| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
5. гун̃ж̇аравимаанаван̣н̣анаа
5. Kuñjaravimānavaṇṇanā
гун̃ж̇аро д̇з вараароход̇и гун̃ж̇аравимаанам̣. д̇асса гаа уббад̇д̇и? бхаг̇аваа рааж̇аг̇ахз вихарад̇и взл̣уванз галанд̣̇аганиваабз. ат̇згад̣̇ивасам̣ рааж̇аг̇аханаг̇арз нагкад̇д̇ам̣ гхосид̇ам̣. нааг̇араа вийт̇ияо сод̇хзд̇ваа ваалугам̣ огирид̇ваа лааж̇абан̃жамагаани бубпаани виббагирим̣су, г̇зхад̣̇ваарз г̇зхад̣̇ваарз гад̣̇алияо жа бун̣н̣агхадз жа табзсум̣, яат̇аавибхавам̣ наанаавирааг̇аван̣н̣авижид̇д̇аа д̇хаж̇абадаагаад̣̇аяо уссаабзсум̣, саб̣б̣о ж̇ано ад̇д̇ано ад̇д̇ано вибхаваануруубам̣ суман̣д̣ид̇абасаад̇хид̇о нагкад̇д̇агийл̣ам̣ гийл̣и, сагаланаг̇арам̣ д̣̇званаг̇арам̣ вияа алан̇гад̇абадияад̇д̇ам̣ ахоси. ат̇а б̣имб̣исаарамахаарааж̇аа буб̣б̣ажаарид̇д̇авасзна махааж̇анасса жид̇д̇аанурагкан̣ад̇т̇ан̃жа ад̇д̇ано рааж̇абхаванад̇о нигкамид̇ваа маханд̇зна бариваарзна махад̇аа рааж̇аанубхаавзна ул̣аарзна сирисобхаг̇г̇зна наг̇арам̣ бад̣̇агкин̣ам̣ гарод̇и.
Kuñjaro te varārohoti kuñjaravimānaṃ. Tassa kā uppatti? Bhagavā rājagahe viharati veḷuvane kalandakanivāpe. Athekadivasaṃ rājagahanagare nakkhattaṃ ghositaṃ. Nāgarā vīthiyo sodhetvā vālukaṃ okiritvā lājapañcamakāni pupphāni vippakiriṃsu, gehadvāre gehadvāre kadaliyo ca puṇṇaghaṭe ca ṭhapesuṃ, yathāvibhavaṃ nānāvirāgavaṇṇavicittā dhajapaṭākādayo ussāpesuṃ, sabbo jano attano attano vibhavānurūpaṃ sumaṇḍitapasādhito nakkhattakīḷaṃ kīḷi, sakalanagaraṃ devanagaraṃ viya alaṅkatapaṭiyattaṃ ahosi. Atha bimbisāramahārājā pubbacārittavasena mahājanassa cittānurakkhaṇatthañca attano rājabhavanato nikkhamitvā mahantena parivārena mahatā rājānubhāvena uḷārena sirisobhaggena nagaraṃ padakkhiṇaṃ karoti.
д̇зна жа самаязна рааж̇аг̇ахаваасиний згаа гулад̇хийд̇аа ран̃н̃о д̇ам̣ вибхавасамбад̇д̇им̣ сирисобхаг̇г̇ам̣ рааж̇аанубхааван̃жа бассид̇ваа ажчарияаб̣бхуд̇ажид̇д̇аж̇аад̇аа ‘‘аяам̣ д̣̇звид̣̇д̇хисад̣̇исаа вибхавасамбад̇д̇и гийд̣̇исзна ну ко гаммунаа лаб̣бхад̇ий’’д̇и бан̣д̣ид̇асаммад̇з бужчи. д̇з д̇ассаа гат̇зсум̣ ‘‘бхад̣̇д̣̇з, бун̃н̃агаммам̣ наама жинд̇ааман̣исад̣̇исам̣ габбаругкасад̣̇исам̣, кзд̇д̇асамбад̇д̇ияаа жид̇д̇асамбад̇д̇ияаа жа сад̇и яам̣ яам̣ бад̇т̇зд̇ваа гарод̇и, д̇ам̣ д̇ам̣ нибпаад̣̇зд̇иязва. абижа аасанад̣̇аанзна ужжаагулийнад̇аа ход̇и, аннад̣̇аанзна б̣аласамбад̇д̇ибадилаабхо, вад̇т̇ад̣̇аанзна ван̣н̣асамбад̇д̇ибадилаабхо, яаанад̣̇аанзна сукависзсабадилаабхо, д̣̇ийбад̣̇аанзна жагкусамбад̇д̇ибадилаабхо, ааваасад̣̇аанзна саб̣б̣асамбад̇д̇ибадилаабхо ход̇ий’’д̇и. саа д̇ам̣ суд̇ваа ‘‘д̣̇звасамбад̇д̇и ид̇о ул̣аараа ход̇и ман̃н̃з’’д̇и д̇ад̇т̇а жид̇д̇ам̣ табзд̇ваа бун̃н̃агирияааяа ад̇ивияа уссаахаж̇аад̇аа ахоси.
Tena ca samayena rājagahavāsinī ekā kuladhītā rañño taṃ vibhavasampattiṃ sirisobhaggaṃ rājānubhāvañca passitvā acchariyabbhutacittajātā ‘‘ayaṃ deviddhisadisā vibhavasampatti kīdisena nu kho kammunā labbhatī’’ti paṇḍitasammate pucchi. Te tassā kathesuṃ ‘‘bhadde, puññakammaṃ nāma cintāmaṇisadisaṃ kapparukkhasadisaṃ, khettasampattiyā cittasampattiyā ca sati yaṃ yaṃ patthetvā karoti, taṃ taṃ nipphādetiyeva. Apica āsanadānena uccākulīnatā hoti, annadānena balasampattipaṭilābho, vatthadānena vaṇṇasampattipaṭilābho, yānadānena sukhavisesapaṭilābho, dīpadānena cakkhusampattipaṭilābho, āvāsadānena sabbasampattipaṭilābho hotī’’ti. Sā taṃ sutvā ‘‘devasampatti ito uḷārā hoti maññe’’ti tattha cittaṃ ṭhapetvā puññakiriyāya ativiya ussāhajātā ahosi.
