| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[254] 4. гун̣д̣агагужчисинд̇хаваж̇аад̇агаван̣н̣анаа
[254] 4. Kuṇḍakakucchisindhavajātakavaṇṇanā
бхуд̇ваа д̇ин̣абаригхаасанд̇и ид̣̇ам̣ сад̇т̇аа ж̇зд̇аванз вихаранд̇о саарибуд̇д̇ад̇т̇зрам̣ аараб̣бха гат̇зси. згасмин̃хи самаяз саммаасамб̣уд̣̇д̇хз саавад̇т̇ияам̣ вассам̣ васид̇ваа жааригам̣ жарид̇ваа буна бажжааг̇ад̇з мануссаа ‘‘ааг̇анд̇угасаггаарам̣ гариссаамаа’’д̇и б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̣̇анд̇и. вихаарз згам̣ д̇хаммагхосагабхигкум̣ табзсум̣, со яз яз ааг̇анд̇ваа яад̇д̇агз бхигкуу ижчанд̇и, д̇зсам̣ д̇зсам̣ бхигкуу вижаарзд̇ваа д̣̇зд̇и.
Bhutvā tiṇaparighāsanti idaṃ satthā jetavane viharanto sāriputtattheraṃ ārabbha kathesi. Ekasmiñhi samaye sammāsambuddhe sāvatthiyaṃ vassaṃ vasitvā cārikaṃ caritvā puna paccāgate manussā ‘‘āgantukasakkāraṃ karissāmā’’ti buddhappamukhassa bhikkhusaṅghassa mahādānaṃ dadanti. Vihāre ekaṃ dhammaghosakabhikkhuṃ ṭhapesuṃ, so ye ye āgantvā yattake bhikkhū icchanti, tesaṃ tesaṃ bhikkhū vicāretvā deti.
ат̇згаа д̣̇уг̇г̇ад̇амахаллигаа ид̇т̇ий згамзва бадивийсам̣ саж̇ж̇зд̇ваа д̇зсам̣ д̇зсам̣ мануссаанам̣ бхигкуусу вижаарзд̇ваа д̣̇иннзсу уссуурз д̇хаммагхосагасса санд̇игам̣ ааг̇анд̇ваа ‘‘маяхам̣ згам̣ бхигкум̣ д̣̇зт̇аа’’д̇и ааха. со ‘‘маяаа саб̣б̣з бхигкуу вижаарзд̇ваа д̣̇иннаа, саарибуд̇д̇ад̇т̇зро бана вихаарзязва, д̇вам̣ д̇асса бхигкам̣ д̣̇зхий’’д̇и ааха. саа ‘‘саад̇хуу’’д̇и д̇удтажид̇д̇аа ж̇зд̇аванад̣̇ваарагодтагз тад̇ваа т̇зрасса ааг̇ад̇агаалз ванд̣̇ид̇ваа хад̇т̇ад̇о бад̇д̇ам̣ г̇ахзд̇ваа гхарам̣ нзд̇ваа нисийд̣̇аабзси. ‘‘згааяа гира махаллигааяа д̇хаммасзнаабад̇и ад̇д̇ано гхарз нисийд̣̇аабид̇о’’д̇и б̣ахууни сад̣̇д̇хаани гулаани ассосум̣. д̇зсу рааж̇аа бассзнад̣̇ий госало д̇ам̣ бавад̇д̇им̣ суд̇ваа д̇ассаа саадагзна жзва сахассад̇т̇авигааяа жа сад̣̇д̇хим̣ бхад̇д̇абхааж̇анаани бахин̣и ‘‘маяхам̣ аяяам̣ баривисамаанаа имам̣ саадагам̣ ниваасзд̇ваа имз гахаабан̣з вал̣ан̃ж̇зд̇ваа т̇зрам̣ баривисад̇уу’’д̇и. яат̇аа жа рааж̇аа, звам̣ анаат̇абин̣д̣иго жуул̣аанаат̇абин̣д̣иго висаакаа жа махааубаасигаа бахин̣и. ан̃н̃ааниби бана гулаани згасад̇ад̣̇висад̇аад̣̇ивасзна ад̇д̇ано ад̇д̇ано б̣алаануруубзна гахаабан̣з бахин̣им̣су. звам̣ згаахзнзва саа махаллигаа сад̇асахассамад̇д̇ам̣ лабхи. т̇зро бана д̇ааяа д̣̇иннаяааг̇умзва бивид̇ваа д̇ааяа гад̇акаж̇ж̇агамзва баггабхад̇д̇амзва жа барибхун̃ж̇ид̇ваа анумод̣̇анам̣ гад̇ваа д̇ам̣ махаллигам̣ сод̇аабад̇д̇ипалз бад̇идтаабзд̇ваа вихаарамзва аг̇амааси.
