| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. கும்ப⁴ஸுத்தங்
5. Kumbhasuttaṃ
153. ‘‘ஸெய்யதா²பி , பி⁴க்க²வே, கும்போ⁴ நிக்குஜ்ஜோ வமதேவ உத³கங், நோ பச்சாவமதி; ஏவமேவ கோ², பி⁴க்க²வே, பி⁴க்கு² அரியங் அட்ட²ங்கி³கங் மக்³க³ங் பா⁴வெந்தோ அரியங் அட்ட²ங்கி³கங் மக்³க³ங் ப³ஹுலீகரொந்தோ வமதேவ பாபகே அகுஸலே த⁴ம்மே, நோ பச்சாவமதி. கத²ஞ்ச, பி⁴க்க²வே, பி⁴க்கு² அரியங் அட்ட²ங்கி³கங் மக்³க³ங் பா⁴வெந்தோ அரியங் அட்ட²ங்கி³கங் மக்³க³ங் ப³ஹுலீகரொந்தோ வமதேவ பாபகே அகுஸலே த⁴ம்மே, நோ பச்சாவமதி? இத⁴, பி⁴க்க²வே, பி⁴க்கு² ஸம்மாதி³ட்டி²ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… ஸம்மாஸமாதி⁴ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங்…பே॰… ஏவங் கோ², பி⁴க்க²வே, பி⁴க்கு² அரியங் அட்ட²ங்கி³கங் மக்³க³ங் பா⁴வெந்தோ அரியங் அட்ட²ங்கி³கங் மக்³க³ங் ப³ஹுலீகரொந்தோ வமதேவ பாபகே அகுஸலே த⁴ம்மே, நோ பச்சாவமதீ’’தி. பஞ்சமங்.
153. ‘‘Seyyathāpi , bhikkhave, kumbho nikkujjo vamateva udakaṃ, no paccāvamati; evameva kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vamateva pāpake akusale dhamme, no paccāvamati. Kathañca, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vamateva pāpake akusale dhamme, no paccāvamati? Idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vamateva pāpake akusale dhamme, no paccāvamatī’’ti. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. கும்ப⁴ஸுத்தவண்ணனா • 5. Kumbhasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. கும்ப⁴ஸுத்தவண்ணனா • 5. Kumbhasuttavaṇṇanā
