Library / Tipiṭaka / ತಿಪಿಟಕ • Tipiṭaka / ವಿಮಾನವತ್ಥುಪಾಳಿ • Vimānavatthupāḷi |
೫. ಕುಞ್ಜರವಿಮಾನವತ್ಥು
5. Kuñjaravimānavatthu
೩೧.
31.
‘‘ಕುಞ್ಜರೋ ತೇ ವರಾರೋಹೋ, ನಾನಾರತನಕಪ್ಪನೋ।
‘‘Kuñjaro te varāroho, nānāratanakappano;
ರುಚಿರೋ ಥಾಮವಾ ಜವಸಮ್ಪನ್ನೋ, ಆಕಾಸಮ್ಹಿ ಸಮೀಹತಿ॥
Ruciro thāmavā javasampanno, ākāsamhi samīhati.
೩೨.
32.
೩೩.
33.
‘‘ಪದುಮಾನುಸಟಂ ಮಗ್ಗಂ, ಪದ್ಮಪತ್ತವಿಭೂಸಿತಂ॥
‘‘Padumānusaṭaṃ maggaṃ, padmapattavibhūsitaṃ.
ಠಿತಂ ವಗ್ಗುಮನುಗ್ಘಾತೀ, ಮಿತಂ ಗಚ್ಛತಿ ವಾರಣೋ॥
Ṭhitaṃ vaggumanugghātī, mitaṃ gacchati vāraṇo.
೩೪.
34.
‘‘ತಸ್ಸ ಪಕ್ಕಮಮಾನಸ್ಸ, ಸೋಣ್ಣಕಂಸಾ ರತಿಸ್ಸರಾ।
‘‘Tassa pakkamamānassa, soṇṇakaṃsā ratissarā;
ತೇಸಂ ಸುಯ್ಯತಿ ನಿಗ್ಘೋಸೋ, ತುರಿಯೇ ಪಞ್ಚಙ್ಗಿಕೇ ಯಥಾ॥
Tesaṃ suyyati nigghoso, turiye pañcaṅgike yathā.
೩೫.
35.
‘‘ತಸ್ಸ ನಾಗಸ್ಸ ಖನ್ಧಮ್ಹಿ, ಸುಚಿವತ್ಥಾ ಅಲಙ್ಕತಾ।
‘‘Tassa nāgassa khandhamhi, sucivatthā alaṅkatā;
ಮಹನ್ತಂ ಅಚ್ಛರಾಸಙ್ಘಂ, ವಣ್ಣೇನ ಅತಿರೋಚಸಿ॥
Mahantaṃ accharāsaṅghaṃ, vaṇṇena atirocasi.
೩೬.
36.
‘‘ದಾನಸ್ಸ ತೇ ಇದಂ ಫಲಂ, ಅಥೋ ಸೀಲಸ್ಸ ವಾ ಪನ।
‘‘Dānassa te idaṃ phalaṃ, atho sīlassa vā pana;
ಅಥೋ ಅಞ್ಜಲಿಕಮ್ಮಸ್ಸ, ತಂ ಮೇ ಅಕ್ಖಾಹಿ ಪುಚ್ಛಿತಾ’’ತಿ।
Atho añjalikammassa, taṃ me akkhāhi pucchitā’’ti;
೩೭.
37.
ಸಾ ದೇವತಾ ಅತ್ತಮನಾ, ಮೋಗ್ಗಲ್ಲಾನೇನ ಪುಚ್ಛಿತಾ।
Sā devatā attamanā, moggallānena pucchitā;
ಪಞ್ಹಂ ಪುಟ್ಠಾ ವಿಯಾಕಾಸಿ, ಯಸ್ಸ ಕಮ್ಮಸ್ಸಿದಂ ಫಲಂ॥
Pañhaṃ puṭṭhā viyākāsi, yassa kammassidaṃ phalaṃ.
೩೮.
38.
‘‘ದಿಸ್ವಾನ ಗುಣಸಮ್ಪನ್ನಂ, ಝಾಯಿಂ ಝಾನರತಂ ಸತಂ।
‘‘Disvāna guṇasampannaṃ, jhāyiṃ jhānarataṃ sataṃ;
ಅದಾಸಿಂ ಪುಪ್ಫಾಭಿಕಿಣ್ಣಂ, ಆಸನಂ ದುಸ್ಸಸನ್ಥತಂ॥
Adāsiṃ pupphābhikiṇṇaṃ, āsanaṃ dussasanthataṃ.
೩೯.
39.
‘‘ಉಪಡ್ಢಂ ಪದ್ಮಮಾಲಾಹಂ, ಆಸನಸ್ಸ ಸಮನ್ತತೋ।
‘‘Upaḍḍhaṃ padmamālāhaṃ, āsanassa samantato;
ಅಬ್ಭೋಕಿರಿಸ್ಸಂ ಪತ್ತೇಹಿ, ಪಸನ್ನಾ ಸೇಹಿ ಪಾಣಿಭಿ॥
Abbhokirissaṃ pattehi, pasannā sehi pāṇibhi.
೪೦.
40.
ಸಕ್ಕಾರೋ ಗರುಕಾರೋ ಚ, ದೇವಾನಂ ಅಪಚಿತಾ ಅಹಂ॥
Sakkāro garukāro ca, devānaṃ apacitā ahaṃ.
೪೧.
41.
‘‘ಯೋ ವೇ ಸಮ್ಮಾವಿಮುತ್ತಾನಂ, ಸನ್ತಾನಂ ಬ್ರಹ್ಮಚಾರಿನಂ।
‘‘Yo ve sammāvimuttānaṃ, santānaṃ brahmacārinaṃ;
ಪಸನ್ನೋ ಆಸನಂ ದಜ್ಜಾ, ಏವಂ ನನ್ದೇ ಯಥಾ ಅಹಂ॥
Pasanno āsanaṃ dajjā, evaṃ nande yathā ahaṃ.
೪೨.
42.
ಆಸನಂ ದಾತಬ್ಬಂ ಹೋತಿ, ಸರೀರನ್ತಿಮಧಾರಿನ’’ನ್ತಿ॥
Āsanaṃ dātabbaṃ hoti, sarīrantimadhārina’’nti.
ಕುಞ್ಜರವಿಮಾನಂ ಪಞ್ಚಮಂ।
Kuñjaravimānaṃ pañcamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ವಿಮಾನವತ್ಥು-ಅಟ್ಠಕಥಾ • Vimānavatthu-aṭṭhakathā / ೫. ಕುಞ್ಜರವಿಮಾನವಣ್ಣನಾ • 5. Kuñjaravimānavaṇṇanā