Athekā duggatamahallikā itthī ekameva paṭivīsaṃ sajjetvā tesaṃ tesaṃ manussānaṃ bhikkhūsu vicāretvā dinnesu ussūre dhammaghosakassa santikaṃ āgantvā ‘‘mayhaṃ ekaṃ bhikkhuṃ dethā’’ti āha. So ‘‘mayā sabbe bhikkhū vicāretvā dinnā, sāriputtatthero pana vihāreyeva, tvaṃ tassa bhikkhaṃ dehī’’ti āha. Sā ‘‘sādhū’’ti tuṭṭhacittā jetavanadvārakoṭṭhake ṭhatvā therassa āgatakāle vanditvā hatthato pattaṃ gahetvā gharaṃ netvā nisīdāpesi. ‘‘Ekāya kira mahallikāya dhammasenāpati attano ghare nisīdāpito’’ti bahūni saddhāni kulāni assosuṃ. Tesu rājā passenadī kosalo taṃ pavattiṃ sutvā tassā sāṭakena ceva sahassatthavikāya ca saddhiṃ bhattabhājanāni pahiṇi ‘‘mayhaṃ ayyaṃ parivisamānā imaṃ sāṭakaṃ nivāsetvā ime kahāpaṇe vaḷañjetvā theraṃ parivisatū’’ti. Yathā ca rājā, evaṃ anāthapiṇḍiko cūḷaanāthapiṇḍiko visākhā ca mahāupāsikā pahiṇi. Aññānipi pana kulāni ekasatadvisatādivasena attano attano balānurūpena kahāpaṇe pahiṇiṃsu. Evaṃ ekāheneva sā mahallikā satasahassamattaṃ labhi. Thero pana tāya dinnayāgumeva pivitvā tāya katakhajjakameva pakkabhattameva ca paribhuñjitvā anumodanaṃ katvā taṃ mahallikaṃ sotāpattiphale patiṭṭhāpetvā vihārameva agamāsi.
д̇хаммасабхааяам̣ бхигкуу т̇зрасса г̇ун̣агат̇ам̣ самудтаабзсум̣ – ‘‘аавусо, д̇хаммасзнаабад̇и махаллигаг̇ахабад̇ааним̣ д̣̇уг̇г̇ад̇абхаавад̇о можзси, бад̇идтаа ахоси. д̇ааяа д̣̇иннамаахаарам̣ аж̇иг̇ужчанд̇о барибхун̃ж̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, саарибуд̇д̇о ид̣̇аанзва зд̇иссаа махаллигааяа авассаяо ж̇аад̇о, на жа ид̣̇аанзва д̇ааяа д̣̇иннам̣ аахаарам̣ аж̇иг̇ужчанд̇о барибхун̃ж̇ад̇и, буб̣б̣зби барибхун̃ж̇иязваа’’д̇и вад̇ваа ад̇ийд̇ам̣ аахари.
Dhammasabhāyaṃ bhikkhū therassa guṇakathaṃ samuṭṭhāpesuṃ – ‘‘āvuso, dhammasenāpati mahallikagahapatāniṃ duggatabhāvato mocesi, patiṭṭhā ahosi. Tāya dinnamāhāraṃ ajigucchanto paribhuñjī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, sāriputto idāneva etissā mahallikāya avassayo jāto, na ca idāneva tāya dinnaṃ āhāraṃ ajigucchanto paribhuñjati, pubbepi paribhuñjiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о уд̇д̇араабат̇з ассаваан̣иж̇агулз ниб̣б̣ад̇д̇и. уд̇д̇араабат̇аж̇анабад̣̇ад̇о бан̃жасад̇аа ассаваан̣иж̇аа ассз б̣аараан̣асим̣ аанзд̇ваа виггин̣анд̇и. ан̃н̃ад̇ароби ассаваан̣иж̇о бан̃жаассасад̇аани аад̣̇ааяа б̣аараан̣асимаг̇г̇ам̣ бадибаж̇ж̇и. анд̇араамаг̇г̇з жа б̣аараан̣асид̇о авид̣̇уурз зго ниг̇амаг̇аамо ад̇т̇и, д̇ад̇т̇а буб̣б̣з махаавибхаво сздти ахоси. д̇асса маханд̇ам̣ нивзсанам̣, д̇ам̣ бана гулам̣ ануггамзна баригкаяам̣ г̇ад̇ам̣, згаава махаллигаа авасидтаа, саа д̇асмим̣ нивзсанз васад̇и. ат̇а со ассаваан̣иж̇о д̇ам̣ ниг̇амаг̇аамам̣ бад̇ваа ‘‘взд̇анам̣ д̣̇ассаамий’’д̇и д̇ассаа нивзсанз ниваасам̣ г̇ан̣хид̇ваа ассз згаманд̇з табзси. д̇ам̣д̣̇ивасамзвасса згиссаа ааж̇аанийяаавал̣авааяа г̇аб̣бхавудтаанам̣ ахоси. со д̣̇вз д̇аяо д̣̇ивасз васид̇ваа ассз б̣алам̣ г̇аахаабзд̇ваа ‘‘рааж̇аанам̣ бассиссаамий’’д̇и ассз аад̣̇ааяа бааяааси. ат̇а нам̣ махаллигаа ‘‘г̇зхавзд̇анам̣ д̣̇зхий’’д̇и вад̇ваа ‘‘саад̇ху, амма, д̣̇змий’’д̇и вуд̇д̇з ‘‘д̇аад̇а, взд̇анам̣ мз д̣̇ад̣̇амаано имамби ассабод̇агам̣ взд̇анад̇о кан̣д̣зд̇ваа д̣̇зхий’’д̇и ааха. ваан̣иж̇о д̇ат̇аа гад̇ваа баггаами. саа д̇асмим̣ ассабод̇агз буд̇д̇асинзхам̣ бажжубадтабзд̇ваа авассааванажхаамагабхад̇д̇авигхаасад̇ин̣аани д̣̇ад̇ваа д̇ам̣ бадиж̇аг̇г̇и.
Atīte bārāṇasiyaṃ brahmadatte rajjaṃ kārente bodhisatto uttarāpathe assavāṇijakule nibbatti. Uttarāpathajanapadato pañcasatā assavāṇijā asse bārāṇasiṃ ānetvā vikkiṇanti. Aññataropi assavāṇijo pañcaassasatāni ādāya bārāṇasimaggaṃ paṭipajji. Antarāmagge ca bārāṇasito avidūre eko nigamagāmo atthi, tattha pubbe mahāvibhavo seṭṭhi ahosi. Tassa mahantaṃ nivesanaṃ, taṃ pana kulaṃ anukkamena parikkhayaṃ gataṃ, ekāva mahallikā avasiṭṭhā, sā tasmiṃ nivesane vasati. Atha so assavāṇijo taṃ nigamagāmaṃ patvā ‘‘vetanaṃ dassāmī’’ti tassā nivesane nivāsaṃ gaṇhitvā asse ekamante ṭhapesi. Taṃdivasamevassa ekissā ājānīyāvaḷavāya gabbhavuṭṭhānaṃ ahosi. So dve tayo divase vasitvā asse balaṃ gāhāpetvā ‘‘rājānaṃ passissāmī’’ti asse ādāya pāyāsi. Atha naṃ mahallikā ‘‘gehavetanaṃ dehī’’ti vatvā ‘‘sādhu, amma, demī’’ti vutte ‘‘tāta, vetanaṃ me dadamāno imampi assapotakaṃ vetanato khaṇḍetvā dehī’’ti āha. Vāṇijo tathā katvā pakkāmi. Sā tasmiṃ assapotake puttasinehaṃ paccupaṭṭhapetvā avassāvanajhāmakabhattavighāsatiṇāni datvā taṃ paṭijaggi.
ат̇аабарабхааг̇з б̣од̇хисад̇д̇о бан̃жа ассасад̇аани аад̣̇ааяа ааг̇ажчанд̇о д̇асмим̣ г̇зхз ниваасам̣ г̇ан̣хи. гун̣д̣агакаад̣̇агасса синд̇хавабод̇агасса тид̇адтаанад̇о г̇анд̇хам̣ гхааяид̇ваа згаассоби г̇зхам̣ бависид̇ум̣ наасагки. б̣од̇хисад̇д̇о махаллигам̣ бужчи – ‘‘амма, гажжи имасмим̣ г̇зхз ассо ад̇т̇ий’’д̇и . ‘‘д̇аад̇а, ан̃н̃о ассо наама над̇т̇и, ахам̣ бана буд̇д̇ам̣ гад̇ваа згам̣ ассабод̇агам̣ бадиж̇аг̇г̇аами, со зд̇т̇а ад̇т̇ий’’д̇и. ‘‘гахам̣ со, аммаа’’д̇и? ‘‘жарид̇ум̣ г̇ад̇о, д̇аад̇аа’’д̇и. ‘‘гааяа взлааяа ааг̇амиссад̇и, аммаа’’д̇и? ‘‘сааяанхз, д̇аад̇аа’’д̇и. б̣од̇хисад̇д̇о д̇асса ааг̇аманам̣ бадимаанзнд̇о ассз б̣ахи табзд̇ваава нисийд̣̇и. синд̇хавабод̇агоби вижарид̇ваа гаалзязва ааг̇ами. б̣од̇хисад̇д̇о гун̣д̣агагужчисинд̇хавабод̇агам̣ д̣̇исваа лагкан̣аани самаанзд̇ваа ‘‘аяам̣ синд̇хаво анаг̇гхо, махаллигааяа муулам̣ д̣̇ад̇ваа г̇ахзд̇ум̣ ваддад̇ий’’д̇и жинд̇зси. синд̇хавабод̇агоби г̇зхам̣ бависид̇ваа ад̇д̇ано васанадтаанзязва тид̇о. д̇асмим̣ кан̣з д̇з ассаа г̇зхам̣ бависид̇ум̣ сагким̣су.
