| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৬. কুসলকথাৰণ্ণনা
6. Kusalakathāvaṇṇanā
৮৪৪-৮৪৬. ইদানি কুসলকথা নাম হোতি। তত্থ অনৰজ্জম্পি কুসলং ইট্ঠপাকম্পি। অনৰজ্জং নাম কিলেসৰিপ্পযুত্তং। অযং নযো ঠপেত্ৰা অকুসলং সব্বধম্মে ভজতি। ইট্ঠৰিপাকং নাম আযতিং উপপত্তিপৰত্তেসু ইট্ঠফলনিপ্ফাদকং পুঞ্ঞং। অযং নযো কুসলত্তিকে আদিপদমেৰ ভজতি। যেসং পন ইমং ৰিভাগং অগ্গহেত্ৰা অনৰজ্জভাৰমত্তেনেৰ নিব্বানং কুসলন্তি লদ্ধি, সেয্যথাপি অন্ধকানং, তেসং ইট্ঠৰিপাকট্ঠেন নিব্বানস্স কুসলতাভাৰং দীপেতুং পুচ্ছা সকৰাদিস্স, অত্তনো লদ্ধিৰসেন পটিঞ্ঞা ইতরস্স। সেসমিধাপি হেট্ঠা ৰুত্তনযত্তা উত্তানত্থমেৰাতি।
844-846. Idāni kusalakathā nāma hoti. Tattha anavajjampi kusalaṃ iṭṭhapākampi. Anavajjaṃ nāma kilesavippayuttaṃ. Ayaṃ nayo ṭhapetvā akusalaṃ sabbadhamme bhajati. Iṭṭhavipākaṃ nāma āyatiṃ upapattipavattesu iṭṭhaphalanipphādakaṃ puññaṃ. Ayaṃ nayo kusalattike ādipadameva bhajati. Yesaṃ pana imaṃ vibhāgaṃ aggahetvā anavajjabhāvamatteneva nibbānaṃ kusalanti laddhi, seyyathāpi andhakānaṃ, tesaṃ iṭṭhavipākaṭṭhena nibbānassa kusalatābhāvaṃ dīpetuṃ pucchā sakavādissa, attano laddhivasena paṭiññā itarassa. Sesamidhāpi heṭṭhā vuttanayattā uttānatthamevāti.
কুসলকথাৰণ্ণনা।
Kusalakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৯১) ৬. কুসলকথা • (191) 6. Kusalakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৬. কুসলকথাৰণ্ণনা • 6. Kusalakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৬. কুসলকথাৰণ্ণনা • 6. Kusalakathāvaṇṇanā
