Library / Tipiṭaka / තිපිටක • Tipiṭaka / විමානවත්ථුපාළි • Vimānavatthupāḷi |
5. කුඤ්ජරවිමානවත්ථු
5. Kuñjaravimānavatthu
31.
31.
‘‘කුඤ්ජරො තෙ වරාරොහො, නානාරතනකප්පනො;
‘‘Kuñjaro te varāroho, nānāratanakappano;
රුචිරො ථාමවා ජවසම්පන්නො, ආකාසම්හි සමීහති.
Ruciro thāmavā javasampanno, ākāsamhi samīhati.
32.
32.
‘‘පදුමි පද්ම 1 පත්තක්ඛි, පද්මුප්පලජුතින්ධරො;
‘‘Padumi padma 2 pattakkhi, padmuppalajutindharo;
33.
33.
‘‘පදුමානුසටං මග්ගං, පද්මපත්තවිභූසිතං.
‘‘Padumānusaṭaṃ maggaṃ, padmapattavibhūsitaṃ.
ඨිතං වග්ගුමනුග්ඝාතී, මිතං ගච්ඡති වාරණො.
Ṭhitaṃ vaggumanugghātī, mitaṃ gacchati vāraṇo.
34.
34.
‘‘තස්ස පක්කමමානස්ස, සොණ්ණකංසා රතිස්සරා;
‘‘Tassa pakkamamānassa, soṇṇakaṃsā ratissarā;
තෙසං සුය්යති නිග්ඝොසො, තුරියෙ පඤ්චඞ්ගිකෙ යථා.
Tesaṃ suyyati nigghoso, turiye pañcaṅgike yathā.
35.
35.
‘‘තස්ස නාගස්ස ඛන්ධම්හි, සුචිවත්ථා අලඞ්කතා;
‘‘Tassa nāgassa khandhamhi, sucivatthā alaṅkatā;
මහන්තං අච්ඡරාසඞ්ඝං, වණ්ණෙන අතිරොචසි.
Mahantaṃ accharāsaṅghaṃ, vaṇṇena atirocasi.
36.
36.
‘‘දානස්ස තෙ ඉදං ඵලං, අථො සීලස්ස වා පන;
‘‘Dānassa te idaṃ phalaṃ, atho sīlassa vā pana;
අථො අඤ්ජලිකම්මස්ස, තං මෙ අක්ඛාහි පුච්ඡිතා’’ති;
Atho añjalikammassa, taṃ me akkhāhi pucchitā’’ti;
37.
37.
සා දෙවතා අත්තමනා, මොග්ගල්ලානෙන පුච්ඡිතා;
Sā devatā attamanā, moggallānena pucchitā;
පඤ්හං පුට්ඨා වියාකාසි, යස්ස කම්මස්සිදං ඵලං.
Pañhaṃ puṭṭhā viyākāsi, yassa kammassidaṃ phalaṃ.
38.
38.
‘‘දිස්වාන ගුණසම්පන්නං, ඣායිං ඣානරතං සතං;
‘‘Disvāna guṇasampannaṃ, jhāyiṃ jhānarataṃ sataṃ;
අදාසිං පුප්ඵාභිකිණ්ණං, ආසනං දුස්සසන්ථතං.
Adāsiṃ pupphābhikiṇṇaṃ, āsanaṃ dussasanthataṃ.
39.
39.
‘‘උපඩ්ඪං පද්මමාලාහං, ආසනස්ස සමන්තතො;
‘‘Upaḍḍhaṃ padmamālāhaṃ, āsanassa samantato;
අබ්භොකිරිස්සං පත්තෙහි, පසන්නා සෙහි පාණිභි.
Abbhokirissaṃ pattehi, pasannā sehi pāṇibhi.
40.
40.
සක්කාරො ගරුකාරො ච, දෙවානං අපචිතා අහං.
Sakkāro garukāro ca, devānaṃ apacitā ahaṃ.
41.
41.
‘‘යො වෙ සම්මාවිමුත්තානං, සන්තානං බ්රහ්මචාරිනං;
‘‘Yo ve sammāvimuttānaṃ, santānaṃ brahmacārinaṃ;
පසන්නො ආසනං දජ්ජා, එවං නන්දෙ යථා අහං.
Pasanno āsanaṃ dajjā, evaṃ nande yathā ahaṃ.
42.
42.
ආසනං දාතබ්බං හොති, සරීරන්තිමධාරින’’න්ති.
Āsanaṃ dātabbaṃ hoti, sarīrantimadhārina’’nti.
කුඤ්ජරවිමානං පඤ්චමං.
Kuñjaravimānaṃ pañcamaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / විමානවත්ථු-අට්ඨකථා • Vimānavatthu-aṭṭhakathā / 5. කුඤ්ජරවිමානවණ්ණනා • 5. Kuñjaravimānavaṇṇanā