| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൨. കുസലചിത്തകഥാവണ്ണനാ
2. Kusalacittakathāvaṇṇanā
൮൯൪-൮൯൫. ഇദാനി കുസലചിത്തകഥാ നാമ ഹോതി. തത്ഥ യസ്മാ അരഹാ സതിവേപുല്ലപ്പത്തോ പരിനിബ്ബായന്തോപി സതോ സമ്പജാനോവ പരിനിബ്ബാതി, തസ്മാ കുസലചിത്തോ പരിനിബ്ബായതീതി യേസം ലദ്ധി, സേയ്യഥാപി അന്ധകാനം; തേ സന്ധായ പുച്ഛാ സകവാദിസ്സ, പടിഞ്ഞാ ഇതരസ്സ. അഥ നം യസ്മാ കുസലചിത്തോ നാമ പുഞ്ഞാഭിസങ്ഖാരാഭിസങ്ഖരണാദിവസേന ഹോതി, തസ്മാ തേനത്ഥേന ചോദേതും അരഹാ പുഞ്ഞാഭിസങ്ഖാരന്തിആദിമാഹ. സേസമേത്ഥ യഥാപാളിമേവ നിയ്യാതി. സതോ സമ്പജാനോതി ഇദം ജവനക്ഖണേ കിരിയസതിസമ്പജഞ്ഞാനം വസേന അസമ്മോഹമരണദീപനത്ഥം വുത്തം, ന കുസലചിത്തദീപനത്ഥം. തസ്മാ അസാധകന്തി.
894-895. Idāni kusalacittakathā nāma hoti. Tattha yasmā arahā sativepullappatto parinibbāyantopi sato sampajānova parinibbāti, tasmā kusalacitto parinibbāyatīti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ yasmā kusalacitto nāma puññābhisaṅkhārābhisaṅkharaṇādivasena hoti, tasmā tenatthena codetuṃ arahā puññābhisaṅkhārantiādimāha. Sesamettha yathāpāḷimeva niyyāti. Sato sampajānoti idaṃ javanakkhaṇe kiriyasatisampajaññānaṃ vasena asammohamaraṇadīpanatthaṃ vuttaṃ, na kusalacittadīpanatthaṃ. Tasmā asādhakanti.
കുസലചിത്തകഥാവണ്ണനാ.
Kusalacittakathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൨൦൯) ൨. കുസലചിത്തകഥാ • (209) 2. Kusalacittakathā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൨. കുസലചിത്തകഥാവണ്ണനാ • 2. Kusalacittakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൨. കുസലചിത്തകഥാവണ്ണനാ • 2. Kusalacittakathāvaṇṇanā
