| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6-7. гун̣д̣алияасуд̇д̇аад̣̇иван̣н̣анаа
6-7. Kuṇḍaliyasuttādivaṇṇanā
187-188. чадтз аарааманиссаяийд̇и аараамам̣ ниссааяа васанабхаавзна аарааманиссаяий. барисааважарод̇и барисааяа аважаро. барисам̣ наама б̣аалааби, бан̣д̣ид̇ааби осаранд̇и, яо бана бараббаваад̣̇ам̣ мад̣̇д̣̇ид̇ваа ад̇д̇ано ваад̣̇ам̣ д̣̇ийбзд̇ум̣ саггод̇и, аяам̣ барисааважаро наама. аараамзна аарааманд̇и аараамзнзва аараамам̣ анужан̇гамаами, на б̣аахирзнаад̇и ад̇т̇о. уяяаанзна уяяаананд̇и зд̇т̇ааби зсзва наяо. ан̃н̃зна ваа аараамзна бависид̇ваа ан̃н̃ам̣ аараамам̣, ан̃н̃зна уяяаанзна ан̃н̃ам̣ уяяаананд̇и аяамзд̇т̇а ад̇т̇о. ид̇иваад̣̇аббамогкаанисам̣санд̇и ‘‘звам̣ бужчаа ход̇и, звам̣ виссаж̇ж̇анам̣, звам̣ г̇ахан̣ам̣, звам̣ ниб̣б̣зтана’’нд̇и иминаа наязна ид̇иваад̣̇о ход̇и ид̇иваад̣̇аббамогкод̇и зд̇ам̣ аанисам̣сам̣. убаарамбхаанисам̣санд̇и ‘‘аяам̣ бужчааяа д̣̇осо, аяам̣ виссаж̇ж̇анз’’д̇и звам̣ ваад̣̇ад̣̇осаанисам̣сам̣.
187-188. Chaṭṭhe ārāmanissayīti ārāmaṃ nissāya vasanabhāvena ārāmanissayī. Parisāvacaroti parisāya avacaro. Parisaṃ nāma bālāpi, paṇḍitāpi osaranti, yo pana parappavādaṃ madditvā attano vādaṃ dīpetuṃ sakkoti, ayaṃ parisāvacaro nāma. Ārāmena ārāmanti ārāmeneva ārāmaṃ anucaṅkamāmi, na bāhirenāti attho. Uyyānena uyyānanti etthāpi eseva nayo. Aññena vā ārāmena pavisitvā aññaṃ ārāmaṃ, aññena uyyānena aññaṃ uyyānanti ayamettha attho. Itivādappamokkhānisaṃsanti ‘‘evaṃ pucchā hoti, evaṃ vissajjanaṃ, evaṃ gahaṇaṃ, evaṃ nibbeṭhana’’nti iminā nayena itivādo hoti itivādappamokkhoti etaṃ ānisaṃsaṃ. Upārambhānisaṃsanti ‘‘ayaṃ pucchāya doso, ayaṃ vissajjane’’ti evaṃ vādadosānisaṃsaṃ.
гат̇ам̣ бхаавид̇о жа, гун̣д̣алияа, инд̣̇рияасам̣варод̇и сад̇т̇аа ‘‘зд̇д̇агам̣ таанам̣ бариб̣б̣ааж̇агзна бужчид̇ам̣, ид̣̇аани бужчид̇ум̣ на саггод̇ий’’д̇и н̃ад̇ваа ‘‘на д̇аава аяам̣ д̣̇зсанаа яат̇аанусанд̇хим̣ г̇ад̇аа. ид̣̇аани нам̣ яат̇аанусанд̇хим̣ баабзссаамий’’д̇и саяамзва бужчанд̇о имам̣ д̣̇зсанам̣ аарабхи. д̇ад̇т̇а манаабам̣ наабхиж̇жхад̇ийд̇и идтаарамман̣ам̣ наабхиж̇жхааяад̇и. наабхихам̣сад̇ийд̇и на саамисааяа д̇удтияаа абхихам̣сад̇и. д̇асса тид̇о жа гааяо ход̇и, тид̇ам̣ жид̇д̇ам̣ аж̇жхад̇д̇анд̇и д̇асса наамагааяо жа жид̇д̇ан̃жа г̇ожараж̇жхад̇д̇з тид̇ам̣ ход̇и. сусан̣тид̇анд̇и гаммадтаанавасзна судту сан̣тид̇ам̣. сувимуд̇д̇анд̇и гаммадтаанавимуд̇д̇ияаа сувимуд̇д̇ам̣. аманаабанд̇и анидтаарамман̣ам̣. на ман̇гу ход̇ийд̇и д̇асмим̣ на ман̇гу ход̇и. аббад̇идтид̇ажид̇д̇од̇и гилзсавасзна адтид̇ажид̇д̇о. ад̣̇ийнамаанасод̇и д̣̇оманассавасзна ад̣̇ийнажид̇д̇о. аб̣яаабаннажзд̇асод̇и д̣̇осавасзна абууд̇ижид̇д̇о.
