| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
২. কুসলচিত্তকথাৰণ্ণনা
2. Kusalacittakathāvaṇṇanā
৮৯৪-৮৯৫. ইদানি কুসলচিত্তকথা নাম হোতি। তত্থ যস্মা অরহা সতিৰেপুল্লপ্পত্তো পরিনিব্বাযন্তোপি সতো সম্পজানোৰ পরিনিব্বাতি, তস্মা কুসলচিত্তো পরিনিব্বাযতীতি যেসং লদ্ধি, সেয্যথাপি অন্ধকানং; তে সন্ধায পুচ্ছা সকৰাদিস্স, পটিঞ্ঞা ইতরস্স। অথ নং যস্মা কুসলচিত্তো নাম পুঞ্ঞাভিসঙ্খারাভিসঙ্খরণাদিৰসেন হোতি, তস্মা তেনত্থেন চোদেতুং অরহা পুঞ্ঞাভিসঙ্খারন্তিআদিমাহ। সেসমেত্থ যথাপাল়িমেৰ নিয্যাতি। সতো সম্পজানোতি ইদং জৰনক্খণে কিরিযসতিসম্পজঞ্ঞানং ৰসেন অসম্মোহমরণদীপনত্থং ৰুত্তং, ন কুসলচিত্তদীপনত্থং। তস্মা অসাধকন্তি।
894-895. Idāni kusalacittakathā nāma hoti. Tattha yasmā arahā sativepullappatto parinibbāyantopi sato sampajānova parinibbāti, tasmā kusalacitto parinibbāyatīti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ yasmā kusalacitto nāma puññābhisaṅkhārābhisaṅkharaṇādivasena hoti, tasmā tenatthena codetuṃ arahā puññābhisaṅkhārantiādimāha. Sesamettha yathāpāḷimeva niyyāti. Sato sampajānoti idaṃ javanakkhaṇe kiriyasatisampajaññānaṃ vasena asammohamaraṇadīpanatthaṃ vuttaṃ, na kusalacittadīpanatthaṃ. Tasmā asādhakanti.
কুসলচিত্তকথাৰণ্ণনা।
Kusalacittakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (২০৯) ২. কুসলচিত্তকথা • (209) 2. Kusalacittakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ২. কুসলচিত্তকথাৰণ্ণনা • 2. Kusalacittakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ২. কুসলচিত্তকথাৰণ্ণনা • 2. Kusalacittakathāvaṇṇanā
