| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[415] 10. гуммаасабин̣д̣иж̇аад̇агаван̣н̣анаа
[415] 10. Kummāsapiṇḍijātakavaṇṇanā
на гирад̇т̇ийд̇и ид̣̇ам̣ сад̇т̇аа ж̇зд̇аванз вихаранд̇о маллигам̣ д̣̇звим̣ аараб̣бха гат̇зси. саа хи саавад̇т̇ияам̣ згасса маалаагаараж̇здтагасса д̇хийд̇аа уд̇д̇амаруубад̇хараа махаабун̃н̃аа сол̣асавассигагаалз згад̣̇ивасам̣ гумааригаахи сад̣̇д̇хим̣ бубпаараамам̣ г̇ажчанд̇ий д̇аяо гуммаасабин̣д̣з г̇ахзд̇ваа бубпабажчияам̣ табзд̇ваа г̇ажчад̇и. саа наг̇арад̇о нигкаманагаалз бхаг̇аванд̇ам̣ сарийраббабхам̣ виссаж̇ж̇зд̇ваа бхигкусан̇гхабаривуд̇ам̣ наг̇арам̣ бависанд̇ам̣ д̣̇исваа д̇аяо гуммаасабин̣д̣з убанаамзси. сад̇т̇аа жад̇умахаарааж̇ад̣̇ад̇д̇ияам̣ бад̇д̇ам̣ убанзд̇ваа бадиг̇г̇ахзси. сааби д̇ат̇ааг̇ад̇асса баад̣̇з сирасаа ванд̣̇ид̇ваа б̣уд̣̇д̇хаарамман̣ам̣ бийд̇им̣ г̇ахзд̇ваа згаманд̇ам̣ адтааси. сад̇т̇аа д̇ам̣ ологзд̇ваа сид̇ам̣ баад̇ваагааси. ааяасмаа аананд̣̇о ‘‘го ну ко, бханд̇з, хзд̇у го бажжаяо д̇ат̇ааг̇ад̇асса сид̇агаран̣з’’д̇и бхаг̇аванд̇ам̣ бужчи. ат̇асса сад̇т̇аа ‘‘аананд̣̇а, аяам̣ гумааригаа имзсам̣ гуммаасабин̣д̣аанам̣ палзна аж̇ж̇зва госаларан̃н̃о аг̇г̇амахзсий бхависсад̇ий’’д̇и сид̇агааран̣ам̣ гат̇зси.
Na kiratthīti idaṃ satthā jetavane viharanto mallikaṃ deviṃ ārabbha kathesi. Sā hi sāvatthiyaṃ ekassa mālākārajeṭṭhakassa dhītā uttamarūpadharā mahāpuññā soḷasavassikakāle ekadivasaṃ kumārikāhi saddhiṃ pupphārāmaṃ gacchantī tayo kummāsapiṇḍe gahetvā pupphapacchiyaṃ ṭhapetvā gacchati. Sā nagarato nikkhamanakāle bhagavantaṃ sarīrappabhaṃ vissajjetvā bhikkhusaṅghaparivutaṃ nagaraṃ pavisantaṃ disvā tayo kummāsapiṇḍe upanāmesi. Satthā catumahārājadattiyaṃ pattaṃ upanetvā paṭiggahesi. Sāpi tathāgatassa pāde sirasā vanditvā buddhārammaṇaṃ pītiṃ gahetvā ekamantaṃ aṭṭhāsi. Satthā taṃ oloketvā sitaṃ pātvākāsi. Āyasmā ānando ‘‘ko nu kho, bhante, hetu ko paccayo tathāgatassa sitakaraṇe’’ti bhagavantaṃ pucchi. Athassa satthā ‘‘ānanda, ayaṃ kumārikā imesaṃ kummāsapiṇḍānaṃ phalena ajjeva kosalarañño aggamahesī bhavissatī’’ti sitakāraṇaṃ kathesi.
гумааригааби бубпаараамам̣ г̇ад̇аа . д̇ам̣ д̣̇ивасамзва госаларааж̇аа аж̇аад̇асад̇д̇унаа сад̣̇д̇хим̣ яуж̇жханд̇о яуд̣̇д̇хабарааж̇ид̇о балааяид̇ваа ассам̣ абхируяха ааг̇ажчанд̇о д̇ассаа г̇ийд̇асад̣̇д̣̇ам̣ суд̇ваа бадиб̣ад̣̇д̇хажид̇д̇о ассам̣ д̇ам̣ аараамаабхимукам̣ бзсзси. бун̃н̃асамбаннаа гумааригаа рааж̇аанам̣ д̣̇исваа абалааяид̇ваава ааг̇анд̇ваа ассасса наасараж̇ж̇уяаа г̇ан̣хи, рааж̇аа ассабидтияам̣ нисиннова ‘‘сасаамигааси, асаамигаасий’’д̇и бужчид̇ваа асаамигабхаавам̣ н̃ад̇ваа ассаа оруяха ваад̇аад̇абагиланд̇о д̇ассаа ан̇гз нибанно мухуд̇д̇ам̣ виссамид̇ваа д̇ам̣ ассабидтияам̣ нисийд̣̇аабзд̇ваа б̣алагааяабаривуд̇о наг̇арам̣ бависид̇ваа ад̇д̇ано гулагхарам̣ бзсзд̇ваа сааяанхасамаяз яаанам̣ бахин̣ид̇ваа маханд̇зна саггаарасаммаанзна гулагхарад̇о аахараабзд̇ваа рад̇анараасимхи табзд̇ваа абхисзгам̣ д̣̇ад̇ваа аг̇г̇амахзсим̣ агааси. д̇ад̇о бадтааяа жа саа ран̃н̃о бияаа ахоси манаабаа, буб̣б̣удтааяигаад̣̇ийхи бан̃жахи галяаан̣ад̇хаммзхи саманнааг̇ад̇аа бад̇ид̣̇звад̇аа, б̣уд̣̇д̇хаанамби валлабхаа ахоси. д̇ассаа сад̇т̇у д̇аяо гуммаасабин̣д̣з д̣̇ад̇ваа д̇ам̣ самбад̇д̇им̣ ад̇хиг̇ад̇абхааво сагаланаг̇арам̣ бад̇т̇арид̇ваа г̇ад̇о.
Kumārikāpi pupphārāmaṃ gatā . Taṃ divasameva kosalarājā ajātasattunā saddhiṃ yujjhanto yuddhaparājito palāyitvā assaṃ abhiruyha āgacchanto tassā gītasaddaṃ sutvā paṭibaddhacitto assaṃ taṃ ārāmābhimukhaṃ pesesi. Puññasampannā kumārikā rājānaṃ disvā apalāyitvāva āgantvā assassa nāsarajjuyā gaṇhi, rājā assapiṭṭhiyaṃ nisinnova ‘‘sasāmikāsi, asāmikāsī’’ti pucchitvā asāmikabhāvaṃ ñatvā assā oruyha vātātapakilanto tassā aṅke nipanno muhuttaṃ vissamitvā taṃ assapiṭṭhiyaṃ nisīdāpetvā balakāyaparivuto nagaraṃ pavisitvā attano kulagharaṃ pesetvā sāyanhasamaye yānaṃ pahiṇitvā mahantena sakkārasammānena kulagharato āharāpetvā ratanarāsimhi ṭhapetvā abhisekaṃ datvā aggamahesiṃ akāsi. Tato paṭṭhāya ca sā rañño piyā ahosi manāpā, pubbuṭṭhāyikādīhi pañcahi kalyāṇadhammehi samannāgatā patidevatā, buddhānampi vallabhā ahosi. Tassā satthu tayo kummāsapiṇḍe datvā taṃ sampattiṃ adhigatabhāvo sakalanagaraṃ pattharitvā gato.
ат̇згад̣̇ивасам̣ д̇хаммасабхааяам̣ гат̇ам̣ самудтаабзсум̣ ‘‘аавусо, маллигаа д̣̇звий б̣уд̣̇д̇хаанам̣ д̇аяо гуммаасабин̣д̣з д̣̇ад̇ваа д̇зсам̣ палзна д̇ам̣ д̣̇ивасан̃н̃зва абхисзгам̣ бад̇д̇аа, ахо б̣уд̣̇д̇хаанам̣ махааг̇ун̣ад̇аа’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘анажчарияам̣, бхигкавз, маллигааяа згасса саб̣б̣ан̃н̃уб̣уд̣̇д̇хасса д̇аяо гуммаасабин̣д̣з д̣̇ад̇ваа госаларан̃н̃о аг̇г̇амахзсибхааваад̇хиг̇амо. гасмаа? б̣уд̣̇д̇хаанам̣ г̇ун̣амаханд̇ад̇ааяа. бораан̣агабан̣д̣ид̇аа бана бажжзгаб̣уд̣̇д̇хаанам̣ алон̣агам̣ аснзхам̣ апаан̣ид̇ам̣ гуммаасам̣ д̣̇ад̇ваа д̇асса палзна д̣̇уд̇ияз ад̇д̇абхаавз д̇ияож̇анасад̇игз гаасирадтз раж̇ж̇асирим̣ баабун̣им̣суу’’д̇и вад̇ваа ад̇ийд̇ам̣ аахари.
