| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨੨੭. ਕੁਸਚੀਰਾਦਿਪਟਿਕ੍ਖੇਪਕਥਾ
227. Kusacīrādipaṭikkhepakathā
੩੭੧. ‘‘ਅਕ੍ਕਨਾਲ਼ਮਯ’’ਨ੍ਤਿ ਇਮਿਨਾ ਅਕ੍ਕਨਾਲ਼ੇਨ ਨਿਬ੍ਬਤ੍ਤਂ ਅਕ੍ਕਨਾਲ਼ਨ੍ਤਿ વਚਨਤ੍ਥਂ ਦਸ੍ਸੇਤਿ। ਮਕਚਿਮਯੋਤਿ ਏਤ੍ਥ ਮਕਚਿਸਦ੍ਦੇਨ ਪੋਤ੍ਥਕਸਦ੍ਦਸ੍ਸ ਗਨ੍ਥਾਦਯੋ ਅਤ੍ਥੇ ਨਿવਤ੍ਤੇਤਿ। ਮਯਸਦ੍ਦੇਨ ਪੁਰਿਮਨਯੇਨੇવ ਨਿਬ੍ਬਤ੍ਤਤਦ੍ਧਿਤਂ ਦਸ੍ਸੇਤਿ। ਸੇਸਾਨੀਤਿ ਅਕ੍ਕਨਾਲ਼ਪੋਤ੍ਥਕੇਹਿ ਸੇਸਾਨਿ ਕੁਸਚੀਰਾਦੀਨਿ। ਤੇਸੂਤਿ ਕੁਸਚੀਰਾਦੀਸੁ।
371. ‘‘Akkanāḷamaya’’nti iminā akkanāḷena nibbattaṃ akkanāḷanti vacanatthaṃ dasseti. Makacimayoti ettha makacisaddena potthakasaddassa ganthādayo atthe nivatteti. Mayasaddena purimanayeneva nibbattataddhitaṃ dasseti. Sesānīti akkanāḷapotthakehi sesāni kusacīrādīni. Tesūti kusacīrādīsu.
੩੭੨. ਤਿਪਟ੍ਟਚੀવਰਸ੍ਸ વਾਤਿ ਇਦਂ ਦ੍વਿਪਟ੍ਟਚੀવਰਸ੍ਸ ਮਜ੍ਝੇ ਦਾਨਂ ਸਨ੍ਧਾਯ વੁਤ੍ਤਂ। ਤੇਸਨ੍ਤਿ ਸਬ੍ਬਨੀਲਕਾਦੀਨਂ। ਕਞ੍ਚੁਕਨ੍ਤਿ વਾਰਣਂ। ਤਞ੍ਹਿ ਕਚਿਯਤਿ ਕਾਯੇ ਬਨ੍ਧਿਯਤੀਤਿ ਕਞ੍ਚੁਕੋਤਿ વੁਚ੍ਚਤਿ। વੇਠਨੇਪੀਤਿ ਉਣ੍ਹੀਸੇਪਿ। ਤਞ੍ਹਿ ਯਸ੍ਮਾ ਯੇਨ ਸੀਸੇ વੇਠਿਯਤਿ, ਤਸ੍ਮਾ વੇਠਨਨ੍ਤਿ વੁਚ੍ਚਤਿ। ਰੁਕ੍ਖਛਲ੍ਲਿਮਯਨ੍ਤਿ ਏਤ੍ਥ ਰੁਕ੍ਖਛਲ੍ਲਿਸਦ੍ਦੇਨ ਤਿਰੀਟਸਦ੍ਦਸ੍ਸ વਕ੍ਕਲਤ੍ਥਂ ਦਸ੍ਸੇਤਿ। વਕ੍ਕਲਞ੍ਹਿ ਨਿવਸਨਾਨਂ ਅਙ੍ਗਪਚ੍ਚਙ੍ਗਂ ਤਿਰੋਭਾવਂ ਪਟਿਚ੍ਛਨ੍ਨਭਾવਂ ਏਤਿ ਗਚ੍ਛਤਿ ਅਨੇਨਾਤਿ વਾ ਰੁਕ੍ਖਂ ਤਿਰੋਪਟਿਚ੍ਛਨ੍ਨਂ ਹੁਤ੍વਾ ਏਤਿ ਪવਤ੍ਤਤੀਤਿ વਾ ਤਿਰੀਟਨ੍ਤਿ વੁਚ੍ਚਤਿ। ਅਭਿਧਾਨੇ (ਅਭਿਧਾਨਪ੍ਪਦੀਪਿਕਾਯਂ ੪੪੨ ਗਾਥਾਯਂ) ਪਨ ਤਰੀਟਨ੍ਤਿ ਤਕਾਰੇ ਇਕਾਰવਿਰਹਿਤੋ ਪਾਠੋ ਅਤ੍ਥਿ। ਪਾਦਪੁਞ੍ਜਨਨ੍ਤਿ ਪਾਦੋ ਪੁਜਿਯਤਿ ਸੋਧਿਯਤਿ ਅਨੇਨਾਤਿ ਪਾਦਪੁਞ੍ਜਨਂ, ਤਾਲੁਜੋ ਤਤਿਯਕ੍ਖਰੋ।