маад̇аабид̇аро жассаа ахад̇ам̣ вад̇т̇аяуг̇ам̣ навабийтам̣ згам̣ бад̣̇умагалаабам̣ саббимад̇хусагкараа д̇ан̣д̣улакийраани жа барибхог̇ад̇т̇ааяа бзсзсум̣. саа д̇аани д̣̇исваа ‘‘ахан̃жа д̣̇аанам̣ д̣̇аад̇угаамаа, аяан̃жа мз д̣̇зяяад̇хаммо лад̣̇д̇хо’’д̇и д̇удтамаанасаа д̣̇уд̇ияад̣̇ивасз д̣̇аанам̣ саж̇ж̇знд̇ий аббод̣̇агамад̇хубааяаасам̣ самбаад̣̇зд̇ваа, д̇асса бариваарабхаавзна ан̃н̃амби б̣ахум̣ каад̣̇анийяабхож̇анийяам̣ бадияаад̣̇зд̇ваа д̣̇аанаг̇г̇з г̇анд̇хабарибхан̣д̣ам̣ гад̇ваа вигасид̇абад̣̇умабад̇д̇агин̃ж̇агкагзсаробасобхид̇зсу бад̣̇умзсу аасанам̣ бан̃н̃аабзд̇ваа, ахад̇зна сзд̇авад̇т̇зна ад̇т̇арид̇ваа аасанасса жад̇уннам̣ баад̣̇аанам̣ убари жад̇д̇аари бад̣̇умаани маалааг̇ул̣ан̃жа табзд̇ваа, аасанасса убари вид̇аанам̣ б̣анд̇хид̇ваа маалаад̣̇аамаоламб̣агад̣̇аамаани оламб̣ид̇ваа, аасанасса саманд̇ад̇о бхуумим̣ сагзсарзхи бад̣̇умабад̇д̇зхи саб̣б̣асант̇арам̣ сант̇арид̇ваа ‘‘д̣̇агкин̣зяяз ааг̇ад̇з бууж̇зссаамий’’д̇и бубпабуурид̇ам̣ жан̇годагам̣ згаманд̇з табзси.
Mātāpitaro cassā ahataṃ vatthayugaṃ navapīṭhaṃ ekaṃ padumakalāpaṃ sappimadhusakkharā taṇḍulakhīrāni ca paribhogatthāya pesesuṃ. Sā tāni disvā ‘‘ahañca dānaṃ dātukāmā, ayañca me deyyadhammo laddho’’ti tuṭṭhamānasā dutiyadivase dānaṃ sajjentī appodakamadhupāyāsaṃ sampādetvā, tassa parivārabhāvena aññampi bahuṃ khādanīyabhojanīyaṃ paṭiyādetvā dānagge gandhaparibhaṇḍaṃ katvā vikasitapadumapattakiñjakkhakesaropasobhitesu padumesu āsanaṃ paññāpetvā, ahatena setavatthena attharitvā āsanassa catunnaṃ pādānaṃ upari cattāri padumāni mālāguḷañca ṭhapetvā, āsanassa upari vitānaṃ bandhitvā mālādāmaolambakadāmāni olambitvā, āsanassa samantato bhūmiṃ sakesarehi padumapattehi sabbasantharaṃ santharitvā ‘‘dakkhiṇeyye āgate pūjessāmī’’ti pupphapūritaṃ caṅkoṭakaṃ ekamante ṭhapesi.
ат̇звам̣ гад̇ад̣̇аануубагаран̣асам̣вид̇хаанаа сийсам̣нхаад̇аа суд̣̇д̇хавад̇т̇анивад̇т̇аа суд̣̇д̇худ̇д̇араасан̇г̇аа взлам̣ саллагкзд̇ваа згам̣ д̣̇аасим̣ аан̣аабзси ‘‘г̇ажча ж̇з, амхаагам̣ д̇аад̣̇исам̣ д̣̇агкин̣зяяам̣ бариязсаахий’’д̇и. д̇зна жа самаязна ааяасмаа саарибуд̇д̇о сахассат̇авигам̣ нигкибанд̇о вияа рааж̇аг̇ахз бин̣д̣ааяа жаранд̇о анд̇аравийт̇им̣ бадибанно ход̇и. ат̇а саа д̣̇аасий т̇зрам̣ ванд̣̇ид̇ваа ааха ‘‘бханд̇з, д̇умхаагам̣ бад̇д̇ам̣ мз д̣̇зт̇аа’’д̇и. ‘‘згиссаа убаасигааяа ануг̇г̇ахад̇т̇ам̣ ид̇о зт̇аа’’д̇и жа ааха. т̇зро д̇ассаа бад̇д̇ам̣ ад̣̇ааси. саа т̇зрам̣ г̇зхам̣ бавзсзси. ат̇а саа ид̇т̇ий т̇зрасса бажжуг̇г̇аманам̣ гад̇ваа аасанам̣ д̣̇ассзд̇ваа ‘‘нисийд̣̇ат̇а, бханд̇з, ид̣̇амаасанам̣ бан̃н̃ад̇д̇а’’нд̇и вад̇ваа т̇зрз д̇ад̇т̇а нисиннз сагзсарзхи бад̣̇умабад̇д̇зхи т̇зрам̣ бууж̇аяамаанаа аасанасса саманд̇ад̇о огирид̇ваа бан̃жабад̇идтид̇зна ванд̣̇ид̇ваа саббимад̇хусагкараасаммиссзна аббод̣̇агамад̇хубааяаасзна баривиси. баривисанд̇ий жа ‘‘имасса мз бун̃н̃ассаанубхаавзна д̣̇иб̣б̣аг̇аж̇агуудааг̇аарабаллан̇гасобхид̇аа д̣̇иб̣б̣асамбад̇д̇ияо хонд̇у, саб̣б̣аасу бавад̇д̇ийсу бад̣̇умаа наама маа виг̇ад̇аа хонд̇уу’’д̇и бад̇т̇анам̣ агааси. буна т̇зрз гад̇абхад̇д̇агижжз бад̇д̇ам̣ д̇ховид̇ваа саббимад̇хусагкараахи буурзд̇ваа баллан̇гз ад̇т̇ад̇ам̣ саадагам̣ жумб̣адагам̣ гад̇ваа т̇зрасса хад̇т̇з табзд̇ваа т̇зрз жа анумод̣̇анам̣ гад̇ваа баггаманд̇з д̣̇вз бурисз аан̣аабзси ‘‘т̇зрасса хад̇т̇з бад̇д̇ам̣ иман̃жа баллан̇гам̣ вихаарам̣ нзд̇ваа т̇зрасса нияяаад̇зд̇ваа ааг̇ажчат̇аа’’д̇и. д̇з д̇ат̇аа агам̣су.
Athevaṃ katadānūpakaraṇasaṃvidhānā sīsaṃnhātā suddhavatthanivatthā suddhuttarāsaṅgā velaṃ sallakkhetvā ekaṃ dāsiṃ āṇāpesi ‘‘gaccha je, amhākaṃ tādisaṃ dakkhiṇeyyaṃ pariyesāhī’’ti. Tena ca samayena āyasmā sāriputto sahassathavikaṃ nikkhipanto viya rājagahe piṇḍāya caranto antaravīthiṃ paṭipanno hoti. Atha sā dāsī theraṃ vanditvā āha ‘‘bhante, tumhākaṃ pattaṃ me dethā’’ti. ‘‘Ekissā upāsikāya anuggahatthaṃ ito ethā’’ti ca āha. Thero tassā pattaṃ adāsi. Sā theraṃ gehaṃ pavesesi. Atha sā itthī therassa paccuggamanaṃ katvā āsanaṃ dassetvā ‘‘nisīdatha, bhante, idamāsanaṃ paññatta’’nti vatvā there tattha nisinne sakesarehi padumapattehi theraṃ pūjayamānā āsanassa samantato okiritvā pañcapatiṭṭhitena vanditvā sappimadhusakkharāsammissena appodakamadhupāyāsena parivisi. Parivisantī ca ‘‘imassa me puññassānubhāvena dibbagajakūṭāgārapallaṅkasobhitā dibbasampattiyo hontu, sabbāsu pavattīsu padumā nāma mā vigatā hontū’’ti patthanaṃ akāsi. Puna there katabhattakicce pattaṃ dhovitvā sappimadhusakkharāhi pūretvā pallaṅke atthataṃ sāṭakaṃ cumbaṭakaṃ katvā therassa hatthe ṭhapetvā there ca anumodanaṃ katvā pakkamante dve purise āṇāpesi ‘‘therassa hatthe pattaṃ imañca pallaṅkaṃ vihāraṃ netvā therassa niyyātetvā āgacchathā’’ti. Te tathā akaṃsu.
саа абарабхааг̇з гаалам̣ гад̇ваа д̇аавад̇им̣сабхаванз яож̇анасад̇уб̣б̣зд̇хз ганагавимаанз ниб̣б̣ад̇д̇и ажчараасахассабариваараа. бад̇т̇анаавасзна жассаа бан̃жаяож̇ануб̣б̣зд̇хо бад̣̇умамаалаалан̇гад̇о саманд̇ад̇о бад̣̇умабад̇д̇агин̃ж̇агкагзсаробасобхид̇о манун̃н̃ад̣̇ассано сукасампассо вивид̇харад̇анарам̣сиж̇ааласамуж̇ж̇алахзмаабхаран̣авибхуусид̇о г̇аж̇аваро ниб̣б̣ад̇д̇и. д̇ассуубари яат̇аавуд̇д̇асобхаад̇исаяаяуд̇д̇о яож̇аниго ганагабаллан̇го ниб̣б̣ад̇д̇и. саа д̣̇иб̣б̣асамбад̇д̇им̣ анубхаванд̇ий анд̇аранд̇араа д̇ам̣ гун̃ж̇аравимаанасса убари рад̇анавижид̇д̇ам̣ баллан̇гам̣ абхируяха махад̇аа д̣̇звад̇аанубхаавзна нанд̣̇анаванам̣ г̇ажчад̇и. ат̇згасмим̣ уссавад̣̇ивасз д̣̇звад̇аасу яат̇аасагам̣ д̣̇иб̣б̣аанубхаавзна уяяаанагийл̣анад̇т̇ам̣ нанд̣̇анаванам̣ г̇ажчанд̇ийсууд̇иаад̣̇инаа саб̣б̣ам̣ батамабийтавимаанаван̣н̣анааяам̣ ааг̇ад̇асад̣̇исам̣, д̇асмаа д̇ад̇т̇а вуд̇д̇анаязнзва взд̣̇ид̇аб̣б̣ам̣. ид̇ха бана т̇зро –
Sā aparabhāge kālaṃ katvā tāvatiṃsabhavane yojanasatubbedhe kanakavimāne nibbatti accharāsahassaparivārā. Patthanāvasena cassā pañcayojanubbedho padumamālālaṅkato samantato padumapattakiñjakkhakesaropasobhito manuññadassano sukhasamphasso vividharatanaraṃsijālasamujjalahemābharaṇavibhūsito gajavaro nibbatti. Tassūpari yathāvuttasobhātisayayutto yojaniko kanakapallaṅko nibbatti. Sā dibbasampattiṃ anubhavantī antarantarā taṃ kuñjaravimānassa upari ratanavicittaṃ pallaṅkaṃ abhiruyha mahatā devatānubhāvena nandanavanaṃ gacchati. Athekasmiṃ ussavadivase devatāsu yathāsakaṃ dibbānubhāvena uyyānakīḷanatthaṃ nandanavanaṃ gacchantīsūtiādinā sabbaṃ paṭhamapīṭhavimānavaṇṇanāyaṃ āgatasadisaṃ, tasmā tattha vuttanayeneva veditabbaṃ. Idha pana thero –
31.
31.
‘‘гун̃ж̇аро д̇з вараарохо, наанаарад̇анагаббано;
‘‘Kuñjaro te varāroho, nānāratanakappano;
ружиро т̇аамаваа ж̇авасамбанно, аагаасамхи самийхад̇и.
Ruciro thāmavā javasampanno, ākāsamhi samīhati.
32.
32.
‘‘бад̣̇уми бад̣̇мабад̇д̇агки, бад̣̇муббалаж̇уд̇инд̇харо;
‘‘Padumi padmapattakkhi, padmuppalajutindharo;
бад̣̇мажун̣н̣аабхигин̣н̣ан̇г̇о, сон̣н̣абогкарамаалад̇хаа.
Padmacuṇṇābhikiṇṇaṅgo, soṇṇapokkharamāladhā.
33.
33.
‘‘бад̣̇умаанусадам̣ маг̇г̇ам̣, бад̣̇мабад̇д̇авибхуусид̇ам̣;
‘‘Padumānusaṭaṃ maggaṃ, padmapattavibhūsitaṃ;
тид̇ам̣ ваг̇г̇у мануг̇гхаад̇ий, мид̇ам̣ г̇ажчад̇и вааран̣о.
Ṭhitaṃ vaggu manugghātī, mitaṃ gacchati vāraṇo.
34.
34.
‘‘д̇асса баггамамаанасса, сон̣н̣агам̣саа рад̇иссараа;
‘‘Tassa pakkamamānassa, soṇṇakaṃsā ratissarā;
д̇зсам̣ суяяад̇и ниг̇гхосо, д̇уурияз бан̃жан̇г̇игз яат̇аа.
Tesaṃ suyyati nigghoso, tūriye pañcaṅgike yathā.
35.
35.
‘‘д̇асса нааг̇асса канд̇хамхи, суживад̇т̇аа алан̇гад̇аа;
‘‘Tassa nāgassa khandhamhi, sucivatthā alaṅkatā;
маханд̇ам̣ ажчараасан̇гхам̣, ван̣н̣зна ад̇ирожаси.
Mahantaṃ accharāsaṅghaṃ, vaṇṇena atirocasi.
36.
36.
‘‘д̣̇аанасса д̇з ид̣̇ам̣ палам̣, ат̇о сийласса ваа бана;
‘‘Dānassa te idaṃ phalaṃ, atho sīlassa vā pana;
ат̇о ан̃ж̇алигаммасса, д̇ам̣ мз агкаахи бужчид̇аа’’д̇и. – ааха;
Atho añjalikammassa, taṃ me akkhāhi pucchitā’’ti. – āha;
31. д̇ад̇т̇а гун̃ж̇аро д̇з вараароход̇и гун̃ж̇з г̇ирид̇адз рамад̇и абхирамад̇и, д̇ад̇т̇а ваа равад̇и гон̃жанаад̣̇ам̣ над̣̇анд̇о вижарад̇и. гум̣ ваа бат̇авим̣ д̇ад̣̇абхигхаад̇зна ж̇араяад̇ийд̇и гун̃ж̇аро, г̇ирижараад̣̇ибхзд̣̇о мануссалогз хад̇т̇ий, аяам̣ бана гийл̣анагаалз гун̃ж̇арасад̣̇исад̇ааяа звам̣ вуд̇д̇о. ааруяхад̇ийд̇и аарохо, аароханийяод̇и ад̇т̇о. варо аг̇г̇о сздто аароход̇и вараарохо, уд̇д̇амаяаананд̇и вуд̇д̇ам̣ ход̇и. наанаарад̇анагаббанод̇и наанаавид̇хаани рад̇анаани зд̇зсанд̇и наанаарад̇анаа, гумбхаалан̇гаараад̣̇ихад̇т̇аалан̇гаараа. д̇зхи вихид̇о габбанно саннаахо яасса со наанаарад̇анагаббано. ружим̣ абхирад̇им̣ д̣̇зд̇ийд̇и ружиро, манун̃н̃од̇и ад̇т̇о. т̇аамаваад̇и т̇иро, б̣алаваад̇и ад̇т̇о. ж̇авасамбаннод̇и самбаннаж̇аво, сийгхаж̇авод̇и вуд̇д̇ам̣ ход̇и. аагаасамхи самийхад̇ийд̇и аагаасз анд̇алигкз саммаа ийхад̇и, аарул̣хаанам̣ кобхам̣ агаронд̇о жарад̇и г̇ажчад̇ийд̇и ад̇т̇о.
31. Tattha kuñjaro te varārohoti kuñje giritaṭe ramati abhiramati, tattha vā ravati koñcanādaṃ nadanto vicarati. Kuṃ vā pathaviṃ tadabhighātena jarayatīti kuñjaro, giricarādibhedo manussaloke hatthī, ayaṃ pana kīḷanakāle kuñjarasadisatāya evaṃ vutto. Āruyhatīti āroho, ārohanīyoti attho. Varo aggo seṭṭho ārohoti varāroho, uttamayānanti vuttaṃ hoti. Nānāratanakappanoti nānāvidhāni ratanāni etesanti nānāratanā, kumbhālaṅkārādihatthālaṅkārā. Tehi vihito kappanno sannāho yassa so nānāratanakappano. Ruciṃ abhiratiṃ detīti ruciro, manuññoti attho. Thāmavāti thiro, balavāti attho. Javasampannoti sampannajavo, sīghajavoti vuttaṃ hoti. Ākāsamhi samīhatīti ākāse antalikkhe sammā īhati, āruḷhānaṃ khobhaṃ akaronto carati gacchatīti attho.
32. бад̣̇умийд̇и бад̣̇умасамаанаван̣н̣ад̇ааяа ‘‘бад̣̇ума’’нд̇и лад̣̇д̇ханаамзна гумбхаван̣н̣зна саманнааг̇ад̇ад̇д̇аа бад̣̇умий. бад̣̇мабад̇д̇агкийд̇и гамалад̣̇аласад̣̇исанаяанз, аалабанамзд̇ам̣ д̇ассаа д̣̇звад̇ааяа. бад̣̇муббалаж̇уд̇инд̇харод̇и д̣̇иб̣б̣абад̣̇умуббаламаалаалан̇гад̇асарийрад̇ааяа д̇ахам̣ д̇ахам̣ вибпуранд̇ам̣ виж̇ж̇од̇амаанам̣ бад̣̇умуббалаж̇уд̇им̣ д̇хаарзд̇ийд̇и бад̣̇умуббалаж̇уд̇инд̇харо. бад̣̇мажун̣н̣аабхигин̣н̣ан̇г̇од̇и бад̣̇умабад̇д̇агин̃ж̇агкагзсарзхи саманд̇ад̇о огин̣н̣аг̇ад̇д̇о. сон̣н̣абогкарамаалад̇хаад̇и хзмамаяагамаламаалаабхаарий.
32.Padumīti padumasamānavaṇṇatāya ‘‘paduma’’nti laddhanāmena kumbhavaṇṇena samannāgatattā padumī. Padmapattakkhīti kamaladalasadisanayane, ālapanametaṃ tassā devatāya. Padmuppalajutindharoti dibbapadumuppalamālālaṅkatasarīratāya tahaṃ tahaṃ vipphurantaṃ vijjotamānaṃ padumuppalajutiṃ dhāretīti padumuppalajutindharo. Padmacuṇṇābhikiṇṇaṅgoti padumapattakiñjakkhakesarehi samantato okiṇṇagatto. Soṇṇapokkharamāladhāti hemamayakamalamālābhārī.
33. бад̣̇умаанусадам̣ маг̇г̇ам̣ бад̣̇мабад̇д̇авибхуусид̇анд̇и хад̇т̇ино бад̣̇анигкзбз бад̣̇анигкзбз д̇асса баад̣̇ам̣ санд̇хаарзнд̇зхи маханд̇зхи бад̣̇умзхи анусадам̣ виббагин̣н̣ам̣, наанаавирааг̇аван̣н̣зхи д̇зсам̣язва жа бад̇д̇зхи ид̇о жид̇о жа бариб̣бхаманд̇зхи висзсад̇о ман̣д̣ид̇ад̇ааяа вибхуусид̇ам̣ маг̇г̇ам̣ г̇ажчад̇ийд̇и яож̇анаа. тид̇анд̇и ид̣̇ам̣ маг̇г̇ависзсанам̣, бад̣̇умабад̇д̇авибхуусид̇ам̣ худ̇ваа тид̇ам̣ маг̇г̇анд̇и ад̇т̇о. ваг̇г̇ууд̇и жаару, гирияаависзсанан̃жзд̇ам̣, ма-гааро бад̣̇асанд̇хигаро. ануг̇гхаад̇ийд̇и на уг̇гхаад̇и, ад̇д̇ано убари нисиннаанам̣ ийсагамби кобхам̣ агаронд̇од̇и ад̇т̇о. мид̇анд̇и ниммид̇ам̣, нигкзбабад̣̇ам̣ вийд̇иггаманд̇и ад̇т̇о. аяан̃хзд̇т̇а ад̇т̇о ‘‘ваг̇г̇у жаару бад̣̇анигкзбам̣ гад̇ваа г̇ажчад̇ий’’д̇и. мид̇анд̇и ваа баримид̇ам̣ бамаан̣аяуд̇д̇ам̣, наад̇исийгхам̣, наад̇исан̣иганд̇и вуд̇д̇ам̣ ход̇и. вааран̣од̇и хад̇т̇ий. со хи бажжад̇т̇игавааран̣ад̇о г̇аманабариггилзсавааран̣ад̇о жа ‘‘вааран̣о’’д̇и вужжад̇и.
33.Padumānusaṭaṃ maggaṃ padmapattavibhūsitanti hatthino padanikkhepe padanikkhepe tassa pādaṃ sandhārentehi mahantehi padumehi anusaṭaṃ vippakiṇṇaṃ, nānāvirāgavaṇṇehi tesaṃyeva ca pattehi ito cito ca paribbhamantehi visesato maṇḍitatāya vibhūsitaṃ maggaṃ gacchatīti yojanā. Ṭhitanti idaṃ maggavisesanaṃ, padumapattavibhūsitaṃ hutvā ṭhitaṃ magganti attho. Vaggūti cāru, kiriyāvisesanañcetaṃ, ma-kāro padasandhikaro. Anugghātīti na ugghāti, attano upari nisinnānaṃ īsakampi khobhaṃ akarontoti attho. Mitanti nimmitaṃ, nikkhepapadaṃ vītikkamanti attho. Ayañhettha attho ‘‘vaggu cāru padanikkhepaṃ katvā gacchatī’’ti. Mitanti vā parimitaṃ pamāṇayuttaṃ, nātisīghaṃ, nātisaṇikanti vuttaṃ hoti. Vāraṇoti hatthī. So hi paccatthikavāraṇato gamanaparikkilesavāraṇato ca ‘‘vāraṇo’’ti vuccati.
