| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩-੪. ਕੁਮ੍ਮਸੁਤ੍ਤਾਦਿવਣ੍ਣਨਾ
3-4. Kummasuttādivaṇṇanā
੧੫੯-੧੬੦. ਤਤਿਯੇ ਮਹਾਕੁਮ੍ਮਕੁਲਨ੍ਤਿ ਮਹਨ੍ਤਂ ਅਟ੍ਠਿਕਚ੍ਛਪਕੁਲਂ। ਅਗਮਾਸੀਤਿ ‘‘ਏਤ੍ਥ ਅਦ੍ਧਾ ਕਿਞ੍ਚਿ ਖਾਦਿਤਬ੍ਬਂ ਅਤ੍ਥਿ, ਤਂ ਮਚ੍ਛਰਾਯਨ੍ਤੋ ਮਂ ਏਸ ਨਿવਾਰੇਤੀ’’ਤਿ ਸਞ੍ਞਾਯ ਅਗਮਾਸਿ। ਪਪਤਾਯਾਤਿ ਪਪਤਾ વੁਚ੍ਚਤਿ ਦੀਘਰਜ੍ਜੁਕਬਦ੍ਧੋ ਅਯਕਨ੍ਤਕੋਸਕੇ ਦਣ੍ਡਕਂ ਪવੇਸੇਤ੍વਾ ਗਹਿਤੋ ਕਣ੍ਣਿਕਸਲ੍ਲਸਣ੍ਠਾਨੋ, ਅਯਕਣ੍ਟਕੋ, ਯਸ੍ਮਿਂ વੇਗੇਨ ਪਤਿਤ੍વਾ ਕਟਾਹੇ ਲਗ੍ਗਮਤ੍ਤੇ ਦਣ੍ਡਕੋ ਨਿਕ੍ਖਮਤਿ, ਰਜ੍ਜੁਕੋ ਏਕਾਬਦ੍ਧੋ ਗਚ੍ਛਤੇવ। ਸੋ ਕੁਮ੍ਮੋਤਿ ਸੋ વਿਦ੍ਧਕੁਮ੍ਮੋ। ਯੇਨ ਸੋ ਕੁਮ੍ਮੋਤਿ ਉਦਕਸਦ੍ਦਂ ਸੁਤ੍વਾ ਸਾਸਙ੍ਕਟ੍ਠਾਨਂ ਭવਿਸ੍ਸਤੀਤਿ ਨਿવਤ੍ਤਿਤ੍વਾ ਯੇਨ ਸੋ ਅਤ੍ਥਕਾਮੋ ਕੁਮ੍ਮੋ। ਨ ਦਾਨਿ ਤ੍વਂ ਅਮ੍ਹਾਕਨ੍ਤਿ ਇਦਾਨਿ ਤ੍વਂ ਅਮਿਤ੍ਤਹਤ੍ਥਂ ਗਤੋ, ਨ ਅਮ੍ਹਾਕਂ ਸਨ੍ਤਕੋਤਿ ਅਤ੍ਥੋ। ਏવਂ ਸਲ੍ਲਪਨ੍ਤਾਨਂਯੇવ ਚ ਨੇਸਂ ਨਾવਾਯ ਠਿਤੋ ਲੁਦ੍ਦੋ ਰਜ੍ਜੁਕਂ ਆਕਡ੍ਢਿਤ੍વਾ ਕੁਮ੍ਮਂ ਗਹੇਤ੍વਾ ਯਥਾਕਾਮਂ ਅਕਾਸਿ। ਸੇਸਮੇਤ੍ਥ ਇਤੋ ਅਨਨ੍ਤਰਸੁਤ੍ਤੇ ਚ ਉਤ੍ਤਾਨਮੇવ। ਤਤਿਯਚਤੁਤ੍ਥਾਨਿ।
159-160. Tatiye mahākummakulanti mahantaṃ aṭṭhikacchapakulaṃ. Agamāsīti ‘‘ettha addhā kiñci khāditabbaṃ atthi, taṃ maccharāyanto maṃ esa nivāretī’’ti saññāya agamāsi. Papatāyāti papatā vuccati dīgharajjukabaddho ayakantakosake daṇḍakaṃ pavesetvā gahito kaṇṇikasallasaṇṭhāno, ayakaṇṭako, yasmiṃ vegena patitvā kaṭāhe laggamatte daṇḍako nikkhamati, rajjuko ekābaddho gacchateva. So kummoti so viddhakummo. Yena so kummoti udakasaddaṃ sutvā sāsaṅkaṭṭhānaṃ bhavissatīti nivattitvā yena so atthakāmo kummo. Na dāni tvaṃ amhākanti idāni tvaṃ amittahatthaṃ gato, na amhākaṃ santakoti attho. Evaṃ sallapantānaṃyeva ca nesaṃ nāvāya ṭhito luddo rajjukaṃ ākaḍḍhitvā kummaṃ gahetvā yathākāmaṃ akāsi. Sesamettha ito anantarasutte ca uttānameva. Tatiyacatutthāni.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੩. ਕੁਮ੍ਮਸੁਤ੍ਤਂ • 3. Kummasuttaṃ
੪. ਦੀਘਲੋਮਿਕਸੁਤ੍ਤਂ • 4. Dīghalomikasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩-੪. ਕੁਮ੍ਮਸੁਤ੍ਤਾਦਿવਣ੍ਣਨਾ • 3-4. Kummasuttādivaṇṇanā
