| Library / Tipiṭaka / තිපිටක • Tipiṭaka / මහාවග්‌ග-අට්‌ඨකථා • Mahāvagga-aṭṭhakathā |
කුසචීරාදිපටික්‌ඛෙපකථා
Kusacīrādipaṭikkhepakathā
371. කුසචීරාදීසු අක්‌කනාළන්‌ති අක්‌කනාළමයං. පොත්‌ථකොති මකචිමයො වුච්‌චති. සෙසානි පඨමපාරාජිකවණ්‌ණනායං වුත්‌තානි. තෙසු පොත්‌ථකෙ එව දුක්‌කටං. සෙසෙසු ථුල්‌ලච්‌චයානීති. අක්‌කදුස්‌සකදලිදුස්‌සඑරකදුස්‌සානි පන පොත්‌ථකගතිකානෙව.
371. Kusacīrādīsu akkanāḷanti akkanāḷamayaṃ. Potthakoti makacimayo vuccati. Sesāni paṭhamapārājikavaṇṇanāyaṃ vuttāni. Tesu potthake eva dukkaṭaṃ. Sesesu thullaccayānīti. Akkadussakadalidussaerakadussāni pana potthakagatikāneva.
372. සබ්‌බනීලකාදීනි රජනං ධොවිත්‌වා පුන රජිත්‌වා ධාරෙතබ්‌බානි. න සක්‌කා චෙ හොන්‌ති ධොවිතුං, පච්‌චත්‌ථරණානි වා කාතබ්‌බානි. දුපට්‌ටචීවරස්‌ස වා මජ්‌ඣෙ දාතබ්‌බානි. තෙසං වණ්‌ණනානත්‌තං උපාහනාසු වුත්‌තනයමෙව. අච්‌ඡින්‌නදසදීඝදසානි දසා ඡින්‌දිත්‌වා ධාරෙතබ්‌බානි. කඤ්‌චුකං ලභිත්‌වා ඵාලෙත්‌වා රජිත්‌වා පරිභුඤ්‌ජිතුං වට්‌ටති. වෙඨනෙපි එසෙව නයො. තිරීටකං පන රුක්‌ඛඡල්‌ලිමයං; තං පාදපුඤ්‌ඡනං කාතුං වට්‌ටති.
372. Sabbanīlakādīni rajanaṃ dhovitvā puna rajitvā dhāretabbāni. Na sakkā ce honti dhovituṃ, paccattharaṇāni vā kātabbāni. Dupaṭṭacīvarassa vā majjhe dātabbāni. Tesaṃ vaṇṇanānattaṃ upāhanāsu vuttanayameva. Acchinnadasadīghadasāni dasā chinditvā dhāretabbāni. Kañcukaṃ labhitvā phāletvā rajitvā paribhuñjituṃ vaṭṭati. Veṭhanepi eseva nayo. Tirīṭakaṃ pana rukkhachallimayaṃ; taṃ pādapuñchanaṃ kātuṃ vaṭṭati.
374. පතිරූපෙ ගාහකෙති සචෙ කොචි භික්‌ඛු ‘‘අහං තස්‌ස ගණ්‌හාමී’’ති ගණ්‌හාති, දාතබ්‌බන්‌ති අත්‌ථො. එවමෙතෙසු තෙවීසතියා පුග්‌ගලෙසු සොළස ජනා න ලභන්‌ති, සත්‌ත ජනා ලභන්‌තීති.
374.Patirūpe gāhaketi sace koci bhikkhu ‘‘ahaṃ tassa gaṇhāmī’’ti gaṇhāti, dātabbanti attho. Evametesu tevīsatiyā puggalesu soḷasa janā na labhanti, satta janā labhantīti.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
227. කුසචීරාදිපටික්‌ඛෙපකථා • 227. Kusacīrādipaṭikkhepakathā
228. සබ්‌බනීලකාදිපටික්‌ඛෙපකථා • 228. Sabbanīlakādipaṭikkhepakathā
229. වස්‌සංවුට්‌ඨානං අනුප්‌පන්‌නචීවරකථා • 229. Vassaṃvuṭṭhānaṃ anuppannacīvarakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / මතසන්‌තකකථාදිවණ්‌ණනා • Matasantakakathādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 227. කුසචීරාදිපටික්‌ඛෙපකථා • 227. Kusacīrādipaṭikkhepakathā
