| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๘. กุมุทวโคฺค
18. Kumudavaggo
๑. กุมุทมาลิยเตฺถรอปทานํ
1. Kumudamāliyattheraapadānaṃ
๑.
1.
‘‘ปพฺพเต หิมวนฺตมฺหิ, มหาชาตสฺสโร อหุ;
‘‘Pabbate himavantamhi, mahājātassaro ahu;
ตตฺถโช รกฺขโส อาสิํ, โฆรรูโป มหพฺพโลฯ
Tatthajo rakkhaso āsiṃ, ghorarūpo mahabbalo.
๒.
2.
‘‘กุมุทํ ปุปฺผเต ตตฺถ, จกฺกมตฺตานิ ชายเร;
‘‘Kumudaṃ pupphate tattha, cakkamattāni jāyare;
โอจินามิ จ ตํ ปุปฺผํ, พลิโน สมิติํ ตทาฯ
Ocināmi ca taṃ pupphaṃ, balino samitiṃ tadā.
๓.
3.
‘‘อตฺถทสฺสี ตุ ภควา, ทฺวิปทิโนฺท นราสโภ;
‘‘Atthadassī tu bhagavā, dvipadindo narāsabho;
๔.
4.
‘‘อุปาคตญฺจ สมฺพุทฺธํ, เทวเทวํ นราสภํ;
‘‘Upāgatañca sambuddhaṃ, devadevaṃ narāsabhaṃ;
สพฺพญฺจ ปุปฺผํ ปคฺคยฺห, พุทฺธสฺส อภิโรปยิํฯ
Sabbañca pupphaṃ paggayha, buddhassa abhiropayiṃ.
๕.
5.
ตาวจฺฉทนสมฺปโนฺน, อคมาสิ ตถาคโตฯ
Tāvacchadanasampanno, agamāsi tathāgato.
๖.
6.
‘‘อฎฺฐารเส กปฺปสเต, ยํ ปุปฺผมภิโรปยิํ;
‘‘Aṭṭhārase kappasate, yaṃ pupphamabhiropayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๗.
7.
‘‘อิโต ปนฺนรเส กเปฺป, สตฺตาเหสุํ ชนาธิปา;
‘‘Ito pannarase kappe, sattāhesuṃ janādhipā;
สหสฺสรถนามา เต, จกฺกวตฺตี มหพฺพลาฯ
Sahassarathanāmā te, cakkavattī mahabbalā.
๘.
8.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา กุมุทมาลิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā kumudamāliyo thero imā gāthāyo abhāsitthāti.
กุมุทมาลิยเตฺถรสฺสาปทานํ ปฐมํฯ
Kumudamāliyattherassāpadānaṃ paṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑. กุมุทมาลิยเตฺถรอปทานวณฺณนา • 1. Kumudamāliyattheraapadānavaṇṇanā