Athāparabhāge bodhisatto pañca assasatāni ādāya āgacchanto tasmiṃ gehe nivāsaṃ gaṇhi. Kuṇḍakakhādakassa sindhavapotakassa ṭhitaṭṭhānato gandhaṃ ghāyitvā ekaassopi gehaṃ pavisituṃ nāsakkhi. Bodhisatto mahallikaṃ pucchi – ‘‘amma, kacci imasmiṃ gehe asso atthī’’ti . ‘‘Tāta, añño asso nāma natthi, ahaṃ pana puttaṃ katvā ekaṃ assapotakaṃ paṭijaggāmi, so ettha atthī’’ti. ‘‘Kahaṃ so, ammā’’ti? ‘‘Carituṃ gato, tātā’’ti. ‘‘Kāya velāya āgamissati, ammā’’ti? ‘‘Sāyanhe, tātā’’ti. Bodhisatto tassa āgamanaṃ paṭimānento asse bahi ṭhapetvāva nisīdi. Sindhavapotakopi vicaritvā kāleyeva āgami. Bodhisatto kuṇḍakakucchisindhavapotakaṃ disvā lakkhaṇāni samānetvā ‘‘ayaṃ sindhavo anaggho, mahallikāya mūlaṃ datvā gahetuṃ vaṭṭatī’’ti cintesi. Sindhavapotakopi gehaṃ pavisitvā attano vasanaṭṭhāneyeva ṭhito. Tasmiṃ khaṇe te assā gehaṃ pavisituṃ sakkhiṃsu.
б̣од̇хисад̇д̇о д̣̇вийхад̇ийхам̣ васид̇ваа ассз санд̇аббзд̇ваа г̇ажчанд̇о ‘‘амма, имам̣ ассабод̇агам̣ муулам̣ г̇ахзд̇ваа маяхам̣ д̣̇зхий’’д̇и ааха. ‘‘гим̣ вад̣̇зси, д̇аад̇а, буд̇д̇ам̣ виггин̣анд̇аа наама ад̇т̇ий’’д̇и. ‘‘амма, д̇вам̣ зд̇ам̣ гим̣ каад̣̇аабзд̇ваа бадиж̇аг̇г̇асий’’д̇и? ‘‘од̣̇анаган̃ж̇иган̃жа жхаамагабхад̇д̇ан̃жа вигхаасад̇ин̣ан̃жа каад̣̇аабзд̇ваа гун̣д̣агаяааг̇ун̃жа бааязд̇ваа бадиж̇аг̇г̇аами, д̇аад̇аа’’д̇и. ‘‘амма, ахам̣ зд̇ам̣ лабхид̇ваа бин̣д̣арасабхож̇анам̣ бхож̇зссаами, тид̇адтаанз жзлавид̇аанам̣ басаарзд̇ваа ад̇т̇аран̣абидтз табзссаамий’’д̇и. ‘‘д̇аад̇а, звам̣ санд̇з мама буд̇д̇о жа сукам̣ анубхавад̇у, д̇ам̣ г̇ахзд̇ваа г̇ажчаа’’д̇и. ат̇а б̣од̇хисад̇д̇о д̇асса жад̇уннам̣ баад̣̇аанам̣ нан̇г̇удтасса мукасса жа муулам̣ згзгам̣ гад̇ваа ча сахассад̇т̇авигааяо табзд̇ваа махаллигам̣ нававад̇т̇ам̣ ниваасаабзд̇ваа синд̇хавабод̇агасса бурад̇о табзси. со агкийни уммийлзд̇ваа маад̇арам̣ ологзд̇ваа ассууни бавад̇д̇зси. сааби д̇асса бидтим̣ баримаж̇ж̇ид̇ваа ааха – ‘‘маяаа буд̇д̇абосааванигам̣ лад̣̇д̇хам̣, д̇вам̣, д̇аад̇а, г̇ажчаахий’’д̇и, д̇ад̣̇аа со аг̇амааси.
