| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༧. ཀཱུཔངྒཔཉྷོ
7. Kūpaṅgapañho
༧. ‘‘བྷནྟེ ནཱགསེན, ‘ཀཱུཔསྶ ཨེཀཾ ཨངྒཾ གཧེཏབྦ’ནྟི ཡཾ ཝདེསི, ཀཏམཾ ཏཾ ཨེཀཾ ཨངྒཾ གཧེཏབྦ’’ནྟི? ‘‘ཡཐཱ, མཧཱརཱཛ, ཀཱུཔོ རཛྫུཉྩ ཝརཏྟཉྩ ལངྐཱརཉྩ དྷཱརེཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན སཏིསམྤཛཉྙསམནྣཱགཏེན བྷཝིཏབྦཾ, ཨབྷིཀྐནྟེ པཊིཀྐནྟེ ཨཱལོཀིཏེ ཝིལོཀིཏེ སམིཉྫིཏེ པསཱརིཏེ སངྒྷཱཊིཔཏྟཙཱིཝརདྷཱརཎེ ཨསིཏེ པཱིཏེ ཁཱཡིཏེ སཱཡིཏེ ཨུཙྩཱརཔསྶཱཝཀམྨེ གཏེ ཋིཏེ ནིསིནྣེ སུཏྟེ ཛཱགརིཏེ བྷཱསིཏེ ཏུཎྷཱིབྷཱཝེ སམྤཛཱནཀཱརིནཱ བྷཝིཏབྦཾ། ཨིདཾ, མཧཱརཱཛ, ཀཱུཔསྶ ཨེཀཾ ཨངྒཾ གཧེཏབྦཾ། བྷཱསིཏམྤེཏཾ, མཧཱརཱཛ, བྷགཝཏཱ དེཝཱཏིདེཝེན ‘སཏོ, བྷིཀྑཝེ, བྷིཀྑུ ཝིཧརེཡྻ སམྤཛཱནོ, ཨཡཾ ཝོ ཨམྷཱཀཾ ཨནུསཱསནཱི’’’ཏི།
7. ‘‘Bhante nāgasena, ‘kūpassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, kūpo rajjuñca varattañca laṅkārañca dhāreti, evameva kho, mahārāja, yoginā yogāvacarena satisampajaññasamannāgatena bhavitabbaṃ, abhikkante paṭikkante ālokite vilokite samiñjite pasārite saṅghāṭipattacīvaradhāraṇe asite pīte khāyite sāyite uccārapassāvakamme gate ṭhite nisinne sutte jāgarite bhāsite tuṇhībhāve sampajānakārinā bhavitabbaṃ. Idaṃ, mahārāja, kūpassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena ‘sato, bhikkhave, bhikkhu vihareyya sampajāno, ayaṃ vo amhākaṃ anusāsanī’’’ti.
ཀཱུཔངྒཔཉྷོ སཏྟམོ།
Kūpaṅgapañho sattamo.
