| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. гуммобамасуд̇д̇аван̣н̣анаа
3. Kummopamasuttavaṇṇanā
240. д̇ад̇ияз гуммод̇и адтигуммо. гажчабод̇и д̇ассзва взважанам̣. анунад̣̇ийд̇ийрзд̇и над̣̇ияаа ануд̇ийрз. г̇ожарабасуд̇од̇и ‘‘сажз гин̃жи палаапалам̣ лабхиссаами, каад̣̇иссаамий’’д̇и г̇ожарад̇т̇ааяа басуд̇о уссугго д̇анниб̣анд̇хо. самод̣̇ахид̇ваад̇и самуг̇г̇з вияа багкибид̇ваа. сан̇гасааяад̇ийд̇и ажчад̇и. самод̣̇аханд̇и самод̣̇аханд̇о табзнд̇о. ид̣̇ам̣ вуд̇д̇ам̣ ход̇и – яат̇аа гуммо ан̇г̇аани сагз габаалз самод̣̇аханд̇о син̇г̇ааласса од̇аарам̣ на д̣̇зд̇и, на жа нам̣ син̇г̇аало басахад̇и, звам̣ бхигку ад̇д̇ано мановид̇аггз сагз аарамман̣агабаалз самод̣̇аханд̇о гилзсамаарасса од̇аарам̣ на д̣̇зд̇и, на жа нам̣ мааро басахад̇и.
240. Tatiye kummoti aṭṭhikummo. Kacchapoti tasseva vevacanaṃ. Anunadītīreti nadiyā anutīre. Gocarapasutoti ‘‘sace kiñci phalāphalaṃ labhissāmi, khādissāmī’’ti gocaratthāya pasuto ussukko tannibandho. Samodahitvāti samugge viya pakkhipitvā. Saṅkasāyatīti acchati. Samodahanti samodahanto ṭhapento. Idaṃ vuttaṃ hoti – yathā kummo aṅgāni sake kapāle samodahanto siṅgālassa otāraṃ na deti, na ca naṃ siṅgālo pasahati, evaṃ bhikkhu attano manovitakke sake ārammaṇakapāle samodahanto kilesamārassa otāraṃ na deti, na ca naṃ māro pasahati.
аниссид̇од̇и д̇ан̣хаад̣̇идтиниссаязхи аниссид̇о. ан̃н̃амахзтаяаанод̇и ан̃н̃ам̣ ган̃жи буг̇г̇алам̣ авихзтзнд̇о. бариниб̣б̣уд̇од̇и гилзсабариниб̣б̣аанзна бариниб̣б̣уд̇о. нуубавад̣̇зяяа ган̃жийд̇и ан̃н̃ам̣ ган̃жи буг̇г̇алам̣ сийлавибад̇д̇ияаа ваа аажааравибад̇д̇ияаа ваа ад̇д̇аанам̣ уггам̣сзд̇угаамад̇ааяа ваа барам̣ вамбхзд̇угаамад̇ааяа ваа на убавад̣̇зяяа, ан̃н̃ад̣̇ад̇т̇у бан̃жа д̇хаммз аж̇жхад̇д̇ам̣ убадтабзд̇ваа, ‘‘гаалзна вагкаами, но агаалзна, бхууд̇зна вагкаами , но абхууд̇зна, сан̣хзна вагкаами, но парусзна, ад̇т̇асам̣хид̇зна вагкаами, но анад̇т̇асам̣хид̇зна, мзд̇д̇ажид̇д̇о вагкаами, но д̣̇осанд̇аро’’д̇и звам̣ уллумбанасабхаавасан̣тид̇знзва жид̇д̇зна вихарад̇и.
Anissitoti taṇhādiṭṭhinissayehi anissito. Aññamaheṭhayānoti aññaṃ kañci puggalaṃ aviheṭhento. Parinibbutoti kilesaparinibbānena parinibbuto. Nūpavadeyya kañcīti aññaṃ kañci puggalaṃ sīlavipattiyā vā ācāravipattiyā vā attānaṃ ukkaṃsetukāmatāya vā paraṃ vambhetukāmatāya vā na upavadeyya, aññadatthu pañca dhamme ajjhattaṃ upaṭṭhapetvā, ‘‘kālena vakkhāmi, no akālena, bhūtena vakkhāmi , no abhūtena, saṇhena vakkhāmi, no pharusena, atthasaṃhitena vakkhāmi, no anatthasaṃhitena, mettacitto vakkhāmi, no dosantaro’’ti evaṃ ullumpanasabhāvasaṇṭhiteneva cittena viharati.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. гуммобамасуд̇д̇ам̣ • 3. Kummopamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. гуммобамасуд̇д̇аван̣н̣анаа • 3. Kummopamasuttavaṇṇanā
