| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
6. гумман̇г̇абан̃хо
6. Kummaṅgapañho
6. ‘‘бханд̇з нааг̇асзна, ‘гуммасса бан̃жа ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани бан̃жа ан̇г̇аани г̇ахзд̇аб̣б̣ааний’’д̇и? ‘‘яат̇аа, махаарааж̇а, гуммо уд̣̇агажаро уд̣̇агзязва ваасам̣ габбзд̇и, звамзва ко, махаарааж̇а, яог̇инаа яог̇ааважарзна саб̣б̣абаан̣абхууд̇абуг̇г̇алаанам̣ хид̇аанугамбинаа мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна саб̣б̣ааванд̇ам̣ логам̣ парид̇ваа вихарид̇аб̣б̣ам̣. ид̣̇ам̣, махаарааж̇а, гуммасса батамам̣ ан̇г̇ам̣ г̇ахзд̇аб̣б̣ам̣.
6. ‘‘Bhante nāgasena, ‘kummassa pañca aṅgāni gahetabbānī’ti yaṃ vadesi, katamāni tāni pañca aṅgāni gahetabbānī’’ti? ‘‘Yathā, mahārāja, kummo udakacaro udakeyeva vāsaṃ kappeti, evameva kho, mahārāja, yoginā yogāvacarena sabbapāṇabhūtapuggalānaṃ hitānukampinā mettāsahagatena cetasā vipulena mahaggatena appamāṇena averena abyāpajjena sabbāvantaṃ lokaṃ pharitvā viharitabbaṃ. Idaṃ, mahārāja, kummassa paṭhamaṃ aṅgaṃ gahetabbaṃ.
‘‘буна жабарам̣, махаарааж̇а, гуммо уд̣̇агз уббилаванд̇о сийсам̣ угкибид̇ваа яад̣̇и гожи бассад̇и, д̇ад̇т̇зва нимуж̇ж̇ад̇и г̇аал̣хамог̇аахад̇и ‘маа мам̣ д̇з буна бассзяяу’нд̇и, звамзва ко, махаарааж̇а, яог̇инаа яог̇ааважарзна гилзсзсу обад̇анд̇зсу аарамман̣асарз нимуж̇ж̇ид̇аб̣б̣ам̣ г̇аал̣хамог̇аахид̇аб̣б̣ам̣ ‘маа мам̣ гилзсаа буна бассзяяу’нд̇и. ид̣̇ам̣, махаарааж̇а, гуммасса д̣̇уд̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, kummo udake uppilavanto sīsaṃ ukkhipitvā yadi koci passati, tattheva nimujjati gāḷhamogāhati ‘mā maṃ te puna passeyyu’nti, evameva kho, mahārāja, yoginā yogāvacarena kilesesu opatantesu ārammaṇasare nimujjitabbaṃ gāḷhamogāhitabbaṃ ‘mā maṃ kilesā puna passeyyu’nti. Idaṃ, mahārāja, kummassa dutiyaṃ aṅgaṃ gahetabbaṃ.
‘‘буна жабарам̣ , махаарааж̇а, гуммо уд̣̇агад̇о нигкамид̇ваа гааяам̣ од̇аабзд̇и, звамзва ко, махаарааж̇а, яог̇инаа яог̇ааважарзна нисаж̇ж̇адтаанасаяанажан̇гамад̇о маанасам̣ нийхарид̇ваа саммаббад̇хаанз маанасам̣ од̇аабзд̇аб̣б̣ам̣. ид̣̇ам̣, махаарааж̇а, гуммасса д̇ад̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ , mahārāja, kummo udakato nikkhamitvā kāyaṃ otāpeti, evameva kho, mahārāja, yoginā yogāvacarena nisajjaṭṭhānasayanacaṅkamato mānasaṃ nīharitvā sammappadhāne mānasaṃ otāpetabbaṃ. Idaṃ, mahārāja, kummassa tatiyaṃ aṅgaṃ gahetabbaṃ.
