| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. කුමුදමාලියත්‌ථෙරඅපදානං
10. Kumudamāliyattheraapadānaṃ
54.
54.
‘‘උසභං පවරං වීරං, මහෙසිං විජිතාවිනං;
‘‘Usabhaṃ pavaraṃ vīraṃ, mahesiṃ vijitāvinaṃ;
විපස්‌සිනං මහාවීරං, අභිජාතංව කෙසරිං.
Vipassinaṃ mahāvīraṃ, abhijātaṃva kesariṃ.
55.
55.
‘‘රථියං පටිපජ්‌ජන්‌තං, ආහුතීනං පටිග්‌ගහං;
‘‘Rathiyaṃ paṭipajjantaṃ, āhutīnaṃ paṭiggahaṃ;
ගහෙත්‌වා කුමුදං මාලං, බුද්‌ධසෙට්‌ඨං සමොකිරිං.
Gahetvā kumudaṃ mālaṃ, buddhaseṭṭhaṃ samokiriṃ.
56.
56.
‘‘එකනවුතිතො කප්‌පෙ, යං පුප්‌ඵමභිපූජයිං;
‘‘Ekanavutito kappe, yaṃ pupphamabhipūjayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
57.
57.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා කුමුදමාලියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā kumudamāliyo thero imā gāthāyo abhāsitthāti.
කුමුදමාලියත්‌ථෙරස්‌සාපදානං දසමං.
Kumudamāliyattherassāpadānaṃ dasamaṃ.
තස්‌සුද්‌දානං –
Tassuddānaṃ –
ආරක්‌ඛදො භොජනදො, ගතසඤ්‌ඤී පදුමියො;
Ārakkhado bhojanado, gatasaññī padumiyo;
පුප්‌ඵාසනී සන්‌ථවිකො, සද්‌දසඤ්‌ඤී තිරංසියො;
Pupphāsanī santhaviko, saddasaññī tiraṃsiyo;
කන්‌දලිකො කුමුදී ච, සත්‌තපඤ්‌ඤාස ගාථකාති.
Kandaliko kumudī ca, sattapaññāsa gāthakāti.
Footnotes:
