| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6-7. гун̣д̣алияасуд̇д̇аад̣̇иван̣н̣анаа
6-7. Kuṇḍaliyasuttādivaṇṇanā
187-188. ниб̣ад̣̇д̇хаваасавасзна аараамз нисийд̣̇анасийлод̇и аарааманисаад̣̇ий. барисам̣ ог̇аал̣хо худ̇ваа жарад̇ийд̇и барисааважарод̇и ааха – ‘‘яо банаа’’д̇иаад̣̇и. званд̇и иминаагаарзна. г̇ахан̣анд̇и ниг̇г̇ахан̣ам̣. д̇зна бужчаабад̣̇асса ад̇т̇ам̣ виварад̇и. ниб̣б̣зтананд̇и ниг̇г̇аханиб̣б̣зтанам̣. д̇зна виссаж̇ж̇анабад̣̇асса ад̇т̇ам̣ виварад̇и. иминаа наязнаад̇и зд̇зна ‘‘ид̇иваад̣̇о’’д̇и зд̇т̇а ид̇и-сад̣̇д̣̇асса ад̇т̇ам̣ д̣̇ассзд̇и. убаарамбхаад̇хиббааяо вад̣̇ад̇и зд̇знаад̇и ваад̣̇о, д̣̇осо. ид̇иваад̣̇о ход̇ийд̇и звам̣ имасса убари ваад̣̇ааробанам̣ ход̇и. ид̇иваад̣̇аббамогкод̇и звам̣ д̇ад̇о бамогко ход̇и . звам̣ ваад̣̇аббамогкаанисам̣сам̣ барзхи ааробид̇ад̣̇осасса ниб̣б̣зтанавасзна д̣̇ассзд̇ваа ид̣̇аани д̣̇осабавзд̣̇анавасзна д̣̇ассзд̇ум̣ ‘‘аяам̣ бужчааяа д̣̇осо’’д̇иаад̣̇и вуд̇д̇ам̣.
187-188. Nibaddhavāsavasena ārāme nisīdanasīloti ārāmanisādī. Parisaṃ ogāḷho hutvā caratīti parisāvacaroti āha – ‘‘yo panā’’tiādi. Evanti iminākārena. Gahaṇanti niggahaṇaṃ. Tena pucchāpadassa atthaṃ vivarati. Nibbeṭhananti niggahanibbeṭhanaṃ. Tena vissajjanapadassa atthaṃ vivarati. Iminā nayenāti etena ‘‘itivādo’’ti ettha iti-saddassa atthaṃ dasseti. Upārambhādhippāyo vadati etenāti vādo, doso. Itivādo hotīti evaṃ imassa upari vādāropanaṃ hoti. Itivādappamokkhoti evaṃ tato pamokkho hoti . Evaṃ vādappamokkhānisaṃsaṃ parehi āropitadosassa nibbeṭhanavasena dassetvā idāni dosapavedanavasena dassetuṃ ‘‘ayaṃ pucchāya doso’’tiādi vuttaṃ.
