| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
२. कुसलचित्तकथावण्णना
2. Kusalacittakathāvaṇṇanā
८९४-८९५. इदानि कुसलचित्तकथा नाम होति। तत्थ यस्मा अरहा सतिवेपुल्लप्पत्तो परिनिब्बायन्तोपि सतो सम्पजानोव परिनिब्बाति, तस्मा कुसलचित्तो परिनिब्बायतीति येसं लद्धि, सेय्यथापि अन्धकानं; ते सन्धाय पुच्छा सकवादिस्स, पटिञ्ञा इतरस्स। अथ नं यस्मा कुसलचित्तो नाम पुञ्ञाभिसङ्खाराभिसङ्खरणादिवसेन होति, तस्मा तेनत्थेन चोदेतुं अरहा पुञ्ञाभिसङ्खारन्तिआदिमाह। सेसमेत्थ यथापाळिमेव निय्याति। सतो सम्पजानोति इदं जवनक्खणे किरियसतिसम्पजञ्ञानं वसेन असम्मोहमरणदीपनत्थं वुत्तं, न कुसलचित्तदीपनत्थं। तस्मा असाधकन्ति।
894-895. Idāni kusalacittakathā nāma hoti. Tattha yasmā arahā sativepullappatto parinibbāyantopi sato sampajānova parinibbāti, tasmā kusalacitto parinibbāyatīti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ yasmā kusalacitto nāma puññābhisaṅkhārābhisaṅkharaṇādivasena hoti, tasmā tenatthena codetuṃ arahā puññābhisaṅkhārantiādimāha. Sesamettha yathāpāḷimeva niyyāti. Sato sampajānoti idaṃ javanakkhaṇe kiriyasatisampajaññānaṃ vasena asammohamaraṇadīpanatthaṃ vuttaṃ, na kusalacittadīpanatthaṃ. Tasmā asādhakanti.
कुसलचित्तकथावण्णना।
Kusalacittakathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (२०९) २. कुसलचित्तकथा • (209) 2. Kusalacittakathā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / २. कुसलचित्तकथावण्णना • 2. Kusalacittakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / २. कुसलचित्तकथावण्णना • 2. Kusalacittakathāvaṇṇanā
