| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༡༠. ཀུམྦྷཎྜསུཏྟཝཎྞནཱ
10. Kumbhaṇḍasuttavaṇṇanā
༢༡༡. ཨཎྜབྷཱརིཝཏྠུསྨིཾ གཱམཀཱུཊཀོཏི ཝིནིཙྪཡཱམཙྩོ། ཏསྶ ཀམྨསབྷཱགཏཱཡ ཀུམྦྷམཏྟཱ མཧཱགྷཊཔྤམཱཎཱ ཨཎྜཱ ཨཧེསུཾ། སོ ཧི ཡསྨཱ རཧོ པཊིཙྪནྣེ ཋཱནེ ལཉྫཾ གཧེཏྭཱ ཀཱུཊཝིནིཙྪཡེན པཱཀཊཾ དོསཾ ཀརོནྟོ སཱམིཀེ ཨསྶཱམིཀེ ཨཀཱསི, ཏསྨཱསྶ རཧསྶཾ ཨངྒཾ པཱཀཊཾ ནིབྦཏྟཾ། ཡསྨཱ དཎྜཾ པཊྛཔེནྟོ པརེསཾ ཨསཡ྄ཧཾ བྷཱརཾ ཨཱརོཔེསི, ཏསྨཱསྶ རཧསྶཾ ཨངྒཾ ཨསཡ྄ཧབྷཱརོ ཧུཏྭཱ ནིབྦཏྟཾ། ཡསྨཱ ཡསྨིཾ ཋཱནེ ཋིཏེན སམེན བྷཝིཏབྦཾ, ཏསྨིཾ ཋཏྭཱ ཝིསམོ ཨཧོསི, ཏསྨཱསྶ རཧསྶངྒེ ཝིསམཱ ནིསཛྫཱཝ ཨཧོསཱིཏི། དསམཾ།
211. Aṇḍabhārivatthusmiṃ gāmakūṭakoti vinicchayāmacco. Tassa kammasabhāgatāya kumbhamattā mahāghaṭappamāṇā aṇḍā ahesuṃ. So hi yasmā raho paṭicchanne ṭhāne lañjaṃ gahetvā kūṭavinicchayena pākaṭaṃ dosaṃ karonto sāmike assāmike akāsi, tasmāssa rahassaṃ aṅgaṃ pākaṭaṃ nibbattaṃ. Yasmā daṇḍaṃ paṭṭhapento paresaṃ asayhaṃ bhāraṃ āropesi, tasmāssa rahassaṃ aṅgaṃ asayhabhāro hutvā nibbattaṃ. Yasmā yasmiṃ ṭhāne ṭhitena samena bhavitabbaṃ, tasmiṃ ṭhatvā visamo ahosi, tasmāssa rahassaṅge visamā nisajjāva ahosīti. Dasamaṃ.
པཋམོ ཝགྒོ།
Paṭhamo vaggo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡༠. ཀུམྦྷཎྜསུཏྟཾ • 10. Kumbhaṇḍasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡༠. ཀུམྦྷཎྜསུཏྟཝཎྞནཱ • 10. Kumbhaṇḍasuttavaṇṇanā
