| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
குஸசீராதி³படிக்கே²பகதா²
Kusacīrādipaṭikkhepakathā
371. குஸசீராதீ³ஸு அக்கனாளந்தி அக்கனாளமயங். பொத்த²கோதி மகசிமயோ வுச்சதி. ஸேஸானி பட²மபாராஜிகவண்ணனாயங் வுத்தானி. தேஸு பொத்த²கே ஏவ து³க்கடங். ஸேஸேஸு து²ல்லச்சயானீதி. அக்கது³ஸ்ஸகத³லிது³ஸ்ஸஏரகது³ஸ்ஸானி பன பொத்த²கக³திகானேவ.
371. Kusacīrādīsu akkanāḷanti akkanāḷamayaṃ. Potthakoti makacimayo vuccati. Sesāni paṭhamapārājikavaṇṇanāyaṃ vuttāni. Tesu potthake eva dukkaṭaṃ. Sesesu thullaccayānīti. Akkadussakadalidussaerakadussāni pana potthakagatikāneva.
372. ஸப்³ப³னீலகாதீ³னி ரஜனங் தோ⁴வித்வா புன ரஜித்வா தா⁴ரேதப்³பா³னி. ந ஸக்கா சே ஹொந்தி தோ⁴விதுங், பச்சத்த²ரணானி வா காதப்³பா³னி. து³பட்டசீவரஸ்ஸ வா மஜ்ஜே² தா³தப்³பா³னி. தேஸங் வண்ணனானத்தங் உபாஹனாஸு வுத்தனயமேவ. அச்சி²ன்னத³ஸதீ³க⁴த³ஸானி த³ஸா சி²ந்தி³த்வா தா⁴ரேதப்³பா³னி. கஞ்சுகங் லபி⁴த்வா பா²லெத்வா ரஜித்வா பரிபு⁴ஞ்ஜிதுங் வட்டதி. வேட²னேபி ஏஸேவ நயோ. திரீடகங் பன ருக்க²ச²ல்லிமயங்; தங் பாத³புஞ்ச²னங் காதுங் வட்டதி.
372. Sabbanīlakādīni rajanaṃ dhovitvā puna rajitvā dhāretabbāni. Na sakkā ce honti dhovituṃ, paccattharaṇāni vā kātabbāni. Dupaṭṭacīvarassa vā majjhe dātabbāni. Tesaṃ vaṇṇanānattaṃ upāhanāsu vuttanayameva. Acchinnadasadīghadasāni dasā chinditvā dhāretabbāni. Kañcukaṃ labhitvā phāletvā rajitvā paribhuñjituṃ vaṭṭati. Veṭhanepi eseva nayo. Tirīṭakaṃ pana rukkhachallimayaṃ; taṃ pādapuñchanaṃ kātuṃ vaṭṭati.
374. பதிரூபே கா³ஹகேதி ஸசே கோசி பி⁴க்கு² ‘‘அஹங் தஸ்ஸ க³ண்ஹாமீ’’தி க³ண்ஹாதி, தா³தப்³ப³ந்தி அத்தோ². ஏவமேதேஸு தேவீஸதியா புக்³க³லேஸு ஸோளஸ ஜனா ந லப⁴ந்தி, ஸத்த ஜனா லப⁴ந்தீதி.
374.Patirūpe gāhaketi sace koci bhikkhu ‘‘ahaṃ tassa gaṇhāmī’’ti gaṇhāti, dātabbanti attho. Evametesu tevīsatiyā puggalesu soḷasa janā na labhanti, satta janā labhantīti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
227. குஸசீராதி³படிக்கே²பகதா² • 227. Kusacīrādipaṭikkhepakathā
228. ஸப்³ப³னீலகாதி³படிக்கே²பகதா² • 228. Sabbanīlakādipaṭikkhepakathā
229. வஸ்ஸங்வுட்டா²னங் அனுப்பன்னசீவரகதா² • 229. Vassaṃvuṭṭhānaṃ anuppannacīvarakathā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / மதஸந்தககதா²தி³வண்ணனா • Matasantakakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 227. குஸசீராதி³படிக்கே²பகதா² • 227. Kusacīrādipaṭikkhepakathā
