| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၇. ကုမ္ဘဝဂ္ဂော
7. Kumbhavaggo
၁. ကုမ္ဘင္ဂပဉ္ဟော
1. Kumbhaṅgapañho
၁. ‘‘ဘန္တေ နာဂသေန, ‘ကုမ္ဘသ္သ ဧကံ အင္ဂံ ဂဟေတဗ္ဗ’န္တိ ယံ ဝဒေသိ, ကတမံ တံ ဧကံ အင္ဂံ ဂဟေတဗ္ဗ’’န္တိ? ‘‘ယထာ, မဟာရာဇ, ကုမ္ဘော သမ္ပုဏ္ဏော န သဏတိ, ဧဝမေဝ ခော, မဟာရာဇ, ယောဂိနာ ယောဂာဝစရေန အာဂမေ အဓိဂမေ ပရိယတ္တိယံ သာမညေ ပာရမိံ ပတ္ဝာ န သဏိတဗ္ဗံ, န တေန မာနော ကရဏီယော, န ဒဗ္ဗော 1 ဒသ္သေတဗ္ဗော, နိဟတမာနေန နိဟတဒဗ္ဗေန ဘဝိတဗ္ဗံ, ဥဇုကေန အမုခရေန အဝိကတ္ထိနာ။ ဣဒံ, မဟာရာဇ, ကုမ္ဘသ္သ ဧကံ အင္ဂံ ဂဟေတဗ္ဗံ။ ဘာသိတမ္ပေတံ, မဟာရာဇ, ဘဂဝတာ ဒေဝာတိဒေဝေန သုတ္တနိပာတေ –
1. ‘‘Bhante nāgasena, ‘kumbhassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, kumbho sampuṇṇo na saṇati, evameva kho, mahārāja, yoginā yogāvacarena āgame adhigame pariyattiyaṃ sāmaññe pāramiṃ patvā na saṇitabbaṃ, na tena māno karaṇīyo, na dabbo 2 dassetabbo, nihatamānena nihatadabbena bhavitabbaṃ, ujukena amukharena avikatthinā. Idaṃ, mahārāja, kumbhassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena suttanipāte –
‘‘‘ယဒူနကံ တံ သဏတိ၊ ယံ ပူရံ သန္တမေဝ တံ။
‘‘‘Yadūnakaṃ taṃ saṇati, yaṃ pūraṃ santameva taṃ;
အဍ္ဎကုမ္ဘူပမော 3 ဗာလော၊ ရဟဒော ပူရောဝ ပဏ္ဍိတော’’’တိ။
Aḍḍhakumbhūpamo 4 bālo, rahado pūrova paṇḍito’’’ti.
ကုမ္ဘင္ဂပဉ္ဟော ပဌမော။
Kumbhaṅgapañho paṭhamo.
Footnotes:
