| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
10. கும்ப⁴ண்ட³ஸுத்தவண்ணனா
10. Kumbhaṇḍasuttavaṇṇanā
211. அண்ட³பா⁴ரிவத்து²ஸ்மிங் கா³மகூடகோதி வினிச்ச²யாமச்சோ. தஸ்ஸ கம்மஸபா⁴க³தாய கும்ப⁴மத்தா மஹாக⁴டப்பமாணா அண்டா³ அஹேஸுங். ஸோ ஹி யஸ்மா ரஹோ படிச்ச²ன்னே டா²னே லஞ்ஜங் க³ஹெத்வா கூடவினிச்ச²யேன பாகடங் தோ³ஸங் கரொந்தோ ஸாமிகே அஸ்ஸாமிகே அகாஸி, தஸ்மாஸ்ஸ ரஹஸ்ஸங் அங்க³ங் பாகடங் நிப்³ப³த்தங். யஸ்மா த³ண்ட³ங் பட்ட²பெந்தோ பரேஸங் அஸய்ஹங் பா⁴ரங் ஆரோபேஸி, தஸ்மாஸ்ஸ ரஹஸ்ஸங் அங்க³ங் அஸய்ஹபா⁴ரோ ஹுத்வா நிப்³ப³த்தங். யஸ்மா யஸ்மிங் டா²னே டி²தேன ஸமேன ப⁴விதப்³ப³ங், தஸ்மிங் ட²த்வா விஸமோ அஹோஸி, தஸ்மாஸ்ஸ ரஹஸ்ஸங்கே³ விஸமா நிஸஜ்ஜாவ அஹோஸீதி. த³ஸமங்.
211. Aṇḍabhārivatthusmiṃ gāmakūṭakoti vinicchayāmacco. Tassa kammasabhāgatāya kumbhamattā mahāghaṭappamāṇā aṇḍā ahesuṃ. So hi yasmā raho paṭicchanne ṭhāne lañjaṃ gahetvā kūṭavinicchayena pākaṭaṃ dosaṃ karonto sāmike assāmike akāsi, tasmāssa rahassaṃ aṅgaṃ pākaṭaṃ nibbattaṃ. Yasmā daṇḍaṃ paṭṭhapento paresaṃ asayhaṃ bhāraṃ āropesi, tasmāssa rahassaṃ aṅgaṃ asayhabhāro hutvā nibbattaṃ. Yasmā yasmiṃ ṭhāne ṭhitena samena bhavitabbaṃ, tasmiṃ ṭhatvā visamo ahosi, tasmāssa rahassaṅge visamā nisajjāva ahosīti. Dasamaṃ.
பட²மோ வக்³கோ³.
Paṭhamo vaggo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. கும்ப⁴ண்ட³ஸுத்தங் • 10. Kumbhaṇḍasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 10. கும்ப⁴ண்ட³ஸுத்தவண்ணனா • 10. Kumbhaṇḍasuttavaṇṇanā