Kathaṃ bhāvito ca, kuṇḍaliya, indriyasaṃvaroti satthā ‘‘ettakaṃ ṭhānaṃ paribbājakena pucchitaṃ, idāni pucchituṃ na sakkotī’’ti ñatvā ‘‘na tāva ayaṃ desanā yathānusandhiṃ gatā. Idāni naṃ yathānusandhiṃ pāpessāmī’’ti sayameva pucchanto imaṃ desanaṃ ārabhi. Tattha manāpaṃ nābhijjhatīti iṭṭhārammaṇaṃ nābhijjhāyati. Nābhihaṃsatīti na sāmisāya tuṭṭhiyā abhihaṃsati. Tassa ṭhito ca kāyo hoti, ṭhitaṃ cittaṃ ajjhattanti tassa nāmakāyo ca cittañca gocarajjhatte ṭhitaṃ hoti. Susaṇṭhitanti kammaṭṭhānavasena suṭṭhu saṇṭhitaṃ. Suvimuttanti kammaṭṭhānavimuttiyā suvimuttaṃ. Amanāpanti aniṭṭhārammaṇaṃ. Na maṅku hotīti tasmiṃ na maṅku hoti. Appatiṭṭhitacittoti kilesavasena aṭṭhitacitto. Adīnamānasoti domanassavasena adīnacitto. Abyāpannacetasoti dosavasena apūticitto.
звам̣ бхаавид̇о ко, гун̣д̣алияа, инд̣̇рияасам̣варо звам̣ б̣ахулийгад̇о д̇ийн̣и сужарид̇аани барибуурзд̇ийд̇и зд̇т̇а звам̣ сужарид̇абууран̣ам̣ взд̣̇ид̇аб̣б̣ам̣ – имзсу д̇аава часу д̣̇ваарзсу адтаараса д̣̇ужжарид̇аани хонд̇и. гат̇ам̣? жагкуд̣̇ваарз д̇аава идтаарамман̣з аабаат̇аг̇ад̇з гааяан̇г̇аваажан̇г̇аани ажобзд̇ваа д̇асмим̣ аарамман̣з лобхам̣ уббаад̣̇знд̇асса манод̣̇ужжарид̇ам̣ ход̇и. лобхасахаг̇ад̇зна жид̇д̇зна ‘‘ахо вад̇ид̣̇ам̣ идтам̣ ганд̇ам̣ манааба’’нд̇и бхан̣анд̇асса важийд̣̇ужжарид̇ам̣, д̇ад̣̇зва хад̇т̇зна бараамасанд̇асса гааяад̣̇ужжарид̇ам̣. сзсад̣̇ваарзсуби зсзва наяо.
Evaṃ bhāvito kho, kuṇḍaliya, indriyasaṃvaro evaṃ bahulīkato tīṇi sucaritāni paripūretīti ettha evaṃ sucaritapūraṇaṃ veditabbaṃ – imesu tāva chasu dvāresu aṭṭhārasa duccaritāni honti. Kathaṃ? Cakkhudvāre tāva iṭṭhārammaṇe āpāthagate kāyaṅgavācaṅgāni acopetvā tasmiṃ ārammaṇe lobhaṃ uppādentassa manoduccaritaṃ hoti. Lobhasahagatena cittena ‘‘aho vatidaṃ iṭṭhaṃ kantaṃ manāpa’’nti bhaṇantassa vacīduccaritaṃ, tadeva hatthena parāmasantassa kāyaduccaritaṃ. Sesadvāresupi eseva nayo.
