| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਕੁਸਚੀਰਾਦਿਪਟਿਕ੍ਖੇਪਕਥਾ
Kusacīrādipaṭikkhepakathā
੩੭੧. ਕੁਸਚੀਰਾਦੀਸੁ ਅਕ੍ਕਨਾਲ਼ਨ੍ਤਿ ਅਕ੍ਕਨਾਲ਼ਮਯਂ। ਪੋਤ੍ਥਕੋਤਿ ਮਕਚਿਮਯੋ વੁਚ੍ਚਤਿ। ਸੇਸਾਨਿ ਪਠਮਪਾਰਾਜਿਕવਣ੍ਣਨਾਯਂ વੁਤ੍ਤਾਨਿ। ਤੇਸੁ ਪੋਤ੍ਥਕੇ ਏવ ਦੁਕ੍ਕਟਂ। ਸੇਸੇਸੁ ਥੁਲ੍ਲਚ੍ਚਯਾਨੀਤਿ। ਅਕ੍ਕਦੁਸ੍ਸਕਦਲਿਦੁਸ੍ਸਏਰਕਦੁਸ੍ਸਾਨਿ ਪਨ ਪੋਤ੍ਥਕਗਤਿਕਾਨੇવ।
371. Kusacīrādīsu akkanāḷanti akkanāḷamayaṃ. Potthakoti makacimayo vuccati. Sesāni paṭhamapārājikavaṇṇanāyaṃ vuttāni. Tesu potthake eva dukkaṭaṃ. Sesesu thullaccayānīti. Akkadussakadalidussaerakadussāni pana potthakagatikāneva.
੩੭੨. ਸਬ੍ਬਨੀਲਕਾਦੀਨਿ ਰਜਨਂ ਧੋવਿਤ੍વਾ ਪੁਨ ਰਜਿਤ੍વਾ ਧਾਰੇਤਬ੍ਬਾਨਿ। ਨ ਸਕ੍ਕਾ ਚੇ ਹੋਨ੍ਤਿ ਧੋવਿਤੁਂ, ਪਚ੍ਚਤ੍ਥਰਣਾਨਿ વਾ ਕਾਤਬ੍ਬਾਨਿ। ਦੁਪਟ੍ਟਚੀવਰਸ੍ਸ વਾ ਮਜ੍ਝੇ ਦਾਤਬ੍ਬਾਨਿ। ਤੇਸਂ વਣ੍ਣਨਾਨਤ੍ਤਂ ਉਪਾਹਨਾਸੁ વੁਤ੍ਤਨਯਮੇવ। ਅਚ੍ਛਿਨ੍ਨਦਸਦੀਘਦਸਾਨਿ ਦਸਾ ਛਿਨ੍ਦਿਤ੍વਾ ਧਾਰੇਤਬ੍ਬਾਨਿ। ਕਞ੍ਚੁਕਂ ਲਭਿਤ੍વਾ ਫਾਲੇਤ੍વਾ ਰਜਿਤ੍વਾ ਪਰਿਭੁਞ੍ਜਿਤੁਂ વਟ੍ਟਤਿ। વੇਠਨੇਪਿ ਏਸੇવ ਨਯੋ। ਤਿਰੀਟਕਂ ਪਨ ਰੁਕ੍ਖਛਲ੍ਲਿਮਯਂ; ਤਂ ਪਾਦਪੁਞ੍ਛਨਂ ਕਾਤੁਂ વਟ੍ਟਤਿ।
372. Sabbanīlakādīni rajanaṃ dhovitvā puna rajitvā dhāretabbāni. Na sakkā ce honti dhovituṃ, paccattharaṇāni vā kātabbāni. Dupaṭṭacīvarassa vā majjhe dātabbāni. Tesaṃ vaṇṇanānattaṃ upāhanāsu vuttanayameva. Acchinnadasadīghadasāni dasā chinditvā dhāretabbāni. Kañcukaṃ labhitvā phāletvā rajitvā paribhuñjituṃ vaṭṭati. Veṭhanepi eseva nayo. Tirīṭakaṃ pana rukkhachallimayaṃ; taṃ pādapuñchanaṃ kātuṃ vaṭṭati.
੩੭੪. ਪਤਿਰੂਪੇ ਗਾਹਕੇਤਿ ਸਚੇ ਕੋਚਿ ਭਿਕ੍ਖੁ ‘‘ਅਹਂ ਤਸ੍ਸ ਗਣ੍ਹਾਮੀ’’ਤਿ ਗਣ੍ਹਾਤਿ, ਦਾਤਬ੍ਬਨ੍ਤਿ ਅਤ੍ਥੋ। ਏવਮੇਤੇਸੁ ਤੇવੀਸਤਿਯਾ ਪੁਗ੍ਗਲੇਸੁ ਸੋਲ਼ਸ ਜਨਾ ਨ ਲਭਨ੍ਤਿ, ਸਤ੍ਤ ਜਨਾ ਲਭਨ੍ਤੀਤਿ।
374.Patirūpe gāhaketi sace koci bhikkhu ‘‘ahaṃ tassa gaṇhāmī’’ti gaṇhāti, dātabbanti attho. Evametesu tevīsatiyā puggalesu soḷasa janā na labhanti, satta janā labhantīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੨੨੭. ਕੁਸਚੀਰਾਦਿਪਟਿਕ੍ਖੇਪਕਥਾ • 227. Kusacīrādipaṭikkhepakathā
੨੨੮. ਸਬ੍ਬਨੀਲਕਾਦਿਪਟਿਕ੍ਖੇਪਕਥਾ • 228. Sabbanīlakādipaṭikkhepakathā
੨੨੯. વਸ੍ਸਂવੁਟ੍ਠਾਨਂ ਅਨੁਪ੍ਪਨ੍ਨਚੀવਰਕਥਾ • 229. Vassaṃvuṭṭhānaṃ anuppannacīvarakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਮਤਸਨ੍ਤਕਕਥਾਦਿવਣ੍ਣਨਾ • Matasantakakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੨੭. ਕੁਸਚੀਰਾਦਿਪਟਿਕ੍ਖੇਪਕਥਾ • 227. Kusacīrādipaṭikkhepakathā