Athekadivasaṃ dhammasabhāyaṃ kathaṃ samuṭṭhāpesuṃ ‘‘āvuso, mallikā devī buddhānaṃ tayo kummāsapiṇḍe datvā tesaṃ phalena taṃ divasaññeva abhisekaṃ pattā, aho buddhānaṃ mahāguṇatā’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘anacchariyaṃ, bhikkhave, mallikāya ekassa sabbaññubuddhassa tayo kummāsapiṇḍe datvā kosalarañño aggamahesibhāvādhigamo. Kasmā? Buddhānaṃ guṇamahantatāya. Porāṇakapaṇḍitā pana paccekabuddhānaṃ aloṇakaṃ asnehaṃ aphāṇitaṃ kummāsaṃ datvā tassa phalena dutiye attabhāve tiyojanasatike kāsiraṭṭhe rajjasiriṃ pāpuṇiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ д̣̇алид̣̇д̣̇агулз ниб̣б̣ад̇д̇ид̇ваа ваяаббад̇д̇о згам̣ сздтим̣ ниссааяа бхад̇ияаа гаммам̣ гаронд̇о ж̇ийвигам̣ габбзси. со згад̣̇ивасам̣ ‘‘баад̇араасад̇т̇ааяа мз бхависсад̇ий’’д̇и анд̇араабан̣ад̇о жад̇д̇ааро гуммаасабин̣д̣з г̇ахзд̇ваа гамманд̇ам̣ г̇ажчанд̇о жад̇д̇ааро бажжзгаб̣уд̣̇д̇хз бхигкаажаарад̇т̇ааяа б̣аараан̣асинаг̇араабхимукз ааг̇ажчанд̇з д̣̇исваа ‘‘имз бхигкам̣ санд̇хааяа б̣аараан̣асим̣ г̇ажчанд̇и , маяхамбимз жад̇д̇ааро гуммаасабин̣д̣аа ад̇т̇и, яам̣нуунаахам̣ имз имзсам̣ д̣̇ад̣̇зяяа’’нд̇и жинд̇зд̇ваа д̇з убасам̣гамид̇ваа ванд̣̇ид̇ваа ‘‘бханд̇з, имз мз хад̇т̇з жад̇д̇ааро гуммаасабин̣д̣аа, ахам̣ имз д̇умхаагам̣ д̣̇ад̣̇аами, саад̇ху мз, бханд̇з, бадиг̇г̇ан̣хат̇а, звамид̣̇ам̣ бун̃н̃ам̣ маяхам̣ бхависсад̇и д̣̇ийгхарад̇д̇ам̣ хид̇ааяа сукааяаа’’д̇и вад̇ваа д̇зсам̣ ад̇хиваасанам̣ вид̣̇ид̇ваа ваалигам̣ уссаабзд̇ваа жад̇д̇аари аасанаани бан̃н̃абзд̇ваа д̇зсам̣ убари саакаабхан̇г̇ам̣ ад̇т̇арид̇ваа бажжзгаб̣уд̣̇д̇хз бадибаадияаа нисийд̣̇аабзд̇ваа бан̣н̣абудзна уд̣̇агам̣ аахарид̇ваа д̣̇агкин̣од̣̇агам̣ баад̇зд̇ваа жад̇уусу бад̇д̇зсу жад̇д̇ааро гуммаасабин̣д̣з бад̇идтаабзд̇ваа ванд̣̇ид̇ваа ‘‘бханд̇з, зд̇зсам̣ ниссанд̣̇зна д̣̇алид̣̇д̣̇аг̇зхз ниб̣б̣ад̇д̇и наама маа ход̇у, саб̣б̣ан̃н̃уд̇ан̃н̃аан̣аббадивзд̇хасса бажжаяо ход̇уу’’д̇и ааха. бажжзгаб̣уд̣̇д̇хаа барибхун̃ж̇им̣су, барибхог̇аавасаанз анумод̣̇анам̣ гад̇ваа уббад̇ид̇ваа нанд̣̇амуулагабаб̣бхаарамзва аг̇амам̣су.
Atīte bārāṇasiyaṃ brahmadatte rajjaṃ kārente bodhisatto ekasmiṃ daliddakule nibbattitvā vayappatto ekaṃ seṭṭhiṃ nissāya bhatiyā kammaṃ karonto jīvikaṃ kappesi. So ekadivasaṃ ‘‘pātarāsatthāya me bhavissatī’’ti antarāpaṇato cattāro kummāsapiṇḍe gahetvā kammantaṃ gacchanto cattāro paccekabuddhe bhikkhācāratthāya bārāṇasinagarābhimukhe āgacchante disvā ‘‘ime bhikkhaṃ sandhāya bārāṇasiṃ gacchanti , mayhampime cattāro kummāsapiṇḍā atthi, yaṃnūnāhaṃ ime imesaṃ dadeyya’’nti cintetvā te upasaṃkamitvā vanditvā ‘‘bhante, ime me hatthe cattāro kummāsapiṇḍā, ahaṃ ime tumhākaṃ dadāmi, sādhu me, bhante, paṭiggaṇhatha, evamidaṃ puññaṃ mayhaṃ bhavissati dīgharattaṃ hitāya sukhāyā’’ti vatvā tesaṃ adhivāsanaṃ viditvā vālikaṃ ussāpetvā cattāri āsanāni paññapetvā tesaṃ upari sākhābhaṅgaṃ attharitvā paccekabuddhe paṭipāṭiyā nisīdāpetvā paṇṇapuṭena udakaṃ āharitvā dakkhiṇodakaṃ pātetvā catūsu pattesu cattāro kummāsapiṇḍe patiṭṭhāpetvā vanditvā ‘‘bhante, etesaṃ nissandena daliddagehe nibbatti nāma mā hotu, sabbaññutaññāṇappaṭivedhassa paccayo hotū’’ti āha. Paccekabuddhā paribhuñjiṃsu, paribhogāvasāne anumodanaṃ katvā uppatitvā nandamūlakapabbhārameva agamaṃsu.
б̣од̇хисад̇д̇о ан̃ж̇алим̣ баг̇г̇аяха бажжзгаб̣уд̣̇д̇хаг̇ад̇ам̣ бийд̇им̣ г̇ахзд̇ваа д̇зсу жагкубат̇ам̣ ад̇ийд̇зсу ад̇д̇ано гамманд̇ам̣ г̇анд̇ваа яаавад̇ааяугам̣ д̣̇аанам̣ ануссарид̇ваа гаалам̣ гад̇ваа д̇асса палзна б̣аараан̣асиран̃н̃о аг̇г̇амахзсияаа гужчимхи ниб̣б̣ад̇д̇и, б̣рахмад̣̇ад̇д̇агумаарод̇исса наамам̣ агам̣су. со ад̇д̇ано бад̣̇асаа г̇аманагаалад̇о бадтааяа ‘‘ахам̣ имасмим̣язва наг̇арз бхад̇аго худ̇ваа гамманд̇ам̣ г̇ажчанд̇о бажжзгаб̣уд̣̇д̇хаанам̣ жад̇д̇ааро гуммаасабин̣д̣з д̣̇ад̇ваа д̇асса д̣̇аанасса палзна ид̇ха ниб̣б̣ад̇д̇о’’д̇и басаннаад̣̇аасз муканимид̇д̇ам̣ вияа саб̣б̣ам̣ буримаж̇аад̇игирияам̣ ж̇аад̇иссаран̃аан̣зна баагадам̣ гад̇ваа басси. со ваяаббад̇д̇о д̇аггасилааяам̣ г̇анд̇ваа саб̣б̣асиббаани уг̇г̇ан̣хид̇ваа бажжааг̇анд̇ваа сигкид̇асиббам̣ бид̇у д̣̇ассзд̇ваа д̇удтзна бид̇араа обараж̇ж̇з бад̇идтаабид̇о, абарабхааг̇з бид̇у ажжаязна раж̇ж̇з бад̇идтааси. ат̇асса уд̇д̇амаруубад̇харам̣ госаларан̃н̃о д̇хийд̇арам̣ аанзд̇ваа аг̇г̇амахзсим̣ агам̣су, чад̇д̇аман̇г̇алад̣̇ивасз банасса сагаланаг̇арам̣ д̣̇званаг̇арам̣ вияа алан̇гарим̣су.
