| Library / Tipiṭaka / ਤਿਪਿਟਕ • Tipiṭaka / ਚਰਿਯਾਪਿਟਕਪਾਲ਼ਿ • Cariyāpiṭakapāḷi |
੩. ਕੁਰੁਰਾਜਚਰਿਯਾ
3. Kururājacariyā
੨੦.
20.
ਰਾਜਾ ਧਨਞ੍ਚਯੋ ਨਾਮ, ਕੁਸਲੇ ਦਸਹੁਪਾਗਤੋ॥
Rājā dhanañcayo nāma, kusale dasahupāgato.
੨੧.
21.
‘‘ਕਲਿਙ੍ਗਰਟ੍ਠવਿਸਯਾ, ਬ੍ਰਾਹ੍ਮਣਾ ਉਪਗਞ੍ਛੁ ਮਂ।
‘‘Kaliṅgaraṭṭhavisayā, brāhmaṇā upagañchu maṃ;
ਆਯਾਚੁਂ ਮਂ ਹਤ੍ਥਿਨਾਗਂ, ਧਞ੍ਞਂ ਮਙ੍ਗਲਸਮ੍ਮਤਂ॥
Āyācuṃ maṃ hatthināgaṃ, dhaññaṃ maṅgalasammataṃ.
੨੨.
22.
‘‘‘ਅવੁਟ੍ਠਿਕੋ ਜਨਪਦੋ, ਦੁਬ੍ਭਿਕ੍ਖੋ ਛਾਤਕੋ ਮਹਾ।
‘‘‘Avuṭṭhiko janapado, dubbhikkho chātako mahā;
ਦਦਾਹਿ ਪવਰਂ ਨਾਗਂ, ਨੀਲਂ ਅਞ੍ਜਨਸવ੍ਹਯਂ॥
Dadāhi pavaraṃ nāgaṃ, nīlaṃ añjanasavhayaṃ.
੨੩.
23.
‘‘‘ਨ ਮੇ ਯਾਚਕਮਨੁਪ੍ਪਤ੍ਤੇ, ਪਟਿਕ੍ਖੇਪੋ ਅਨੁਚ੍ਛવੋ।
‘‘‘Na me yācakamanuppatte, paṭikkhepo anucchavo;
ਮਾ ਮੇ ਭਿਜ੍ਜਿ ਸਮਾਦਾਨਂ, ਦਸ੍ਸਾਮਿ વਿਪੁਲਂ ਗਜਂ’॥
Mā me bhijji samādānaṃ, dassāmi vipulaṃ gajaṃ’.
੨੪.
24.
ਜਲਂ ਹਤ੍ਥੇ ਆਕਿਰਿਤ੍વਾ, ਬ੍ਰਾਹ੍ਮਣਾਨਂ ਅਦਂ ਗਜਂ॥
Jalaṃ hatthe ākiritvā, brāhmaṇānaṃ adaṃ gajaṃ.
੨੫.
25.
‘‘ਤਸ੍ਸ ਨਾਗੇ ਪਦਿਨ੍ਨਮ੍ਹਿ, ਅਮਚ੍ਚਾ ਏਤਦਬ੍ਰવੁਂ।
‘‘Tassa nāge padinnamhi, amaccā etadabravuṃ;
‘ਕਿਂ ਨੁ ਤੁਯ੍ਹਂ વਰਂ ਨਾਗਂ, ਯਾਚਕਾਨਂ ਪਦਸ੍ਸਸਿ॥
‘Kiṃ nu tuyhaṃ varaṃ nāgaṃ, yācakānaṃ padassasi.
੨੬.
26.
‘‘‘ਧਞ੍ਞਂ ਮਙ੍ਗਲਸਮ੍ਪਨ੍ਨਂ, ਸਙ੍ਗਾਮવਿਜਯੁਤ੍ਤਮਂ।
‘‘‘Dhaññaṃ maṅgalasampannaṃ, saṅgāmavijayuttamaṃ;
ਤਸ੍ਮਿਂ ਨਾਗੇ ਪਦਿਨ੍ਨਮ੍ਹਿ, ਕਿਂ ਤੇ ਰਜ੍ਜਂ ਕਰਿਸ੍ਸਤਿ॥
Tasmiṃ nāge padinnamhi, kiṃ te rajjaṃ karissati.
੨੭.
27.
‘‘‘ਰਜ੍ਜਮ੍ਪਿ ਮੇ ਦਦੇ ਸਬ੍ਬਂ, ਸਰੀਰਂ ਦਜ੍ਜਮਤ੍ਤਨੋ।
‘‘‘Rajjampi me dade sabbaṃ, sarīraṃ dajjamattano;
ਸਬ੍ਬਞ੍ਞੁਤਂ ਪਿਯਂ ਮਯ੍ਹਂ, ਤਸ੍ਮਾ ਨਾਗਂ ਅਦਾਸਹ’’’ਨ੍ਤਿ॥
Sabbaññutaṃ piyaṃ mayhaṃ, tasmā nāgaṃ adāsaha’’’nti.
ਕੁਰੁਰਾਜਚਰਿਯਂ ਤਤਿਯਂ।
Kururājacariyaṃ tatiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਚਰਿਯਾਪਿਟਕ-ਅਟ੍ਠਕਥਾ • Cariyāpiṭaka-aṭṭhakathā / ੩. ਕੁਰੁਰਾਜਚਰਿਯਾવਣ੍ਣਨਾ • 3. Kururājacariyāvaṇṇanā
