| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
18. гумуд̣̇аваг̇г̇о
18. Kumudavaggo
1. гумуд̣̇амаалияад̇т̇зраабад̣̇аанам̣
1. Kumudamāliyattheraapadānaṃ
1.
1.
‘‘баб̣б̣ад̇з химаванд̇амхи, махааж̇аад̇ассаро аху;
‘‘Pabbate himavantamhi, mahājātassaro ahu;
д̇ад̇т̇аж̇о рагкасо аасим̣, гхораруубо махаб̣б̣ало.
Tatthajo rakkhaso āsiṃ, ghorarūpo mahabbalo.
2.
2.
‘‘гумуд̣̇ам̣ бубпад̇з д̇ад̇т̇а, жаггамад̇д̇аани ж̇ааяарз;
‘‘Kumudaṃ pupphate tattha, cakkamattāni jāyare;
ожинаами жа д̇ам̣ бубпам̣, б̣алино самид̇им̣ д̇ад̣̇аа.
Ocināmi ca taṃ pupphaṃ, balino samitiṃ tadā.
3.
3.
‘‘ад̇т̇ад̣̇ассий д̇у бхаг̇аваа, д̣̇вибад̣̇инд̣̇о нараасабхо;
‘‘Atthadassī tu bhagavā, dvipadindo narāsabho;
бубпасан̇гожид̇ам̣ 1 д̣̇исваа, ааг̇ажчи мама санд̇игам̣.
Pupphasaṅkocitaṃ 2 disvā, āgacchi mama santikaṃ.
4.
4.
‘‘убааг̇ад̇ан̃жа самб̣уд̣̇д̇хам̣, д̣̇звад̣̇звам̣ нараасабхам̣;
‘‘Upāgatañca sambuddhaṃ, devadevaṃ narāsabhaṃ;
саб̣б̣ан̃жа бубпам̣ баг̇г̇аяха, б̣уд̣̇д̇хасса абхиробаяим̣.
Sabbañca pupphaṃ paggayha, buddhassa abhiropayiṃ.
5.
5.
‘‘яаавад̇аа химаванд̇анд̇аа, барисаа саа 3 д̇ад̣̇аа аху;
‘‘Yāvatā himavantantā, parisā sā 4 tadā ahu;
д̇ааважчад̣̇анасамбанно, аг̇амааси д̇ат̇ааг̇ад̇о.
Tāvacchadanasampanno, agamāsi tathāgato.
6.
6.
‘‘адтаарасз габбасад̇з, яам̣ бубпамабхиробаяим̣;
‘‘Aṭṭhārase kappasate, yaṃ pupphamabhiropayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
7.
7.
‘‘ид̇о баннарасз габбз, сад̇д̇аахзсум̣ ж̇анаад̇хибаа;
‘‘Ito pannarase kappe, sattāhesuṃ janādhipā;
сахассарат̇анаамаа д̇з, жаггавад̇д̇ий махаб̣б̣алаа.
Sahassarathanāmā te, cakkavattī mahabbalā.
8.
8.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа гумуд̣̇амаалияо т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā kumudamāliyo thero imā gāthāyo abhāsitthāti.
гумуд̣̇амаалияад̇т̇зрассаабад̣̇аанам̣ батамам̣.
Kumudamāliyattherassāpadānaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 1. гумуд̣̇амаалияад̇т̇зраабад̣̇аанаван̣н̣анаа • 1. Kumudamāliyattheraapadānavaṇṇanā
