| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৩-৪. কুম্মসুত্তাদিৰণ্ণনা
3-4. Kummasuttādivaṇṇanā
১৫৯-১৬০. ততিযে মহাকুম্মকুলন্তি মহন্তং অট্ঠিকচ্ছপকুলং। অগমাসীতি ‘‘এত্থ অদ্ধা কিঞ্চি খাদিতব্বং অত্থি, তং মচ্ছরাযন্তো মং এস নিৰারেতী’’তি সঞ্ঞায অগমাসি। পপতাযাতি পপতা ৰুচ্চতি দীঘরজ্জুকবদ্ধো অযকন্তকোসকে দণ্ডকং পৰেসেত্ৰা গহিতো কণ্ণিকসল্লসণ্ঠানো, অযকণ্টকো, যস্মিং ৰেগেন পতিত্ৰা কটাহে লগ্গমত্তে দণ্ডকো নিক্খমতি, রজ্জুকো একাবদ্ধো গচ্ছতেৰ। সো কুম্মোতি সো ৰিদ্ধকুম্মো। যেন সো কুম্মোতি উদকসদ্দং সুত্ৰা সাসঙ্কট্ঠানং ভৰিস্সতীতি নিৰত্তিত্ৰা যেন সো অত্থকামো কুম্মো। ন দানি ত্ৰং অম্হাকন্তি ইদানি ত্ৰং অমিত্তহত্থং গতো, ন অম্হাকং সন্তকোতি অত্থো। এৰং সল্লপন্তানংযেৰ চ নেসং নাৰায ঠিতো লুদ্দো রজ্জুকং আকড্ঢিত্ৰা কুম্মং গহেত্ৰা যথাকামং অকাসি। সেসমেত্থ ইতো অনন্তরসুত্তে চ উত্তানমেৰ। ততিযচতুত্থানি।
159-160. Tatiye mahākummakulanti mahantaṃ aṭṭhikacchapakulaṃ. Agamāsīti ‘‘ettha addhā kiñci khāditabbaṃ atthi, taṃ maccharāyanto maṃ esa nivāretī’’ti saññāya agamāsi. Papatāyāti papatā vuccati dīgharajjukabaddho ayakantakosake daṇḍakaṃ pavesetvā gahito kaṇṇikasallasaṇṭhāno, ayakaṇṭako, yasmiṃ vegena patitvā kaṭāhe laggamatte daṇḍako nikkhamati, rajjuko ekābaddho gacchateva. So kummoti so viddhakummo. Yena so kummoti udakasaddaṃ sutvā sāsaṅkaṭṭhānaṃ bhavissatīti nivattitvā yena so atthakāmo kummo. Na dāni tvaṃ amhākanti idāni tvaṃ amittahatthaṃ gato, na amhākaṃ santakoti attho. Evaṃ sallapantānaṃyeva ca nesaṃ nāvāya ṭhito luddo rajjukaṃ ākaḍḍhitvā kummaṃ gahetvā yathākāmaṃ akāsi. Sesamettha ito anantarasutte ca uttānameva. Tatiyacatutthāni.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
৩. কুম্মসুত্তং • 3. Kummasuttaṃ
৪. দীঘলোমিকসুত্তং • 4. Dīghalomikasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩-৪. কুম্মসুত্তাদিৰণ্ণনা • 3-4. Kummasuttādivaṇṇanā