Bodhisatto dvīhatīhaṃ vasitvā asse santappetvā gacchanto ‘‘amma, imaṃ assapotakaṃ mūlaṃ gahetvā mayhaṃ dehī’’ti āha. ‘‘Kiṃ vadesi, tāta, puttaṃ vikkiṇantā nāma atthī’’ti. ‘‘Amma, tvaṃ etaṃ kiṃ khādāpetvā paṭijaggasī’’ti? ‘‘Odanakañjikañca jhāmakabhattañca vighāsatiṇañca khādāpetvā kuṇḍakayāguñca pāyetvā paṭijaggāmi, tātā’’ti. ‘‘Amma, ahaṃ etaṃ labhitvā piṇḍarasabhojanaṃ bhojessāmi, ṭhitaṭṭhāne celavitānaṃ pasāretvā attharaṇapiṭṭhe ṭhapessāmī’’ti. ‘‘Tāta, evaṃ sante mama putto ca sukhaṃ anubhavatu, taṃ gahetvā gacchā’’ti. Atha bodhisatto tassa catunnaṃ pādānaṃ naṅguṭṭhassa mukhassa ca mūlaṃ ekekaṃ katvā cha sahassatthavikāyo ṭhapetvā mahallikaṃ navavatthaṃ nivāsāpetvā sindhavapotakassa purato ṭhapesi. So akkhīni ummīletvā mātaraṃ oloketvā assūni pavattesi. Sāpi tassa piṭṭhiṃ parimajjitvā āha – ‘‘mayā puttaposāvanikaṃ laddhaṃ, tvaṃ, tāta, gacchāhī’’ti, tadā so agamāsi.
б̣од̇хисад̇д̇о бунад̣̇ивасз ассабод̇агасса бин̣д̣арасабхож̇анам̣ саж̇ж̇зд̇ваа ‘‘виймам̣сиссаами д̇аава нам̣, ж̇аанаад̇и ну ко ад̇д̇ано б̣алам̣, уд̣̇ааху на ж̇аанаад̇ий’’д̇и д̣̇он̣ияам̣ гун̣д̣агаяааг̇ум̣ аагираабзд̇ваа д̣̇аабзси. со ‘‘наахам̣ имам̣ бхож̇анам̣ бхун̃ж̇иссаамий’’д̇и д̇ам̣ яааг̇ум̣ бааяид̇ум̣ на ижчи. б̣од̇хисад̇д̇о д̇асса виймам̣санавасзна батамам̣ г̇аат̇амааха –
Bodhisatto punadivase assapotakassa piṇḍarasabhojanaṃ sajjetvā ‘‘vīmaṃsissāmi tāva naṃ, jānāti nu kho attano balaṃ, udāhu na jānātī’’ti doṇiyaṃ kuṇḍakayāguṃ ākirāpetvā dāpesi. So ‘‘nāhaṃ imaṃ bhojanaṃ bhuñjissāmī’’ti taṃ yāguṃ pāyituṃ na icchi. Bodhisatto tassa vīmaṃsanavasena paṭhamaṃ gāthamāha –
10.
10.
‘‘бхуд̇ваа д̇ин̣абаригхаасам̣, бхуд̇ваа аажаамагун̣д̣агам̣;
‘‘Bhutvā tiṇaparighāsaṃ, bhutvā ācāmakuṇḍakaṃ;
зд̇ам̣ д̇з бхож̇анам̣ ааси, гасмаа д̣̇аани на бхун̃ж̇асий’’д̇и.
Etaṃ te bhojanaṃ āsi, kasmā dāni na bhuñjasī’’ti.
д̇ад̇т̇а бхуд̇ваа д̇ин̣абаригхаасанд̇и д̇вам̣ буб̣б̣з махаллигааяа д̣̇иннам̣ д̇зсам̣ д̇зсам̣ каад̣̇ид̇аавасзсам̣ вигхаасад̇ин̣асан̇каад̇ам̣ баригхаасам̣ бхун̃ж̇ид̇ваа вад̣дхид̇о. бхуд̇ваа аажаамагун̣д̣аганд̇и зд̇т̇а аажаамо вужжад̇и од̣̇анаавасзсам̣. гун̣д̣аганд̇и гун̣д̣агамзва. зд̇ан̃жа бхун̃ж̇ид̇ваа вад̣дхид̇осийд̇и д̣̇ийбзд̇и. зд̇ам̣ д̇зд̇и зд̇ам̣ д̇ава буб̣б̣з бхож̇анам̣ ааси. гасмаа д̣̇аани на бхун̃ж̇асийд̇и маяааби д̇з д̇амзва д̣̇иннам̣, д̇вам̣ д̇ам̣ гасмаа ид̣̇аани на бхун̃ж̇асийд̇и.