Bodhisatto añjaliṃ paggayha paccekabuddhagataṃ pītiṃ gahetvā tesu cakkhupathaṃ atītesu attano kammantaṃ gantvā yāvatāyukaṃ dānaṃ anussaritvā kālaṃ katvā tassa phalena bārāṇasirañño aggamahesiyā kucchimhi nibbatti, brahmadattakumārotissa nāmaṃ akaṃsu. So attano padasā gamanakālato paṭṭhāya ‘‘ahaṃ imasmiṃyeva nagare bhatako hutvā kammantaṃ gacchanto paccekabuddhānaṃ cattāro kummāsapiṇḍe datvā tassa dānassa phalena idha nibbatto’’ti pasannādāse mukhanimittaṃ viya sabbaṃ purimajātikiriyaṃ jātissarañāṇena pākaṭaṃ katvā passi. So vayappatto takkasilāyaṃ gantvā sabbasippāni uggaṇhitvā paccāgantvā sikkhitasippaṃ pitu dassetvā tuṭṭhena pitarā oparajje patiṭṭhāpito, aparabhāge pitu accayena rajje patiṭṭhāsi. Athassa uttamarūpadharaṃ kosalarañño dhītaraṃ ānetvā aggamahesiṃ akaṃsu, chattamaṅgaladivase panassa sakalanagaraṃ devanagaraṃ viya alaṅkariṃsu.
со наг̇арам̣ бад̣̇агкин̣ам̣ гад̇ваа алан̇гад̇абаасаад̣̇ам̣ абхирухид̇ваа махаад̇аламаж̇жхз самуссид̇асзд̇ажчад̇д̇ам̣ баллан̇гам̣ абхируяха нисинно бариваарзд̇ваа тид̇з згад̇о амажжз, згад̇о б̣раахман̣аг̇ахабад̇иаад̣̇аяо наанаавибхавз сиривилаасасамуж̇ж̇алз, згад̇о наанаавид̇хабан̣н̣аагаарахад̇т̇з нааг̇арамануссз, згад̇о алан̇гад̇ад̣̇зважчарасан̇гхам̣ вияа сол̣асасахассасан̇кам̣ наадагид̇т̇иг̇ан̣анд̇и имам̣ ад̇иманорамам̣ сиривибхавам̣ ологзнд̇о ад̇д̇ано буб̣б̣агаммам̣ ануссарид̇ваа ‘‘ид̣̇ам̣ суван̣н̣абин̣д̣игам̣ ган̃жанамаалам̣ сзд̇ажчад̇д̇ам̣, имаани жа анзгасахассаани хад̇т̇ивааханаассавааханарат̇авааханаани, ман̣имуд̇д̇аад̣̇ибуурид̇аа саараг̇аб̣бхаа, наанаавид̇хад̇хан̃н̃абуурид̇аа махаабат̇авий, д̣̇зважчарабадибхааг̇аа наарияо жаад̇и саб̣б̣обзса маяхам̣ сиривибхаво на ан̃н̃асса санд̇аго, жад̇уннам̣ бажжзгаб̣уд̣̇д̇хаанам̣ д̣̇иннасса жад̇угуммаасабин̣д̣ад̣̇аанассзва санд̇аго, д̇з ниссааяа маяаа зса лад̣̇д̇хо’’д̇и бажжзгаб̣уд̣̇д̇хаанам̣ г̇ун̣ам̣ ануссарид̇ваа ад̇д̇ано гаммам̣ баагадам̣ агааси. д̇асса д̇ам̣ ануссаранд̇асса сагаласарийрам̣ бийд̇ияаа буури. со бийд̇ияаа д̇змид̇ахад̣̇аяо махааж̇анасса маж̇жхз уд̣̇аанаг̇ийд̇ам̣ г̇ааяанд̇о д̣̇вз г̇аат̇аа абхааси –
So nagaraṃ padakkhiṇaṃ katvā alaṅkatapāsādaṃ abhiruhitvā mahātalamajjhe samussitasetacchattaṃ pallaṅkaṃ abhiruyha nisinno parivāretvā ṭhite ekato amacce, ekato brāhmaṇagahapatiādayo nānāvibhave sirivilāsasamujjale, ekato nānāvidhapaṇṇākārahatthe nāgaramanusse, ekato alaṅkatadevaccharasaṅghaṃ viya soḷasasahassasaṅkhaṃ nāṭakitthigaṇanti imaṃ atimanoramaṃ sirivibhavaṃ olokento attano pubbakammaṃ anussaritvā ‘‘idaṃ suvaṇṇapiṇḍikaṃ kañcanamālaṃ setacchattaṃ, imāni ca anekasahassāni hatthivāhanaassavāhanarathavāhanāni, maṇimuttādipūritā sāragabbhā, nānāvidhadhaññapūritā mahāpathavī, devaccharapaṭibhāgā nāriyo cāti sabbopesa mayhaṃ sirivibhavo na aññassa santako, catunnaṃ paccekabuddhānaṃ dinnassa catukummāsapiṇḍadānasseva santako, te nissāya mayā esa laddho’’ti paccekabuddhānaṃ guṇaṃ anussaritvā attano kammaṃ pākaṭaṃ akāsi. Tassa taṃ anussarantassa sakalasarīraṃ pītiyā pūri. So pītiyā temitahadayo mahājanassa majjhe udānagītaṃ gāyanto dve gāthā abhāsi –
142.
142.
‘‘на гирад̇т̇и аномад̣̇ассису, баарижарияаа б̣уд̣̇д̇хзсу аббигаа;
‘‘Na kiratthi anomadassisu, pāricariyā buddhesu appikā;
сугкааяа алон̣игааяа жа, басса палам̣ гуммаасабин̣д̣ияаа.
Sukkhāya aloṇikāya ca, passa phalaṃ kummāsapiṇḍiyā.
143.
143.
‘‘хад̇т̇иг̇аваассаа жимз б̣ахуу, д̇ханад̇хан̃н̃ам̣ бат̇авий жа гзвалаа;
‘‘Hatthigavāssā cime bahū, dhanadhaññaṃ pathavī ca kevalā;
наарияо жимаа ажчаруубамаа, басса палам̣ гуммаасабин̣д̣ияаа’’д̇и.
Nāriyo cimā accharūpamā, passa phalaṃ kummāsapiṇḍiyā’’ti.