аяам̣ бана висзсо – сод̇ад̣̇ваарасмин̃хи сад̣̇д̣̇аарамман̣асса вад̇т̇убхууд̇ам̣ сан̇кабан̣аваад̣̇ид̇уурияабхан̣д̣ам̣ анаамаасам̣ аамасанд̇асса, гхаанад̣̇ваарз г̇анд̇хаарамман̣асса вад̇т̇убхууд̇ам̣ г̇анд̇хамаалаад̣̇им̣, ж̇ивхаад̣̇ваарз расаарамман̣асса вад̇т̇убхууд̇ам̣ мажчамам̣саад̣̇им̣, гааяад̣̇ваарз подтаб̣б̣аарамман̣асса вад̇т̇убхууд̇ам̣ вад̇т̇ад̇уулагабааваараад̣̇им̣, манод̣̇ваарз бан̃н̃ад̇д̇ивасзна д̇хаммаарамман̣абхууд̇ам̣ саббид̇зламад̇хупаан̣ид̇аад̣̇им̣ аамасанд̇асса гааяад̣̇ужжарид̇ам̣ взд̣̇ид̇аб̣б̣ам̣. сан̇кзбад̇о банзд̇т̇а часу д̣̇ваарзсу гааяавийд̇иггамо гааяад̣̇ужжарид̇ам̣, важийвийд̇иггамо важийд̣̇ужжарид̇ам̣, мановийд̇иггамо манод̣̇ужжарид̇анд̇и д̇ийн̣зва д̣̇ужжарид̇аани хонд̇и.
Ayaṃ pana viseso – sotadvārasmiñhi saddārammaṇassa vatthubhūtaṃ saṅkhapaṇavāditūriyabhaṇḍaṃ anāmāsaṃ āmasantassa, ghānadvāre gandhārammaṇassa vatthubhūtaṃ gandhamālādiṃ, jivhādvāre rasārammaṇassa vatthubhūtaṃ macchamaṃsādiṃ, kāyadvāre phoṭṭhabbārammaṇassa vatthubhūtaṃ vatthatūlakapāvārādiṃ, manodvāre paññattivasena dhammārammaṇabhūtaṃ sappitelamadhuphāṇitādiṃ āmasantassa kāyaduccaritaṃ veditabbaṃ. Saṅkhepato panettha chasu dvāresu kāyavītikkamo kāyaduccaritaṃ, vacīvītikkamo vacīduccaritaṃ, manovītikkamo manoduccaritanti tīṇeva duccaritāni honti.
аяам̣ бана бхигку ад̇д̇ано бхааванаабадисан̇каанз тид̇о имаани д̣̇ужжарид̇аани сужарид̇ам̣ гад̇ваа вибарин̣аамзд̇и. гат̇ам̣? жагкуд̣̇ваарз д̇аава идтаарамман̣з аабаат̇аг̇ад̇з гааяан̇г̇аваажан̇г̇аани ажаалзд̇ваа руубаарамман̣ам̣ вибассанам̣ бадтаабаяад̇о маносужарид̇ам̣ ход̇и, вибассанаасахаг̇ад̇зна жид̇д̇зна каяад̇хаммам̣ ваяад̇хамманд̇и бхан̣анд̇асса важийсужарид̇ам̣, ‘‘анаамаасабхан̣д̣ам̣ зд̇а’’нд̇и анаамасанд̇асса гааяасужарид̇ам̣. сзсад̣̇ваарзсуби зсзва наяо. звам̣ имаани вид̇т̇аарад̇о адтаараса сужарид̇аани хонд̇и. сан̇кзбад̇о банзд̇т̇ааби часу д̣̇ваарзсу гааяасам̣варо гааяасужарид̇ам̣, важийсам̣варо важийсужарид̇ам̣, маносам̣варо маносужарид̇анд̇и д̇ийн̣зва сужарид̇аани хонд̇и. звам̣ инд̣̇рияасам̣варо д̇ийн̣и сужарид̇аани барибуурзд̇ийд̇и взд̣̇ид̇аб̣б̣о. зд̇д̇аавад̇аа сийлаанурагкид̇ам̣ инд̣̇рияасам̣варасийлам̣ гат̇ид̇ам̣.