Tattha bhutvā tiṇaparighāsanti tvaṃ pubbe mahallikāya dinnaṃ tesaṃ tesaṃ khāditāvasesaṃ vighāsatiṇasaṅkhātaṃ parighāsaṃ bhuñjitvā vaḍḍhito. Bhutvā ācāmakuṇḍakanti ettha ācāmo vuccati odanāvasesaṃ. Kuṇḍakanti kuṇḍakameva. Etañca bhuñjitvā vaḍḍhitosīti dīpeti. Etaṃ teti etaṃ tava pubbe bhojanaṃ āsi. Kasmā dāni na bhuñjasīti mayāpi te tameva dinnaṃ, tvaṃ taṃ kasmā idāni na bhuñjasīti.
д̇ам̣ суд̇ваа синд̇хавабод̇аго ид̇араа д̣̇вз г̇аат̇аа авожа –
Taṃ sutvā sindhavapotako itarā dve gāthā avoca –
11.
11.
‘‘яад̇т̇а босам̣ на ж̇аананд̇и, ж̇аад̇ияаа винаязна ваа;
‘‘Yattha posaṃ na jānanti, jātiyā vinayena vā;
б̣аху д̇ад̇т̇а махааб̣рахмз, аби аажаамагун̣д̣агам̣.
Bahu tattha mahābrahme, api ācāmakuṇḍakaṃ.
12.
12.
‘‘д̇ван̃жа комам̣ баж̇аанааси, яаад̣̇исааяам̣ хаяуд̇д̇амо;
‘‘Tvañca khomaṃ pajānāsi, yādisāyaṃ hayuttamo;
ж̇аананд̇о ж̇аанамааг̇амма, на д̇з бхагкаами гун̣д̣ага’’нд̇и.
Jānanto jānamāgamma, na te bhakkhāmi kuṇḍaka’’nti.
д̇ад̇т̇а яад̇т̇аад̇и яасмим̣ таанз. босанд̇и сад̇д̇ам̣. ж̇аад̇ияаа винаязна ваад̇и ‘‘ж̇аад̇исамбанно ваа зсо, на ваа, аажаараяуд̇д̇о ваа, на ваа’’д̇и звам̣ на ж̇аананд̇и. махааб̣рахмзд̇и г̇аругаалабанзна аалабанд̇о ааха. яаад̣̇исааяанд̇и яаад̣̇исо аяам̣, ад̇д̇аанам̣ санд̇хааяа вад̣̇ад̇и. ж̇аананд̇о ж̇аанамааг̇аммаад̇и ахам̣ ад̇д̇ано б̣алам̣ ж̇аананд̇о ж̇аананд̇амзва д̇ам̣ ааг̇амма бадижжа д̇ава санд̇игз гун̣д̣агам̣ гим̣ бхун̃ж̇иссаами. на хи д̇вам̣ гун̣д̣агам̣ бхож̇аабзд̇угаамад̇ааяа ча сахассаани д̣̇ад̇ваа мам̣ г̇ан̣хийд̇и.
Tattha yatthāti yasmiṃ ṭhāne. Posanti sattaṃ. Jātiyā vinayena vāti ‘‘jātisampanno vā eso, na vā, ācārayutto vā, na vā’’ti evaṃ na jānanti. Mahābrahmeti garukālapanena ālapanto āha. Yādisāyanti yādiso ayaṃ, attānaṃ sandhāya vadati. Jānanto jānamāgammāti ahaṃ attano balaṃ jānanto jānantameva taṃ āgamma paṭicca tava santike kuṇḍakaṃ kiṃ bhuñjissāmi. Na hi tvaṃ kuṇḍakaṃ bhojāpetukāmatāya cha sahassāni datvā maṃ gaṇhīti.
