| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
২২. বাৰীসতিমৰগ্গো
22. Bāvīsatimavaggo
(২০৯) ২. কুসলচিত্তকথা
(209) 2. Kusalacittakathā
৮৯৪. অরহা কুসলচিত্তো পরিনিব্বাযতীতি? আমন্তা। অরহা পুঞ্ঞাভিসঙ্খারং অভিসঙ্খরোন্তো… আনেঞ্জাভিসঙ্খারং অভিসঙ্খরোন্তো… গতিসংৰত্তনিযং কম্মং করোন্তো… ভৰসংৰত্তনিযং কম্মং করোন্তো… ইস্সরিযসংৰত্তনিযং কম্মং করোন্তো… অধিপচ্চসংৰত্তনিযং কম্মং করোন্তো… মহাভোগসংৰত্তনিযং কম্মং করোন্তো… মহাপরিৰারসংৰত্তনিযং কম্মং করোন্তো… দেৰসোভগ্যসংৰত্তনিযং কম্মং করোন্তো… মনুস্সসোভগ্যসংৰত্তনিযং কম্মং করোন্তো পরিনিব্বাযতীতি? ন হেৰং ৰত্তব্বে…পে॰…।
894. Arahā kusalacitto parinibbāyatīti? Āmantā. Arahā puññābhisaṅkhāraṃ abhisaṅkharonto… āneñjābhisaṅkhāraṃ abhisaṅkharonto… gatisaṃvattaniyaṃ kammaṃ karonto… bhavasaṃvattaniyaṃ kammaṃ karonto… issariyasaṃvattaniyaṃ kammaṃ karonto… adhipaccasaṃvattaniyaṃ kammaṃ karonto… mahābhogasaṃvattaniyaṃ kammaṃ karonto… mahāparivārasaṃvattaniyaṃ kammaṃ karonto… devasobhagyasaṃvattaniyaṃ kammaṃ karonto… manussasobhagyasaṃvattaniyaṃ kammaṃ karonto parinibbāyatīti? Na hevaṃ vattabbe…pe….
অরহা কুসলচিত্তো পরিনিব্বাযতীতি? আমন্তা। অরহা আচিনন্তো অপচিনন্তো পজহন্তো উপাদিযন্তো ৰিসিনেন্তো উস্সিনেন্তো ৰিধূপেন্তো সন্ধূপেন্তো পরিনিব্বাযতীতি? ন হেৰং ৰত্তব্বে …পে॰… ননু অরহা নেৰাচিনাতি ন অপচিনাতি অপচিনিত্ৰা ঠিতোতি? আমন্তা। হঞ্চি অরহা নেৰাচিনাতি ন অপচিনাতি অপচিনিত্ৰা ঠিতো, নো চ ৰত রে ৰত্তব্বে – ‘‘অরহা কুসলচিত্তো পরিনিব্বাযতী’’তি। ননু অরহা নেৰ পজহতি ন উপাদিযতি পজহিত্ৰা ঠিতো, নেৰ ৰিসিনেতি ন উস্সিনেতি ৰিসিনেত্ৰা ঠিতো; ননু অরহা নেৰ ৰিধূপেতি ন সন্ধূপেতি ৰিধূপেত্ৰা ঠিতোতি? আমন্তা। হঞ্চি অরহা নেৰ ৰিধূপেতি ন সন্ধূপেতি ৰিধূপেত্ৰা ঠিতো, নো চ ৰত রে ৰত্তব্বে – ‘‘অরহা কুসলচিত্তো পরিনিব্বাযতী’’তি।
Arahā kusalacitto parinibbāyatīti? Āmantā. Arahā ācinanto apacinanto pajahanto upādiyanto visinento ussinento vidhūpento sandhūpento parinibbāyatīti? Na hevaṃ vattabbe …pe… nanu arahā nevācināti na apacināti apacinitvā ṭhitoti? Āmantā. Hañci arahā nevācināti na apacināti apacinitvā ṭhito, no ca vata re vattabbe – ‘‘arahā kusalacitto parinibbāyatī’’ti. Nanu arahā neva pajahati na upādiyati pajahitvā ṭhito, neva visineti na ussineti visinetvā ṭhito; nanu arahā neva vidhūpeti na sandhūpeti vidhūpetvā ṭhitoti? Āmantā. Hañci arahā neva vidhūpeti na sandhūpeti vidhūpetvā ṭhito, no ca vata re vattabbe – ‘‘arahā kusalacitto parinibbāyatī’’ti.
৮৯৫. ন ৰত্তব্বং – ‘‘অরহা কুসলচিত্তো পরিনিব্বাযতী’’তি? আমন্তা। ননু অরহা উপট্ঠিতস্সতি সতো সম্পজানো পরিনিব্বাযতীতি? আমন্তা। হঞ্চি অরহা উপট্ঠিতস্সতি সতো সম্পজানো পরিনিব্বাযতি, তেন ৰত রে ৰত্তব্বে – ‘‘অরহা কুসলচিত্তো পরিনিব্বাযতী’’তি।
895. Na vattabbaṃ – ‘‘arahā kusalacitto parinibbāyatī’’ti? Āmantā. Nanu arahā upaṭṭhitassati sato sampajāno parinibbāyatīti? Āmantā. Hañci arahā upaṭṭhitassati sato sampajāno parinibbāyati, tena vata re vattabbe – ‘‘arahā kusalacitto parinibbāyatī’’ti.
কুসলচিত্তকথা নিট্ঠিতা।
Kusalacittakathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ২. কুসলচিত্তকথাৰণ্ণনা • 2. Kusalacittakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ২. কুসলচিত্তকথাৰণ্ণনা • 2. Kusalacittakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ২. কুসলচিত্তকথাৰণ্ণনা • 2. Kusalacittakathāvaṇṇanā