зд̇д̇агам̣ таананд̇иаад̣̇ид̇о бадтааяа яаава ‘‘д̇ийн̣и сужарид̇ааний’’д̇и зд̇д̇агам̣ таанам̣. имам̣ д̣̇зсананд̇и ‘‘инд̣̇рияасам̣варо ко’’д̇иаад̣̇инаяаббавад̇д̇ам̣ имам̣ д̣̇зсанам̣. наабхиж̇жхааяад̇ийд̇и на абхиж̇жхааяад̇и. наабхихам̣сад̇ийд̇и на абхид̇уссад̇и. г̇ожараж̇жхад̇д̇з тид̇ам̣ ход̇ийд̇и гаммадтаанаарамман̣з самаад̇хаанавасзна тид̇ам̣ ход̇и авадтид̇ам̣. д̇знааха ‘‘сусан̣тид̇а’’нд̇и. сусан̣тид̇анд̇и саммаа авигкзбавасзна тид̇ам̣. гаммадтаанавимуд̇д̇ияаад̇и гаммадтаанаануяун̃ж̇анавасзна бадибагкад̇о нийваран̣ад̇о вимуд̇д̇ияаа. судту вимуд̇д̇анд̇и сувимуд̇д̇ам̣. д̇асмим̣ аманаабаруубад̣̇ассанз на ман̇гу вилагко на ход̇и. гилзсавасзна д̣̇осавасзна. адтид̇ажид̇д̇о ат̇ад̣̇д̇хажид̇д̇о. говзсзна хи жид̇д̇ам̣ т̇ад̣̇д̇хам̣ ход̇и, на муд̣̇угам̣. ад̣̇ийнамаанасод̇и д̣̇оманассавасзна яо д̣̇ийнабхааво, д̇ад̣̇абхаавзна нид̣̇д̣̇осамаанасо. абууд̇ижид̇д̇од̇и б̣яаабаж̇ж̇аабхаавзна сийд̇ибхууд̇ажид̇д̇о.
Ettakaṃ ṭhānantiādito paṭṭhāya yāva ‘‘tīṇi sucaritānī’’ti ettakaṃ ṭhānaṃ. Imaṃ desananti ‘‘indriyasaṃvaro kho’’tiādinayappavattaṃ imaṃ desanaṃ. Nābhijjhāyatīti na abhijjhāyati. Nābhihaṃsatīti na abhitussati. Gocarajjhatte ṭhitaṃ hotīti kammaṭṭhānārammaṇe samādhānavasena ṭhitaṃ hoti avaṭṭhitaṃ. Tenāha ‘‘susaṇṭhita’’nti. Susaṇṭhitanti sammā avikkhepavasena ṭhitaṃ. Kammaṭṭhānavimuttiyāti kammaṭṭhānānuyuñjanavasena paṭipakkhato nīvaraṇato vimuttiyā. Suṭṭhu vimuttanti suvimuttaṃ. Tasmiṃ amanāparūpadassane na maṅku vilakkho na hoti. Kilesavasena dosavasena. Aṭṭhitacitto athaddhacitto. Kovesena hi cittaṃ thaddhaṃ hoti, na mudukaṃ. Adīnamānasoti domanassavasena yo dīnabhāvo, tadabhāvena niddosamānaso. Apūticittoti byāpajjābhāvena sītibhūtacitto.
имзсу часу д̣̇ваарзсу адтаараса д̣̇ужжарид̇аани хонд̇и бажжзгам̣ гааяаважийманод̣̇ужжарид̇абхзд̣̇зна. д̇аани вибхааг̇зна д̣̇ассзд̇ум̣ ‘‘гат̇а’’нд̇иаад̣̇и вуд̇д̇ам̣. д̇ад̇т̇а идтаарамман̣з аабаат̇аг̇ад̇зд̇и наяад̣̇аанамад̇д̇амзд̇ам̣. д̇зна ‘‘анидтаарамман̣з аабаат̇аг̇ад̇з д̣̇осам̣ уббаад̣̇знд̇ассаа’’д̇иаад̣̇инаа д̇ивид̇хад̣̇ужжарид̇ам̣ нийхарид̇ваа вад̇д̇аб̣б̣ам̣, д̇ат̇аа ‘‘маж̇жхад̇д̇аарамман̣з мохам̣ уббаад̣̇знд̇ассаа’’д̇иаад̣̇инаа жа. манод̣̇ужжарид̇аад̣̇исааман̃н̃зна бана д̇ийн̣иязва д̣̇ужжарид̇аани хонд̇ийд̇и взд̣̇ид̇аб̣б̣ам̣.
