| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੮. ਕੁਮੁਦવਗ੍ਗੋ
18. Kumudavaggo
੧. ਕੁਮੁਦਮਾਲਿਯਤ੍ਥੇਰਅਪਦਾਨવਣ੍ਣਨਾ
1. Kumudamāliyattheraapadānavaṇṇanā
ਪਬ੍ਬਤੇ ਹਿਮવਨ੍ਤਮ੍ਹੀਤਿਆਦਿਕਂ ਆਯਸ੍ਮਤੋ ਕੁਮੁਦਮਾਲਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਥੇਰੋ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਤ੍ਥਦਸ੍ਸਿਸ੍ਸ ਭਗવਤੋ ਕਾਲੇ ਹਿਮવਨ੍ਤਪਬ੍ਬਤਸਮੀਪੇ ਜਾਤਸ੍ਸਰਸ੍ਸ ਆਸਨ੍ਨੇ ਰਕ੍ਖਸੋ ਹੁਤ੍વਾ ਨਿਬ੍ਬਤ੍ਤੋ ਅਤ੍ਥਦਸ੍ਸਿਂ ਭਗવਨ੍ਤਂ ਤਤ੍ਥ ਉਪਗਤਂ ਦਿਸ੍વਾ ਪਸਨ੍ਨਮਾਨਸੋ ਕੁਮੁਦਪੁਪ੍ਫਾਨਿ ਓਚਿਨਿਤ੍વਾ ਭਗવਨ੍ਤਂ ਪੂਜੇਸਿ। ਭਗવਾ ਅਨੁਮੋਦਨਂ ਕਤ੍વਾ ਪਕ੍ਕਾਮਿ।
Pabbatehimavantamhītiādikaṃ āyasmato kumudamāliyattherassa apadānaṃ. Ayampi thero purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle himavantapabbatasamīpe jātassarassa āsanne rakkhaso hutvā nibbatto atthadassiṃ bhagavantaṃ tattha upagataṃ disvā pasannamānaso kumudapupphāni ocinitvā bhagavantaṃ pūjesi. Bhagavā anumodanaṃ katvā pakkāmi.
੧. ਸੋ ਤੇਨ ਪੁਞ੍ਞੇਨ ਤਤੋ ਚવਿਤ੍વਾ ਦੇવਲੋਕਂ ਉਪਪਨ੍ਨੋ ਛ ਕਾਮਾવਚਰਸਮ੍ਪਤ੍ਤਿਯੋ ਅਨੁਭવਿਤ੍વਾ ਮਨੁਸ੍ਸੇਸੁ ਚ ਚਕ੍ਕવਤ੍ਤਿਆਦਿਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਰਤਨਤ੍ਤਯੇ ਪਸਨ੍ਨੋ ਪਬ੍ਬਜਿਤ੍વਾ વਾਯਮਨ੍ਤੋ ਬ੍ਰਹ੍ਮਚਰਿਯਪਰਿਯੋਸਾਨਂ ਅਰਹਤ੍ਤਂ ਪਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਬ੍ਬਤੇ ਹਿਮવਨ੍ਤਮ੍ਹੀਤਿਆਦਿਮਾਹ। ਤਤ੍ਥ ਤਤ੍ਥਜੋ ਰਕ੍ਖਸੋ ਆਸਿਨ੍ਤਿ ਤਸ੍ਮਿਂ ਜਾਤਸ੍ਸਰਸਮੀਪੇ ਜਾਤੋ ਨਿਬ੍ਬਤ੍ਤੋ ਰਕ੍ਖਸੋ ਪਰਰੁਧਿਰਮਂਸਖਾਦਕੋ ਨਿਦ੍ਦਯੋ ਘੋਰਰੂਪੋ ਭਯਾਨਕਸਭਾવੋ ਮਹਾਬਲੋ ਮਹਾਥਾਮੋ ਕਕ੍ਖਲ਼ੋ ਯਕ੍ਖੋ ਆਸਿਂ ਅਹੋਸਿਨ੍ਤਿ ਅਤ੍ਥੋ।
1. So tena puññena tato cavitvā devalokaṃ upapanno cha kāmāvacarasampattiyo anubhavitvā manussesu ca cakkavattiādisampattiyo anubhavitvā imasmiṃ buddhuppāde kulagehe nibbatto vuddhippatto ratanattaye pasanno pabbajitvā vāyamanto brahmacariyapariyosānaṃ arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento pabbate himavantamhītiādimāha. Tattha tatthajo rakkhaso āsinti tasmiṃ jātassarasamīpe jāto nibbatto rakkhaso pararudhiramaṃsakhādako niddayo ghorarūpo bhayānakasabhāvo mahābalo mahāthāmo kakkhaḷo yakkho āsiṃ ahosinti attho.
ਕੁਮੁਦਂ ਪੁਪ੍ਫਤੇ ਤਤ੍ਥਾਤਿ ਤਸ੍ਮਿਂ ਮਹਾਸਰੇ ਸੂਰਿਯਰਂਸਿਯਾ ਅਭਾવੇ ਸਤਿ ਸਾਯਨ੍ਹੇ ਮਕੁਲ਼ਿਤਂ ਕੁਞ੍ਚਿਤਾਕਾਰੇਨ ਨਿਪ੍ਪਭਂ ਅવਣ੍ਣਂ ਹੋਤੀਤਿ ‘‘ਕੁਮੁਦ’’ਨ੍ਤਿ ਲਦ੍ਧਨਾਮਂ ਪੁਪ੍ਫਂ ਪੁਪ੍ਫਤੇ વਿਕਸਤੀਤਿ ਅਤ੍ਥੋ। ਚਕ੍ਕਮਤ੍ਤਾਨਿ ਜਾਯਰੇਤਿ ਤਾਨਿ ਪੁਪ੍ਫਾਨਿ ਰਥਚਕ੍ਕਪਮਾਣਾਨਿ ਹੁਤ੍વਾ ਜਾਯਨ੍ਤੀਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
Kumudaṃpupphate tatthāti tasmiṃ mahāsare sūriyaraṃsiyā abhāve sati sāyanhe makuḷitaṃ kuñcitākārena nippabhaṃ avaṇṇaṃ hotīti ‘‘kumuda’’nti laddhanāmaṃ pupphaṃ pupphate vikasatīti attho. Cakkamattāni jāyareti tāni pupphāni rathacakkapamāṇāni hutvā jāyantīti attho. Sesaṃ suviññeyyamevāti.
ਕੁਮੁਦਮਾਲਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Kumudamāliyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧. ਕੁਮੁਦਮਾਲਿਯਤ੍ਥੇਰਅਪਦਾਨਂ • 1. Kumudamāliyattheraapadānaṃ