д̇ад̇т̇а аномад̣̇ассисууд̇и аномасса алаамагасса бажжзгаб̣од̇хин̃аан̣асса д̣̇идтад̇д̇аа бажжзгаб̣уд̣̇д̇хаа аномад̣̇ассино наама. баарижарияаад̇и абхиваад̣̇анабажжудтаанан̃ж̇алигаммаад̣̇ибхзд̣̇аа саамийжигирияааби, самбад̇д̇з д̣̇исваа ад̇д̇ано санд̇агам̣ аббам̣ ваа б̣ахум̣ ваа луукам̣ ваа бан̣ийд̇ам̣ ваа д̣̇зяяад̇хаммам̣ жид̇д̇ам̣ басаад̣̇зд̇ваа г̇ун̣ам̣ саллагкзд̇ваа д̇иссо жзд̇анаа висод̇хзд̇ваа палам̣ сад̣̇д̣̇ахид̇ваа барижжаж̇анагирияааби . б̣уд̣̇д̇хзсууд̇и бажжзгаб̣уд̣̇д̇хзсу. аббигаад̇и манд̣̇аа барид̇д̇аа наама над̇т̇и гира. сугкааяаад̇и ниснзхааяа. алон̣игааяаад̇и паан̣ид̇авирахид̇ааяа. нибпаан̣ид̇ад̇д̇аа хи саа ‘‘алон̣игаа’’д̇и вуд̇д̇аа. гуммаасабин̣д̣ияаад̇и жад̇д̇ааро гуммаасабин̣д̣з згад̇о гад̇ваа г̇ахид̇ам̣ гуммаасам̣ санд̇хааяа звамааха. г̇ун̣аванд̇аанам̣ саман̣аб̣раахман̣аанам̣ г̇ун̣ам̣ саллагкзд̇ваа жид̇д̇ам̣ басаад̣̇зд̇ваа палуббад̇д̇им̣ баадиган̇камаанаанам̣ д̇иссо жзд̇анаа висод̇хзд̇ваа д̣̇иннабад̣̇агкин̣аа аббигаа наама над̇т̇и, ниб̣б̣ад̇д̇аниб̣б̣ад̇д̇адтаанз махаасамбад̇д̇имзва д̣̇зд̇ийд̇и вуд̇д̇ам̣ ход̇и. ход̇и жзд̇т̇а –
Tattha anomadassisūti anomassa alāmakassa paccekabodhiñāṇassa diṭṭhattā paccekabuddhā anomadassino nāma. Pāricariyāti abhivādanapaccuṭṭhānañjalikammādibhedā sāmīcikiriyāpi, sampatte disvā attano santakaṃ appaṃ vā bahuṃ vā lūkhaṃ vā paṇītaṃ vā deyyadhammaṃ cittaṃ pasādetvā guṇaṃ sallakkhetvā tisso cetanā visodhetvā phalaṃ saddahitvā pariccajanakiriyāpi . Buddhesūti paccekabuddhesu. Appikāti mandā parittā nāma natthi kira. Sukkhāyāti nisnehāya. Aloṇikāyāti phāṇitavirahitāya. Nipphāṇitattā hi sā ‘‘aloṇikā’’ti vuttā. Kummāsapiṇḍiyāti cattāro kummāsapiṇḍe ekato katvā gahitaṃ kummāsaṃ sandhāya evamāha. Guṇavantānaṃ samaṇabrāhmaṇānaṃ guṇaṃ sallakkhetvā cittaṃ pasādetvā phaluppattiṃ pāṭikaṅkhamānānaṃ tisso cetanā visodhetvā dinnapadakkhiṇā appikā nāma natthi, nibbattanibbattaṭṭhāne mahāsampattimeva detīti vuttaṃ hoti. Hoti cettha –
‘‘над̇т̇и жид̇д̇з басаннамхи, аббигаа наама д̣̇агкин̣аа;
‘‘Natthi citte pasannamhi, appikā nāma dakkhiṇā;
д̇ат̇ааг̇ад̇з ваа самб̣уд̣̇д̇хз, ат̇а ваа д̇асса саавагз.
Tathāgate vā sambuddhe, atha vā tassa sāvake.
‘‘д̇идтанд̇з ниб̣б̣уд̇з жааби, самз жид̇д̇з самам̣ палам̣;
‘‘Tiṭṭhante nibbute cāpi, same citte samaṃ phalaṃ;
жзд̇обан̣ид̇хихзд̇у хи, сад̇д̇аа г̇ажчанд̇и суг̇г̇ад̇и’’нд̇и. (ви. ва. 804, 806);
Cetopaṇidhihetu hi, sattā gacchanti suggati’’nti. (vi. va. 804, 806);
имасса банад̇т̇асса д̣̇ийбанад̇т̇ааяа –
Imassa panatthassa dīpanatthāya –
‘‘кийрод̣̇анам̣ ахамад̣̇аасим̣, бхигкуно бин̣д̣ааяа жаранд̇асса; (ви. ва. 413);
‘‘Khīrodanaṃ ahamadāsiṃ, bhikkhuno piṇḍāya carantassa; (Vi. va. 413);
д̇ассаа мз басса вимаанам̣, ажчараа гаамаван̣н̣инийхамасми. (ви. ва. 334);
Tassā me passa vimānaṃ, accharā kāmavaṇṇinīhamasmi. (vi. va. 334);
‘‘ажчараасахассассаахам̣ , бавараа басса бун̃н̃аанам̣ вибаагам̣;
‘‘Accharāsahassassāhaṃ , pavarā passa puññānaṃ vipākaṃ;
д̇зна мзд̇аад̣̇исо ван̣н̣о, д̇зна мз ид̇ха миж̇жхад̇и.
Tena metādiso vaṇṇo, tena me idha mijjhati.
‘‘уббаж̇ж̇анд̇и жа мз бхог̇аа, яз гзжи манасо бияаа;
‘‘Uppajjanti ca me bhogā, ye keci manaso piyā;
д̇знамхи звам̣ ж̇алид̇аанубхааваа, ван̣н̣о жа мз саб̣б̣ад̣̇исаа бабхаасад̇ий’’д̇и. (ви. ва. 334-336) –
Tenamhi evaṃ jalitānubhāvā, vaṇṇo ca me sabbadisā pabhāsatī’’ti. (vi. va. 334-336) –
звамаад̣̇ийни вимаанавад̇т̇ууни аахарид̇аб̣б̣аани.
Evamādīni vimānavatthūni āharitabbāni.
д̇ханад̇хан̃н̃анд̇и муд̇д̇аад̣̇ид̇ханан̃жа сад̇д̇а д̇хан̃н̃аани жа. бат̇авий жа гзвалаад̇и сагалаа жзсаа махаабат̇авийд̇и сагалабат̇авим̣ хад̇т̇аг̇ад̇ам̣ ман̃н̃амаано вад̣̇ад̇и. басса палам̣ гуммаасабин̣д̣ияаад̇и ад̇д̇ано д̣̇аанапалам̣ ад̇д̇анаава д̣̇ассзнд̇о звамааха. д̣̇аанапалам̣ гира б̣од̇хисад̇д̇аа жа саб̣б̣ан̃н̃уб̣уд̣̇д̇хааязва жа ж̇аананд̇и. д̇знзва сад̇т̇аа ид̇ивуд̇д̇агз суд̇д̇анд̇ам̣ гат̇знд̇о –
Dhanadhaññanti muttādidhanañca satta dhaññāni ca. Pathavī ca kevalāti sakalā cesā mahāpathavīti sakalapathaviṃ hatthagataṃ maññamāno vadati. Passa phalaṃ kummāsapiṇḍiyāti attano dānaphalaṃ attanāva dassento evamāha. Dānaphalaṃ kira bodhisattā ca sabbaññubuddhāyeva ca jānanti. Teneva satthā itivuttake suttantaṃ kathento –
‘‘зван̃жз, бхигкавз, сад̇д̇аа ж̇аанзяяум̣ д̣̇аанасам̣вибхааг̇асса вибаагам̣, яат̇аахам̣ ж̇аанаами, на ад̣̇ад̇ваа бхун̃ж̇зяяум̣, на жа нзсам̣ мажчзрамалам̣ жид̇д̇ам̣ барияаад̣̇ааяа д̇идтзяяа. яоби нзсам̣ асса жаримо аалобо жаримам̣ габ̣ал̣ам̣, д̇ад̇оби на асам̣вибхаж̇ид̇ваа бхун̃ж̇зяяум̣, сажз нзсам̣ бадиг̇г̇аахагаа ассу. яасмаа жа ко, бхигкавз, сад̇д̇аа на звам̣ ж̇аананд̇и д̣̇аанасам̣вибхааг̇асса вибаагам̣, яат̇аахам̣ ж̇аанаами, д̇асмаа ад̣̇ад̇ваа бхун̃ж̇анд̇и, мажчзрамалан̃жа нзсам̣ жид̇д̇ам̣ барияаад̣̇ааяа д̇идтад̇ий’’д̇и (ид̇иву. 26).
‘‘Evañce, bhikkhave, sattā jāneyyuṃ dānasaṃvibhāgassa vipākaṃ, yathāhaṃ jānāmi, na adatvā bhuñjeyyuṃ, na ca nesaṃ maccheramalaṃ cittaṃ pariyādāya tiṭṭheyya. Yopi nesaṃ assa carimo ālopo carimaṃ kabaḷaṃ, tatopi na asaṃvibhajitvā bhuñjeyyuṃ, sace nesaṃ paṭiggāhakā assu. Yasmā ca kho, bhikkhave, sattā na evaṃ jānanti dānasaṃvibhāgassa vipākaṃ, yathāhaṃ jānāmi, tasmā adatvā bhuñjanti, maccheramalañca nesaṃ cittaṃ pariyādāya tiṭṭhatī’’ti (itivu. 26).