372.Tipaṭṭacīvarassa vāti idaṃ dvipaṭṭacīvarassa majjhe dānaṃ sandhāya vuttaṃ. Tesanti sabbanīlakādīnaṃ. Kañcukanti vāraṇaṃ. Tañhi kaciyati kāye bandhiyatīti kañcukoti vuccati. Veṭhanepīti uṇhīsepi. Tañhi yasmā yena sīse veṭhiyati, tasmā veṭhananti vuccati. Rukkhachallimayanti ettha rukkhachallisaddena tirīṭasaddassa vakkalatthaṃ dasseti. Vakkalañhi nivasanānaṃ aṅgapaccaṅgaṃ tirobhāvaṃ paṭicchannabhāvaṃ eti gacchati anenāti vā rukkhaṃ tiropaṭicchannaṃ hutvā eti pavattatīti vā tirīṭanti vuccati. Abhidhāne (abhidhānappadīpikāyaṃ 442 gāthāyaṃ) pana tarīṭanti takāre ikāravirahito pāṭho atthi. Pādapuñjananti pādo pujiyati sodhiyati anenāti pādapuñjanaṃ, tālujo tatiyakkharo.
੩੭੪. ਸਨ੍ਤੇ ਪਤਿਰੂਪਕੇ ਗਾਹਕੇਤਿ ਏਤ੍ਥ ਪਤਿਰੂਪਕੋ ਨਾਮ ਪਕ੍ਕਮਨ੍ਤਸ੍ਸ ਭਿਕ੍ਖੁਨੋ ਸਨ੍ਦਿਟ੍ਠਸਮ੍ਭਤ੍ਤੋ। ਇਮਿਨਾ ਪਤਿਰੂਪਕੇ ਗਾਹਕੇ ਅਸਤਿ ਅਦਤ੍વਾ ਸਙ੍ਘੇਨ ਭਾਜਿਤੇ ਸੁਭਾਜਿਤਮੇવਾਤਿ ਦਸ੍ਸੇਤਿ। ਸਤ੍ਤ ਜਨਾਤਿ ਪਕ੍ਕਮਨ੍ਤਉਮ੍ਮਤ੍ਤਕਖਿਤ੍ਤਚਿਤ੍ਤવੇਦਨਟ੍ਟਾ ਚਤ੍ਤਾਰੋ, ਉਕ੍ਖਿਤ੍ਤਕਾ ਤਯੋਤਿ ਸਤ੍ਤ ਜਨਾ।
374.Sante patirūpake gāhaketi ettha patirūpako nāma pakkamantassa bhikkhuno sandiṭṭhasambhatto. Iminā patirūpake gāhake asati adatvā saṅghena bhājite subhājitamevāti dasseti. Satta janāti pakkamantaummattakakhittacittavedanaṭṭā cattāro, ukkhittakā tayoti satta janā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੨੨੭. ਕੁਸਚੀਰਾਦਿਪਟਿਕ੍ਖੇਪਕਥਾ • 227. Kusacīrādipaṭikkhepakathā
੨੨੮. ਸਬ੍ਬਨੀਲਕਾਦਿਪਟਿਕ੍ਖੇਪਕਥਾ • 228. Sabbanīlakādipaṭikkhepakathā
੨੨੯. વਸ੍ਸਂવੁਟ੍ਠਾਨਂ ਅਨੁਪ੍ਪਨ੍ਨਚੀવਰਕਥਾ • 229. Vassaṃvuṭṭhānaṃ anuppannacīvarakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਕੁਸਚੀਰਾਦਿਪਟਿਕ੍ਖੇਪਕਥਾ • Kusacīrādipaṭikkhepakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਮਤਸਨ੍ਤਕਕਥਾਦਿવਣ੍ਣਨਾ • Matasantakakathādivaṇṇanā