Imesu chasu dvāresu aṭṭhārasa duccaritāni honti paccekaṃ kāyavacīmanoduccaritabhedena. Tāni vibhāgena dassetuṃ ‘‘katha’’ntiādi vuttaṃ. Tattha iṭṭhārammaṇe āpāthagateti nayadānamattametaṃ. Tena ‘‘aniṭṭhārammaṇe āpāthagate dosaṃ uppādentassā’’tiādinā tividhaduccaritaṃ nīharitvā vattabbaṃ, tathā ‘‘majjhattārammaṇe mohaṃ uppādentassā’’tiādinā ca. Manoduccaritādisāmaññena pana tīṇiyeva duccaritāni hontīti veditabbaṃ.
бан̃н̃ад̇д̇ивасзнаад̇и вад̇т̇ум̣ анаамасид̇ваа бин̣д̣аг̇ахан̣амукзна гзвалам̣ бан̃н̃ад̇д̇ивасзнзва. бхааванаабадисан̇каанзд̇и бхааванаасид̣̇д̇хз бадисан̇каанз, бхааванааяа бадисан̇каанз ваад̇и ад̇т̇о. имаанийд̇и яат̇аавуд̇д̇аани чад̣̇ваараарамман̣аани. д̣̇ужжарид̇аанийд̇и д̣̇ужжарид̇агааран̣аани. аббадисан̇каанз тид̇асса д̣̇ужжарид̇аани сужарид̇аани гад̇ваа. барин̣аамзд̇ийд̇и баривад̇д̇зд̇и д̣̇ужжарид̇аани д̇ад̇т̇а ануббаад̣̇зд̇ваа сужарид̇аани уббаад̣̇знд̇о. званд̇и вуд̇д̇аббагаарзна. инд̣̇рияасам̣варо…бз… взд̣̇ид̇аб̣б̣о инд̣̇рияасам̣варасамбаад̣̇анавасзна д̇ин̣н̣ам̣ сужарид̇аанам̣ сиж̇жханад̇о. д̇знааха ‘‘зд̇д̇аавад̇аа’’д̇иаад̣̇и. зд̇д̇аавад̇аад̇и аад̣̇ид̇о бадтааяа яаава ‘‘д̇ийн̣и сужарид̇аани барибуурзнд̇ий’’д̇и бад̣̇ам̣, зд̇д̇аавад̇аа. сийлаанурагкагам̣ инд̣̇рияасам̣варасийланд̇и жад̇убаарисуд̣̇д̇хисийласса анурагкагам̣ инд̣̇рияасам̣варасийлам̣ гат̇игам̣. гат̇ам̣ бана д̇ад̣̇зва д̇асса анурагкагам̣ ход̇ийд̇и? абараабаруббад̇д̇ияаа убаниссаяабхаавад̇о.
Paññattivasenāti vatthuṃ anāmasitvā piṇḍagahaṇamukhena kevalaṃ paññattivaseneva. Bhāvanāpaṭisaṅkhāneti bhāvanāsiddhe paṭisaṅkhāne, bhāvanāya paṭisaṅkhāne vāti attho. Imānīti yathāvuttāni chadvārārammaṇāni. Duccaritānīti duccaritakāraṇāni. Appaṭisaṅkhāne ṭhitassa duccaritāni sucaritāni katvā. Pariṇāmetīti parivatteti duccaritāni tattha anuppādetvā sucaritāni uppādento. Evanti vuttappakārena. Indriyasaṃvaro…pe… veditabbo indriyasaṃvarasampādanavasena tiṇṇaṃ sucaritānaṃ sijjhanato. Tenāha ‘‘ettāvatā’’tiādi. Ettāvatāti ādito paṭṭhāya yāva ‘‘tīṇi sucaritāni paripūrentī’’ti padaṃ, ettāvatā. Sīlānurakkhakaṃ indriyasaṃvarasīlanti catupārisuddhisīlassa anurakkhakaṃ indriyasaṃvarasīlaṃ kathikaṃ. Kathaṃ pana tadeva tassa anurakkhakaṃ hotīti? Aparāparuppattiyā upanissayabhāvato.
