| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. कुण्डधानवग्गो
4. Kuṇḍadhānavaggo
१. कुण्डधानत्थेरअपदानं
1. Kuṇḍadhānattheraapadānaṃ
१.
1.
‘‘सत्ताहं पटिसल्लीनं, सयम्भुं अग्गपुग्गलं।
‘‘Sattāhaṃ paṭisallīnaṃ, sayambhuṃ aggapuggalaṃ;
पसन्नचित्तो सुमनो, बुद्धसेट्ठं उपट्ठहिं॥
Pasannacitto sumano, buddhaseṭṭhaṃ upaṭṭhahiṃ.
२.
2.
‘‘वुट्ठितं कालमञ्ञाय, पदुमुत्तरं महामुनिं।
‘‘Vuṭṭhitaṃ kālamaññāya, padumuttaraṃ mahāmuniṃ;
महन्तिं कदलीकण्णिं, गहेत्वा उपगच्छहं॥
Mahantiṃ kadalīkaṇṇiṃ, gahetvā upagacchahaṃ.
३.
3.
मम चित्तं पसादेन्तो, परिभुञ्जि महामुनि॥
Mama cittaṃ pasādento, paribhuñji mahāmuni.
४.
4.
‘‘परिभुञ्जित्वा सम्बुद्धो, सत्थवाहो अनुत्तरो।
‘‘Paribhuñjitvā sambuddho, satthavāho anuttaro;
सकासने निसीदित्वा, इमा गाथा अभासथ॥
Sakāsane nisīditvā, imā gāthā abhāsatha.
५.
5.
६.
6.
तमहं कित्तयिस्सामि, सुणाथ मम भासतो॥
Tamahaṃ kittayissāmi, suṇātha mama bhāsato.
७.
7.
चतुतिंसतिक्खत्तुञ्च, चक्कवत्ती भविस्सति॥
Catutiṃsatikkhattuñca, cakkavattī bhavissati.
८.
8.
‘‘‘कप्पसतसहस्सम्हि, ओक्काककुलसम्भवो।
‘‘‘Kappasatasahassamhi, okkākakulasambhavo;
गोतमो नाम गोत्तेन, सत्था लोके भविस्सति॥
Gotamo nāma gottena, satthā loke bhavissati.
९.
9.
‘‘‘अक्कोसित्वान समणे, सीलवन्ते अनासवे।
‘‘‘Akkositvāna samaṇe, sīlavante anāsave;
१०.
10.
‘‘‘तस्स धम्मेसु दायादो, ओरसो धम्मनिम्मितो।
‘‘‘Tassa dhammesu dāyādo, oraso dhammanimmito;
कुण्डधानोति नामेन, सावको सो भविस्सति’॥
Kuṇḍadhānoti nāmena, sāvako so bhavissati’.
११.
11.
‘‘पविवेकमनुयुत्तो, झायी झानरतो अहं।
‘‘Pavivekamanuyutto, jhāyī jhānarato ahaṃ;
तोसयित्वान सत्थारं, विहरामि अनासवो॥
Tosayitvāna satthāraṃ, viharāmi anāsavo.
१२.
12.
भिक्खुसङ्घे निसीदित्वा, सलाकं गाहयी जिनो॥
Bhikkhusaṅghe nisīditvā, salākaṃ gāhayī jino.
१३.
13.
‘‘एकंसं चीवरं कत्वा, वन्दित्वा लोकनायकं।
‘‘Ekaṃsaṃ cīvaraṃ katvā, vanditvā lokanāyakaṃ;
वदतं वरस्स पुरतो, पठमं अग्गहेसहं॥
Vadataṃ varassa purato, paṭhamaṃ aggahesahaṃ.
१४.
14.
‘‘तेन कम्मेन भगवा, दससहस्सीकम्पको।
‘‘Tena kammena bhagavā, dasasahassīkampako;
भिक्खुसङ्घे निसीदित्वा, अग्गट्ठाने ठपेसि मं॥
Bhikkhusaṅghe nisīditvā, aggaṭṭhāne ṭhapesi maṃ.
१५.
15.
‘‘वीरियं मे धुरधोरय्हं, योगक्खेमाधिवाहनं।
‘‘Vīriyaṃ me dhuradhorayhaṃ, yogakkhemādhivāhanaṃ;
धारेमि अन्तिमं देहं, सम्मासम्बुद्धसासने॥
Dhāremi antimaṃ dehaṃ, sammāsambuddhasāsane.
१६.
16.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा कुण्डधानो थेरो इमा गाथायो अभासित्थाति।
Itthaṃ sudaṃ āyasmā kuṇḍadhāno thero imā gāthāyo abhāsitthāti.
कुण्डधानत्थेरस्सापदानं पठमं।
Kuṇḍadhānattherassāpadānaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १. कुण्डधानत्थेरअपदानवण्णना • 1. Kuṇḍadhānattheraapadānavaṇṇanā
