| Library / Tipiṭaka / တိပိဋက • Tipiṭaka / ဓမ္မသင္ဂဏီ-မူလဋီကာ • Dhammasaṅgaṇī-mūlaṭīkā |
ကုသလကမ္မပထကထာဝဏ္ဏနာ
Kusalakammapathakathāvaṇṇanā
ပာဏာတိပာတာဒီဟိ ပန ဝိရတိယောတိ ဧတံ ယာဟိ ဝိရတီဟိ သမ္ပယုတ္တာ စေတနာ ‘‘ကာယဝစီကမ္မာနီ’’တိ ဝုစ္စန္တိ, တာသဉ္စ ကမ္မပထဘာဝော ယုတ္တောတိ ကတ္ဝာ ဝုတ္တံ။ တထာ ဟိ ဝက္ခတိ ‘‘ပဋိပာဋိယာ သတ္တ စေတနာပိ ဝဋ္ဋန္တိ ဝိရတိယောပီ’’တိ။ အလ္လသသမံသန္တိ ဇီဝမာနကသသမံသံ။ ဝောရောပေတာ ဟုတ္ဝာ နာဘိဇာနာမိ။ ဒုသ္သီလ္ယာဒာရမ္မဏာ တဒာရမ္မဏာ။ ဇီဝိတိန္ဒ္ရိယာဒိအာရမ္မဏာ ကထံ ဒုသ္သီလ္ယာဒီနိ ပဇဟန္တီတိ တံ ဒသ္သေတုံ ‘‘ယထာ ပနာ’’တိအာဒိ ဝုတ္တံ။ အနဘိဇ္ဈာ။ပေ.။ ဝိရမန္တသ္သာတိ အဘိဇ္ဈံ ပဇဟန္တသ္သာတိ အတ္ထော။ န ဟိ မနောဒုစ္စရိတာ ဝိရတိ အတ္ထိ အနဘိဇ္ဈာဒီဟေဝ တပ္ပဟာနတော။
Pāṇātipātādīhi pana viratiyoti etaṃ yāhi viratīhi sampayuttā cetanā ‘‘kāyavacīkammānī’’ti vuccanti, tāsañca kammapathabhāvo yuttoti katvā vuttaṃ. Tathā hi vakkhati ‘‘paṭipāṭiyā satta cetanāpi vaṭṭanti viratiyopī’’ti. Allasasamaṃsanti jīvamānakasasamaṃsaṃ. Voropetā hutvā nābhijānāmi. Dussīlyādārammaṇā tadārammaṇā. Jīvitindriyādiārammaṇā kathaṃ dussīlyādīni pajahantīti taṃ dassetuṃ ‘‘yathā panā’’tiādi vuttaṃ. Anabhijjhā…pe… viramantassāti abhijjhaṃ pajahantassāti attho. Na hi manoduccaritā virati atthi anabhijjhādīheva tappahānato.
Related texts:
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ဓမ္မသင္ဂဏီ-အနုဋီကာ • Dhammasaṅgaṇī-anuṭīkā / ကုသလကမ္မပထကထာဝဏ္ဏနာ • Kusalakammapathakathāvaṇṇanā
