| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៧. កុម្ភសុត្តំ
7. Kumbhasuttaṃ
២៧. សាវត្ថិនិទានំ ។ ‘‘សេយ្យថាបិ, ភិក្ខវេ, កុម្ភោ អនាធារោ សុប្បវត្តិយោ ហោតិ, សាធារោ ទុប្បវត្តិយោ ហោតិ; ឯវមេវ ខោ, ភិក្ខវេ, ចិត្តំ អនាធារំ សុប្បវត្តិយំ ហោតិ, សាធារំ ទុប្បវត្តិយំ ហោតិ។ កោ ច, ភិក្ខវេ, ចិត្តស្ស អាធារោ? អយមេវ អរិយោ អដ្ឋង្គិកោ មគ្គោ, សេយ្យថិទំ – សម្មាទិដ្ឋិ…បេ.… សម្មាសមាធិ។ អយំ ចិត្តស្ស អាធារោ។ សេយ្យថាបិ, ភិក្ខវេ, កុម្ភោ អនាធារោ សុប្បវត្តិយោ ហោតិ, សាធារោ ទុប្បវត្តិយោ ហោតិ; ឯវមេវ ខោ, ភិក្ខវេ, ចិត្តំ អនាធារំ សុប្បវត្តិយំ ហោតិ, សាធារំ ទុប្បវត្តិយំ ហោតី’’តិ។ សត្តមំ។
27. Sāvatthinidānaṃ . ‘‘Seyyathāpi, bhikkhave, kumbho anādhāro suppavattiyo hoti, sādhāro duppavattiyo hoti; evameva kho, bhikkhave, cittaṃ anādhāraṃ suppavattiyaṃ hoti, sādhāraṃ duppavattiyaṃ hoti. Ko ca, bhikkhave, cittassa ādhāro? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Ayaṃ cittassa ādhāro. Seyyathāpi, bhikkhave, kumbho anādhāro suppavattiyo hoti, sādhāro duppavattiyo hoti; evameva kho, bhikkhave, cittaṃ anādhāraṃ suppavattiyaṃ hoti, sādhāraṃ duppavattiyaṃ hotī’’ti. Sattamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៣. មិច្ឆត្តវគ្គវណ្ណនា • 3. Micchattavaggavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៣. មិច្ឆត្តវគ្គវណ្ណនា • 3. Micchattavaggavaṇṇanā