б̣од̇хисад̇д̇оби ад̇д̇ано чад̇д̇аман̇г̇алад̣̇ивасз сан̃ж̇аад̇абийд̇ибаамож̇ж̇о имаахи д̣̇вийхи г̇аат̇аахи уд̣̇аанаг̇ийд̇ам̣ г̇ааяи. д̇ад̇о бадтааяа ‘‘ран̃н̃о бияаг̇ийд̇а’’нд̇и б̣од̇хисад̇д̇асса наадагид̇т̇ияо жа сзсанаадагаг̇анд̇хаб̣б̣аад̣̇аяоби жа анд̇збураж̇аноби анд̇онаг̇араваасиноби б̣ахинаг̇араваасиноби баанааг̇аарзсуби амажжаман̣д̣алзсуби ‘‘амхаагам̣ ран̃н̃о бияаг̇ийд̇а’’нд̇и д̇ад̣̇зва г̇ийд̇ам̣ г̇ааяанд̇и. звам̣ ад̣̇д̇хаанз г̇ад̇з аг̇г̇амахзсий д̇асса г̇ийд̇асса ад̇т̇ам̣ ж̇аанид̇угаамаа ахоси, махаасад̇д̇ам̣ бана бужчид̇ум̣ на висахад̇и. ат̇ассаа згасмим̣ г̇ун̣з басийд̣̇ид̇ваа згад̣̇ивасам̣ рааж̇аа ‘‘бхад̣̇д̣̇з, варам̣ д̇з д̣̇ассаами, варам̣ г̇ан̣хаахий’’д̇и ааха. ‘‘саад̇ху, д̣̇зва, г̇ан̣хаамий’’д̇и. ‘‘хад̇т̇иассаад̣̇ийсу д̇з гим̣ д̣̇аммий’’д̇и? ‘‘д̣̇зва, д̇умхз ниссааяа маяхам̣ на гин̃жи над̇т̇и, на мз зд̇зхи ад̇т̇о, сажз бана д̣̇аад̇угаамаад̇т̇а, д̇умхаагам̣ г̇ийд̇асса ад̇т̇ам̣ гат̇зд̇ваа д̣̇зт̇аа’’д̇и. ‘‘бхад̣̇д̣̇з, го д̇з иминаа варзна ад̇т̇о, ан̃н̃ам̣ г̇ан̣хаахий’’д̇и. ‘‘д̣̇зва, ан̃н̃зна мз ад̇т̇о над̇т̇и, зд̇ад̣̇зва г̇ан̣хаамий’’д̇и. ‘‘саад̇ху бхад̣̇д̣̇з, гат̇зссаами, д̇уяхам̣ бана згигааяа рахо на гат̇зссаами, д̣̇ваад̣̇асаяож̇анигааяа б̣аараан̣асияаа бхзрим̣ жараабзд̇ваа рааж̇ад̣̇ваарз рад̇анаман̣д̣абам̣ гаарзд̇ваа рад̇анабаллан̇гам̣ бан̃н̃аабзд̇ваа амажжаб̣раахман̣аад̣̇ийхи жа нааг̇арзхи жзва сол̣асахи ид̇т̇исахассзхи жа баривуд̇о д̇зсам̣ маж̇жхз рад̇анабаллан̇гз нисийд̣̇ид̇ваа гат̇зссаамий’’д̇и. саа ‘‘саад̇ху, д̣̇зваа’’д̇и самбадижчи.
Bodhisattopi attano chattamaṅgaladivase sañjātapītipāmojjo imāhi dvīhi gāthāhi udānagītaṃ gāyi. Tato paṭṭhāya ‘‘rañño piyagīta’’nti bodhisattassa nāṭakitthiyo ca sesanāṭakagandhabbādayopi ca antepurajanopi antonagaravāsinopi bahinagaravāsinopi pānāgāresupi amaccamaṇḍalesupi ‘‘amhākaṃ rañño piyagīta’’nti tadeva gītaṃ gāyanti. Evaṃ addhāne gate aggamahesī tassa gītassa atthaṃ jānitukāmā ahosi, mahāsattaṃ pana pucchituṃ na visahati. Athassā ekasmiṃ guṇe pasīditvā ekadivasaṃ rājā ‘‘bhadde, varaṃ te dassāmi, varaṃ gaṇhāhī’’ti āha. ‘‘Sādhu, deva, gaṇhāmī’’ti. ‘‘Hatthiassādīsu te kiṃ dammī’’ti? ‘‘Deva, tumhe nissāya mayhaṃ na kiñci natthi, na me etehi attho, sace pana dātukāmāttha, tumhākaṃ gītassa atthaṃ kathetvā dethā’’ti. ‘‘Bhadde, ko te iminā varena attho, aññaṃ gaṇhāhī’’ti. ‘‘Deva, aññena me attho natthi, etadeva gaṇhāmī’’ti. ‘‘Sādhu bhadde, kathessāmi, tuyhaṃ pana ekikāya raho na kathessāmi, dvādasayojanikāya bārāṇasiyā bheriṃ carāpetvā rājadvāre ratanamaṇḍapaṃ kāretvā ratanapallaṅkaṃ paññāpetvā amaccabrāhmaṇādīhi ca nāgarehi ceva soḷasahi itthisahassehi ca parivuto tesaṃ majjhe ratanapallaṅke nisīditvā kathessāmī’’ti. Sā ‘‘sādhu, devā’’ti sampaṭicchi.
рааж̇аа д̇ат̇аа гаарзд̇ваа амараг̇ан̣абаривуд̇о сагго д̣̇зварааж̇аа вияа махааж̇анагааяабаривуд̇о рад̇анабаллан̇гз нисийд̣̇и. д̣̇звийби саб̣б̣аалан̇гаарабадиман̣д̣ид̇аа ган̃жанабхад̣̇д̣̇абийтам̣ ад̇т̇арид̇ваа згаманд̇з агкигодияаа ологзд̇ваа д̇ат̇ааруубз таанз нисийд̣̇ид̇ваа ‘‘д̣̇зва, д̇умхаагам̣ д̇уссид̇ваа г̇ааяанаман̇г̇алаг̇ийд̇асса д̇аава мз ад̇т̇ам̣ г̇аг̇анад̇алз бун̣н̣ажанд̣̇ам̣ удтаабзнд̇о вияа баагадам̣ гад̇ваа гат̇зт̇аа’’д̇и вад̇ваа д̇ад̇ияам̣ г̇аат̇амааха –
Rājā tathā kāretvā amaragaṇaparivuto sakko devarājā viya mahājanakāyaparivuto ratanapallaṅke nisīdi. Devīpi sabbālaṅkārapaṭimaṇḍitā kañcanabhaddapīṭhaṃ attharitvā ekamante akkhikoṭiyā oloketvā tathārūpe ṭhāne nisīditvā ‘‘deva, tumhākaṃ tussitvā gāyanamaṅgalagītassa tāva me atthaṃ gaganatale puṇṇacandaṃ uṭṭhāpento viya pākaṭaṃ katvā kathethā’’ti vatvā tatiyaṃ gāthamāha –
144.
144.
‘‘абхигкан̣ам̣ рааж̇агун̃ж̇ара, г̇аат̇аа бхаасаси госалаад̇хиба;
‘‘Abhikkhaṇaṃ rājakuñjara, gāthā bhāsasi kosalādhipa;
бужчаами д̇ам̣ радтавад̣дхана, б̣аал̣хам̣ бийд̇имано бабхаасасий’’д̇и.
Pucchāmi taṃ raṭṭhavaḍḍhana, bāḷhaṃ pītimano pabhāsasī’’ti.
д̇ад̇т̇а госалаад̇хибаад̇и на со госаларадтаад̇хибо, гусалз бана д̇хаммз ад̇хибад̇им̣ гад̇ваа вихарад̇и, д̇зна нам̣ аалабанд̇ий звамааха, гусалаад̇хиба гусалаж̇жхаасаяаад̇и ад̇т̇о. б̣аал̣хам̣ бийд̇имано бабхаасасийд̇и ад̇ивияа бийд̇ияуд̇д̇ажид̇д̇о худ̇ваа бхаасаси, д̇асмаа гат̇зт̇а д̇аава мз зд̇аасам̣ г̇аат̇аанам̣ ад̇т̇анд̇и.
Tattha kosalādhipāti na so kosalaraṭṭhādhipo, kusale pana dhamme adhipatiṃ katvā viharati, tena naṃ ālapantī evamāha, kusalādhipa kusalajjhāsayāti attho. Bāḷhaṃ pītimano pabhāsasīti ativiya pītiyuttacitto hutvā bhāsasi, tasmā kathetha tāva me etāsaṃ gāthānaṃ atthanti.
ат̇асса г̇аат̇аанамад̇т̇ам̣ аави гаронд̇о махаасад̇д̇о жад̇ассо г̇аат̇аа абхааси –
Athassa gāthānamatthaṃ āvi karonto mahāsatto catasso gāthā abhāsi –
145.
145.
‘‘имасмим̣язва наг̇арз, гулз ан̃н̃ад̇арз ахум̣;
‘‘Imasmiṃyeva nagare, kule aññatare ahuṃ;
барагаммагаро аасим̣, бхад̇аго сийласам̣вуд̇о.
