зд̇ваа б̣рахмалогуубаг̇о ахоси.
Iti so paribbājikaṃ ovaditvā uyyojesi. Sāpi ovādaṃ gahetvā mahāsattaṃ vanditvā yathārucitaṃ ṭhānaṃ gatā. Ṭhapetvā kira taṃ divasaṃ na te puna aññamaññaṃ addasaṃsu. Bodhisatto ca jhānābhiññaṃ nibbattetvā brahmalokūpago ahosi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз д̇з бан̃жасад̇аа бхигкуу арахад̇д̇з бад̇идтахим̣су. д̇ад̣̇аа д̇хийд̇аа уббалаван̣н̣аа ахоси, буд̇д̇о раахулагумааро, бариб̣б̣ааж̇игаа раахуламаад̇аа, бариб̣б̣ааж̇аго бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne te pañcasatā bhikkhū arahatte patiṭṭhahiṃsu. Tadā dhītā uppalavaṇṇā ahosi, putto rāhulakumāro, paribbājikā rāhulamātā, paribbājako pana ahameva ahosinti.
гумбхагаараж̇аад̇агаван̣н̣анаа д̇ад̇ияаа.
Kumbhakārajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 408. гумбхагаараж̇аад̇агам̣ • 408. Kumbhakārajātakaṃ