Ayaṃ pana bhikkhu attano bhāvanāpaṭisaṅkhāne ṭhito imāni duccaritāni sucaritaṃ katvā vipariṇāmeti. Kathaṃ? Cakkhudvāre tāva iṭṭhārammaṇe āpāthagate kāyaṅgavācaṅgāni acāletvā rūpārammaṇaṃ vipassanaṃ paṭṭhāpayato manosucaritaṃ hoti, vipassanāsahagatena cittena khayadhammaṃ vayadhammanti bhaṇantassa vacīsucaritaṃ, ‘‘anāmāsabhaṇḍaṃ eta’’nti anāmasantassa kāyasucaritaṃ. Sesadvāresupi eseva nayo. Evaṃ imāni vitthārato aṭṭhārasa sucaritāni honti. Saṅkhepato panetthāpi chasu dvāresu kāyasaṃvaro kāyasucaritaṃ, vacīsaṃvaro vacīsucaritaṃ, manosaṃvaro manosucaritanti tīṇeva sucaritāni honti. Evaṃ indriyasaṃvaro tīṇi sucaritāni paripūretīti veditabbo. Ettāvatā sīlānurakkhitaṃ indriyasaṃvarasīlaṃ kathitaṃ.
гааяад̣̇ужжарид̇ам̣ бахааяаад̇иаад̣̇ийсу д̇ивид̇хам̣ гааяад̣̇ужжарид̇ам̣, жад̇уб̣б̣ид̇хам̣ важийд̣̇ужжарид̇ам̣, д̇ивид̇хам̣ манод̣̇ужжарид̇ам̣. д̇асса бадибагкавасзна гааяасужарид̇аад̣̇ийни взд̣̇ид̇аб̣б̣аани. зд̇д̇аавад̇аа гааяасам̣вараважийсам̣варзхи баад̇имогкасийлам̣, маносам̣варзна д̇ийн̣и сийлаанийд̇и жад̇убаарисуд̣̇д̇хисийлам̣ гат̇ид̇ам̣ ход̇и. сагалз бана имасмим̣ суд̇д̇з сужарид̇амуулагаа сад̇ибадтаанаа логуд̇д̇арамиссагаа, сад̇д̇аннам̣ б̣ож̇жхан̇г̇аанам̣ муулабхууд̇аа сад̇ибадтаанаа буб̣б̣абхааг̇аа, д̇зби сад̇ибадтаанамуулагаа б̣ож̇жхан̇г̇аа буб̣б̣абхааг̇аава. виж̇ж̇аавимуд̇д̇имуулагаа бана логуд̇д̇араава гат̇ид̇аад̇и взд̣̇ид̇аб̣б̣аа. сад̇д̇амам̣ уд̇д̇аанамзва.
Kāyaduccaritaṃ pahāyātiādīsu tividhaṃ kāyaduccaritaṃ, catubbidhaṃ vacīduccaritaṃ, tividhaṃ manoduccaritaṃ. Tassa paṭipakkhavasena kāyasucaritādīni veditabbāni. Ettāvatā kāyasaṃvaravacīsaṃvarehi pātimokkhasīlaṃ, manosaṃvarena tīṇi sīlānīti catupārisuddhisīlaṃ kathitaṃ hoti. Sakale pana imasmiṃ sutte sucaritamūlakā satipaṭṭhānā lokuttaramissakā, sattannaṃ bojjhaṅgānaṃ mūlabhūtā satipaṭṭhānā pubbabhāgā, tepi satipaṭṭhānamūlakā bojjhaṅgā pubbabhāgāva. Vijjāvimuttimūlakā pana lokuttarāva kathitāti veditabbā. Sattamaṃ uttānameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
6. гун̣д̣алияасуд̇д̇ам̣ • 6. Kuṇḍaliyasuttaṃ
7. гуудааг̇аарасуд̇д̇ам̣ • 7. Kūṭāgārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6-7. гун̣д̣алияасуд̇д̇аад̣̇иван̣н̣анаа • 6-7. Kuṇḍaliyasuttādivaṇṇanā
