| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[343] 3. гунд̇инийж̇аад̇агаван̣н̣анаа
[343] 3. Kuntinījātakavaṇṇanā
авасимха д̇авааг̇аарзд̇и ид̣̇ам̣ сад̇т̇аа ж̇зд̇аванз вихаранд̇о госаларан̃н̃о г̇зхз нивуд̇т̇ам̣ гунд̇инийсагун̣игам̣ аараб̣бха гат̇зси. саа гира ран̃н̃о д̣̇ууд̇зяяахааригаа ахоси. д̣̇вз бод̇агаабиссаа ад̇т̇и, рааж̇аа д̇ам̣ сагун̣игам̣ згасса ран̃н̃о бан̣н̣ам̣ г̇аахаабзд̇ваа бзсзси. д̇ассаа г̇ад̇агаалз рааж̇агулз д̣̇аарагаа д̇з сагун̣абод̇агз хад̇т̇зхи баримад̣̇д̣̇анд̇аа маарзсум̣. саа ааг̇анд̇ваа д̇з бод̇агз мад̇з бассанд̇ий ‘‘гзна мз буд̇д̇агаа маарид̇аа’’д̇и бужчи. ‘‘асугзна жа асугзна жаа’’д̇и. д̇асмин̃жа гаалз рааж̇агулз босааванигаб̣яаг̇гхо ад̇т̇и гагкал̣о парусо, б̣анд̇ханаб̣алзна д̇идтад̇и. ат̇а д̇з д̣̇аарагаа д̇ам̣ б̣яаг̇гхам̣ д̣̇ассанааяа аг̇амам̣су. сааби сагун̣игаа д̇зхи сад̣̇д̇хим̣ г̇анд̇ваа ‘‘яат̇аа имзхи мама буд̇д̇агаа маарид̇аа, д̇ат̇зва нз гариссаамий’’д̇и д̇з д̣̇аарагз г̇ахзд̇ваа б̣яаг̇гхасса баад̣̇амуулз киби, б̣яаг̇гхо мураамураабзд̇ваа каад̣̇и. саа ‘‘ид̣̇аани мз манорат̇о барибун̣н̣о’’д̇и уббад̇ид̇ваа химаванд̇амзва г̇ад̇аа. д̇ам̣ гааран̣ам̣ суд̇ваа бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, рааж̇агулз гира асугаа наама гунд̇иний сагун̣игаа яз хиссаа бод̇агаа маарид̇аа, д̇з д̣̇аарагз б̣яаг̇гхасса баад̣̇амуулз кибид̇ваа химаванд̇амзва г̇ад̇аа’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзсаа ад̇д̇ано бод̇агагхаад̇агз д̣̇аарагз г̇ахзд̇ваа б̣яаг̇гхасса баад̣̇амуулз кибид̇ваа химаванд̇амзва г̇ад̇аа’’д̇и вад̇ваа ад̇ийд̇ам̣ аахари.
Avasimha tavāgāreti idaṃ satthā jetavane viharanto kosalarañño gehe nivutthaṃ kuntinīsakuṇikaṃ ārabbha kathesi. Sā kira rañño dūteyyahārikā ahosi. Dve potakāpissā atthi, rājā taṃ sakuṇikaṃ ekassa rañño paṇṇaṃ gāhāpetvā pesesi. Tassā gatakāle rājakule dārakā te sakuṇapotake hatthehi parimaddantā māresuṃ. Sā āgantvā te potake mate passantī ‘‘kena me puttakā māritā’’ti pucchi. ‘‘Asukena ca asukena cā’’ti. Tasmiñca kāle rājakule posāvanikabyaggho atthi kakkhaḷo pharuso, bandhanabalena tiṭṭhati. Atha te dārakā taṃ byagghaṃ dassanāya agamaṃsu. Sāpi sakuṇikā tehi saddhiṃ gantvā ‘‘yathā imehi mama puttakā māritā, tatheva ne karissāmī’’ti te dārake gahetvā byagghassa pādamūle khipi, byaggho murāmurāpetvā khādi. Sā ‘‘idāni me manoratho paripuṇṇo’’ti uppatitvā himavantameva gatā. Taṃ kāraṇaṃ sutvā bhikkhū dhammasabhāyaṃ kathaṃ samuṭṭhāpesuṃ ‘‘āvuso, rājakule kira asukā nāma kuntinī sakuṇikā ye hissā potakā māritā, te dārake byagghassa pādamūle khipitvā himavantameva gatā’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesā attano potakaghātake dārake gahetvā byagghassa pādamūle khipitvā himavantameva gatā’’ti vatvā atītaṃ āhari.