Parakammakaro āsiṃ, bhatako sīlasaṃvuto.
146.
146.
‘‘гаммааяа нигкаманд̇охам̣, жад̇уро саман̣зд̣̇д̣̇асам̣;
‘‘Kammāya nikkhamantohaṃ, caturo samaṇeddasaṃ;
аажаарасийласамбаннз, сийд̇ибхууд̇з анаасавз.
Ācārasīlasampanne, sītibhūte anāsave.
147.
147.
‘‘д̇зсу жид̇д̇ам̣ басаад̣̇зд̇ваа, нисийд̣̇зд̇ваа бан̣н̣асант̇ад̇з;
‘‘Tesu cittaṃ pasādetvā, nisīdetvā paṇṇasanthate;
ад̣̇ам̣ б̣уд̣̇д̇хаанам̣ гуммаасам̣, басанно сзхи баан̣ибхи.
Adaṃ buddhānaṃ kummāsaṃ, pasanno sehi pāṇibhi.
148.
148.
‘‘д̇асса гаммасса гусаласса, ид̣̇ам̣ мз зд̣̇исам̣ палам̣;
‘‘Tassa kammassa kusalassa, idaṃ me edisaṃ phalaṃ;
анубхоми ид̣̇ам̣ раж̇ж̇ам̣, пийд̇ам̣ д̇харан̣имуд̇д̇ама’’нд̇и.
Anubhomi idaṃ rajjaṃ, phītaṃ dharaṇimuttama’’nti.
д̇ад̇т̇а гулз ан̃н̃ад̇арзд̇и наамзна ваа г̇од̇д̇зна ваа абаагадз згасмим̣язва гулз. ахунд̇и ниб̣б̣ад̇д̇им̣. барагаммагаро аасинд̇и д̇асмим̣ гулз ж̇аад̇оваахам̣ д̣̇алид̣̇д̣̇ад̇ааяа барасса гаммам̣ гад̇ваа ж̇ийвигам̣ габбзнд̇о барагаммагаро аасим̣. бхад̇агод̇и баравзд̇анабхад̇о. сийласам̣вуд̇од̇и бан̃жасийласам̣варз тид̇о, бхад̇ияаа ж̇ийванд̇оби д̣̇уссийляам̣ бахааяа сийласамбаннова ахосинд̇и д̣̇ийбзд̇и. гаммааяа нигкаманд̇оханд̇и д̇ам̣ д̣̇ивасам̣ гад̇д̇аб̣б̣агижжасса гаран̣ад̇т̇ааяа нигканд̇о ахам̣. жад̇уро саман̣зд̣̇д̣̇асанд̇и бхад̣̇д̣̇з, ахам̣ наг̇араа нигкамма махаамаг̇г̇ам̣ ааруяха ад̇д̇ано гаммабхуумим̣ г̇ажчанд̇о бхигкааяа б̣аараан̣асинаг̇арам̣ бависанд̇з самид̇абаабз жад̇д̇ааро баб̣б̣аж̇ид̇з ад̣̇д̣̇асам̣. аажаарасийласамбаннзд̇и згавийсад̇ияаа анзсанаахи ж̇ийвигагаббанам̣ анаажааро наама, д̇асса бадибагкзна аажаарзна жзва маг̇г̇апалзхи ааг̇ад̇зна сийлзна жа саманнааг̇ад̇з. сийд̇ибхууд̇зд̇и рааг̇аад̣̇ибарил̣аахавуубасамзна жзва згаад̣̇асааг̇г̇иниб̣б̣аабанзна жа сийд̇ибхааваббад̇д̇з. анаасавзд̇и гаамаасаваад̣̇ивирахид̇з. нисийд̣̇зд̇ваад̇и ваалигаасанаанам̣ убари сант̇ад̇з бан̣н̣асант̇арз нисийд̣̇аабзд̇ваа. сант̇аро хи ид̇ха сант̇ад̇од̇и вуд̇д̇о. ад̣̇анд̇и нзсам̣ уд̣̇агам̣ д̣̇ад̇ваа саггажжам̣ сагзхи хад̇т̇зхи гуммаасам̣ ад̣̇аасим̣. гусалассаад̇и аарог̇яаанаваж̇ж̇адтзна гусаласса. паланд̇и д̇асса ниссанд̣̇апалам̣. пийд̇анд̇и саб̣б̣асамбад̇д̇ипуллид̇ам̣.
Tattha kule aññatareti nāmena vā gottena vā apākaṭe ekasmiṃyeva kule. Ahunti nibbattiṃ. Parakammakaro āsinti tasmiṃ kule jātovāhaṃ daliddatāya parassa kammaṃ katvā jīvikaṃ kappento parakammakaro āsiṃ. Bhatakoti paravetanabhato. Sīlasaṃvutoti pañcasīlasaṃvare ṭhito, bhatiyā jīvantopi dussīlyaṃ pahāya sīlasampannova ahosinti dīpeti. Kammāya nikkhamantohanti taṃ divasaṃ kattabbakiccassa karaṇatthāya nikkhanto ahaṃ. Caturo samaṇeddasanti bhadde, ahaṃ nagarā nikkhamma mahāmaggaṃ āruyha attano kammabhūmiṃ gacchanto bhikkhāya bārāṇasinagaraṃ pavisante samitapāpe cattāro pabbajite addasaṃ. Ācārasīlasampanneti ekavīsatiyā anesanāhi jīvikakappanaṃ anācāro nāma, tassa paṭipakkhena ācārena ceva maggaphalehi āgatena sīlena ca samannāgate. Sītibhūteti rāgādipariḷāhavūpasamena ceva ekādasaagginibbāpanena ca sītibhāvappatte. Anāsaveti kāmāsavādivirahite. Nisīdetvāti vālikāsanānaṃ upari santhate paṇṇasanthare nisīdāpetvā. Santharo hi idha santhatoti vutto. Adanti nesaṃ udakaṃ datvā sakkaccaṃ sakehi hatthehi kummāsaṃ adāsiṃ. Kusalassāti ārogyānavajjaṭṭhena kusalassa. Phalanti tassa nissandaphalaṃ. Phītanti sabbasampattiphullitaṃ.
зван̃жа махаасад̇д̇асса ад̇д̇ано гаммапалам̣ вид̇т̇аарзд̇ваа гат̇знд̇асса суд̇ваа д̣̇звий басаннаманаа ‘‘сажз, махаарааж̇а, звам̣ бажжагкад̇о д̣̇аанапалам̣ ж̇аанаат̇а, ид̇о д̣̇аани бадтааяа згам̣ бхад̇д̇абин̣д̣ам̣ лабхид̇ваа д̇хаммигасаман̣аб̣раахман̣аанам̣ д̣̇ад̇ваава барибхун̃ж̇зяяаат̇аа’’д̇и б̣од̇хисад̇д̇асса т̇уд̇им̣ гаронд̇ий –
Evañca mahāsattassa attano kammaphalaṃ vitthāretvā kathentassa sutvā devī pasannamanā ‘‘sace, mahārāja, evaṃ paccakkhato dānaphalaṃ jānātha, ito dāni paṭṭhāya ekaṃ bhattapiṇḍaṃ labhitvā dhammikasamaṇabrāhmaṇānaṃ datvāva paribhuñjeyyāthā’’ti bodhisattassa thutiṃ karontī –
149.
149.