д̇ийн̣и сийлаанийд̇и инд̣̇рияасам̣вара-ааж̇ийвабаарисуд̣̇д̇хи-бажжаяасанниссид̇а-сийлаани. логуд̇д̇арамиссагаад̇и логияааби логуд̇д̇арааби хонд̇ийд̇и ад̇т̇о. сад̇д̇аннам̣ б̣ож̇жхан̇г̇аананд̇и логуд̇д̇араанам̣ сад̇д̇аннам̣ б̣ож̇жхан̇г̇аанам̣. муулабхууд̇аа сад̇ибадтаанаа буб̣б̣абхааг̇аа, д̇з санд̇хааяа вуд̇д̇ам̣ ‘‘жад̇д̇ааро ко, гун̣д̣алияа, сад̇ибадтаанаа бхаавид̇аа б̣ахулийгад̇аа сад̇д̇а б̣ож̇жхан̇г̇з барибуурзнд̇ий’’д̇и. д̇збийд̇и яат̇аавуд̇д̇асад̇ибадтаанаа. сад̇ибадтаанамуулагаа б̣ож̇жхан̇г̇аад̇и логияасад̇ибадтаанамуулагаа б̣ож̇жхан̇г̇аава. буб̣б̣абхааг̇ааваад̇и зд̇т̇а гзжи ‘‘буб̣б̣абхааг̇аа жаа’’д̇и баатам̣ гад̇ваа ‘‘буб̣б̣зва логуд̇д̇араа буб̣б̣абхааг̇аа жаа’’д̇и ад̇т̇ам̣ вад̣̇анд̇и. виж̇ж̇аавимуд̇д̇имуулагаад̇и ‘‘сад̇д̇а ко, гун̣д̣алияа, б̣ож̇жхан̇г̇аа бхаавид̇аа б̣ахулийгад̇аа виж̇ж̇аавимуд̇д̇им̣ барибуурзнд̇ий’’д̇и звам̣ вуд̇д̇аа б̣ож̇жхан̇г̇аа логуд̇д̇араава виж̇ж̇аавимуд̇д̇исахаг̇ад̇абхаавад̇о.
Tīṇi sīlānīti indriyasaṃvara-ājīvapārisuddhi-paccayasannissita-sīlāni. Lokuttaramissakāti lokiyāpi lokuttarāpi hontīti attho. Sattannaṃ bojjhaṅgānanti lokuttarānaṃ sattannaṃ bojjhaṅgānaṃ. Mūlabhūtā satipaṭṭhānā pubbabhāgā, te sandhāya vuttaṃ ‘‘cattāro kho, kuṇḍaliya, satipaṭṭhānā bhāvitā bahulīkatā satta bojjhaṅge paripūrentī’’ti. Tepīti yathāvuttasatipaṭṭhānā. Satipaṭṭhānamūlakā bojjhaṅgāti lokiyasatipaṭṭhānamūlakā bojjhaṅgāva. Pubbabhāgāvāti ettha keci ‘‘pubbabhāgā cā’’ti pāṭhaṃ katvā ‘‘pubbeva lokuttarā pubbabhāgā cā’’ti atthaṃ vadanti. Vijjāvimuttimūlakāti ‘‘satta kho, kuṇḍaliya, bojjhaṅgā bhāvitā bahulīkatā vijjāvimuttiṃ paripūrentī’’ti evaṃ vuttā bojjhaṅgā lokuttarāva vijjāvimuttisahagatabhāvato.
гун̣д̣алияасуд̇д̇аад̣̇иван̣н̣анаа нидтид̇аа.
Kuṇḍaliyasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
6. гун̣д̣алияасуд̇д̇ам̣ • 6. Kuṇḍaliyasuttaṃ
7. гуудааг̇аарасуд̇д̇ам̣ • 7. Kūṭāgārasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6-7. гун̣д̣алияасуд̇д̇аад̣̇иван̣н̣анаа • 6-7. Kuṇḍaliyasuttādivaṇṇanā