ад̇ийд̇з б̣аараан̣асияам̣ б̣од̇хисад̇д̇о д̇хаммзна самзна раж̇ж̇ам̣ гаарзси. д̇асса нивзсанз згаа гунд̇иний сагун̣игаа д̣̇ууд̇зяяахааригаад̇и саб̣б̣ам̣ буримасад̣̇исамзва. аяам̣ бана висзсо. аяам̣ гунд̇иний б̣яаг̇гхзна д̣̇аарагз маараабзд̇ваа жинд̇зси ‘‘ид̣̇аани на саггаа маяаа ид̇ха васид̇ум̣, г̇амиссаами, г̇ажчанд̇ий жа бана ран̃н̃о анаарожзд̇ваа на г̇амиссаами, аарожзд̇ваава г̇амиссаамий’’д̇и. саа рааж̇аанам̣ убасан̇гамид̇ваа ванд̣̇ид̇ваа згаманд̇ам̣ тид̇аа ‘‘саами, д̇умхаагам̣ бамаад̣̇зна мама буд̇д̇агз д̣̇аарагаа маарзсум̣, ахам̣ год̇хавасигаа худ̇ваа д̇з д̣̇аарагз бадимаарзсим̣, ид̣̇аани маяаа ид̇ха васид̇ум̣ на саггаа’’д̇и вад̇ваа батамам̣ г̇аат̇амааха –
Atīte bārāṇasiyaṃ bodhisatto dhammena samena rajjaṃ kāresi. Tassa nivesane ekā kuntinī sakuṇikā dūteyyahārikāti sabbaṃ purimasadisameva. Ayaṃ pana viseso. Ayaṃ kuntinī byagghena dārake mārāpetvā cintesi ‘‘idāni na sakkā mayā idha vasituṃ, gamissāmi, gacchantī ca pana rañño anārocetvā na gamissāmi, ārocetvāva gamissāmī’’ti. Sā rājānaṃ upasaṅkamitvā vanditvā ekamantaṃ ṭhitā ‘‘sāmi, tumhākaṃ pamādena mama puttake dārakā māresuṃ, ahaṃ kodhavasikā hutvā te dārake paṭimāresiṃ, idāni mayā idha vasituṃ na sakkā’’ti vatvā paṭhamaṃ gāthamāha –
165.
165.
‘‘авасимха д̇авааг̇аарз, нижжам̣ саггад̇абууж̇ид̇аа,
‘‘Avasimha tavāgāre, niccaṃ sakkatapūjitā,
д̇вамзва д̣̇аанимагари, ханд̣̇а рааж̇а важ̇аамаха’’нд̇и.
Tvameva dānimakari, handa rāja vajāmaha’’nti.
д̇ад̇т̇а д̇вамзва д̣̇аанимагарийд̇и мам̣ бан̣н̣ам̣ г̇аахаабзд̇ваа бзсзд̇ваа ад̇д̇ано бамаад̣̇зна мама бияабуд̇д̇агз арагканд̇о д̇ван̃н̃зва ид̣̇аани зд̇ам̣ мама д̣̇оманассагааран̣ам̣ агари. ханд̣̇аад̇и вавассаг̇г̇ад̇т̇з нибаад̇о. рааж̇аад̇и б̣од̇хисад̇д̇ам̣ аалабад̇и. важ̇аамаханд̇и ахам̣ химаванд̇ам̣ г̇ажчаамийд̇и.
Tattha tvameva dānimakarīti maṃ paṇṇaṃ gāhāpetvā pesetvā attano pamādena mama piyaputtake arakkhanto tvaññeva idāni etaṃ mama domanassakāraṇaṃ akari. Handāti vavassaggatthe nipāto. Rājāti bodhisattaṃ ālapati. Vajāmahanti ahaṃ himavantaṃ gacchāmīti.
д̇ам̣ суд̇ваа рааж̇аа д̣̇уд̇ияам̣ г̇аат̇амааха –
Taṃ sutvā rājā dutiyaṃ gāthamāha –
166.
166.
‘‘яо вз гад̇з бадигад̇з, гиб̣б̣исз бадигиб̣б̣исз;
‘‘Yo ve kate paṭikate, kibbise paṭikibbise;
звам̣ д̇ам̣ саммад̇ий взрам̣, васа гунд̇ини мааг̇амаа’’д̇и.
Evaṃ taṃ sammatī veraṃ, vasa kuntini māgamā’’ti.
д̇ассад̇т̇о – яо буг̇г̇ало барзна гад̇з гиб̣б̣исз ад̇д̇ано буд̇д̇амааран̣аад̣̇игз д̣̇аарун̣з гаммз гад̇з буна ад̇д̇ано д̇асса буг̇г̇аласса бадигад̇з бадигиб̣б̣исз ‘‘бадигад̇ам̣ маяаа д̇ассаа’’д̇и ж̇аанаад̇и. звам̣ д̇ам̣ саммад̇ий взранд̇и зд̇д̇агзна д̇ам̣ взрам̣ саммад̇и вуубасанд̇ам̣ ход̇и, д̇асмаа васа гунд̇ини мааг̇амаад̇и.
