| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. гуммасуд̇д̇ам̣
3. Kummasuttaṃ
159. саавад̇т̇ияам̣ вихарад̇и…бз… ‘‘д̣̇аарун̣о , бхигкавз, лаабхасаггаарасилого…бз… ад̇хиг̇амааяа. бхууд̇абуб̣б̣ам̣, бхигкавз, ан̃н̃ад̇арасмим̣ уд̣̇агарахад̣̇з махаагуммагулам̣ жиранивааси ахоси. ат̇а ко, бхигкавз, ан̃н̃ад̇аро гуммо ан̃н̃ад̇арам̣ гуммам̣ зд̇ад̣̇авожа – ‘маа ко д̇вам̣, д̇аад̇а гумма, зд̇ам̣ бад̣̇зсам̣ аг̇амаасий’д̇и. аг̇амааси ко, бхигкавз, со гуммо д̇ам̣ бад̣̇зсам̣. д̇амзнам̣ луд̣̇д̣̇о бабад̇ааяа виж̇жхи. ат̇а ко, бхигкавз, со гуммо язна со гуммо д̇знубасан̇гами. ад̣̇д̣̇асаа ко, бхигкавз, со гуммо д̇ам̣ гуммам̣ д̣̇уурад̇ова ааг̇ажчанд̇ам̣. д̣̇исваана д̇ам̣ гуммам̣ зд̇ад̣̇авожа – ‘гажжи д̇вам̣, д̇аад̇а гумма, на д̇ам̣ бад̣̇зсам̣ аг̇амаасий’д̇и? ‘аг̇амаасим̣ кваахам̣, д̇аад̇а гумма, д̇ам̣ бад̣̇зса’нд̇и. ‘гажжи банааси, д̇аад̇а гумма, агкад̇о анубахад̇о’д̇и? ‘агкад̇о комхи, д̇аад̇а гумма, анубахад̇о, ад̇т̇и жа мз ид̣̇ам̣ суд̇д̇агам̣ бидтид̇о бидтид̇о ануб̣анд̇ха’нд̇и. ‘д̇аг̇гхаси, д̇аад̇а гумма, кад̇о, д̇аг̇гха убахад̇о. зд̇зна хи д̇з, д̇аад̇а гумма, суд̇д̇агзна бид̇аро жа бид̇аамахаа жа анаяам̣ аабаннаа б̣яасанам̣ аабаннаа. г̇ажча д̣̇аани д̇вам̣, д̇аад̇а гумма, на д̣̇аани д̇вам̣ амхаага’’’нд̇и.
159. Sāvatthiyaṃ viharati…pe… ‘‘dāruṇo , bhikkhave, lābhasakkārasiloko…pe… adhigamāya. Bhūtapubbaṃ, bhikkhave, aññatarasmiṃ udakarahade mahākummakulaṃ ciranivāsi ahosi. Atha kho, bhikkhave, aññataro kummo aññataraṃ kummaṃ etadavoca – ‘mā kho tvaṃ, tāta kumma, etaṃ padesaṃ agamāsī’ti. Agamāsi kho, bhikkhave, so kummo taṃ padesaṃ. Tamenaṃ luddo papatāya vijjhi. Atha kho, bhikkhave, so kummo yena so kummo tenupasaṅkami. Addasā kho, bhikkhave, so kummo taṃ kummaṃ dūratova āgacchantaṃ. Disvāna taṃ kummaṃ etadavoca – ‘kacci tvaṃ, tāta kumma, na taṃ padesaṃ agamāsī’ti? ‘Agamāsiṃ khvāhaṃ, tāta kumma, taṃ padesa’nti. ‘Kacci panāsi, tāta kumma, akkhato anupahato’ti? ‘Akkhato khomhi, tāta kumma, anupahato, atthi ca me idaṃ suttakaṃ piṭṭhito piṭṭhito anubandha’nti. ‘Tagghasi, tāta kumma, khato, taggha upahato. Etena hi te, tāta kumma, suttakena pitaro ca pitāmahā ca anayaṃ āpannā byasanaṃ āpannā. Gaccha dāni tvaṃ, tāta kumma, na dāni tvaṃ amhāka’’’nti.
‘‘луд̣̇д̣̇од̇и ко, бхигкавз, маарассзд̇ам̣ баабимад̇о ад̇хиважанам̣. бабад̇аад̇и ко, бхигкавз, лаабхасаггаарасилогассзд̇ам̣ ад̇хиважанам̣. суд̇д̇аганд̇и ко, бхигкавз, нанд̣̇ирааг̇ассзд̇ам̣ ад̇хиважанам̣. яо хи гожи, бхигкавз, бхигку уббаннам̣ лаабхасаггаарасилогам̣ ассаад̣̇зд̇и нигаамзд̇и – аяам̣ вужжад̇и, бхигкавз, бхигку г̇ид̣̇д̇хо бабад̇ааяа 1 анаяам̣ аабанно б̣яасанам̣ аабанно яат̇аагаамагаран̣ийяо баабимад̇о. звам̣ д̣̇аарун̣о ко, бхигкавз, лаабхасаггаарасилого…бз… зван̃хи во, бхигкавз, сигкид̇аб̣б̣а’’нд̇и. д̇ад̇ияам̣.
‘‘Luddoti kho, bhikkhave, mārassetaṃ pāpimato adhivacanaṃ. Papatāti kho, bhikkhave, lābhasakkārasilokassetaṃ adhivacanaṃ. Suttakanti kho, bhikkhave, nandirāgassetaṃ adhivacanaṃ. Yo hi koci, bhikkhave, bhikkhu uppannaṃ lābhasakkārasilokaṃ assādeti nikāmeti – ayaṃ vuccati, bhikkhave, bhikkhu giddho papatāya 2 anayaṃ āpanno byasanaṃ āpanno yathākāmakaraṇīyo pāpimato. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-4. гуммасуд̇д̇аад̣̇иван̣н̣анаа • 3-4. Kummasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-4. гуммасуд̇д̇аад̣̇иван̣н̣анаа • 3-4. Kummasuttādivaṇṇanā