34. д̇асса баггамамаанасса, сон̣н̣асам̣гаа рад̇иссараад̇и д̇асса яат̇аавуд̇д̇асса гун̃ж̇арасса г̇ажчанд̇асса сон̣н̣агам̣саа суван̣н̣амаяаа гхан̣даа рад̇иссараа раман̣ийяасад̣̇д̣̇аа манун̃н̃аниг̇гхосаа оламб̣анд̇ийд̇и ад̇хиббааяо. д̇асса хи гун̃ж̇арасса убхосу бассзсу махааголамб̣аббамаан̣аа ман̣имуд̇д̇аад̣̇икажид̇аа хзмамаяаа анзгасад̇аа маханд̇ияо гхан̣даа д̇ахам̣ д̇ахам̣ оламб̣амаанаа бажаланд̇и, яад̇о чзгзна г̇анд̇хаб̣б̣агзна баяуд̇д̇аваад̣̇ид̇ад̇о ад̇ивияа манохарасад̣̇д̣̇о нижчарад̇и . д̇знааха ‘‘д̇зсам̣ суяяад̇и ниг̇гхосо, д̇уурияз бан̃жан̇г̇игз яат̇аа’’д̇и. д̇ассад̇т̇о – яат̇аа наама аад̇ад̇ам̣ вид̇ад̇ам̣ аад̇ад̇авид̇ад̇ам̣ гханам̣ сусиранд̇и звам̣ бан̃жан̇г̇игз д̇уурияз гусалзхи ваад̣̇ияамаанз таануббад̇д̇ияаа манд̣̇ад̇ааравибхааг̇ам̣ д̣̇ассзнд̇зна г̇ааяанд̇зна самийрид̇о ваад̣̇ид̇асаро ваг̇г̇у раж̇анийяо ниг̇гхосо суяяад̇и, звам̣ д̇зсам̣ сован̣н̣агам̣саанам̣ д̇абанийяагхан̣даанам̣ ниг̇гхосо суяяад̇ийд̇и.
34.Tassapakkamamānassa, soṇṇasaṃkā ratissarāti tassa yathāvuttassa kuñjarassa gacchantassa soṇṇakaṃsā suvaṇṇamayā ghaṇṭā ratissarā ramaṇīyasaddā manuññanigghosā olambantīti adhippāyo. Tassa hi kuñjarassa ubhosu passesu mahākolambappamāṇā maṇimuttādikhacitā hemamayā anekasatā mahantiyo ghaṇṭā tahaṃ tahaṃ olambamānā pacalanti, yato chekena gandhabbakena payuttavāditato ativiya manoharasaddo niccharati . Tenāha ‘‘tesaṃ suyyati nigghoso, tūriye pañcaṅgike yathā’’ti. Tassattho – yathā nāma ātataṃ vitataṃ ātatavitataṃ ghanaṃ susiranti evaṃ pañcaṅgike tūriye kusalehi vādiyamāne ṭhānuppattiyā mandatāravibhāgaṃ dassentena gāyantena samīrito vāditasaro vaggu rajanīyo nigghoso suyyati, evaṃ tesaṃ sovaṇṇakaṃsānaṃ tapanīyaghaṇṭānaṃ nigghoso suyyatīti.
35. нааг̇ассаад̇и хад̇т̇инааг̇асса. маханд̇анд̇и самбад̇д̇имахад̇д̇знааби сан̇кяаамахад̇д̇знааби маханд̇ам̣. ажчараасан̇гханд̇и д̣̇зваган̃н̃аасамуухам̣. ван̣н̣знаад̇и руубзна.
35.Nāgassāti hatthināgassa. Mahantanti sampattimahattenāpi saṅkhyāmahattenāpi mahantaṃ. Accharāsaṅghanti devakaññāsamūhaṃ. Vaṇṇenāti rūpena.
36. д̣̇аанассаад̇и д̣̇аанамаяабун̃н̃асса. сийлассаад̇и гааяигасам̣вараад̣̇исам̣варасийласса. ваа-сад̣̇д̣̇о авуд̇д̇авигаббанад̇т̇о. д̇зна абхиваад̣̇анаад̣̇им̣ авуд̇д̇ам̣ жаарид̇д̇асийлам̣ сан̇г̇ан̣хаад̇и.
36.Dānassāti dānamayapuññassa. Sīlassāti kāyikasaṃvarādisaṃvarasīlassa. Vā-saddo avuttavikappanattho. Tena abhivādanādiṃ avuttaṃ cārittasīlaṃ saṅgaṇhāti.
звам̣ т̇зрзна бужчид̇аа саа д̣̇звад̇аа бан̃хам̣ виссаж̇ж̇зси, д̇амад̇т̇ам̣ д̣̇ассзд̇ум̣ –
Evaṃ therena pucchitā sā devatā pañhaṃ vissajjesi, tamatthaṃ dassetuṃ –
37.
37.
‘‘саа д̣̇звад̇аа ад̇д̇аманаа, мог̇г̇аллаанзна бужчид̇аа;
‘‘Sā devatā attamanā, moggallānena pucchitā;
бан̃хам̣ будтаа вияаагааси, яасса гаммассид̣̇ам̣ пала’’нд̇и. –
Pañhaṃ puṭṭhā viyākāsi, yassa kammassidaṃ phala’’nti. –
аяам̣ г̇аат̇аа д̇хаммасан̇г̇аахагзхи вуд̇д̇аа, д̇ассаа ад̇т̇о хздтаа вуд̇д̇о зва.
Ayaṃ gāthā dhammasaṅgāhakehi vuttā, tassā attho heṭṭhā vutto eva.
38.
38.