Tassattho – yo puggalo parena kate kibbise attano puttamāraṇādike dāruṇe kamme kate puna attano tassa puggalassa paṭikate paṭikibbise ‘‘paṭikataṃ mayā tassā’’ti jānāti. Evaṃ taṃ sammatī veranti ettakena taṃ veraṃ sammati vūpasantaṃ hoti, tasmā vasa kuntini māgamāti.
д̇ам̣ суд̇ваа гунд̇иний д̇ад̇ияам̣ г̇аат̇амааха –
Taṃ sutvā kuntinī tatiyaṃ gāthamāha –
167.
167.
‘‘на гад̇асса жа гад̇д̇аа жа, мзд̇д̇и санд̇хийяад̇з буна;
‘‘Na katassa ca kattā ca, metti sandhīyate puna;
хад̣̇аяам̣ наануж̇аанаад̇и, г̇ажчан̃н̃зва рат̇зсабхаа’’д̇и.
Hadayaṃ nānujānāti, gacchaññeva rathesabhā’’ti.
д̇ад̇т̇а на гад̇асса жа гад̇д̇аа жаад̇и гад̇асса жа абхибхууд̇асса убабийл̣ид̇асса буг̇г̇аласса, ид̣̇аани вибхад̇д̇ивибарин̣аамам̣ гад̇ваа яо гад̇д̇аа д̇асса жаад̇и имзсам̣ д̣̇виннам̣ буг̇г̇алаанам̣ буна мид̇д̇абхааво наама на санд̇хийяад̇и на гхадийяад̇ийд̇и ад̇т̇о. хад̣̇аяам̣ наануж̇аанаад̇ийд̇и д̇зна гааран̣зна мама хад̣̇аяам̣ ид̇ха ваасам̣ наануж̇аанаад̇и. г̇ажчан̃н̃зва рат̇зсабхаад̇и д̇асмаа ахам̣ махаарааж̇а г̇амиссаамиязваад̇и.
Tattha na katassa ca kattā cāti katassa ca abhibhūtassa upapīḷitassa puggalassa, idāni vibhattivipariṇāmaṃ katvā yo kattā tassa cāti imesaṃ dvinnaṃ puggalānaṃ puna mittabhāvo nāma na sandhīyati na ghaṭīyatīti attho. Hadayaṃ nānujānātīti tena kāraṇena mama hadayaṃ idha vāsaṃ nānujānāti. Gacchaññeva rathesabhāti tasmā ahaṃ mahārāja gamissāmiyevāti.
д̇ам̣ суд̇ваа рааж̇аа жад̇уд̇т̇ам̣ г̇аат̇амааха –
Taṃ sutvā rājā catutthaṃ gāthamāha –
168.
168.
‘‘гад̇асса жзва гад̇д̇аа жа, мзд̇д̇и санд̇хийяад̇з буна;
‘‘Katassa ceva kattā ca, metti sandhīyate puna;
д̇хийраанам̣ но жа б̣аалаанам̣, васа гунд̇ини мааг̇амаа’’д̇и.
Dhīrānaṃ no ca bālānaṃ, vasa kuntini māgamā’’ti.
д̇ассад̇т̇о – гад̇асса жзва буг̇г̇аласса, яо жа гад̇д̇аа д̇асса мзд̇д̇и санд̇хийяад̇з буна, саа бана д̇хийраанам̣, но жа б̣аалаанам̣. д̇хийраанан̃хи мзд̇д̇и бхиннааби буна гхадийяад̇и, б̣аалаанам̣ бана сагим̣ бхиннаа бхиннаава ход̇и, д̇асмаа васа гунд̇ини мааг̇амаад̇и.
Tassattho – katassa ceva puggalassa, yo ca kattā tassa metti sandhīyate puna, sā pana dhīrānaṃ, no ca bālānaṃ. Dhīrānañhi metti bhinnāpi puna ghaṭīyati, bālānaṃ pana sakiṃ bhinnā bhinnāva hoti, tasmā vasa kuntini māgamāti.
сагун̣игаа ‘‘звам̣ санд̇зби на саггаа маяаа ид̇ха васид̇ум̣ саамий’’д̇и рааж̇аанам̣ ванд̣̇ид̇ваа уббад̇ид̇ваа химаванд̇амзва г̇ад̇аа.
Sakuṇikā ‘‘evaṃ santepi na sakkā mayā idha vasituṃ sāmī’’ti rājānaṃ vanditvā uppatitvā himavantameva gatā.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гунд̇инийязва зд̇арахи гунд̇иний ахоси, б̣аараан̣асирааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kuntinīyeva etarahi kuntinī ahosi, bārāṇasirājā pana ahameva ahosi’’nti.
гунд̇инийж̇аад̇агаван̣н̣анаа д̇ад̇ияаа.
Kuntinījātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 343. гунд̇инийж̇аад̇агам̣ • 343. Kuntinījātakaṃ