‘‘буна жабарам̣, махаарааж̇а, гуммо бат̇авим̣ кан̣ид̇ваа вивид̇д̇з ваасам̣ габбзд̇и, звамзва ко, махаарааж̇а, яог̇инаа яог̇ааважарзна лаабхасаггаарасилогам̣ баж̇ахид̇ваа сун̃н̃ам̣ вивид̇д̇ам̣ гаананам̣ ванабад̇т̇ам̣ баб̣б̣ад̇ам̣ ганд̣̇арам̣ г̇ириг̇ухам̣ аббасад̣̇д̣̇ам̣ аббаниг̇гхосам̣ бавивид̇д̇амог̇аахид̇ваа вивид̇д̇з язва ваасам̣ убаг̇анд̇аб̣б̣ам̣. ид̣̇ам̣, махаарааж̇а, гуммасса жад̇уд̇т̇ам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, т̇зрзна убасзнзна ван̇г̇анд̇абуд̇д̇зна –
‘‘Puna caparaṃ, mahārāja, kummo pathaviṃ khaṇitvā vivitte vāsaṃ kappeti, evameva kho, mahārāja, yoginā yogāvacarena lābhasakkārasilokaṃ pajahitvā suññaṃ vivittaṃ kānanaṃ vanapatthaṃ pabbataṃ kandaraṃ giriguhaṃ appasaddaṃ appanigghosaṃ pavivittamogāhitvā vivitte yeva vāsaṃ upagantabbaṃ. Idaṃ, mahārāja, kummassa catutthaṃ aṅgaṃ gahetabbaṃ. Bhāsitampetaṃ, mahārāja, therena upasenena vaṅgantaputtena –
‘‘‘вивид̇д̇ам̣ аббаниг̇гхосам̣, ваал̣амиг̇анисзвид̇ам̣;
‘‘‘Vivittaṃ appanigghosaṃ, vāḷamiganisevitaṃ;
сзвз сзнаасанам̣ бхигку, бадисаллаанагааран̣аа’д̇и.
Seve senāsanaṃ bhikkhu, paṭisallānakāraṇā’ti.
‘‘буна жабарам̣, махаарааж̇а, гуммо жааригам̣ жарамаано яад̣̇и ган̃жи бассад̇и ваа, сад̣̇д̣̇ам̣ сун̣аад̇и ваа, сон̣д̣ибан̃жамаани ан̇г̇аани сагз габаалз нид̣̇ахид̇ваа аббоссугго д̇ун̣хийбхууд̇о д̇идтад̇и гааяаманурагканд̇о, звамзва ко, махаарааж̇а, яог̇инаа яог̇ааважарзна саб̣б̣ад̇т̇а руубасад̣̇д̣̇аг̇анд̇харасаподтаб̣б̣ад̇хаммзсу аабад̇анд̇зсу часу д̣̇ваарзсу сам̣варагаваадам̣ ануг̇гхаадзд̇ваа маанасам̣ самод̣̇ахид̇ваа сам̣варам̣ гад̇ваа сад̇зна самбаж̇аанзна вихаад̇аб̣б̣ам̣ саман̣ад̇хаммам̣ анурагкамаанзна. ид̣̇ам̣, махаарааж̇а, гуммасса бан̃жамам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна сам̣яуд̇д̇анигааяаварз гуммуубамасуд̇д̇анд̇з –
‘‘Puna caparaṃ, mahārāja, kummo cārikaṃ caramāno yadi kañci passati vā, saddaṃ suṇāti vā, soṇḍipañcamāni aṅgāni sake kapāle nidahitvā appossukko tuṇhībhūto tiṭṭhati kāyamanurakkhanto, evameva kho, mahārāja, yoginā yogāvacarena sabbattha rūpasaddagandharasaphoṭṭhabbadhammesu āpatantesu chasu dvāresu saṃvarakavāṭaṃ anugghāṭetvā mānasaṃ samodahitvā saṃvaraṃ katvā satena sampajānena vihātabbaṃ samaṇadhammaṃ anurakkhamānena. Idaṃ, mahārāja, kummassa pañcamaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena saṃyuttanikāyavare kummūpamasuttante –
‘‘‘гуммова ан̇г̇аани сагз габаалз, самод̣̇ахам̣ бхигку мановид̇аггз;
‘‘‘Kummova aṅgāni sake kapāle, samodahaṃ bhikkhu manovitakke;
аниссид̇о ан̃н̃амахзтаяаано, бариниб̣б̣уд̇онуубавад̣̇зяяа ган̃жий’’’д̇и.
Anissito aññamaheṭhayāno, parinibbutonūpavadeyya kañcī’’’ti.
гумман̇г̇абан̃хо чадто.
Kummaṅgapañho chaṭṭho.
