| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
3-4. கும்மஸுத்தாதி³வண்ணனா
3-4. Kummasuttādivaṇṇanā
159-160. ததியே மஹாகும்மகுலந்தி மஹந்தங் அட்டி²கச்ச²பகுலங். அக³மாஸீதி ‘‘எத்த² அத்³தா⁴ கிஞ்சி கா²தி³தப்³ப³ங் அத்தி², தங் மச்ச²ராயந்தோ மங் ஏஸ நிவாரேதீ’’தி ஸஞ்ஞாய அக³மாஸி. பபதாயாதி பபதா வுச்சதி தீ³க⁴ரஜ்ஜுகப³த்³தோ⁴ அயகந்தகோஸகே த³ண்ட³கங் பவேஸெத்வா க³ஹிதோ கண்ணிகஸல்லஸண்டா²னோ, அயகண்டகோ, யஸ்மிங் வேகே³ன பதித்வா கடாஹே லக்³க³மத்தே த³ண்ட³கோ நிக்க²மதி, ரஜ்ஜுகோ ஏகாப³த்³தோ⁴ க³ச்ச²தேவ. ஸோ கும்மோதி ஸோ வித்³த⁴கும்மோ. யேன ஸோ கும்மோதி உத³கஸத்³த³ங் ஸுத்வா ஸாஸங்கட்டா²னங் ப⁴விஸ்ஸதீதி நிவத்தித்வா யேன ஸோ அத்த²காமோ கும்மோ. ந தா³னி த்வங் அம்ஹாகந்தி இதா³னி த்வங் அமித்தஹத்த²ங் க³தோ, ந அம்ஹாகங் ஸந்தகோதி அத்தோ². ஏவங் ஸல்லபந்தானங்யேவ ச நேஸங் நாவாய டி²தோ லுத்³தோ³ ரஜ்ஜுகங் ஆகட்³டி⁴த்வா கும்மங் க³ஹெத்வா யதா²காமங் அகாஸி. ஸேஸமெத்த² இதோ அனந்தரஸுத்தே ச உத்தானமேவ. ததியசதுத்தா²னி.
159-160. Tatiye mahākummakulanti mahantaṃ aṭṭhikacchapakulaṃ. Agamāsīti ‘‘ettha addhā kiñci khāditabbaṃ atthi, taṃ maccharāyanto maṃ esa nivāretī’’ti saññāya agamāsi. Papatāyāti papatā vuccati dīgharajjukabaddho ayakantakosake daṇḍakaṃ pavesetvā gahito kaṇṇikasallasaṇṭhāno, ayakaṇṭako, yasmiṃ vegena patitvā kaṭāhe laggamatte daṇḍako nikkhamati, rajjuko ekābaddho gacchateva. So kummoti so viddhakummo. Yena so kummoti udakasaddaṃ sutvā sāsaṅkaṭṭhānaṃ bhavissatīti nivattitvā yena so atthakāmo kummo. Na dāni tvaṃ amhākanti idāni tvaṃ amittahatthaṃ gato, na amhākaṃ santakoti attho. Evaṃ sallapantānaṃyeva ca nesaṃ nāvāya ṭhito luddo rajjukaṃ ākaḍḍhitvā kummaṃ gahetvā yathākāmaṃ akāsi. Sesamettha ito anantarasutte ca uttānameva. Tatiyacatutthāni.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
3. கும்மஸுத்தங் • 3. Kummasuttaṃ
4. தீ³க⁴லோமிகஸுத்தங் • 4. Dīghalomikasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3-4. கும்மஸுத்தாதி³வண்ணனா • 3-4. Kummasuttādivaṇṇanā
