| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. гумбхасуд̇д̇ам̣
5. Kumbhasuttaṃ
153. ‘‘сзяяат̇ааби , бхигкавз, гумбхо ниггуж̇ж̇о вамад̇зва уд̣̇агам̣, но бажжаавамад̇и; звамзва ко, бхигкавз, бхигку арияам̣ адтан̇г̇игам̣ маг̇г̇ам̣ бхаавзнд̇о арияам̣ адтан̇г̇игам̣ маг̇г̇ам̣ б̣ахулийгаронд̇о вамад̇зва баабагз агусалз д̇хаммз, но бажжаавамад̇и. гат̇ан̃жа, бхигкавз, бхигку арияам̣ адтан̇г̇игам̣ маг̇г̇ам̣ бхаавзнд̇о арияам̣ адтан̇г̇игам̣ маг̇г̇ам̣ б̣ахулийгаронд̇о вамад̇зва баабагз агусалз д̇хаммз, но бажжаавамад̇и? ид̇ха, бхигкавз, бхигку саммаад̣̇идтим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣…бз… саммаасамаад̇хим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣…бз… звам̣ ко, бхигкавз, бхигку арияам̣ адтан̇г̇игам̣ маг̇г̇ам̣ бхаавзнд̇о арияам̣ адтан̇г̇игам̣ маг̇г̇ам̣ б̣ахулийгаронд̇о вамад̇зва баабагз агусалз д̇хаммз, но бажжаавамад̇ий’’д̇и. бан̃жамам̣.
153. ‘‘Seyyathāpi , bhikkhave, kumbho nikkujjo vamateva udakaṃ, no paccāvamati; evameva kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vamateva pāpake akusale dhamme, no paccāvamati. Kathañca, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vamateva pāpake akusale dhamme, no paccāvamati? Idha, bhikkhave, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto vamateva pāpake akusale dhamme, no paccāvamatī’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. гумбхасуд̇д̇аван̣н̣анаа • 5. Kumbhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. гумбхасуд̇д̇аван̣н̣анаа • 5. Kumbhasuttavaṇṇanā
