| Library / Tipiṭaka / තිපිටක • Tipiṭaka / අපදානපාළි • Apadānapāḷi |
18. කුමුදවග්‌ගො
18. Kumudavaggo
1. කුමුදමාලියත්‌ථෙරඅපදානං
1. Kumudamāliyattheraapadānaṃ
1.
1.
‘‘පබ්‌බතෙ හිමවන්‌තම්‌හි, මහාජාතස්‌සරො අහු;
‘‘Pabbate himavantamhi, mahājātassaro ahu;
තත්‌ථජො රක්‌ඛසො ආසිං, ඝොරරූපො මහබ්‌බලො.
Tatthajo rakkhaso āsiṃ, ghorarūpo mahabbalo.
2.
2.
‘‘කුමුදං පුප්‌ඵතෙ තත්‌ථ, චක්‌කමත්‌තානි ජායරෙ;
‘‘Kumudaṃ pupphate tattha, cakkamattāni jāyare;
ඔචිනාමි ච තං පුප්‌ඵං, බලිනො සමිතිං තදා.
Ocināmi ca taṃ pupphaṃ, balino samitiṃ tadā.
3.
3.
‘‘අත්‌ථදස්‌සී තු භගවා, ද්‌විපදින්‌දො නරාසභො;
‘‘Atthadassī tu bhagavā, dvipadindo narāsabho;
4.
4.
‘‘උපාගතඤ්‌ච සම්‌බුද්‌ධං, දෙවදෙවං නරාසභං;
‘‘Upāgatañca sambuddhaṃ, devadevaṃ narāsabhaṃ;
සබ්‌බඤ්‌ච පුප්‌ඵං පග්‌ගය්‌හ, බුද්‌ධස්‌ස අභිරොපයිං.
Sabbañca pupphaṃ paggayha, buddhassa abhiropayiṃ.
5.
5.
තාවච්‌ඡදනසම්‌පන්‌නො, අගමාසි තථාගතො.
Tāvacchadanasampanno, agamāsi tathāgato.
6.
6.
‘‘අට්‌ඨාරසෙ කප්‌පසතෙ, යං පුප්‌ඵමභිරොපයිං;
‘‘Aṭṭhārase kappasate, yaṃ pupphamabhiropayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
7.
7.
‘‘ඉතො පන්‌නරසෙ කප්‌පෙ, සත්‌තාහෙසුං ජනාධිපා;
‘‘Ito pannarase kappe, sattāhesuṃ janādhipā;
සහස්‌සරථනාමා තෙ, චක්‌කවත්‌තී මහබ්‌බලා.
Sahassarathanāmā te, cakkavattī mahabbalā.
8.
8.
‘‘පටිසම්‌භිදා චතස්‌සො, විමොක්‌ඛාපි ච අට්‌ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්‌ඤා සච්‌ඡිකතා, කතං බුද්‌ධස්‌ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්‌ථං සුදං ආයස්‌මා කුමුදමාලියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā kumudamāliyo thero imā gāthāyo abhāsitthāti.
කුමුදමාලියත්‌ථෙරස්‌සාපදානං පඨමං.
Kumudamāliyattherassāpadānaṃ paṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1. කුමුදමාලියත්‌ථෙරඅපදානවණ්‌ණනා • 1. Kumudamāliyattheraapadānavaṇṇanā