‘‘д̣̇исваана г̇ун̣асамбаннам̣, жхааяим̣ жхаанарад̇ам̣ сад̇ам̣;
‘‘Disvāna guṇasampannaṃ, jhāyiṃ jhānarataṃ sataṃ;
ад̣̇аасим̣ бубпаабхигин̣н̣ам̣, аасанам̣ д̣̇уссасант̇ад̇ам̣.
Adāsiṃ pupphābhikiṇṇaṃ, āsanaṃ dussasanthataṃ.
39.
39.
‘‘убад̣дхам̣ бад̣̇мамаалаахам̣, аасанасса саманд̇ад̇о;
‘‘Upaḍḍhaṃ padmamālāhaṃ, āsanassa samantato;
аб̣бхогириссам̣ бад̇д̇зхи, басаннаа сзхи баан̣ибхи.
Abbhokirissaṃ pattehi, pasannā sehi pāṇibhi.
40.
40.
‘‘д̇асса гаммагусаласса, ид̣̇ам̣ мз ийд̣̇исам̣ палам̣;
‘‘Tassa kammakusalassa, idaṃ me īdisaṃ phalaṃ;
саггааро г̇аругааро жа, д̣̇зваанам̣ абажид̇аа ахам̣.
Sakkāro garukāro ca, devānaṃ apacitā ahaṃ.
41.
41.
‘‘яо вз саммаавимуд̇д̇аанам̣, санд̇аанам̣ б̣рахмажааринам̣;
‘‘Yo ve sammāvimuttānaṃ, santānaṃ brahmacārinaṃ;
басанно аасанам̣ д̣̇аж̇ж̇аа, звам̣ нанд̣̇з яат̇аа ахам̣.
Pasanno āsanaṃ dajjā, evaṃ nande yathā ahaṃ.
42.
42.
‘‘д̇асмаа хи ад̇д̇агаамзна, махад̇д̇амабхиган̇кад̇аа;
‘‘Tasmā hi attakāmena, mahattamabhikaṅkhatā;
аасанам̣ д̣̇аад̇аб̣б̣ам̣ ход̇и, сарийранд̇имад̇хаарина’’нд̇и. – д̣̇звад̇ааяа вуд̇д̇аг̇аат̇аа;
Āsanaṃ dātabbaṃ hoti, sarīrantimadhārina’’nti. – devatāya vuttagāthā;
38. д̇ад̇т̇а г̇ун̣асамбаннанд̇и саб̣б̣зхи саавагаг̇ун̣зхи саманнааг̇ад̇ам̣, д̇зхи ваа барибун̣н̣ам̣. зд̇зна саавагабаарамин̃аан̣асса мад̇т̇агаббад̇д̇им̣ д̣̇ассзд̇и. жхааяинд̇и аарамман̣уубаниж̇жхаанам̣ лагкан̣уубаниж̇жхаананд̇и д̣̇увид̇хзнааби жхаанзна жхааяанасийлам̣, д̇зна ваа жхаабзд̇аб̣б̣ам̣ саб̣б̣асам̣гилзсабагкам̣ жхаабзд̇ваа тид̇ам̣. д̇ад̇о зва жхаанз рад̇анд̇и жхаанарад̇ам̣. сад̇анд̇и самаанам̣, санд̇ам̣ ваа, саббурисанд̇и ад̇т̇о. бубпаабхигин̣н̣анд̇и бубпзхи абхигин̣н̣ам̣, гамалад̣̇алзхи абхиббагин̣н̣анд̇и ад̇т̇о. д̣̇уссасант̇ад̇анд̇и вад̇т̇зна убари ад̇т̇ад̇ам̣.
38. Tattha guṇasampannanti sabbehi sāvakaguṇehi samannāgataṃ, tehi vā paripuṇṇaṃ. Etena sāvakapāramiñāṇassa matthakappattiṃ dasseti. Jhāyinti ārammaṇūpanijjhānaṃ lakkhaṇūpanijjhānanti duvidhenāpi jhānena jhāyanasīlaṃ, tena vā jhāpetabbaṃ sabbasaṃkilesapakkhaṃ jhāpetvā ṭhitaṃ. Tato eva jhāne ratanti jhānarataṃ. Satanti samānaṃ, santaṃ vā, sappurisanti attho. Pupphābhikiṇṇanti pupphehi abhikiṇṇaṃ, kamaladalehi abhippakiṇṇanti attho. Dussasanthatanti vatthena upari atthataṃ.
39. убад̣дхам̣ бад̣̇мамаалааханд̇и убад̣дхам̣ бад̣̇умабубпам̣ ахам̣. аасанасса саманд̇ад̇од̇и т̇зрзна нисиннасса аасанасса саманд̇аа бхуумияам̣. аб̣бхогириссанд̇и абхиогирим̣ абхиббагирим̣. гат̇ам̣? бад̇д̇зхийд̇и, д̇асса убад̣дхабад̣̇умасса висум̣ висум̣ гад̇зхи бад̇д̇зхи бубпавассаабхивассанаганияаамзна огиринд̇и ад̇т̇о.
39.Upaḍḍhaṃ padmamālāhanti upaḍḍhaṃ padumapupphaṃ ahaṃ. Āsanassa samantatoti therena nisinnassa āsanassa samantā bhūmiyaṃ. Abbhokirissanti abhiokiriṃ abhippakiriṃ. Kathaṃ? Pattehīti, tassa upaḍḍhapadumassa visuṃ visuṃ katehi pattehi pupphavassābhivassanakaniyāmena okirinti attho.