д̇ам̣ суд̇ваа б̣од̇хисад̇д̇о ‘‘д̇ам̣ виймам̣санад̇т̇ааяа д̇ам̣ маяаа гад̇ам̣, маа гуж̇жхий’’д̇и д̇ам̣ самассаасзд̇ваа субхож̇анам̣ бхож̇зд̇ваа аад̣̇ааяа рааж̇ан̇г̇ан̣ам̣ г̇анд̇ваа згасмим̣ бассз бан̃жа ассасад̇аани табзд̇ваа згасмим̣ бассз вижид̇д̇асаан̣им̣ баригкибид̇ваа хздтаа ад̇т̇аран̣ам̣ бад̇т̇арид̇ваа убари жзлавид̇аанам̣ б̣анд̇хид̇ваа синд̇хавабод̇агам̣ табзси.
Taṃ sutvā bodhisatto ‘‘taṃ vīmaṃsanatthāya taṃ mayā kataṃ, mā kujjhī’’ti taṃ samassāsetvā subhojanaṃ bhojetvā ādāya rājaṅgaṇaṃ gantvā ekasmiṃ passe pañca assasatāni ṭhapetvā ekasmiṃ passe vicittasāṇiṃ parikkhipitvā heṭṭhā attharaṇaṃ pattharitvā upari celavitānaṃ bandhitvā sindhavapotakaṃ ṭhapesi.
рааж̇аа ааг̇анд̇ваа ассз ологзнд̇о ‘‘аяам̣ ассо гасмаа висум̣ табид̇о’’д̇и бужчид̇ваа ‘‘махаарааж̇а , аяам̣ синд̇хаво имз ассз висум̣ агад̇о можзссад̇ий’’д̇и суд̇ваа ‘‘собхано, бхо, синд̇хаво’’д̇и бужчи. б̣од̇хисад̇д̇о ‘‘аама, махаарааж̇аа’’д̇и вад̇ваа ‘‘д̇зна хисса ж̇авам̣ бассиссаамий’’д̇и вуд̇д̇з д̇ам̣ ассам̣ габбзд̇ваа абхирухид̇ваа ‘‘басса, махаарааж̇аа’’д̇и мануссз уссаарзд̇ваа рааж̇ан̇г̇ан̣з ассам̣ баахзси. саб̣б̣ам̣ рааж̇ан̇г̇ан̣ам̣ ниранд̇арам̣ ассабанд̇ийхи баригкид̇д̇амиваахоси. буна б̣од̇хисад̇д̇о ‘‘басса, махаарааж̇а, синд̇хавабод̇агасса взг̇а’’нд̇и виссаж̇ж̇зси, згабурисоби нам̣ на ад̣̇д̣̇аса. буна рад̇т̇абадам̣ уд̣̇арз баригкибид̇ваа виссаж̇ж̇зси, рад̇д̇абадамзва бассим̣су. ат̇а нам̣ анд̇онаг̇арз згиссаа уяяаанабогкаран̣ияаа уд̣̇агабидтз виссаж̇ж̇зси, д̇ад̇т̇асса уд̣̇агабидтз д̇хаавад̇о кураг̇г̇ааниби на д̇змим̣су. бунаваарам̣ бад̣̇уминибад̇д̇аанам̣ убари д̇хааванд̇о згабан̣н̣амби на уд̣̇агз осийд̣̇аабзси. звамасса ж̇авасамбаннам̣ д̣̇ассзд̇ваа оруяха баан̣им̣ бахарид̇ваа хад̇т̇ад̇алам̣ убанаамзси, ассо убаг̇анд̇ваа жад̇д̇ааро баад̣̇з згад̇о гад̇ваа хад̇т̇ад̇алз адтааси. ат̇а махаасад̇д̇о рааж̇аанам̣ ааха – ‘‘махаарааж̇а, имасса ассабод̇агасса саб̣б̣аагаарзна взг̇з д̣̇ассияамаанз самуд̣̇д̣̇абарияанд̇о наббаход̇ий’’д̇и. рааж̇аа д̇уссид̇ваа махаасад̇д̇асса убад̣дхараж̇ж̇ам̣ ад̣̇ааси. синд̇хавабод̇агамби абхисин̃жид̇ваа ман̇г̇алаассам̣ агааси.
