| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
227. гусажийраад̣̇ибадигкзбагат̇аа
227. Kusacīrādipaṭikkhepakathā
371. д̇зна ко бана самаязна ан̃н̃ад̇аро бхигку гусажийрам̣ ниваасзд̇ваа…бз… ваагажийрам̣ ниваасзд̇ваа…бз… палагажийрам̣ ниваасзд̇ваа…бз… гзсагамб̣алам̣ ниваасзд̇ваа…бз… ваал̣агамб̣алам̣ ниваасзд̇ваа…бз… улуугабагкам̣ ниваасзд̇ваа…бз… аж̇инагкибам̣ ниваасзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ зд̇ад̣̇авожа – ‘‘бхаг̇аваа, бханд̇з, анзгабарияааязна аббижчасса санд̇удтасса саллзкасса д̇худ̇асса баасаад̣̇игасса абажаяасса вийрияаарамбхасса ван̣н̣аваад̣̇ий. ид̣̇ам̣, бханд̇з, аж̇инагкибам̣ анзгабарияааязна аббижчад̇ааяа санд̇удтид̇ааяа саллзкааяа д̇худ̇ад̇ааяа баасаад̣̇игад̇ааяа абажаяааяа вийрияаарамбхааяа сам̣вад̇д̇ад̇и. саад̇ху, бханд̇з , бхаг̇аваа бхигкуунам̣ аж̇инагкибам̣ ануж̇аанаад̇уу’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣, могхабуриса, анануломигам̣ аббад̇ируубам̣ ассааман̣агам̣ агаббияам̣ агаран̣ийяам̣. гат̇ан̃хи наама д̇вам̣, могхабуриса, аж̇инагкибам̣ д̇ид̇т̇ияад̇хаж̇ам̣ д̇хаарзссаси. нзд̇ам̣, могхабуриса, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, аж̇инагкибам̣ д̇ид̇т̇ияад̇хаж̇ам̣ д̇хаарзд̇аб̣б̣ам̣. яо д̇хаарзяяа, аабад̇д̇и т̇уллажжаяассаа’’д̇и.
371. Tena kho pana samayena aññataro bhikkhu kusacīraṃ nivāsetvā…pe… vākacīraṃ nivāsetvā…pe… phalakacīraṃ nivāsetvā…pe… kesakambalaṃ nivāsetvā…pe… vāḷakambalaṃ nivāsetvā…pe… ulūkapakkhaṃ nivāsetvā…pe… ajinakkhipaṃ nivāsetvā yena bhagavā tenupasaṅkami; upasaṅkamitvā bhagavantaṃ etadavoca – ‘‘bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇavādī. Idaṃ, bhante, ajinakkhipaṃ anekapariyāyena appicchatāya santuṭṭhitāya sallekhāya dhutatāya pāsādikatāya apacayāya vīriyārambhāya saṃvattati. Sādhu, bhante , bhagavā bhikkhūnaṃ ajinakkhipaṃ anujānātū’’ti. Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, ajinakkhipaṃ titthiyadhajaṃ dhāressasi. Netaṃ, moghapurisa, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, ajinakkhipaṃ titthiyadhajaṃ dhāretabbaṃ. Yo dhāreyya, āpatti thullaccayassā’’ti.
д̇зна ко бана самаязна ан̃н̃ад̇аро бхигку агганаал̣ам̣ ниваасзд̇ваа…бз… бод̇т̇агам̣ ниваасзд̇ваа язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ зд̇ад̣̇авожа – ‘‘бхаг̇аваа, бханд̇з, анзгабарияааязна аббижчасса санд̇удтасса саллзкасса д̇худ̇асса баасаад̣̇игасса абажаяасса вийрияаарамбхасса, ван̣н̣аваад̣̇ий. аяам̣, бханд̇з, бод̇т̇аго анзгабарияааязна аббижчад̇ааяа санд̇удтид̇ааяа саллзкааяа д̇худ̇ад̇ааяа баасаад̣̇игад̇ааяа абажаяааяа вийрияаарамбхааяа сам̣вад̇д̇ад̇и. саад̇ху, бханд̇з, бхаг̇аваа бхигкуунам̣ бод̇т̇агам̣ ануж̇аанаад̇уу’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣, могхабуриса, анануломигам̣ аббад̇ируубам̣ ассааман̣агам̣ агаббияам̣ агаран̣ийяам̣. гат̇ан̃хи наама д̇вам̣, могхабуриса, бод̇т̇агам̣ ниваасзссаси. нзд̇ам̣, могхабуриса, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, бод̇т̇аго ниваасзд̇аб̣б̣о. яо ниваасзяяа, аабад̇д̇и д̣̇уггадассаа’’д̇и.
Tena kho pana samayena aññataro bhikkhu akkanāḷaṃ nivāsetvā…pe… potthakaṃ nivāsetvā yena bhagavā tenupasaṅkami, upasaṅkamitvā bhagavantaṃ etadavoca – ‘‘bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa, vaṇṇavādī. Ayaṃ, bhante, potthako anekapariyāyena appicchatāya santuṭṭhitāya sallekhāya dhutatāya pāsādikatāya apacayāya vīriyārambhāya saṃvattati. Sādhu, bhante, bhagavā bhikkhūnaṃ potthakaṃ anujānātū’’ti. Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, potthakaṃ nivāsessasi. Netaṃ, moghapurisa, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, potthako nivāsetabbo. Yo nivāseyya, āpatti dukkaṭassā’’ti.
гусажийраад̣̇ибадигкзбагат̇аа нидтид̇аа.
Kusacīrādipaṭikkhepakathā niṭṭhitā.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гусажийраад̣̇ибадигкзбагат̇аа • Kusacīrādipaṭikkhepakathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / мад̇асанд̇агагат̇аад̣̇иван̣н̣анаа • Matasantakakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 227. гусажийраад̣̇ибадигкзбагат̇аа • 227. Kusacīrādipaṭikkhepakathā