40. ид̣̇ам̣ мз ийд̣̇исам̣ паланд̇и иминаа ‘‘гун̃ж̇аро д̇з вараарохо’’д̇иаад̣̇инаа т̇зрзна г̇ахид̇ам̣ аг̇г̇ахид̇ан̃жа ааяуяасасукаруубаад̣̇ибхзд̣̇ам̣ ад̇д̇ано д̣̇иб̣б̣асамбад̇д̇им̣ згад̇о д̣̇ассзд̇ваа бунаби т̇зрзна аг̇г̇ахид̇амзва ад̇д̇ано аанубхаавасамбад̇д̇им̣ д̣̇ассзд̇ум̣ ‘‘саггааро г̇аругааро’’д̇иаад̣̇имааха. д̇зна ‘‘на гзвалам̣ бханд̇з д̇умхзхи яат̇аавуд̇д̇амзва ид̇ха маяхам̣ бун̃н̃апалам̣, абижа ко ид̣̇ам̣ д̣̇иб̣б̣ам̣ аад̇хибад̇зяяамбий’’д̇и д̣̇ассзд̇и. д̇ад̇т̇а саггаарод̇и аад̣̇арагирияаа, д̣̇звзхи ад̇д̇ано саггаад̇аб̣б̣ад̇аад̇и ад̇т̇о. д̇ат̇аа г̇аругаарод̇и г̇аругаад̇аб̣б̣ад̇аа. д̣̇зваананд̇и д̣̇звзхи. абажид̇аад̇и бууж̇ид̇аа.
40.Idaṃ me īdisaṃ phalanti iminā ‘‘kuñjaro te varāroho’’tiādinā therena gahitaṃ aggahitañca āyuyasasukharūpādibhedaṃ attano dibbasampattiṃ ekato dassetvā punapi therena aggahitameva attano ānubhāvasampattiṃ dassetuṃ ‘‘sakkāro garukāro’’tiādimāha. Tena ‘‘na kevalaṃ bhante tumhehi yathāvuttameva idha mayhaṃ puññaphalaṃ, apica kho idaṃ dibbaṃ ādhipateyyampī’’ti dasseti. Tattha sakkāroti ādarakiriyā, devehi attano sakkātabbatāti attho. Tathā garukāroti garukātabbatā. Devānanti devehi. Apacitāti pūjitā.
41. саммаавимуд̇д̇аананд̇и судту вимуд̇д̇аанам̣ саб̣б̣асам̣гилзсаббахааяийнам̣. санд̇аананд̇и санд̇агааяаважийманогаммаанам̣ саад̇хуунам̣. маг̇г̇аб̣рахмажарияасса жа саасанаб̣рахмажарияасса жа жин̣н̣ад̇д̇аа б̣рахмажааринам̣. басанно аасанам̣ д̣̇аж̇ж̇аад̇и гаммапаласад̣̇д̇хааяа рад̇анад̇д̇аяасад̣̇д̇хааяа жа басаннамаанасо худ̇ваа яад̣̇и аасанамад̇д̇амби д̣̇ад̣̇зяяа. звам̣ нанд̣̇з яат̇аа аханд̇и яат̇аа ахам̣ д̇зна аасанад̣̇аанзна зд̇арахи нанд̣̇аами мод̣̇аами, звамзва ан̃н̃оби нанд̣̇зяяа мод̣̇зяяа.
41.Sammāvimuttānanti suṭṭhu vimuttānaṃ sabbasaṃkilesappahāyīnaṃ. Santānanti santakāyavacīmanokammānaṃ sādhūnaṃ. Maggabrahmacariyassa ca sāsanabrahmacariyassa ca ciṇṇattā brahmacārinaṃ. Pasanno āsanaṃ dajjāti kammaphalasaddhāya ratanattayasaddhāya ca pasannamānaso hutvā yadi āsanamattampi dadeyya. Evaṃ nande yathā ahanti yathā ahaṃ tena āsanadānena etarahi nandāmi modāmi, evameva aññopi nandeyya modeyya.
42. д̇асмаад̇и д̇зна гааран̣зна. хи-сад̣̇д̣̇о нибаад̇амад̇д̇ам̣. ад̇д̇агаамзнаад̇и ад̇д̇ано хид̇агаамзна. яо хи ад̇д̇ано хид̇аавахам̣ гаммам̣ гарод̇и, на ахид̇аавахам̣, со ад̇д̇агаамо. махад̇д̇анд̇и вибаагамахад̇д̇ам̣. сарийранд̇имад̇хааринанд̇и анд̇имам̣ д̣̇зхам̣ д̇хаарзнд̇аанам̣, кийн̣аасаваананд̇и ад̇т̇о. аяан̃хзд̇т̇а ад̇т̇о – яасмаа арахад̇ам̣ аасанад̣̇аанзна ахам̣ звам̣ д̣̇иб̣б̣асамбад̇д̇ияаа мод̣̇аами, д̇асмаа ан̃н̃знааби ад̇д̇ано абхивуд̣̇д̇хим̣ бад̇т̇аяамаанзна анд̇имасамуссаяз тид̇аанам̣ аасанам̣ д̣̇аад̇аб̣б̣ам̣, над̇т̇и д̇аад̣̇исам̣ бун̃н̃анд̇и д̣̇ассзд̇и. д̇зсам̣ вуд̇д̇асад̣̇исамзваад̇и.
42.Tasmāti tena kāraṇena. Hi-saddo nipātamattaṃ. Attakāmenāti attano hitakāmena. Yo hi attano hitāvahaṃ kammaṃ karoti, na ahitāvahaṃ, so attakāmo. Mahattanti vipākamahattaṃ. Sarīrantimadhārinanti antimaṃ dehaṃ dhārentānaṃ, khīṇāsavānanti attho. Ayañhettha attho – yasmā arahataṃ āsanadānena ahaṃ evaṃ dibbasampattiyā modāmi, tasmā aññenāpi attano abhivuddhiṃ patthayamānena antimasamussaye ṭhitānaṃ āsanaṃ dātabbaṃ, natthi tādisaṃ puññanti dasseti. Tesaṃ vuttasadisamevāti.
гун̃ж̇аравимаанаван̣н̣анаа нидтид̇аа.
Kuñjaravimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 5. гун̃ж̇аравимаанавад̇т̇у • 5. Kuñjaravimānavatthu
