| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༧. ཀུམྦྷསུཏྟཾ
7. Kumbhasuttaṃ
༢༧. སཱཝཏྠིནིདཱནཾ ། ‘‘སེཡྻཐཱཔི, བྷིཀྑཝེ, ཀུམྦྷོ ཨནཱདྷཱརོ སུཔྤཝཏྟིཡོ ཧོཏི, སཱདྷཱརོ དུཔྤཝཏྟིཡོ ཧོཏི; ཨེཝམེཝ ཁོ, བྷིཀྑཝེ, ཙིཏྟཾ ཨནཱདྷཱརཾ སུཔྤཝཏྟིཡཾ ཧོཏི, སཱདྷཱརཾ དུཔྤཝཏྟིཡཾ ཧོཏི། ཀོ ཙ, བྷིཀྑཝེ, ཙིཏྟསྶ ཨཱདྷཱརོ? ཨཡམེཝ ཨརིཡོ ཨཊྛངྒིཀོ མགྒོ, སེཡྻཐིདཾ – སམྨཱདིཊྛི…པེ॰… སམྨཱསམཱདྷི། ཨཡཾ ཙིཏྟསྶ ཨཱདྷཱརོ། སེཡྻཐཱཔི, བྷིཀྑཝེ, ཀུམྦྷོ ཨནཱདྷཱརོ སུཔྤཝཏྟིཡོ ཧོཏི, སཱདྷཱརོ དུཔྤཝཏྟིཡོ ཧོཏི; ཨེཝམེཝ ཁོ, བྷིཀྑཝེ, ཙིཏྟཾ ཨནཱདྷཱརཾ སུཔྤཝཏྟིཡཾ ཧོཏི, སཱདྷཱརཾ དུཔྤཝཏྟིཡཾ ཧོཏཱི’’ཏི། སཏྟམཾ།
27. Sāvatthinidānaṃ . ‘‘Seyyathāpi, bhikkhave, kumbho anādhāro suppavattiyo hoti, sādhāro duppavattiyo hoti; evameva kho, bhikkhave, cittaṃ anādhāraṃ suppavattiyaṃ hoti, sādhāraṃ duppavattiyaṃ hoti. Ko ca, bhikkhave, cittassa ādhāro? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Ayaṃ cittassa ādhāro. Seyyathāpi, bhikkhave, kumbho anādhāro suppavattiyo hoti, sādhāro duppavattiyo hoti; evameva kho, bhikkhave, cittaṃ anādhāraṃ suppavattiyaṃ hoti, sādhāraṃ duppavattiyaṃ hotī’’ti. Sattamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. མིཙྪཏྟཝགྒཝཎྞནཱ • 3. Micchattavaggavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. མིཙྪཏྟཝགྒཝཎྞནཱ • 3. Micchattavaggavaṇṇanā
