| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๐. กุมฺภณฺฑสุตฺตํ
10. Kumbhaṇḍasuttaṃ
๒๑๑. ‘‘อิธาหํ, อาวุโส, คิชฺฌกูฎา ปพฺพตา โอโรหโนฺต อทฺทสํ กุมฺภณฺฑํ ปุริสํ เวหาสํ คจฺฉนฺตํฯ โส คจฺฉโนฺตปิ เตว อเณฺฑ ขเนฺธ อาโรเปตฺวา คจฺฉติฯ นิสีทโนฺตปิ เตเสฺวว อเณฺฑสุ นิสีทติฯ ตเมนํ คิชฺฌาปิ กากาปิ กุลลาปิ อนุปติตฺวา อนุปติตฺวา วิตเจฺฉนฺติ วิราเชนฺติฯ โส สุทํ อฎฺฎสฺสรํ กโรติ…เป.… เอโส, ภิกฺขเว, สโตฺต อิมสฺมิํเยว ราชคเห คามกูฎโก อโหสิ…เป.…ฯ ทสมํฯ
211. ‘‘Idhāhaṃ, āvuso, gijjhakūṭā pabbatā orohanto addasaṃ kumbhaṇḍaṃ purisaṃ vehāsaṃ gacchantaṃ. So gacchantopi teva aṇḍe khandhe āropetvā gacchati. Nisīdantopi tesveva aṇḍesu nisīdati. Tamenaṃ gijjhāpi kākāpi kulalāpi anupatitvā anupatitvā vitacchenti virājenti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe gāmakūṭako ahosi…pe…. Dasamaṃ.
ปฐโม วโคฺคฯ
Paṭhamo vaggo.
ตสฺสุทฺทานํ –
Tassuddānaṃ –
อฎฺฐิ เปสิ อุโภ คาวฆาตกา,
Aṭṭhi pesi ubho gāvaghātakā,
ปิโณฺฑ สากุณิโย นิจฺฉโวรพฺภิ;
Piṇḍo sākuṇiyo nicchavorabbhi;
อสิ สูกริโก สตฺติมาควิ,
Asi sūkariko sattimāgavi,
อุสุ การณิโก สูจิ สารถิ;
Usu kāraṇiko sūci sārathi;
โย จ สิพฺพิยติ สูจโก หิ โส,
Yo ca sibbiyati sūcako hi so,
อณฺฑภาริ อหุ คามกูฎโกติฯ
Aṇḍabhāri ahu gāmakūṭakoti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๐. กุมฺภณฺฑสุตฺตวณฺณนา • 10. Kumbhaṇḍasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๐. กุมฺภณฺฑสุตฺตวณฺณนา • 10. Kumbhaṇḍasuttavaṇṇanā