Rājā āgantvā asse olokento ‘‘ayaṃ asso kasmā visuṃ ṭhapito’’ti pucchitvā ‘‘mahārāja , ayaṃ sindhavo ime asse visuṃ akato mocessatī’’ti sutvā ‘‘sobhano, bho, sindhavo’’ti pucchi. Bodhisatto ‘‘āma, mahārājā’’ti vatvā ‘‘tena hissa javaṃ passissāmī’’ti vutte taṃ assaṃ kappetvā abhiruhitvā ‘‘passa, mahārājā’’ti manusse ussāretvā rājaṅgaṇe assaṃ pāhesi. Sabbaṃ rājaṅgaṇaṃ nirantaraṃ assapantīhi parikkhittamivāhosi. Puna bodhisatto ‘‘passa, mahārāja, sindhavapotakassa vega’’nti vissajjesi, ekapurisopi naṃ na addasa. Puna ratthapaṭaṃ udare parikkhipitvā vissajjesi, rattapaṭameva passiṃsu. Atha naṃ antonagare ekissā uyyānapokkharaṇiyā udakapiṭṭhe vissajjesi, tatthassa udakapiṭṭhe dhāvato khuraggānipi na temiṃsu. Punavāraṃ paduminipattānaṃ upari dhāvanto ekapaṇṇampi na udake osīdāpesi. Evamassa javasampannaṃ dassetvā oruyha pāṇiṃ paharitvā hatthatalaṃ upanāmesi, asso upagantvā cattāro pāde ekato katvā hatthatale aṭṭhāsi. Atha mahāsatto rājānaṃ āha – ‘‘mahārāja, imassa assapotakassa sabbākārena vege dassiyamāne samuddapariyanto nappahotī’’ti. Rājā tussitvā mahāsattassa upaḍḍharajjaṃ adāsi. Sindhavapotakampi abhisiñcitvā maṅgalaassaṃ akāsi.
со ран̃н̃о бияо ахоси манаабо, саггааробисса махаа ахоси. д̇асса хи васанадтаанам̣ ран̃н̃о алан̇гад̇абадияад̇д̇о ваасагхараг̇аб̣бхо вияа ахоси, жад̇уж̇аад̇иг̇анд̇хзхи бхуумилзбанам̣ агам̣су, г̇анд̇хад̣̇аамамаалаад̣̇аамаани осаараяим̣су, убари суван̣н̣ад̇аарагакажид̇ам̣ жзлавид̇аанам̣ ахоси, саманд̇ад̇о жид̇расаан̣и баригкид̇д̇аа ахоси, нижжам̣ г̇анд̇хад̇злабад̣̇ийбаа жхааяим̣су, ужжаарабассаавадтаанзбисса суван̣н̣агадаахам̣ табаяим̣су, нижжам̣ рааж̇аарахабхож̇анамзва бхун̃ж̇и. д̇асса бана ааг̇ад̇агаалад̇о бадтааяа ран̃н̃о сагалаж̇амб̣уд̣̇ийбз раж̇ж̇ам̣ хад̇т̇аг̇ад̇амзва ахоси. рааж̇аа б̣од̇хисад̇д̇асса оваад̣̇з тад̇ваа д̣̇аанаад̣̇ийни бун̃н̃аани гад̇ваа саг̇г̇абарааяан̣о ахоси.
So rañño piyo ahosi manāpo, sakkāropissa mahā ahosi. Tassa hi vasanaṭṭhānaṃ rañño alaṅkatapaṭiyatto vāsagharagabbho viya ahosi, catujātigandhehi bhūmilepanaṃ akaṃsu, gandhadāmamālādāmāni osārayiṃsu, upari suvaṇṇatārakakhacitaṃ celavitānaṃ ahosi, samantato citrasāṇi parikkhittā ahosi, niccaṃ gandhatelapadīpā jhāyiṃsu, uccārapassāvaṭṭhānepissa suvaṇṇakaṭāhaṃ ṭhapayiṃsu, niccaṃ rājārahabhojanameva bhuñji. Tassa pana āgatakālato paṭṭhāya rañño sakalajambudīpe rajjaṃ hatthagatameva ahosi. Rājā bodhisattassa ovāde ṭhatvā dānādīni puññāni katvā saggaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз б̣ахуу сод̇аабаннаа сагад̣̇ааг̇аамино анааг̇аамино араханд̇о жа ахзсум̣. ‘‘д̇ад̣̇аа махаллигаа аяамзва махаллигаа ахоси, синд̇хаво саарибуд̇д̇о, рааж̇аа аананд̣̇о, ассаваан̣иж̇ж̇о бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne bahū sotāpannā sakadāgāmino anāgāmino arahanto ca ahesuṃ. ‘‘Tadā mahallikā ayameva mahallikā ahosi, sindhavo sāriputto, rājā ānando, assavāṇijjo pana ahameva ahosi’’nti.
гун̣д̣агагужчисинд̇хаваж̇аад̇агаван̣н̣анаа жад̇уд̇т̇аа.
Kuṇḍakakucchisindhavajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 254. гун̣д̣агагужчисинд̇хаваж̇аад̇агам̣ • 254. Kuṇḍakakucchisindhavajātakaṃ
