| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೮. ಕುಮುದವಗ್ಗೋ
18. Kumudavaggo
೧. ಕುಮುದಮಾಲಿಯತ್ಥೇರಅಪದಾನಂ
1. Kumudamāliyattheraapadānaṃ
೧.
1.
‘‘ಪಬ್ಬತೇ ಹಿಮವನ್ತಮ್ಹಿ, ಮಹಾಜಾತಸ್ಸರೋ ಅಹು।
‘‘Pabbate himavantamhi, mahājātassaro ahu;
ತತ್ಥಜೋ ರಕ್ಖಸೋ ಆಸಿಂ, ಘೋರರೂಪೋ ಮಹಬ್ಬಲೋ॥
Tatthajo rakkhaso āsiṃ, ghorarūpo mahabbalo.
೨.
2.
‘‘ಕುಮುದಂ ಪುಪ್ಫತೇ ತತ್ಥ, ಚಕ್ಕಮತ್ತಾನಿ ಜಾಯರೇ।
‘‘Kumudaṃ pupphate tattha, cakkamattāni jāyare;
ಓಚಿನಾಮಿ ಚ ತಂ ಪುಪ್ಫಂ, ಬಲಿನೋ ಸಮಿತಿಂ ತದಾ॥
Ocināmi ca taṃ pupphaṃ, balino samitiṃ tadā.
೩.
3.
‘‘ಅತ್ಥದಸ್ಸೀ ತು ಭಗವಾ, ದ್ವಿಪದಿನ್ದೋ ನರಾಸಭೋ।
‘‘Atthadassī tu bhagavā, dvipadindo narāsabho;
೪.
4.
‘‘ಉಪಾಗತಞ್ಚ ಸಮ್ಬುದ್ಧಂ, ದೇವದೇವಂ ನರಾಸಭಂ।
‘‘Upāgatañca sambuddhaṃ, devadevaṃ narāsabhaṃ;
ಸಬ್ಬಞ್ಚ ಪುಪ್ಫಂ ಪಗ್ಗಯ್ಹ, ಬುದ್ಧಸ್ಸ ಅಭಿರೋಪಯಿಂ॥
Sabbañca pupphaṃ paggayha, buddhassa abhiropayiṃ.
೫.
5.
ತಾವಚ್ಛದನಸಮ್ಪನ್ನೋ, ಅಗಮಾಸಿ ತಥಾಗತೋ॥
Tāvacchadanasampanno, agamāsi tathāgato.
೬.
6.
‘‘ಅಟ್ಠಾರಸೇ ಕಪ್ಪಸತೇ, ಯಂ ಪುಪ್ಫಮಭಿರೋಪಯಿಂ।
‘‘Aṭṭhārase kappasate, yaṃ pupphamabhiropayiṃ;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೭.
7.
‘‘ಇತೋ ಪನ್ನರಸೇ ಕಪ್ಪೇ, ಸತ್ತಾಹೇಸುಂ ಜನಾಧಿಪಾ।
‘‘Ito pannarase kappe, sattāhesuṃ janādhipā;
ಸಹಸ್ಸರಥನಾಮಾ ತೇ, ಚಕ್ಕವತ್ತೀ ಮಹಬ್ಬಲಾ॥
Sahassarathanāmā te, cakkavattī mahabbalā.
೮.
8.
‘‘ಪಟಿಸಮ್ಭಿದಾ ಚತಸ್ಸೋ, ವಿಮೋಕ್ಖಾಪಿ ಚ ಅಟ್ಠಿಮೇ।
‘‘Paṭisambhidā catasso, vimokkhāpi ca aṭṭhime;
ಛಳಭಿಞ್ಞಾ ಸಚ್ಛಿಕತಾ, ಕತಂ ಬುದ್ಧಸ್ಸ ಸಾಸನಂ’’॥
Chaḷabhiññā sacchikatā, kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಕುಮುದಮಾಲಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā kumudamāliyo thero imā gāthāyo abhāsitthāti.
ಕುಮುದಮಾಲಿಯತ್ಥೇರಸ್ಸಾಪದಾನಂ ಪಠಮಂ।
Kumudamāliyattherassāpadānaṃ paṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧. ಕುಮುದಮಾಲಿಯತ್ಥೇರಅಪದಾನವಣ್ಣನಾ • 1. Kumudamāliyattheraapadānavaṇṇanā