‘‘д̣̇ад̣̇ам̣ бхун̃ж̇а маа жа бамаад̣̇о, жаггам̣ вад̇д̇аяа госалаад̇хиба;
‘‘Dadaṃ bhuñja mā ca pamādo, cakkaṃ vattaya kosalādhipa;
маа рааж̇а ад̇хаммиго аху, д̇хаммам̣ баалаяа госалаад̇хибаа’’д̇и. – имам̣ г̇аат̇амааха;
Mā rāja adhammiko ahu, dhammaṃ pālaya kosalādhipā’’ti. – imaṃ gāthamāha;
д̇ад̇т̇а д̣̇ад̣̇ам̣ бхун̃ж̇аад̇и ан̃н̃зсам̣ д̣̇ад̇ваава ад̇д̇анаа бхун̃ж̇а. маа жа бамаад̣̇од̇и д̣̇аанаад̣̇ийсу бун̃н̃зсу маа бамаж̇ж̇и. жаггам̣ вад̇д̇аяа госалаад̇хибаад̇и гусалаж̇жхаасаяа, махаарааж̇а, бад̇ируубад̣̇зсаваасаад̣̇игам̣ жад̇уб̣б̣ид̇хам̣ д̇хаммажаггам̣ бавад̇д̇зхи. багад̇ират̇о хи д̣̇вийхи жаггзхи г̇ажчад̇и, аяам̣ бана гааяо имзхи жад̇уухи жаггзхи д̣̇звалогам̣ г̇ажчад̇и, д̇зна д̇з ‘‘д̇хаммажагга’’нд̇и сан̇кяам̣ г̇ад̇аа, д̇ам̣ д̇вам̣ жаггам̣ бавад̇д̇зхи. ад̇хаммигод̇и яат̇аа ан̃н̃з чанд̣̇ааг̇ад̇им̣ г̇ажчанд̇аа логам̣ ужчуяанд̇з бийл̣зд̇ваа вияа д̇ханамзва сам̣гад̣дханд̇аа ад̇хаммигаа хонд̇и, д̇ат̇аа д̇вам̣ маа ад̇хаммиго аху. д̇хаммам̣ баалаяаад̇и –
Tattha dadaṃ bhuñjāti aññesaṃ datvāva attanā bhuñja. Mā ca pamādoti dānādīsu puññesu mā pamajji. Cakkaṃ vattaya kosalādhipāti kusalajjhāsaya, mahārāja, patirūpadesavāsādikaṃ catubbidhaṃ dhammacakkaṃ pavattehi. Pakatiratho hi dvīhi cakkehi gacchati, ayaṃ pana kāyo imehi catūhi cakkehi devalokaṃ gacchati, tena te ‘‘dhammacakka’’nti saṅkhyaṃ gatā, taṃ tvaṃ cakkaṃ pavattehi. Adhammikoti yathā aññe chandāgatiṃ gacchantā lokaṃ ucchuyante pīḷetvā viya dhanameva saṃkaḍḍhantā adhammikā honti, tathā tvaṃ mā adhammiko ahu. Dhammaṃ pālayāti –
‘‘д̣̇аанам̣ сийлам̣ барижжааг̇ам̣, аж̇ж̇авам̣ мад̣̇д̣̇авам̣ д̇абам̣;
‘‘Dānaṃ sīlaṃ pariccāgaṃ, ajjavaṃ maddavaṃ tapaṃ;
аггод̇хам̣ авихим̣сан̃жа, канд̇ин̃жа авирод̇хана’’нд̇и. (ж̇аа. 2.21.176) –
Akkodhaṃ avihiṃsañca, khantiñca avirodhana’’nti. (jā. 2.21.176) –
имам̣ бана д̣̇асавид̇хам̣ рааж̇ад̇хаммамзва баалаяа рагка, маа барижжаж̇и.
Imaṃ pana dasavidhaṃ rājadhammameva pālaya rakkha, mā pariccaji.
махаасад̇д̇о д̇ассаа важанам̣ самбадижчанд̇о –
Mahāsatto tassā vacanaṃ sampaṭicchanto –
150.
150.
‘‘сохам̣ д̇ад̣̇зва бунаббунам̣, вадумам̣ аажариссаами собханз;
‘‘Sohaṃ tadeva punappunaṃ, vaṭumaṃ ācarissāmi sobhane;
арияаажарид̇ам̣ сугосалз, араханд̇о мз манаабаава бассид̇у’’нд̇и. – г̇аат̇амааха;
Ariyācaritaṃ sukosale, arahanto me manāpāva passitu’’nti. – gāthamāha;
д̇ад̇т̇а вадуманд̇и маг̇г̇ам̣. арияаажарид̇анд̇и ариязхи б̣уд̣̇д̇хаад̣̇ийхи аажин̣н̣ам̣. сугосалзд̇и собханз госаларан̃н̃о д̇хийд̇зд̇и ад̇т̇о. араханд̇од̇и гилзсзхи аарагад̇д̇аа, араанан̃жа арийнан̃жа хад̇ад̇д̇аа, бажжаяаанам̣ арахад̇д̇аа звам̣лад̣̇д̇ханаамаа бажжзгаб̣уд̣̇д̇хаа. ид̣̇ам̣ вуд̇д̇ам̣ ход̇и – бхад̣̇д̣̇з, госаларааж̇ад̇хийд̇з со ахам̣ ‘‘д̣̇аанам̣ мз д̣̇инна’’нд̇и д̇ид̇д̇им̣ агад̇ваа бунаббунам̣ д̇ад̣̇зва арияаажарид̇ам̣ д̣̇аанамаг̇г̇ам̣ аажариссаами. маяхан̃хи аг̇г̇ад̣̇агкин̣зяяад̇д̇аа араханд̇о манаабад̣̇ассанаа, жийвараад̣̇ийни д̣̇аад̇угаамад̇ааяа д̇зязва бассид̇ум̣ ижчаамийд̇и.
Tattha vaṭumanti maggaṃ. Ariyācaritanti ariyehi buddhādīhi āciṇṇaṃ. Sukosaleti sobhane kosalarañño dhīteti attho. Arahantoti kilesehi ārakattā, arānañca arīnañca hatattā, paccayānaṃ arahattā evaṃladdhanāmā paccekabuddhā. Idaṃ vuttaṃ hoti – bhadde, kosalarājadhīte so ahaṃ ‘‘dānaṃ me dinna’’nti tittiṃ akatvā punappunaṃ tadeva ariyācaritaṃ dānamaggaṃ ācarissāmi. Mayhañhi aggadakkhiṇeyyattā arahanto manāpadassanā, cīvarādīni dātukāmatāya teyeva passituṃ icchāmīti.
зван̃жа бана вад̇ваа рааж̇аа д̣̇звияаа самбад̇д̇им̣ ологзд̇ваа ‘‘бхад̣̇д̣̇з, маяаа д̇аава буримабхавз ад̇д̇ано гусалагаммам̣ вид̇т̇аарзд̇ваа гат̇ид̇ам̣, имаасам̣ бана наарийнам̣ маж̇жхз руубзна ваа лийл̣аавилаасзна ваа д̇аяаа сад̣̇исий згааби над̇т̇и, саа д̇вам̣ гим̣ гаммам̣ гад̇ваа имам̣ самбад̇д̇им̣ бадилабхий’’д̇и бужчанд̇о буна г̇аат̇амааха –
Evañca pana vatvā rājā deviyā sampattiṃ oloketvā ‘‘bhadde, mayā tāva purimabhave attano kusalakammaṃ vitthāretvā kathitaṃ, imāsaṃ pana nārīnaṃ majjhe rūpena vā līḷāvilāsena vā tayā sadisī ekāpi natthi, sā tvaṃ kiṃ kammaṃ katvā imaṃ sampattiṃ paṭilabhī’’ti pucchanto puna gāthamāha –
151.
151.
‘‘д̣̇звий вияа ажчаруубамаа, маж̇жхз наариг̇ан̣асса собхаси;
‘‘Devī viya accharūpamā, majjhe nārigaṇassa sobhasi;
гим̣ гаммамагааси бхад̣̇д̣̇агам̣, гзнааси ван̣н̣авад̇ий сугосалз’’д̇и.
Kiṃ kammamakāsi bhaddakaṃ, kenāsi vaṇṇavatī sukosale’’ti.
д̇ассад̇т̇о – бхад̣̇д̣̇з сугосалз госаларан̃н̃о суд̇хийд̇з д̇вам̣ руубасамбад̇д̇ияаа ажчаруубамаа д̇ид̣̇асабурз саггасса д̣̇зваран̃н̃о ан̃н̃ад̇араа д̣̇звад̇хийд̇аа вияа имасса наарийг̇ан̣асса маж̇жхз собхаси, буб̣б̣з гим̣ наама бхад̣̇д̣̇агам̣ галяаан̣агаммам̣ агааси, гзнааси гааран̣зна звам̣ ван̣н̣авад̇ий ж̇аад̇аад̇и.
Tassattho – bhadde sukosale kosalarañño sudhīte tvaṃ rūpasampattiyā accharūpamā tidasapure sakkassa devarañño aññatarā devadhītā viya imassa nārīgaṇassa majjhe sobhasi, pubbe kiṃ nāma bhaddakaṃ kalyāṇakammaṃ akāsi, kenāsi kāraṇena evaṃ vaṇṇavatī jātāti.
ат̇асса саа буримабхавз галяаан̣агаммам̣ гат̇знд̇ий сзсаг̇аат̇аад̣̇ваяамааха –
Athassa sā purimabhave kalyāṇakammaṃ kathentī sesagāthādvayamāha –
152.
152.
