| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
22. б̣аавийсад̇имаваг̇г̇о
22. Bāvīsatimavaggo
(209) 2. гусалажид̇д̇агат̇аа
(209) 2. Kusalacittakathā
894. арахаа гусалажид̇д̇о бариниб̣б̣ааяад̇ийд̇и? ааманд̇аа. арахаа бун̃н̃аабхисан̇каарам̣ абхисан̇каронд̇о… аанзн̃ж̇аабхисан̇каарам̣ абхисан̇каронд̇о… г̇ад̇исам̣вад̇д̇анияам̣ гаммам̣ гаронд̇о… бхавасам̣вад̇д̇анияам̣ гаммам̣ гаронд̇о… иссарияасам̣вад̇д̇анияам̣ гаммам̣ гаронд̇о… ад̇хибажжасам̣вад̇д̇анияам̣ гаммам̣ гаронд̇о… махаабхог̇асам̣вад̇д̇анияам̣ гаммам̣ гаронд̇о… махаабариваарасам̣вад̇д̇анияам̣ гаммам̣ гаронд̇о… д̣̇звасобхаг̇яасам̣вад̇д̇анияам̣ гаммам̣ гаронд̇о… мануссасобхаг̇яасам̣вад̇д̇анияам̣ гаммам̣ гаронд̇о бариниб̣б̣ааяад̇ийд̇и? на хзвам̣ вад̇д̇аб̣б̣з…бз….
894. Arahā kusalacitto parinibbāyatīti? Āmantā. Arahā puññābhisaṅkhāraṃ abhisaṅkharonto… āneñjābhisaṅkhāraṃ abhisaṅkharonto… gatisaṃvattaniyaṃ kammaṃ karonto… bhavasaṃvattaniyaṃ kammaṃ karonto… issariyasaṃvattaniyaṃ kammaṃ karonto… adhipaccasaṃvattaniyaṃ kammaṃ karonto… mahābhogasaṃvattaniyaṃ kammaṃ karonto… mahāparivārasaṃvattaniyaṃ kammaṃ karonto… devasobhagyasaṃvattaniyaṃ kammaṃ karonto… manussasobhagyasaṃvattaniyaṃ kammaṃ karonto parinibbāyatīti? Na hevaṃ vattabbe…pe….
арахаа гусалажид̇д̇о бариниб̣б̣ааяад̇ийд̇и? ааманд̇аа. арахаа аажинанд̇о абажинанд̇о баж̇аханд̇о убаад̣̇ияанд̇о висинзнд̇о уссинзнд̇о вид̇хуубзнд̇о санд̇хуубзнд̇о бариниб̣б̣ааяад̇ийд̇и? на хзвам̣ вад̇д̇аб̣б̣з …бз… нану арахаа нзваажинаад̇и на абажинаад̇и абажинид̇ваа тид̇од̇и? ааманд̇аа. хан̃жи арахаа нзваажинаад̇и на абажинаад̇и абажинид̇ваа тид̇о, но жа вад̇а рз вад̇д̇аб̣б̣з – ‘‘арахаа гусалажид̇д̇о бариниб̣б̣ааяад̇ий’’д̇и. нану арахаа нзва баж̇ахад̇и на убаад̣̇ияад̇и баж̇ахид̇ваа тид̇о, нзва висинзд̇и на уссинзд̇и висинзд̇ваа тид̇о; нану арахаа нзва вид̇хуубзд̇и на санд̇хуубзд̇и вид̇хуубзд̇ваа тид̇од̇и? ааманд̇аа. хан̃жи арахаа нзва вид̇хуубзд̇и на санд̇хуубзд̇и вид̇хуубзд̇ваа тид̇о, но жа вад̇а рз вад̇д̇аб̣б̣з – ‘‘арахаа гусалажид̇д̇о бариниб̣б̣ааяад̇ий’’д̇и.
Arahā kusalacitto parinibbāyatīti? Āmantā. Arahā ācinanto apacinanto pajahanto upādiyanto visinento ussinento vidhūpento sandhūpento parinibbāyatīti? Na hevaṃ vattabbe …pe… nanu arahā nevācināti na apacināti apacinitvā ṭhitoti? Āmantā. Hañci arahā nevācināti na apacināti apacinitvā ṭhito, no ca vata re vattabbe – ‘‘arahā kusalacitto parinibbāyatī’’ti. Nanu arahā neva pajahati na upādiyati pajahitvā ṭhito, neva visineti na ussineti visinetvā ṭhito; nanu arahā neva vidhūpeti na sandhūpeti vidhūpetvā ṭhitoti? Āmantā. Hañci arahā neva vidhūpeti na sandhūpeti vidhūpetvā ṭhito, no ca vata re vattabbe – ‘‘arahā kusalacitto parinibbāyatī’’ti.
895. на вад̇д̇аб̣б̣ам̣ – ‘‘арахаа гусалажид̇д̇о бариниб̣б̣ааяад̇ий’’д̇и? ааманд̇аа. нану арахаа убадтид̇ассад̇и сад̇о самбаж̇аано бариниб̣б̣ааяад̇ийд̇и? ааманд̇аа. хан̃жи арахаа убадтид̇ассад̇и сад̇о самбаж̇аано бариниб̣б̣ааяад̇и, д̇зна вад̇а рз вад̇д̇аб̣б̣з – ‘‘арахаа гусалажид̇д̇о бариниб̣б̣ааяад̇ий’’д̇и.
895. Na vattabbaṃ – ‘‘arahā kusalacitto parinibbāyatī’’ti? Āmantā. Nanu arahā upaṭṭhitassati sato sampajāno parinibbāyatīti? Āmantā. Hañci arahā upaṭṭhitassati sato sampajāno parinibbāyati, tena vata re vattabbe – ‘‘arahā kusalacitto parinibbāyatī’’ti.
гусалажид̇д̇агат̇аа нидтид̇аа.
Kusalacittakathā niṭṭhitā.
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 2. гусалажид̇д̇агат̇ааван̣н̣анаа • 2. Kusalacittakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. гусалажид̇д̇агат̇ааван̣н̣анаа • 2. Kusalacittakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. гусалажид̇д̇агат̇ааван̣н̣анаа • 2. Kusalacittakathāvaṇṇanā