‘‘амб̣адтагуласса кад̇д̇ияа, д̣̇аасяаахам̣ барабзсияаа ахум̣;
‘‘Ambaṭṭhakulassa khattiya, dāsyāhaṃ parapesiyā ahuṃ;
сан̃н̃ад̇аа жа д̇хаммаж̇ийвиний, сийлавад̇ий жа абаабад̣̇ассанаа.
Saññatā ca dhammajīvinī, sīlavatī ca apāpadassanā.
153.
153.
‘‘уд̣̇д̇хадабхад̇д̇ам̣ ахам̣ д̇ад̣̇аа, жарамаанасса ад̣̇аасим̣ бхигкуно;
‘‘Uddhaṭabhattaṃ ahaṃ tadā, caramānassa adāsiṃ bhikkhuno;
вид̇д̇аа суманаа саяам̣ ахам̣, д̇асса гаммасса палам̣ мамзд̣̇иса’’нд̇и.
Vittā sumanā sayaṃ ahaṃ, tassa kammassa phalaṃ mamedisa’’nti.
сааби гира ж̇аад̇иссараава ахоси, д̇асмаа ад̇д̇ано ж̇аад̇иссаран̃аан̣зна барижчинд̣̇ид̇ваава гат̇зси.
Sāpi kira jātissarāva ahosi, tasmā attano jātissarañāṇena paricchinditvāva kathesi.
д̇ад̇т̇а амб̣адтагулассаад̇и гудумб̣ияагуласса. д̣̇аасяааханд̇и д̣̇аасий ахам̣, ‘‘д̣̇аасааха’’нд̇иби баато. барабзсияаад̇и барзхи д̇асса д̇асса гижжасса гаран̣ад̇т̇ааяа бзсид̇аб̣б̣аа бзсанагааригаа. сан̃н̃ад̇аад̇и д̣̇аасияо наама д̣̇уссийлаа хонд̇и, ахам̣ бана д̇ийхи д̣̇ваарзхи сан̃н̃ад̇аа сийласамбаннаа. д̇хаммаж̇ийвинийд̇и бараван̃жанаад̣̇ийни агад̇ваа д̇хаммзна самзна бавад̇д̇ид̇аж̇ийвигаа. сийлавад̇ийд̇и аажаарасамбаннаа г̇ун̣авад̇ий. абаабад̣̇ассанаад̇и галяаан̣ад̣̇ассанаа бияад̇хаммаа.
Tattha ambaṭṭhakulassāti kuṭumbiyakulassa. Dāsyāhanti dāsī ahaṃ, ‘‘dāsāha’’ntipi pāṭho. Parapesiyāti parehi tassa tassa kiccassa karaṇatthāya pesitabbā pesanakārikā. Saññatāti dāsiyo nāma dussīlā honti, ahaṃ pana tīhi dvārehi saññatā sīlasampannā. Dhammajīvinīti paravañcanādīni akatvā dhammena samena pavattitajīvikā. Sīlavatīti ācārasampannā guṇavatī. Apāpadassanāti kalyāṇadassanā piyadhammā.
уд̣̇д̇хадабхад̇д̇анд̇и ад̇д̇ано бад̇д̇агодтаасавасзна уд̣̇д̇харид̇ваа лад̣̇д̇хабхааг̇абхад̇д̇ам̣. бхигкунод̇и бхиннагилзсасса бажжзгаб̣уд̣̇д̇хасса. вид̇д̇аа суманаад̇и д̇удтаа соманассаж̇аад̇аа гаммапалам̣ сад̣̇д̣̇аханд̇ий. д̇асса гаммассаад̇и д̇асса згабхигкаад̣̇аанагаммасса. ид̣̇ам̣ вуд̇д̇ам̣ ход̇и – ахам̣, махаарааж̇а, буб̣б̣з саавад̇т̇ияам̣ ан̃н̃ад̇арасса гудумб̣ияагуласса д̣̇аасий худ̇ваа ад̇д̇ано лад̣̇д̇хабхааг̇абхад̇д̇ам̣ аад̣̇ааяа нигкаманд̇ий згам̣ бажжзгаб̣уд̣̇д̇хам̣ бин̣д̣ааяа жаранд̇ам̣ д̣̇исваа ад̇д̇ано д̇ан̣хам̣ милаабзд̇ваа сан̃н̃ад̇аад̣̇иг̇ун̣асамбаннаа гаммапалам̣ сад̣̇д̣̇аханд̇ий д̇асса д̇ам̣ бхад̇д̇ам̣ ад̣̇аасим̣, саахам̣ яаавад̇ааяугам̣ тад̇ваа гаалам̣ гад̇ваа д̇ад̇т̇а саавад̇т̇ияам̣ госаларан̃н̃о аг̇г̇амахзсияаа гужчимхи ниб̣б̣ад̇д̇ид̇ваа ид̣̇аани д̇ава баад̣̇з барижарамаанаа зваруубам̣ самбад̇д̇им̣ анубхаваами, д̇асса мама гаммасса ид̣̇амийд̣̇исам̣ паланд̇и. д̇ад̇т̇а г̇ун̣асамбаннаанам̣ д̣̇иннад̣̇аанасса махабпалабхаавад̣̇ассанад̇т̇ам̣ –
Uddhaṭabhattanti attano pattakoṭṭhāsavasena uddharitvā laddhabhāgabhattaṃ. Bhikkhunoti bhinnakilesassa paccekabuddhassa. Vittā sumanāti tuṭṭhā somanassajātā kammaphalaṃ saddahantī. Tassa kammassāti tassa ekabhikkhādānakammassa. Idaṃ vuttaṃ hoti – ahaṃ, mahārāja, pubbe sāvatthiyaṃ aññatarassa kuṭumbiyakulassa dāsī hutvā attano laddhabhāgabhattaṃ ādāya nikkhamantī ekaṃ paccekabuddhaṃ piṇḍāya carantaṃ disvā attano taṇhaṃ milāpetvā saññatādiguṇasampannā kammaphalaṃ saddahantī tassa taṃ bhattaṃ adāsiṃ, sāhaṃ yāvatāyukaṃ ṭhatvā kālaṃ katvā tattha sāvatthiyaṃ kosalarañño aggamahesiyā kucchimhi nibbattitvā idāni tava pāde paricaramānā evarūpaṃ sampattiṃ anubhavāmi, tassa mama kammassa idamīdisaṃ phalanti. Tattha guṇasampannānaṃ dinnadānassa mahapphalabhāvadassanatthaṃ –
‘‘аг̇г̇ад̇о вз басаннаана’’нд̇и (ид̇иву. 90) жа.
‘‘Aggato ve pasannāna’’nti (itivu. 90) ca.
‘‘зса д̣̇звамануссаанам̣, саб̣б̣агаамад̣̇ад̣̇о нид̇хий’’д̇и (ку. баа. 8.10) жа. –
‘‘Esa devamanussānaṃ, sabbakāmadado nidhī’’ti (khu. pā. 8.10) ca. –
аад̣̇иг̇аат̇аа вид̇т̇аарзд̇аб̣б̣аа.
Ādigāthā vitthāretabbā.
ид̇и д̇з убхоби ад̇д̇ано буримагаммам̣ вид̇т̇аарад̇о гат̇зд̇ваа д̇ад̇о бадтааяа жад̇уусу наг̇арад̣̇ваарзсу наг̇арамаж̇жхз нивзсанад̣̇ваарзд̇и ча д̣̇аанасаалааяо гаарзд̇ваа сагалаж̇амб̣уд̣̇ийбам̣ уннан̇г̇алам̣ гад̇ваа махаад̣̇аанам̣ бавад̇д̇зд̇ваа сийлам̣ рагкид̇ваа убосат̇агаммам̣ гад̇ваа ж̇ийвид̇абарияосаанз саг̇г̇абарааяан̣аа ахзсум̣.
Iti te ubhopi attano purimakammaṃ vitthārato kathetvā tato paṭṭhāya catūsu nagaradvāresu nagaramajjhe nivesanadvāreti cha dānasālāyo kāretvā sakalajambudīpaṃ unnaṅgalaṃ katvā mahādānaṃ pavattetvā sīlaṃ rakkhitvā uposathakammaṃ katvā jīvitapariyosāne saggaparāyaṇā ahesuṃ.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̣̇звий раахуламаад̇аа ахоси, рааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā devī rāhulamātā ahosi, rājā pana ahameva ahosi’’nti.
гуммаасабин̣д̣иж̇аад̇агаван̣н̣анаа д̣̇асамаа.
Kummāsapiṇḍijātakavaṇṇanā dasamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 415. гуммаасабин̣д̣иж̇аад̇агам̣ • 415. Kummāsapiṇḍijātakaṃ
